Ef 6:19 - Testamente Ledrimpswha ni Mapsalma

¹⁹ Mfuri na mine n'wini khongotela, akuva Xikwembu Nkulukumba anihuhutela, akupfuleni ka nomo wanga ni vulavula hikudumba, akuva a ntiro wa mhaka ya Ivangeli yi vonekisiwa,

Ef 6:19 ပူးပေါင်းရင်းမြစ်များ

Mintiro Ya Vapostola 13:46

Kutani Pawulosi na Barnabasi, vakhanela hi ntamu vaku ku vone: Afa kusindriseka leswaku a Ritu dra Xikwembu Nkulukumba drihlayiwa ku n'wine va-Yuda, kusungula. Kambe leswi n'widriyalaka, n'witipimisaka lava vangafanekeliki hi vutomi lebyi byingahelikiki, vonani hiya ku lava vangeke va-Yuda.

Mintiro Ya Vapostola 14:3

Kambe a vapostola vahangatrhama kone nkama wa kuleha, na vakhanela hi ntamu a Hosini. A Hosi afa yiseketela a ritu dra timpswalu ta Yone, yivanyika akuva hi mavoko yavu, kuyentxeka a swikombisu ni mahlolana.

Mintiro Ya Vapostola 18:26

Yene asungula kukhanela hi ntamu asinagogeni. Kambe Akila na Presila vamuyingela, vamutekela a kaya kwavu, vayamutlhamuxela hi kutlhavukanya a ndlela ya Xikwembu Nkulukumba.

Mintiro Ya Vapostola 19:8

Pawulosi ke afa aya asinagogeni, adondrisa hi xixixi ha tihweti tiraru, a khanela, akholwisa vhanu hi timhaka ta Mfumu wa Xikwembu Nkulukumba.

Mintiro Ya Vapostola 2:4

Vahangatala hinkwavu hi Moya wa Kuxwenga, vasungula kukhanela hi tindrimi tin'wana, swanga hi leswi a Moya afaka wuvanyika kuhlaya swone.

Mintiro Ya Vapostola 28:31

na ativisa livaleni ta Mfumu wa Xikwembu Nkulukumba, na afa avadondrisa hita Hosi Yesu Kriste, na kungali na mhunu lweyi amusivelaka.

Mintiro Ya Vapostola 4:13

Vatiki vahlalela kutiya ka Petrosi na Yohana, vavani kuhlamala hikusa afa vaswitiva leswaku afa vangadondranga xikolweni, kutani vavativa leswaku afa vali vadondrisiwa va Yesu.

Mintiro Ya Vapostola 4:29

Ni swoswi, we Hosi, lavisa a switxhaviselo swavu, uva unyika a malandra yaku a kudondrisa ritu draku hi kutiya hinkwaku,

Mintiro Ya Vapostola 4:31

Loko vakukhongotile, kutrekatreka a mbangu lowu afaka vahlengeletani ku wone; hinkwavu vatala hinkwavu hi Moya wa Kuxwenga, kutani vahaxa a ritu dra Xikwembu Nkulukumba hi kutiya.

Mintiro Ya Vapostola 9:27

Kambe Barnabasi amutekiki amuyisa ku vapostola, avatlhavukanyisa hi laha Saulo avoniki Hosi andleleni ni leswi a Hosi yimubyeliki swone, ni laha adondrisiki hi kutiya le Damaseka hi vito dra Yesu.

Mintiro Ya Vapostola 9:29

Na swone afa akhanela ni kukanetana ni va-Helenista; kambe volava vadringisa kumudlaya.

Rm 15:30

Vamakweru, nan'witratriya ha Yesu Kriste ni hi lirandru anilandra a Moya wa Kuxwenga wuhinyikaka leswaku mi tlhangana kun'we na mine, n'wikukhongota hi kuhiseka ku Xikwembu Nkulukumba ha mine.

Rm 16:25

I Xikwembu Nkulukumba lweyi angaswikotaka a kun'wiyentxa n'witiya kupfumeleni, kufambelana ni Ivangeli leyi niyitivisiki ni hi ritu dra Kriste, swanga hi leswi hi nyikiwiki kutiva kungu dra matilo dra huluxo. A kungu ledro, dri fihliwiki kehe ku minkama hinkwayu,

I Kor 1:5

hikusa, ku mintxhumu hinkwayu, n'windruluki swipfundri ku yene, aritwini hinkwadru, ne kutiveni hinkwaku;

I Kor 2:7

kambe hivulavula hi vutlhari bya Xikwembu Nkulukumba, anga xihundla lexi xifihlekiki, lebyi Xikwembu Nkulukumba abyibekiseliki a kutwala kweru na minkama mingasinava kone;

I Kor 4:1

Xiswoswo, a vhanu hinkwavu avavoni swanga vatireli va Kriste, ni valaveleli va swihundla swa Xikwembu Nkulukumba.

II Kor 1:11

Na n'wihipfunisa hi swikhongoto swenu, leswaku lava vanyingi, vankhensi Xikwembu Nkulukumba hikola ka nyiko leyi hinyikiwiki yone hinkonta ya swikhongoto swa lava vanyingi.

II Kor 3:12

Leswi-ke hinga nikulavisela koloko, hi nikutiya loku kulu aku khaneleni kweru.

II Kor 6:11

Ku n'wine va-le-Korinto, amilomu mipfuleliweli n'wine, ni timbilu teru tiyanamile.

II Kor 7:4

Nini kudumba loku kukulu ngopfu ha n'wine, ni kutitwalisa hikola kwenu, ni tali hi kunyoxa, ni hundrisi ku yandreliwa hi kutrhava a nhlomulweni weru hinkwawu.

II Kor 8:7

Swanga hi leswi n'witraleliwiki matlhelo hinkwawu, akupfumeleni, ni le kuvulavuleni, ni le kutiveni, ni le kukhinyeleni hinkwaku, ni le kurandreni, tralelani ni le ntirweni wa timpswalu.

Ef 1:9

ahipfuletela xihundla xa kurandra kwake, hikola ka vumbilu byake afaka ayanakanyile kuma yentxa ha Kriste.

Ef 3:9

ni fanekela kunyika hinkwavu kutiva makungu ya xihundla lexi Xikwembu Nkulukumba mutumbuluxi wa hinkwayu mintxhumu, leyi angalulamisa kusukela kusunguleni angan'wikombisanga.

Va-le-Kolosa 2:2

Akuva a timbilu tavu titiyisiwa, ni kuva vatlhanganisiwa kun'we alirandrwini, akuva vava ni kufuya loku kunga ni kudumbeka loku kakutiya, akuva vayingelisisa swinene a kungu dra Xikwembu Nkulukumba, anga Kriste,

Va-le-Kolosa 4:3

N'wihikhongotela na hine mfuri, akuva Hosi yi ta hipfulela nyangwa ya kurera ritu, akuva hikota ku vulavula hi kungu dra Kriste, xileswo mfuri ningabohelweni hinkonta ya drone.

I Tsl 2:2

Kambe ntrhaku ka kuva hi xanisiwile ni hi kurukiwa le Filipiya, swanga hi leswi n'wiswitivaka, hi ve ni kutiyisela ku Xikwembu Nkulukumba weru, akuva hi n'wihlayela Ivangeli ya Xikwembu Nkulukumba a tikweni drenu, hikulwa loku kukulu.

I Tsl 5:25

Vamakweru, hikhongotelani.

II Tsl 3:1

Avugan'wini vamakweru, hi kombelelani ku Xikwembu Nkulukumba leswaku a Ritu drakwe driya mahlweni drihangalaka hi kuhangwesa, ni kuva driyamukeliwa ha hombe swanga hileswi driviki xi swone a makari kwenu.

I Tmt 3:16

Kunene a xihundla xa vukhongoti i xikulu: Lweyi akombisiwiki anyameni, ayentxiwi mululami hi Moya avoniwi hi tintrumi, ahuweleliwi amakari ka matiko (ka va-Matiko), awundliwi lomu misaveni, ayamukeliwi akuphatimeni.

Filimoni 1:22

Xikan'we ni bekisele xilawu hikusa ni dumba leswaku Xikwembu Nkulukumba atayangula swikhongoto swenu hinkwenu ni kuva ni tlhlelela ku n'wine.

Va-Heberu 13:18

Hikhongotelani hikusa hadumba leswaku hi nilipfalu ledrinene, swanga lava va navelaka kutifambela hi kululama matlhelo hinkwawu.