Ef 5:2 - Testamente Ledrimpswha ni Mapsalma

² N'wihanya alirandrwini, swanga hileswi Kriste na yene an'wirandriki, lweyi a tinyiketiki havuswakwe hinkonta yeru, swanga gandrelo ni xitlhavelo ku Xikwembu Nkulukumba.

Ef 5:2 ပူးပေါင်းရင်းမြစ်များ

Mt 20:28

Swanga hi leswi na Yene N'wana wa Mhunu angatelangakiki kutireliwa, kambe ateliki kutirela ni kunyiketa a vutomi byake xiva xitirulu ku lava vanyingi.

Yohana 13:34

Nin'winyika nawu lowu wumpswha, hileswaku: Randranani! Swanga hi leswi na mine nin'wirandriki, na n'wine randranani!

Yohana 6:51

Hi mine kati ledri drihanyaka ledri drixikiki hi le Tilweni; loko mhunu ada kati ledro atahanya hi la kungahelikiki, a kati ledri nitakanyika drone, i miri yanga; nin'winyika akuva n'wiva ni vutomi.

Rm 15:16

akuva mutireli wa Yesu Kriste amakari ka va-Matiko. A ntirweni wa kutivisa Ivangeli ya Xikwembu Nkulukumba, leswaku va-Matiko vata kombisiwa ku Hosi swanga mhamba leyi trhavisaka ni leyi basisiwiki hi Moya wa Kuhlawuleka.

Rm 4:25

Lweyi anyiketiwiki kufeni hinkonta ya swidoho sweru ni kumupfuxa, ni kuhlayiwa kweru a vululami.

Rm 8:3

Hikusa leswi afaka swinga koteki ku nawu, hi leswi afaka wu hikola ka nyama, Xikwembu Nkulukumba a yentxile leswi hi ku rumela N'wana wakwe hiku fana ni nyama ya xidoho, xiswoswo, Xikwembu Nkulukumba a yavanyisile Xidoho a nyameni.

Rm 8:37

Kambe ku hinkwaswu leswi hine hi hundrisa ngopfu kuhlula, hi lweyi ahirandriki.

I Kor 16:14

Yentxani mintxhumu yenu hinkwayu hi lirandru.

I Kor 5:7

Txukumetani a handrelo ya khale, akuva n'windruluka mbila yimpswha, n'wiva lava vangalikina handrelo, hikuva na drone a Paska drenu dritlhabyiwile, anga Kriste.

II Kor 2:14

A kutlangeliwe Xikwembu Nkulukumba lweyi a hi fambisaka ku hluleni ha Kriste hi minkama hinkwayu, amakari kweru, kutwala ku nun'hwela ka kutiva kwake a mimbangwini hinkwayu.

II Kor 2:15

Hikusa hine hi mafura ya kunun'hwela ya Kriste ku Xikwembu Nkulukumba, kungava lava vahuluxiwaka kumbe lava vakulahleka.

II Kor 8:9

hikusa n'wine n'witiva swinene a lirandru dra Hosi yeru Yesu Kriste, lweyi nambi loko ali xipfundri kambe a tindruluti xisiwana hinkonta yenu akuva n'windruluka swipfundri hinkonta ya vusiwana byake.

Gl 1:4

Lweyi atinyiketiki ha swake, hinkonta ya swidoho sweru, akuva ahi kulula misaveni leyi minfani, leyi hinga ku yone, ahetisisa xileswi hikurandra ka Xikwembu Nkulukumba, Tatana weru.

Gl 2:20

Hikolahu, ni vambiwile kun'we na Kriste, ana ha hanyi, kambe Kriste a hanya ku mine, akuhanya loku ni hanyaka kone swoswi anyameni, ni hanya hi kupfumela, loku kunga ku N'wana wa Xikwembu Nkulukumba, lweyi anirandriki ava atinyiketa hinkonta yanga.

Ef 1:4

Swanga hileswi ahi langiki na misava mingasinava kone, akuva hiva vaxwengi, hili lava vangeke na xidoho mahlweni kwake, ni le lirandrwini drakwe.

Ef 3:17

Nakone ni kombela ku Xikwembu Nkulukumba akuva Kriste atrhamisa atimbilwini tenu hi kupfumela, ni kuva n'wisimekiwa swinene n'witrhukutrhela alirandrwini,

Ef 3:19

Akuva mitakota kutiva lirandru dra Kriste, nambi leswi yene atlulaka mintamu ya kukari ni kukoteka ka vutivi, akuva Xikwembu Nkulukumba an'witata hi nhlengwe yake hinkwayu.

Ef 4:15

Kambe hikulandra a xihlayelamfuri alirandrwini, ahi kuleni hi matlhelo hinkwawu, ku lweyi anga nhloko, anga Kriste,

Ef 4:2

hiku kutitrongohata hinkwaku ni kunabyala, kulehisa mbilu, n'wibyatrhanana hi lirandru, van'we ku van'wana.

Ef 5:15

Kolahu tivonelani swinene ku leswi n'wifambisaka xiswone, n'wingafambeni swanga masinge, kambe swanga hi tintlhari.

Ef 5:25

Na n'wine vavanuna, randrani vasati venu, swanga ha Kriste arandriki Kereke, anyiketi vutomi byake ha drone.

Va-le-Filipiya 4:18

Mine ni yamukeliki swinyingi, ni naswu hi ntalu; swinitalelile, ntrhaku ka kuyamukelisiwa ha Epafrodito leswi ni rumeliwiki ha n'wine, swanga hi kunun'hwela loku ka kunandrika, ni mhamba leyi yamukeliwaka ni kutrhavisa Xikwembu Nkulukumba.

Va-le-Kolosa 3:14

A henhla ka hinkwaswu, vanani ni lirandru, xinga xitrimbo xa kuhetiseka.

I Tsl 4:9

Ku leswi faneliki hi talirandru ku vamakwenu kupfumeleni, a swahafanekeli kun'witralela ntxhumu, hikuva n'wifambisiwa hi Xikwembu Nkulukumba kuko n'wirandrana van'we ni van'wana;

I Tmt 2:6

lweyi atinyiketiki, ava xitirulo hinkonta ya hinkwavu, byili vumboni aminkameni leyi mifanekeliki;

I Tmt 4:12

Kungavi na mhunu lweyi asolaka a vumpswha byaku, kambe vana xikombiso ku vapfumeli, aritwini, amahanyeleni, aliradrwini, akupfumeleni ni le kubaseni ka mbilu.

Tito 2:14

lweyi atinyikeliki ha vuswake hi kola kweru, akuva ahitirula ku vusomboloki hinkwabyu, ava atibasisela a ntalu wa vhanu lava vanga vakwe ntsena, lava vakukhinyela ku mintiro leminene

Va-Heberu 8:3

Hikusa a muprista lwenkulu wini ni wini abekiwa akuva ahumexa timhamba ni switlhavelo; hileswo-ke, afa swifanelile leswaku yelwi ava ni xantxhumu xa kuhumexa.

Va-Heberu 9:14

ngopfu-ngopfu a ngati ya Kriste, leyi Yene atinyiketiki ku Xikwembu Nkulukumba ha swake hi Moya lowu wungahelikiki, na ngeke na xisandru, yita hi basisa timpfalu teru a mintirweni leyi mitifeliki, akuva hitakota kutirela Xikwembu Nkulukumba lweyi a hanyaka.

Va-Heberu 9:23

Swidjulekile kolahu leswaku aswifaniso swa mintxhumu ya le tilweni swibasisiwa hi mayentxela lawo. Kambe a swa le tilweni swone hi ntshima swifanekeli kubasisiwa hi timhamba leti titlulaka leto.

Va-Heberu 9:26

Hikusa loko swilitanu, afa afanekelile kuxaniseka ha kunyingi, kusukela akutumbulukeni ka misava. Kambe swoswi ahumeleli kan'we akuhetisekeni ka minkama, atadrivalela swidoho hi kutinyiketa ava mhamba.

I Ptr 4:8

A henhla ka hinkwaswu, randrananani ngopfu van'we ku van'wana, hikusa a lirandru drifukumeta a vunyingi bya swidoho;

I Yhn 3:16

Hileswo, hitiva lirandru: leswaku Kriste anyiketiki vutomi byake hinkonta yeru, hine hifaneli kunyiketa vutomi byeru hinkonta ya vamakweru.

I Yhn 3:23

Ledri hidrone aleleto drakwe: leswaku hi pfumela ku vito dra N'wana wakwe, Yesu Kriste, hiva hirandrana van'we ni van'wana, swanga hileleto drakwe.

Mpfuletelo 1:5

ni hi le ku Yesu Kriste, a Mboni ya kudumbeka, mativula ya lava va kufa, Hosi ya vafumi va misava. Ku lweyi ahirandraka, ahitrunxiki ku swidoho sweru hi ngati yake,

Mpfuletelo 5:9

na kone afa vayimbelela lisimu drimpswha, vaku: Uni mfanelo ya kuyamukela buku ni kupfula a swifungu swa drone, hikusa udlayiwile uva uxavela Xikwembu Nkulukumba hi ngati yaku, a vhanu, va tinxaka hinkwatu, ni tindrimi hinkwatu ni va-Matiko hinkwawu;