Ef 5:26 - Testamente Ledrimpswha ni Mapsalma

²⁶ Ayentxi leswo akuva adrihlawulekisa ni kudri basisa hi mati ni hi ritu drakwe,

Ef 5:26 ပူးပေါင်းရင်းမြစ်များ

Yohana 13:10

Yesu aku ku yene: Lweyi ahlambiki aswahadjuleki kutlhela ahlamba, loko minge minenge ntsena, hikusa miri yake hinkwayu mibasile. Kutani n'wine, n'wibasile, kambe ahi hinkwenu.

Yohana 15:3

Niswoswi n'wine n'wibasile, hikola ka ritu ledri nin'wibyeliki drone.

Yohana 15:8

Tatana wanga atwalisiwa hi loko n'wibeka mihandru yakutala, akukombisa leswaku n'wi vadondrisiwa vanga.

Yohana 17:7

Swoswi vaswitivile leswaku hinkwaswu leswi uninyikiki swone, swihuma ku wene.

Yohana 3:5

Yesu ayangula, aku: Nihlayelamfuri nili ku wene, loko mhunu angapswaliwi hi mati ni Moya, angaka anganhingeni Mfun'wini wa Xikwembu Nkulukumba.

Mintiro Ya Vapostola 22:16

Kutani swoswi waharindrela yini? Sekeleka, ubabatisiwa, uhlampswiwa a swidoho swaku na uvitana a vito drakwe.

Mintiro Ya Vapostola 26:18

akuva uyapfula mahlu yavu, vatasuka amunyameni vata alivaningweni, vatasuka antan'wini wa Sathana, vata ku Xikwembu Nkulukumba. Kolahu, ntrhaku ka kuvani kupfumela ku mine, vatayamukela a kudrivaleliwa ka swidoho swavu, ni kuda pfindla kun'we ni lava vaxwengisiwiki hi kupfumela ku mine.

Rm 10:8

Kolahu a matralwa mali yini? Aritu drile kusuhi na wene, a non'wini waku ni le mbilwini yaku. Hidroledri a ritu dra kupfumela ledri hi reraka drone.

I Kor 6:11

Hi leswi afaka n'wili swone, van'we ku n'wine; kambe n'wihlampswiwile, mfuri n'wixwengisiwile, n'wiva n'wiyentxiwa lava valulamiki hi vito dra Hosi yeru Yesu Kriste, ni hi Moya wa Xikwembu Nkulukumba weru.

II Kor 11:2

Hikuva nan'wihisekela hi hisekelo dra Xikwembu Nkulukumba; hikusa ni n'wibekisile akuva nita n'wikombisa swanga wanhwanyana wa kukala angasina tiva wa nuna, lweyi a basiki, abuteliwaka nuna mun'we ntsena, inga Kriste.

Ef 6:17

Nakone tekani xintlontlo xa kuhuluka ni lipanga dra Moya, dringa Ritu dra Xikwembu Nkulukumba.

Va-le-Kolosa 3:16

A ritu dra Kriste adrihanyi hi kuyandra ku n'wine, akutiveni hi hinkwaku, n'widondrisana ni kukwhavelana van'we ku van'wana hi kuyimbelela hi Mapsalma, ni tinsimu ta moya, n'wiyimbelelela Xikwembu Nkulukumba, n'witlangela hi mbilu hinkwayu.

Tito 2:14

lweyi atinyikeliki ha vuswake hi kola kweru, akuva ahitirula ku vusomboloki hinkwabyu, ava atibasisela a ntalu wa vhanu lava vanga vakwe ntsena, lava vakukhinyela ku mintiro leminene

Va-Heberu 10:10

Hikusa akurandreni kwake koloko, hine ha xwengisiwile kan'we, hiku humexeliwa ka miri ya Yesu Kriste.

Va-Heberu 10:14

Hikusa ha mhamba yin'we e kuhetisisa hilaha kungahelikiki lava vahlawulekisiwiki.

Va-Heberu 10:22

A hitrhindrekeleni hi mbilu leyi nene, ni hi kupfumela loku tiyiki, na hili ni timbilu leti tibasisiwiki, ni kubasisiwa lipfalu ledri nfani, ledri n'winhlampsiki hi mati lawa ya kubasa.

Va-Heberu 10:29

Xana n'wili atafanekeliwa hi kubiwa lokukulu loku kutlulaka swaku nhati, lweyi a kandreteliki N'wana wa Xikwembu Nkulukumba! Lweyi ahlayiki leswaku a ngati ya xipfumelelanu leyi a xwengisiwiki ha yone a hi ntxhumu, lweyi a sandriki Moya wa timpswalu?

Va-Heberu 13:12

Kuvi swoleswo, Yesu na yene afeliki handle ka mapangu ya muti, akuva abasisa tiko hiyo ngati yake.

Va-Heberu 4:12

Hikusa a ritu dra Xikwembu Nkulukumba dra hanya, dri ni ntamu, dra kariha kutlula lipanga ledri drilotiwiki hi matlhelo mabiri. Drinhingena ndreni kuyatlhasa lana driyavanyisaka a hika ni moya, ni kutlhangana ka marambu ni mongo, na kone draswikota kuyavanyisa miyanakanyu ni makungu ya mbilu.

Va-Heberu 9:14

ngopfu-ngopfu a ngati ya Kriste, leyi Yene atinyiketiki ku Xikwembu Nkulukumba ha swake hi Moya lowu wungahelikiki, na ngeke na xisandru, yita hi basisa timpfalu teru a mintirweni leyi mitifeliki, akuva hitakota kutirela Xikwembu Nkulukumba lweyi a hanyaka.

Yakobe 1:18

Hikuva hikurandra kwake, Yene ahibeleki hi ritu dra xihlayelamfuri, akuva hi va swirangana swa swivumbiwa swake.

I Ptr 1:2

vahlawuliwiki hi Xikwembu Nkulukumba Tatana, angativela vone a khale, vaxwengisiwiki hi Moya akuva vayingiseta, ni hi kuxuviwa hi ngati ya Yesu Kriste, a timpswalu ni kurula aswive hi ntalu ku n'wine.

I Ptr 3:21

lawa na n'wine, swanga xikombiso xa babatiso, man'wihuluxaka swoswi, kungali kususa nxambya ya nyama, kambe kuli kudjulela Xikwembu Nkulukumba a lipfalu ledrinene hikola ka kupfuka-kufeni ka Yesu Kriste,

II Ptr 1:9

Kambe lweyi leswo a ngeke na swone i wakufa mahlu, a vona ntsena leswi swinga kusuhi, a drivala kuhlampswiwa a swidoho swake swakhale.

I Yhn 5:6

Lweyi hi Yene lweyi atiki hi mati ni ngati, Yesu Kriste, Yene angatanga hi mati ntsena, kambe hi mati ni ngati. Kutani a Moya hi wone wuhi bekelaka vumboni, hikusa a Moya lowo i xihlayelamfuri.

Yd 1:1

Yuda, nandra wa Yesu Kriste, ni makwa Yakobe, kuvavitaniwa ka lava vakurandreka ku Xikwembu Nkulukumba Tatana, wa lava vabekisiwaka ku Yesu Kriste;