Ef 4:14 - Testamente Ledrimpswha ni Mapsalma

¹⁴ akuva hingahatami hiva swanga vatrongwana, lava vapfilunganyisiwaka vayisiwaka hala-ni-hala, hi tekiwaka hi timheho hinkwatu ta tidondro, hi kukanganyisiwa hi vhanu, hi marengu lawa vama nhingenisaka ya kuyisa mhunu ku honeni.

Ef 4:14 ပူးပေါင်းရင်းမြစ်များ

Mt 11:7

Kambe loko vafambile, Yesu asungula kukhanela ni switrhungu ha Yohana, aku: N'wayivona yini a huleni? A lihlanga ledri dritrekatrekisiwaka hi mheho?

Mt 24:11

Kutahumelela vaprofeta vanyingi va madrimi, vakanganyisa lava vanyingi.

Mt 24:24

Hikusa kutahumelela lava vatakatihlaya va Kriste hi madrimi, ni vaprofeta va madrimi, vatakahumexa swikombiso leswi swikulu ni mahlolana, akuva loko swikoteka, kukanganyisiwa na vone a vahlawuliwa.

Mintiro Ya Vapostola 23:21

Wene-ke ungakholwisiwi ha vone, hikusa amakari kwavu kuni vavanuna va tlulaka mune wa makume vatumbeleliki Pawulosi, akuva vamudlaya. Vatibohi hinkwavu hi kufunga, leswaku vangatida, vangatinwa, loko vangamudlayanga. Mfuri swoswi vatibekiselile, vahalavisela kupfumeleliwa ha wene.

I Kor 12:2

N'waswitiva leswaku ankama afaka n'wili va-Matiko, afa n'wikokeliwa ku swikwembu swakuka-ndlela, leswi swingavulavuliki, n'wifambisiwa handle ka ndlela.

I Kor 14:20

Vamakweru, n'wingavaneni switrongotwana amayanakanyeleni, vanani switrongotwana ku leswi swimfani; kambe amayanakanyeleni, vanani lava vawupfiki.

I Kor 3:19

Hikusa a vutivi bya misava leyi i vusinge amahlweni ka Xikwembu Nkulukumba; hikuva kutraliwi leswaku: Yene akhoma tintlhari avutlharini bya tone.

II Kor 2:17

Hikusa ahifani ni lava vakutala, lava vayentxaka bindru hi Ritu dra Xikwembu Nkulukumba; hi kusungula, hi vulavula ku Kriste swanga lava vapfaka ku Xikwembu Nkulukumba, ni hi kutitrongohata mahlweni ka Xikwembu Nkulukumba.

II Kor 4:2

Hi trhikile amintxhumu leyi mifihliwiki leyi mikhomisaka tingana; ahi yentxi hi marengu, nambi kuli kusombolota ritu dra Xikwembu Nkulukumba; hikuhambana, nitinyiketa kutivisa alivaleni a xihlayelamfuri ku vhanu lavangani lipfalu, amahlweni ka Xikwembu Nkulukumba.

Gl 3:1

Hayi! Vagalatiya, masinge ndrun'wine! N'wikanganyisiwi hi mani xana? N'wine lava ni n'wiyentxiki n'wivona Yesu Kriste lwa vambiwiki.

Ef 6:11

Hlomani hi matlhari hinkwawu ya Xikwembu Nkulukumba, akuva n'wita kota kutiya mintlhan'wini ya Diyavulosi.

I Tmt 3:6

Angavi lweyi ahaka kubabatisiwa, akuva angatitikukumuxa, kutani awela akuyavanyiseliweni ka Diavulosi.

II Tmt 1:15

Wa switiva swoswi leswaku hinkwavu va-le-Aziya vanitrikile, amakari kwavu anga, Figelo na Hermogenisi.

II Tmt 3:13

A vhanu lava vanfani ni vakanganyisi vahaya mahlweni avubihini; va kanganyisa, na vone vakanganyisiwa.

II Tmt 4:3

Hikusa wutatlhasa nkama lowu vangatiki yamukela dondro leyi hanyisaka, kambe hi kunavela kwavu vatatihlengeletela vadondrisi lava vataka dondrisa leswi vaswitrhavelaka.

Va-Heberu 13:9

N'winga kokiwe hi tidondro ta tinxaka-xaka, ni ta vambe, hikusa i swinene loko mbilu yitiyisiwa hi timpswalu, na kunge hi swakuda swavunandri, leswi swingatiki pfuna ntxhumu ku lava vatinyiketaka ku swone.

Yakobe 1:6

Kambe kombela, hi kupfumela, na ungaganaganeki; hikusa lweyi aganaganekaka afana ni vimbi dra lwandle ledri dribiwaka hi mheho driya hala-ni-hala.

Yakobe 3:4

Lavisani ku tingalawa, nambi tilitikulu swakunhati, nambi leswi tisusumetiwaka hi mimoya leya ntamu, tindrulutiwa hi xihindrulo lexitrongonyana lomu a muhindruli arandraka kone.

II Ptr 2:18

Vavulavula maritu ya kutikulisa ni ya kuka ndlela, na matirela kunavela ka nyama, ni ka vuwoswani, vanga lava yisaka vhanu lava afaka vahatrutruma lava vahanyaka kuhoneni.

I Yhn 2:19

Vone vahumi makari kweru, kambe afa vange va kakweru. Loko afa vali veru afa vatava vatrhami na hine. Kambe va fambile akuva va vonekisiwa leswaku afa vange veru, na mun'we ku vone.

I Yhn 2:26

Ni n'witralela mintxhumu leyi hinkonta ya lava vadjulaka kun'wikanganyisa.

I Yhn 4:1

Varandriwa, n'winga pfumeleni ku mimoya hinkwayu; kambe kambisisani kusungula leswaku i mimoya ya Xikwembu Nkulukumba hi xihlayelamfuri, hikusa kuni vaprofeta vanyingi vamadrimi vahangalakiki misaveni.

Yd 1:12

Vhanu lavo, i tingana aminkhubyini yenu ya lirandru, vada na n'wine vangatxhavi, vatibyisa ha swavu; i matlavi lawa mangeke na mati, lawa masusumetiwaka hi timheho; i minsinya leyi mibuniki leyi mingapswalikiki, mihandru leyi mifiki, leyi mingekena mitru.

Mpfuletelo 19:20

Kambe kukhomiwi xihari xa kulebya kun'we ni muprofeta wa madrimi, lweyi hi kuyentxa mahlolana ni swikombiso amahlweni ka yone, akanganyisiki lava vangayamukela xikombiso xa xihari xa kulebya, afaka vakhisamela xifaniso xa xone. A xihari ni muprofeta wa madrimi vatxukumetiwa na vaha hanya ativeni dra ndrilo lowu wupfuraka, wa xivavula.