II Kor 4:3 - Testamente Ledrimpswha ni Mapsalma

³ Kambe loko Ivangeli yeru yaha fihliwile, yifihlekile ku lava valahlekaka.

II Kor 4:3 ပူးပေါင်းရင်းမြစ်များ

Mt 11:25

Ankameni wolowo, Yesu ayangula, aku: Nakukhensa Tatana, HOSI ya Tilo ni misava, hi leswi ungafihlela tintlhari ni vayingeli a timhaka leti, kambe utipfuleteliki ku vatrongwana.

Rm 2:16

Hi siku ledri Xikwembu Nkulukumba, hikola ka Kriste Yesu, atayavanyisa leswi swifihliwiki swa vhanu, swanga hileswi a Ivangeli leyi yinene yingahlayaka;

I Kor 1:18

Kunene, a ritu dra xihambano i vusinge ku lava valahlekiki; kambe ku hine hiyamukeliki huluxu, i ntamu wa Xikwembu Nkulukumba.

I Kor 2:6

Nambi swilitanu, hivulavula hi vutlhari amakari ka vhanu lava vawupfiki, angaliki vutlhari bya nkama lowu kumbe bya varangeli va nkama lowu lava vasuvaka,

II Kor 2:12

Loko ni tlhasi Trowasi, a kutivisa Ivangeli ya Kriste, ni pfuleliwa nyangwa hi Hosi.

II Kor 3:14

Kambe a miyanakanyu yavu minonon'whisiwile, kukondra kutlhasa masiku ya namunhla, hikusa loko vahlaya timhaka ta xipfumelelanu xa khale, a xixirelo lexo, xa ha vapfalela, vangapfuleteliwe leswaku, ku Kriste xa susiwa.

II Kor 4:4

Vone lava a swikwembu swa nkama lowu swidlayiki miyanakanyu yava kuka kupfumela, akuva vangati vaningeliwa hi Ivangeli ya kutwala ka Kriste, lweyi angaxifaniso xa Xikwembu Nkulukumba.

I Tsl 1:5

Hikuva, a Ivangeli yeru ayivanga ku n'wine hi ritu ntsena, kambe hi ntamu ni hi Moya wa Kuxwenga, ni hi kutiyisa loku kaxihlayelamfuri swanga hileswi n'wiswitiviki leswi hihanyisiki xiswone makari kwenu, hi lirandru na n'wine.

I Tmt 1:11

swanga hi kulandra a Ivangeli ya kuphatima ya Xikwembu Nkulukumba lweyi akhensiwaka, leyi nirwexiwiki yone.