Ef 6:14 - Testamente Ledrimpswha ni Mapsalma

¹⁴ Trhamani na n'witiyile, n'witikhama hi xihlayelamfuri swanga bandi, yambalani a vululami swanga hi xixirelo a swifuveni.

Ef 6:14 ပူးပေါင်းရင်းမြစ်များ

Lk 12:35

Yesu atlhela aku: A tinkhalu tenu atitrimbiwe, ni mimotre yenu amilumekiwe.

Rm 13:12

A vusiku byihundrile, a vuxa byi kusuhi. Ahitrikeni mintiro ya munyama, ahi tiyambexeni hi matlhari ya livaningo.

II Kor 6:7

aritwini dra xihlayelamfuri, antan'wini wa Xikwembu Nkulukumba, nihi matlhari ya kululama, kungava kutimpfekela kumbe kulweni.

Ef 5:9

Hikusa a mhandru wa livango, i vunene hinkwabyu, ni kululama ni xihlayelamfuri,

Ef 6:13

Hileswo-ke tamelani a matlhari hinkwawu ya Xikwembu Nkulukumba, akuva n'wita tiya sikwini ledriya dra kubiha, akuva loko n'wihlulile hinkwaswu n'witakota kutiya.

I Tsl 5:8

Kambe hine hingavanhlikanhi, ahitikhomeni, hiyambala xitlhangu xa kupfumela, ni xa lirandru, ni xilembe xa kudumba ka huluko.

I Ptr 1:13

Hileswo-ke, pfukani n'witiya akuyanakanyeni kwenu, hanyani hi kutikhoma, na n'wilavisela hi kuhetiseka atimpswalu leti n'wibuyiseliwiki tone akutipfuleteleni ka Yesu Kriste;

Mpfuletelo 9:17

Xileswo, axivonisweni lexo, nivoni a mahanxi ni vakhandriyi va wone na vani switlhangu swa ndrilo, ni swa yasinta, ni xivavula (enxofre); a tinhloko ta mahanxi afa tifana ni tinhloko ta tinghonyama, amilon'wini ya tone afa kuhuma ndrilo, ni musi, ni xivavula.

Mpfuletelo 9:9

A humbi afa yini switlhangu leswi ingiki i switlhangu swa tinsimbi, a pongwe dra timpapa ta yone afa drifana ni pongwe dra makalitxhi ya mahanxi manyingi lawa matrutrumelaka kulweni;