Ef 5:15 - Testamente Ledrimpswha ni Mapsalma

¹⁵ Kolahu tivonelani swinene ku leswi n'wifambisaka xiswone, n'wingafambeni swanga masinge, kambe swanga hi tintlhari.

Ef 5:15 ပူးပေါင်းရင်းမြစ်များ

Mt 10:16

Lavisani, nin'wiruma swanga tihamba amakari ka mahava. Hileswo-ke tlharihani swanga tinyoka, n'wirula swanga matuva.

Mt 25:2

Lava va ntlhanu, ku vone afa ali masinge; kambe van'wana va ntlhanu afa ali tintlhari.

Mt 27:24

Pilatu loko avona leswaku angakoti ntxhumu, ni leswi a pongwe, driyaka mahlweni, ateka mati ahlamba mandla amahlweni ka xitrhungu aku: Ningavena nandru angatini ya mululami lweyi; swivonani n'wine.

Mt 27:4

aku ku vone: Nihonile, niwongiki angati leyi yingekena nandru. Vone vayangula vaku: Swina yini ku hine, i mhaka yaku.

Mt 8:4

Yesu amubyela aku: Lavisa, ungabyeli mhunu; kambe famba uyatikombisa ku muprista, uhumexa a nyiko leyi yileletiwiki ha Moxe, yiva xikombiso ku vone.

Lk 24:25

Yesu aku ku vone: Yo! Vhanu lava vakuka vangayingeli, lava vatimbilu leti tinanaka kupfumela hinkwaswu leswi vaprofeta vangahlaya swone!

I Kor 14:20

Vamakweru, n'wingavaneni switrongotwana amayanakanyeleni, vanani switrongotwana ku leswi swimfani; kambe amayanakanyeleni, vanani lava vawupfiki.

Gl 3:1

Hayi! Vagalatiya, masinge ndrun'wine! N'wikanganyisiwi hi mani xana? N'wine lava ni n'wiyentxiki n'wivona Yesu Kriste lwa vambiwiki.

Gl 3:3

N'wiphuntisi xileswi xana? N'wisunguli hi swa Moya, kutani soswi n'wiswihetisa hi nyama xana?

Ef 5:2

N'wihanya alirandrwini, swanga hileswi Kriste na yene an'wirandriki, lweyi a tinyiketiki havuswakwe hinkonta yeru, swanga gandrelo ni xitlhavelo ku Xikwembu Nkulukumba.

Ef 5:33

Nan'wine aswivetanu, amun'wana ni mun'wana habyake arandre a nsati wakwe swanga hi leswi atirandrisaka xi swone, ni nsati ave ni xitxhavu ku nuna.

Va-le-Filipiya 1:27

N'wifanela kutifambela hi vunene hi kulandra hi Ivangeli ya Kriste. Akuva nambi ni djula kuta, nita nitan'wivona, nambi ninge kone, niyingela timhaka tenu ta leswaku, n'wile moyeni mun'we, n'wilwa kun'we avupfumeleni bya Ivangeli.

Va-le-Kolosa 1:9

Hileswo-ke, na hine kusukela siku ledri hiyingeliki leswo, a hi yimi kun'wikhongotelela ni kun'wkombelela leswaku n'witala hivutivi byakurandra kwake, avutlharini hinkwabyu ni kuyingelisisa loku pfaka ku Moya wakwe,

Va-le-Kolosa 4:5

Fambani hi vutlhari ku lava ngeke vapfumeli, na n'wilondrovota swinene a minkama.

I Tsl 5:15

Lavisani leswaku kungavi ni lweyi atlheliselaka mun'wana kubiha hi kubiha, kambe djulisisani minkama hinkwayu swa hombe van'we ku van'wana ni ku hinkwavu.

I Tmt 6:9

Kambe lava vadjulaka a vupfundri, vawela andringweni ni le ntlhan'wini, ni le kunaveleni kunyingi ka vusinge, loku kuhonaka, loku kunyuvetaka a vhanu akusuveni ni le kuhohlokeni.

Va-Heberu 12:25

Tivonelani, n'wingatriki kuyingiseta lweyi a vulavulaka na n'wine! Hikusa loko vanga hulukanga lava yaliki kuyingela lweyi angava tivisa halenu misaveni, ngopfu-ngopfu hine loko hi fularela lweyi ahi mamuleliki na ali Matilweni.

Yakobe 3:13

A kone makari kwenu anganivutlhari ni vutivi xana? Aakombise hi kunabyala ni hivutlhari a mintiro yake, ni hi mahanyela lawa manene.

I Ptr 1:22

Leswi n'wibasisiki a mahika yenu akuyingiseteni ka xihlayelamfuri, akuva n'wivani lirandru dra xikwavu, ledri dringalikina kukanganyisa, khinyelani a kurandraneni van'we ku van'wana, hi mbilu leyi yi basiki;

Mpfuletelo 19:10

Kolahu ni wela minengeni ya yone akuva ni yigandrela, kambe yone yiku ku mine: Im'hi! Ungayentxi leswo! Mine ni nandra-kuloni ni wa vamakwenu lava vanga ni vumboni bya Yesu. Gandrela Xikwembu Nkulukumba. Hikuva a vumboni bya Yesu i Moya wa kurera kweru.