Ef 4:25 - Testamente Ledrimpswha ni Mapsalma

²⁵ Hileswo-ke trikani madrimi! Hlayani xihlayelamfuri, amun'we ni mun'wana ku mhunukulobye, hikusa hinkweru hiswiro swa miri min'we.

Ef 4:25 ပူးပေါင်းရင်းမြစ်များ

Yohana 8:44

N'wine n'wipfa ku tatana wenu, anga Diyavulosi, kutani n'wirandra kulandra a kunavela kwake. Lweyo i mudlayi wa vhanu ni le kusunguleni, kutani angatrhamanga xihlayelamfurini; hikusa akuna xihlayelamfuri andreni kwake. Loko ahlaya madrimi ahlaya leswi swinga kone ambilwini yake, hikusa i muhembi, i tatana wa kuhemba.

Rm 12:5

Xi leswo na hine, hinga vanyingi, kambe hi miri min'we ku Kriste, na swone hi swiro ku mun'wana-ni-mun'wana;

I Kor 10:17

Hikusa leswi kungani kati drin'we, hine, nambi hi li vanyingi, hi miri wun'we ntsena, hikusa hinkweru hitlhangana akuyaveliweni ka kati ledri anga drin'we.

II Kor 7:14

Hikuva nambi loko nitwalisile ha n'wine, anina tingana, kambe swanga hi leswi hingan'wibyela hinkwaswu hixihlayelamfuri, na kone akutitwalisa kweru ku Tito ku n'wine kavi loku ka xihlayelamfuri.

Ef 4:15

Kambe hikulandra a xihlayelamfuri alirandrwini, ahi kuleni hi matlhelo hinkwawu, ku lweyi anga nhloko, anga Kriste,

Ef 4:22

Hi leswaku, hikola ka mafambela yenu ya khale, humani ku mhunu lweyi wa khale, lweyi a honekaka hi kunavela ka vukanganyisi,

Ef 4:31

A xiviti hinkwaxu ni tihanyi, a mahlundru, a pongwe, kumbe swifingeto aswive kule na n'wine, ni lixaka hinkwadru dra leswakubiha.

Ef 5:30

Hikusa hi swiro swa miri yake.

Va-le-Kolosa 3:8

kambe swoswi humani ku swone, ka kulebya, ni kuhlundruka, ni tihanyi, ni kulumbeta, ni swifingeto leswi humaka anon'wini wenu.

Va-le-Kolosa 3:9

N'wingahembelaneni van'we ku van'wana, hikusa n'wine n'wihlivili a mhunu lweyi wa khale ni swiyentxo swake.

I Tmt 1:10

lava vanyamiki ni vavanuna lava vayentxaka a swatingana ni vanuna-kulobye, vayivi va vhanu ni va madrimi, ni lava vatrikaka a kulandra vukhongoti ni lava vahambanaka ni dondro leyi yinene,

I Tmt 4:2

hi mandrendre ya vahlayi va madrimi, lava a vanonon'whisiki a lipfalu dravu,

Tito 1:12

Mun'we ku vone, muprofeta wavu, ate: Va-Kreta va madrimi minkama hinkwayu, swivandra swa nhova, malolo ya kuyanakanyaka swakuda ntsena.

Tito 1:2

akulaviseleni ka vutomi lebyingahelikiki, lebyi Xikwembu Nkulukumba lweyi angahembiki abyidumbisiki na minkama mingasinava kone,

Va-Heberu 12:1

Hileswo-ke, na hine leswi hi trandreliwaka hi tlavi ledrikulu dra timboni, kolahu, ahitrhikeni a ntrhwalu wini ni wini lowu wuhisivelaka, ni xidoho lexi xitekisaka kuhinamarela hi trutruma hi kutiyisela, hi heta mpfuka lowu hi bekeliwiki wone.

Yakobe 1:21

Ke, bekani hi tlhelo xambya hinkwayu ni mona lowu wuhundrisaka kutani n'wiyamukela hi kutitrongohata a Ritu ledri dribyaliwiki ku n'wine, ledri dringa ni ntamu akuva drihuluxa vutomi.

I Ptr 2:1

Ke, na n'witriki vubihi hinkwabyu, vukanganyisi hinkwabyu, ni mandrendre, ni matrhoho, ni mahlevo,

Mpfuletelo 21:8

Kambe a matoya hinkwawu ni lavanga dumbekangakiki, ni lava vayentxaka swakunyenyentsa, ni vadlayi, ni va vumbuye, ni vangoma, ni lava khongotaka swifaniso ni vahembi hinkwavu, a yavelo dravu i tiva ledri pfuraka dra xivavula, i nga kufa ka vubiri.

Mpfuletelo 22:15

Kambe a handle kutrhama timbyana, ni vangoma, ni va vumbuye, ni vadlayi, ni lava vagandrelaka swifaniso ni hinkwavu lava varandraka kuyentxa madrimi hi maritu ni mintiro.