Ef 4:28 - Testamente Ledrimpswha ni Mapsalma

²⁸ Lweyi afaka ayiva angaha yive! Kambe aatire leswinga swinene hi ntshima ya mavoko yake, akuva atakota a kupfuna ni lava vapfumalaka.

Ef 4:28 ပူးပေါင်းရင်းမြစ်များ

Lk 19:8

Kambe Zakeya ayima aku ku Hosi: Lavisa, we Hosi, nitapumbela swisiwana vukosi byanga hi le makari; loko nidile xa mhunu, nitamutlhelisela ha ka mune.

Lk 3:8

Bekani mihandru leyi mifambelanaka ni kundruluka kwenu, n'wingahlayi leswaku: Hina Abrahamu anga tatana weru! Hikusa nan'wibyela leswaku Xikwembu Nkulukumba angaswikota kundruluta a maribye lawa mava vana va Abrahamu.

Yohana 12:6

Ahlayisa xileswo kunge hi leswi afaka ani mhaka ni swisiwana, kambe hi leswi afaka ali muyivi; kutani leswi afaka ali mutameli wa nkwama wa mali, afa ahamba ayiva leswi txheliwaka kone.

Yohana 13:29

A van'wana vayanakanyi leswaku, leswi Yudasi afaka ali mutameli wa xikhwama xa mali, Yesu amubyela kuya xava a swa nkhuvu leswi swidjulekaka, kumbe kuya nyika xa ntxhumu ku swisiwana.

Rm 12:13

Yavelanani ni vapfumeli lava pfumalaka, yamukelani swinene a vayeni.

I Kor 4:12

na kone hakarateka na hitira hi mavoko yeru. Loko hirukiwa, hihlayela vunene; loko hixanisiwa, hatiyisela;

II Kor 8:12

Hikusa, loko nkhinkhi yili kone, yita yamukeleka mayelanu ni leswi mun'wana-ni-mun'wana anganaswu, na kungeke hi leswi angeke naswu.

II Kor 8:2

Hikusa andreni ka mindringo leyi minyingi ya kuxaniseka, avusiwaneni byavu lebyi byikulu vayandrisile vupfundri bya kuhanana kwavu.

Gl 6:10

Hileswo-ke, leswi hingani nkama ahi yentxeleni leswi swinene ku hinkwavu, kambe ngopfu ku lava vanga vandangu wa vupfumeli.

I Tmt 6:18

ni leswaku vayentxa leswinene, vava swipfundri hi mintiro leminene, vavani nkhinkhi akuhananeni, vava vanabyala akuva vayavela a swavu;

Tito 3:14

Na vone a vaka-kweru avadondre a kutinyiketela amintirweni leminene lomu kunganikuvilela, akuva vangativa lava vakuka-vangabindruli mihandru.

Tito 3:8

Aritu ledri dradumbeka; nidjula leswaku, mayelano ni mintxhumu leyo, utiyisa hi kudumba, akuva lava vapfumeliki ku Xikwembu Nkulukumba, vakhinyela kutinyiketa amintirweni le minene. Leswo i swinene, swipfuna vhanu.