Ef 4:31 - Testamente Ledrimpswha ni Mapsalma

³¹ A xiviti hinkwaxu ni tihanyi, a mahlundru, a pongwe, kumbe swifingeto aswive kule na n'wine, ni lixaka hinkwadru dra leswakubiha.

Ef 4:31 ပူးပေါင်းရင်းမြစ်များ

Mintiro Ya Vapostola 21:30

A muti hinkwawu wutxhukisiwa. A vhanu vatrutruma vatrombana. Va khomiki Pawulosi, vamukokovisela a handle ka Tempele, kutani a swipfalo swipfaliwa hi kuhangwesa.

Rm 3:14

A nomu wavu wu tali hi xiviti ni vubihi.

I Kor 14:20

Vamakweru, n'wingavaneni switrongotwana amayanakanyeleni, vanani switrongotwana ku leswi swimfani; kambe amayanakanyeleni, vanani lava vawupfiki.

I Kor 5:8

Ke ahihambeni a nkhuvu, angali hi handrelo ya khale, kumbe handrelo ya mona ni ya vubihi, kambe hi makati lawa ya kukala mangana handrelo, ya vunene ni xihlayelamfuri.

II Kor 12:20

Hikusa, na txhava kuta halanu natan'wikuma na n'wingasiva xileswi ni swirandraka, na mine na ningasiva xileswi n'wiswirandraka, akuva kungavi na timholova ni vukwele, ni mahlundru, ni kutravukana, ni mahlevo, ni kulumbetana ni kutikukumuxa, ni madzolonga.

Gl 5:20

ni kugandrela swifaniso, ni vungoma, ni mona, ni timholova, ni vukwele, ni mahlundru, ni tihanyi, ni kutravukana, kuyalana,

Ef 4:22

Hi leswaku, hikola ka mafambela yenu ya khale, humani ku mhunu lweyi wa khale, lweyi a honekaka hi kunavela ka vukanganyisi,

Ef 4:25

Hileswo-ke trikani madrimi! Hlayani xihlayelamfuri, amun'we ni mun'wana ku mhunukulobye, hikusa hinkweru hiswiro swa miri min'we.

Ef 4:26

Hlundrukelanani, kambe n'winga dohi; n'wingavi trika a dambu dri pela na n'waha hlundrikile.

Va-le-Kolosa 3:19

Vavanuna, randrani vasati venu n'winga vahlundrukeleni.

Va-le-Kolosa 3:8

kambe swoswi humani ku swone, ka kulebya, ni kuhlundruka, ni tihanyi, ni kulumbeta, ni swifingeto leswi humaka anon'wini wenu.

I Tmt 3:11

Aswive xitanu na vone a vavasati, avave lava vafaneliwaka hi xitxhavu, vangavi va mahlevo, vava lava vatipimelelaka akudeni ni le kunweni, vava lava vadumbekaka ku hinkwaswu.

I Tmt 3:3

angatinyiketeliki akunweni na kone angalebyiki; kambe ave lweyi akombisaka lirandru, anga wa kurula, lweyi angarandriki mali;

I Tmt 5:13

na kone mfuri vadondra a kuloloha, vafamba-famba hi ma kaya ka vhanu, angali kuloloha ntsena, kambe ni kuvulavula ngopfu ni kutinhingenisela lomu vangavitaniwangakiki, na vavulavula leswi vangafanelikiki.

II Tmt 2:23

Tivonele a swivutisweni swavusinge leswi swingadondrisikiki ntxhumu, uswitivaka leswaku swivanga kulwa.

II Tmt 3:3

lava vapfumalaka lirandru, lava vangadumbekikiki, lava vakulumbeta, lava vangativikiki kutikhoma, lava vakulebya, lava vangarandrikiki leswinene;

Tito 1:7

Hikuva kudjuleka leswaku a bixopo ava lweyi angekena kusoliwa, swanga mulaviseli wa mintxhumu ya Xikwembu Nkulukumba, angavi wa kutikulisa, angavi wa mahlundru, angatinyiketeli kunweni, angavi wa kulebya, kumbe wa kurandra a mabindru,

Tito 2:3

xiswoswo na vone a vavasati lava vakuliki ngopfu, avave ni mahanyela la makhensekaka, vangave va mahlevo kumbe swikarawa swa byala, kambe vava vadondrisi va leswi swinene,

Yakobe 1:19

Switivani vamakweru lava randriwaka! Mhunu mun'wana-ni-mun'wana afanela kukahluli kuyingela minkama hinkwayu; kambe ahlwela kuvulavula, ahlwela kuhlundruka.

Yakobe 3:14

Kambe loko timbilu tenu titali hi vukwele kumbe matrhoho, n'wingatikulisi n'wihembela xihlayelamfuri.

Yakobe 4:11

Vamakweru n'wingakhaneleni kubiha van'we ku van'wana. Lweyi akhanelaka kubiha hi makwavu kumbe ayavanyisaka makwavu, akhanela kubiha hi Nawu, awayavanyisa. Kutani ke, loko uyavanyisa nawu, awumulavisi wa nawu, kambe umuyavanyisi.

I Ptr 2:1

Ke, na n'witriki vubihi hinkwabyu, vukanganyisi hinkwabyu, ni mandrendre, ni matrhoho, ni mahlevo,

I Yhn 3:12

Hingafani na Kayini, lweyi afaka ali lwenfani, xiswoswo, angadlaya makwavu. Amudlayi hikola ka yini xana? Hileswi mintiro yake afaka mibihile, na kasi ya makwavu afa milulamile.

I Yhn 3:15

Lweyo ni lweyo anyenyaka makwavu, i mudlayi. Kambe n'wine n'waswitiva leswaku a vadlayi avana vutomi lebyingahelikiki ndreni kwavu.

Mpfuletelo 12:10

Kutani ni yingela ritu ledrikulu atilweni, afaka driku: Swoswi kutlhasi huluku, ni ntamu, ni Mfumu wa Xikwembu Nkulukumba weru! Ni ntamu wa Kriste wakwe! Hikusa murambeli wa vamakweru, atxukumetiwile lweyi afaka avarambela mahlweni ka Xikwembu Nkulukumba nhlikanhi ni vusiku,