II Kor 4:4 - Testamente Ledrimpswha ni Mapsalma

⁴ Vone lava a swikwembu swa nkama lowu swidlayiki miyanakanyu yava kuka kupfumela, akuva vangati vaningeliwa hi Ivangeli ya kutwala ka Kriste, lweyi angaxifaniso xa Xikwembu Nkulukumba.

II Kor 4:4 ပူးပေါင်းရင်းမြစ်များ

Mt 13:22

Kambe lweyi abyaliwki amitweni hi lweyi ayingelaka a ritu, kutani a kuhlatiyela ka nkama lowu ni kukanganyisa ka vukosi swikamalata a ritu, drindruluka dringabeki mihandru.

Yohana 1:14

A Ritu drandruluki nyama, driva driyaka makari kweru, kutani hihlaleli kuphatima ka drone kunga kuphatima ka n'wana lweyi wa mun'we wa Tatana; afa atali hi timpswalu ni xihlayelamfuri.

Yohana 1:18

Akuna mhunu lweyi asamaka avona Xikwembu Nkulukumba ni kun'we. A N'wana lweyi anga mun'we, lweyi anga xifuveni xa Tatana, hi yene lweyi ahitlhamuxeliki leswi Tatana angaxiswone.

Yohana 12:31

Swoswi a misava leyi mikari mayavanyisiwa, kutani mufumi wa misava leyi swoswi atahlongoliwa.

Yohana 12:35

Yesu aku ku vone: A kuvaninga kahatava kone nkamanyana amakari kwenu. Fambani loko meheni kuvaninga, leswaku munyama wungatitxhuka wu n'wikuma; kasi lweyi afambaka munyameni angativi lomu ayaka kone.

Yohana 12:40

Adlayi mahlu yavu, anonohisi timbilu tavu, leswaku vangatitxhuka vavona hi mahlu, vayingelisisa hi timbilu, vandruluka, mine nivadaha.

Yohana 12:45

Ni lweyi anivonaka, avona lweyi anirumiki.

Yohana 14:30

Ni ngaha khaneli swakutala na n'wine, hikusa mufumi wa misava leyi awata. Kambe angana ntamu ahenhla kwanga.

Yohana 15:24

Loko afa ningatiranga amahlweni kwavu, a mintiro leyi mun'wana mhunu angamitirikiki, afa vangativana xihono. Kambe vamivonile mintiro, vatlhela vavenga mine na Tatana.

Yohana 16:11

a kuyavanyisa, hikuva a mufumi wa misava leyi ayavanyisiwile.

Yohana 8:12

Kutani Yesu atlhela avulavula navu, aku: Hi mine livaningo dra misava. Lweyi anilandraka angaka angafambi munyameni, kambe atava ni livaningo dra vutomi!

Mintiro Ya Vapostola 26:18

akuva uyapfula mahlu yavu, vatasuka amunyameni vata alivaningweni, vatasuka antan'wini wa Sathana, vata ku Xikwembu Nkulukumba. Kolahu, ntrhaku ka kuvani kupfumela ku mine, vatayamukela a kudrivaleliwa ka swidoho swavu, ni kuda pfindla kun'we ni lava vaxwengisiwiki hi kupfumela ku mine.

Mintiro Ya Vapostola 26:23

Leswaku Kriste afa afanekeli kuxaniseka, ava lweyi wa kuranga a kupfuka kufeni, atadrungulela a livaningo ku va tiko ledri ni ku va-Matiko.

I Kor 10:20

Im'hi. Kambe leswi a va-Matiko vaswitlhavelaka axiluvelweni, vaswitlhavela a mademoni, kungali ku Xikwembu Nkulukumba; kutani aniswirandri leswaku n'wiva lava vatlhanganaka ni mademoni.

II Kor 2:11

Akuva Sathana anga ti londrovota ha hine, hikusa ha mativa swinene a makungu yake.

II Kor 2:12

Loko ni tlhasi Trowasi, a kutivisa Ivangeli ya Kriste, ni pfuleliwa nyangwa hi Hosi.

II Kor 3:11

Hikuva loko leswi swihelaka swilini kuphatima, ngopfu-ngopfu kuphatima leswi switrhamaka!

II Kor 3:14

Kambe a miyanakanyu yavu minonon'whisiwile, kukondra kutlhasa masiku ya namunhla, hikusa loko vahlaya timhaka ta xipfumelelanu xa khale, a xixirelo lexo, xa ha vapfalela, vangapfuleteliwe leswaku, ku Kriste xa susiwa.

II Kor 3:18

Kutani hine hinkweru va mimombo leyi mifukumuliwiki, hi vonekela swanga hi xivonivoni, xa kutwala ka Hosi; handrulutiwa akuphatimeni hinkwaku, axifanisweni xakwe, swanga hi kuyentxa ka moya wa Hosi.

II Kor 4:6

Hikusa Xikwembu Nkulukumba ati: A livaningo dritavaninga amunyameni. Hikusa Yene mfuri a vaningile timbilwini teru, akuva hi vaninga kutiveni ka lidrumu dra Xikwembu Nkulukumba, amombyeni wa Yesu Kriste.

Gl 1:4

Lweyi atinyiketiki ha swake, hinkonta ya swidoho sweru, akuva ahi kulula misaveni leyi minfani, leyi hinga ku yone, ahetisisa xileswi hikurandra ka Xikwembu Nkulukumba, Tatana weru.

Ef 2:2

Leswi afaka n'wifamba ku swone khale, hi mafambela ya misava, hi mafambela ya mintamu ya minfumu ya le henhla mpfhukeni, wunga moya lowu wutiraka swoswi ku vana lava vakuka vangayingiseti.

Ef 6:12

Hikusa ahi lwi ni ngati kumbe ni nyama, kambe hi lwa ni mimfumu, ni mintamu, ni vafumi va munyama wa minkama leyi, ni kulwa ni mimoya ya vubihi amimbangwini ya le henhla.

Va-le-Filipiya 2:6

Lweyi aviki hi xiyimu xa Xikwembu Nkulukumba, angatirisanga mfanelo leyo akuva ahlayiwa swanga Xikwembu Nkulukumba.

Va-le-Kolosa 1:15

Yene i xifaniso xa Xikwembu Nkulukumba lweyi angavoniwikiki, amativula ya hinkwaswu swivumbiwa.

Va-le-Kolosa 1:27

Lava Xikwembu Nkulukumba avanyiki kutiva a nhlengwe dra lidrumu dra kungu amakari ka va-Matiko, hileswaku, ku n'wine kuna Kriste lweyi anga kulavisela kwenu ka lidrumu;

I Tmt 1:11

swanga hi kulandra a Ivangeli ya kuphatima ya Xikwembu Nkulukumba lweyi akhensiwaka, leyi nirwexiwiki yone.

Tito 2:13

na hilavisela a kudumba loku kukhensekaka, ni kutikombisa ka kuphatima kukulu ka Xikwembu Nkulukumba ni Muhuluxi weru Yesu Kriste,

Va-Heberu 1:3

Yene lweyi angakuphatima ka lidrumu drakwe, ni ritu dra kuhetiseka dra vumhunu byake, atameli mintxhumu hinkwayu hi ritu dra ntamu wakwe. Ntrhaku ka kuva a yentxile ntiro wa kuhlampswa swihono, ateki vutrhamu byake xineneni xavunkulukumba, a henhla-henhla.

Va-Heberu 6:4

Hikusa swingeyentxeki, leswaku lava vasamiki vavaningiwa, vangadringa a nyiko ya le tilweni, vangayaveliwa ni Moya lowu wakuxwenga,

II Ptr 1:19

Xileswo, hini kudridumba ngopfu swinene a ritu dravuprofeta, kutani n'wine n'wiyentxa swone loko n'widriyingelisisa, hikusa dri swanga hi motre lowu vaningaka mbangwini wa kumphuma, byiko byixa, na yo nyeleti ya mixo yi vaninga timbilwini tenu.

I Yhn 2:11

Kambe lweyi anyenyaka makwavu atrhami munyameni, afamba munyameni, angativi lomu ayaka kone, hikusa a munyama wudlayi mahlu yake.

I Yhn 2:8

Nakone ni n'witralela nawu lowu wumpswha, lowu wunga xihlayelamfuri ku Kriste ni le ku n'wine, hikusa a munyama wuhundrile, alivaningo dra xihlayelamfuri dra vaninga kutani.

I Yhn 5:19

Haswitiva leswaku hi va Xikwembu Nkulukumba, ni leswaku a misava hinkwayu mifumiwa hi mubihi.