II Kor 11:3 - Testamente Ledrimpswha ni Mapsalma

³ Kambe ni txhava leswaku, swanga Eva lweyi angakanganyisiwa hi madrimi ya nyoka na n'wine a miyanakanyu yenu mingatxhuka mihoniwa, mitrika vunene ni kubasa leswi swiyisaka ku Kriste.

II Kor 11:3 ပူးပေါင်းရင်းမြစ်များ

Mt 24:24

Hikusa kutahumelela lava vatakatihlaya va Kriste hi madrimi, ni vaprofeta va madrimi, vatakahumexa swikombiso leswi swikulu ni mahlolana, akuva loko swikoteka, kukanganyisiwa na vone a vahlawuliwa.

Yohana 8:44

N'wine n'wipfa ku tatana wenu, anga Diyavulosi, kutani n'wirandra kulandra a kunavela kwake. Lweyo i mudlayi wa vhanu ni le kusunguleni, kutani angatrhamanga xihlayelamfurini; hikusa akuna xihlayelamfuri andreni kwake. Loko ahlaya madrimi ahlaya leswi swinga kone ambilwini yake, hikusa i muhembi, i tatana wa kuhemba.

Rm 12:8

lweyi angani nyiko ya kutiyisa vambeni, a avatiyise; lweyi ayavelaka leswi anga na swone ayavele hi vumbilu, lweyi arangelaka, aswiyentxa hi lipfalu hinkwadru, lweyi a pfunaka lava pfumalaka, avapfune na atrhavile.

II Kor 1:12

Hikusa a lidrumo dreru drakuva vumboni bya lipfalu dreru, leswaku hi fambisiwi misaveni, hi vunene ni xihlayelamfuri xa Xikwembu Nkulukumba, akavanga hi vutivi bya vumhunu, kambe a timpswalwini ta Xikwembu Nkulukumba, mfuri ngopfu ku n'wine.

II Kor 11:20

N'widrivalela ha hombe lava n'wiyentxaka swikarawa, ni lava van'wimitaka, ni loko an'witekela, lweyi atikulisaka, lweyi an'wibaka liso.

II Kor 11:29

I mani angani gome, akuva na mine niva ni gome? Hi mani lweyi angakhunguvanyisiwa akuva na mine ningakhunguvanyisiwe?

II Kor 2:17

Hikusa ahifani ni lava vakutala, lava vayentxaka bindru hi Ritu dra Xikwembu Nkulukumba; hi kusungula, hi vulavula ku Kriste swanga lava vapfaka ku Xikwembu Nkulukumba, ni hi kutitrongohata mahlweni ka Xikwembu Nkulukumba.

II Kor 4:2

Hi trhikile amintxhumu leyi mifihliwiki leyi mikhomisaka tingana; ahi yentxi hi marengu, nambi kuli kusombolota ritu dra Xikwembu Nkulukumba; hikuhambana, nitinyiketa kutivisa alivaleni a xihlayelamfuri ku vhanu lavangani lipfalu, amahlweni ka Xikwembu Nkulukumba.

Gl 1:6

Nahlamala ngopfu hikusa n'wihangwesi kuyini akutrika lweyi a n'wivitaniki hi lirandru dra Kriste, n'wilandra yin'wana Ivangeli, ya kuhambana.

Gl 2:4

leswo swavi hikola ka vamakweru va madrimi, afaka vanhingenile na hine hi kukanganyisa, akuva vata kambisisa avuntxhunxeki byeru lebyi hinga nabyu ku Yesu Kriste; akuva vahi yentxa nangweso swikarawa swa nawu.

Gl 3:1

Hayi! Vagalatiya, masinge ndrun'wine! N'wikanganyisiwi hi mani xana? N'wine lava ni n'wiyentxiki n'wivona Yesu Kriste lwa vambiwiki.

Gl 4:11

na n'witxhava leswaku, ni tiri mahala ha n'wine.

Ef 4:14

akuva hingahatami hiva swanga vatrongwana, lava vapfilunganyisiwaka vayisiwaka hala-ni-hala, hi tekiwaka hi timheho hinkwatu ta tidondro, hi kukanganyisiwa hi vhanu, hi marengu lawa vama nhingenisaka ya kuyisa mhunu ku honeni.

Ef 4:22

Hi leswaku, hikola ka mafambela yenu ya khale, humani ku mhunu lweyi wa khale, lweyi a honekaka hi kunavela ka vukanganyisi,

Ef 6:24

Atimpswalu ative na n'wine hinkwenu lava randraka Hosi yeru Yesu Kriste hi kudumbeka hinkwaku. Amen!

Va-le-Kolosa 2:18

N'wingatitriki, n'wiwutleliwa a hakelo hi vhanu lava tiyentxaka valandreleli kambe na vakhisamelaka ntrumi. A vhanu lavo vakaneta mintxhumu leyi vangiki mivona na vatitata hi kutikulisa hi miyanakanyu ya ntshima ya lirandru dravu.

Va-le-Kolosa 2:4

Nihlaya leswi akuva ni mun'we angan'wikanganyisi hi maritu ya kun'wikokela kun'wikholwisa.

Va-le-Kolosa 2:8

Tivonelani n'wingatitrika n'wikanganyisiwa hi tidondro ta vutlhari bya kukala ndlela, hi kulandra swihena swa vhanu kumbe hiku landra masungulo ya misava, na kunge hi ku tidondro ta Kriste.

I Tsl 3:5

Hileswo, na mine mfuri ningakotangikiki kurindrela, ni murumi akuva nitiva ta kupfumela kwenu, na nitxhava leswaku amuwongi angan'wiwongi, akuva ntiro weru wutandruluka lowu wungapfunikiki ntxhumu.

I Tmt 1:3

Hiswoleswo nikutratriyiki ha swone, loko niya Makedoniya, leswaku utrhama a Efesa, akuva uleleta van'we leswaku vangatxhuke vadondrisa tin'wana tidondro,

I Tmt 2:14

Mfuri ahi Adamu lweyi angakanganyisiwa, kambe ave wansati lweyi hi kukanganyisiwa, angatlula nawu;

II Tmt 3:13

A vhanu lava vanfani ni vakanganyisi vahaya mahlweni avubihini; va kanganyisa, na vone vakanganyisiwa.

Tito 1:10

Hikuva kuna vanyingi lava vakutiyalisa, vakhaneli va swakuka-ndlela ni vakanganyisi, ngopfu-ngopfu lava vapfaka ku lava va kusoka,

Va-Heberu 13:9

N'winga kokiwe hi tidondro ta tinxaka-xaka, ni ta vambe, hikusa i swinene loko mbilu yitiyisiwa hi timpswalu, na kunge hi swakuda swavunandri, leswi swingatiki pfuna ntxhumu ku lava vatinyiketaka ku swone.

II Ptr 3:17

N'wine ke, varandriwa, n'witivisiwile swoswi, tivonelani! N'winga titrikeni n'wikokiwa hixihono xa lavanfani, akuva n'wingatiwa akutiyeni kwenu.

II Ptr 3:3

Akusungula ka hinkwaswu n'wifanela kutiva leswaku masikwini ya vugamu kuta humelela vhanu, avahleki ni swisandri swavu, vatifambela mayelanu ni kunavela kwavu

I Yhn 2:18

Vana vanga, a nkama wa vugamu hi wolowu, swanga hileswi n'wiswiyingeliki leswaku a Nala wa Kriste (anti-kriste) atata, ni swoswi vunyingi bya valala va Kriste(va antikriste) vahumelela; hikola ka leswo haswitiva leswaku hiwolowu nkama wa vugamu.

I Yhn 4:1

Varandriwa, n'winga pfumeleni ku mimoya hinkwayu; kambe kambisisani kusungula leswaku i mimoya ya Xikwembu Nkulukumba hi xihlayelamfuri, hikusa kuni vaprofeta vanyingi vamadrimi vahangalakiki misaveni.

Yd 1:4

Hikusa kunhingeni van'we vhanu hi xihundla, lava kusukela ka khale vatraleliwiki kuyavanyisiwa; vhanu va kubiha, vandruluta timpswalu ta Xikwembu Nkulukumba weru hivubihi, na kone valandrula Yesu Kriste lweyi anga Mudondrisi weru ntsena ni Hosi.

Mpfuletelo 12:15

A nyoka yinkampfula mati anon'wini wa yone, swanga nambu, antrhaku ka wansati, akuva atekeliwa ku wone.

Mpfuletelo 12:9

Kutani kakutxukumetiwa a dragoni ledrikulu, a nyoka leyi ya khale, leyi vitaniwaka Diyavulosi na Sathana, lweyi a kanganyisaka misava hinkwayu. Yene ni tintrumi takwe vatxukumeteliwi misaveni.

Mpfuletelo 20:2

yikhoma dragoni, a nyoka ya khale, anga Diyavulosi kumbe Sathana, kutani yakumuboha ha khume dra madzana ya malembe (1000).