Ahikukula ka vukosi bya Xikwembu Nkulukumba ni vutivi ni vutlhari byake! I mani angaswikotaka kutlhamuxela makungu yake ni kuyingelisisa tindlela ta xone!
a henhla ka mifumu hinkwayu, ni mintamu, ni vukulu, ni vundruna, a henhla ka mavito hinkwawu, lawa mativitanaka, na kunge ka madzana lawa ntsena ya malembe (1sc) kambe ni ku lawa mataka.
A kutlangeliwe Xikwembu Nkulukumba, Tatana wa Hosi yeru Yesu Kriste, angahikatekisa hi matovoko hinkwawu ya moya amimbangwini ya le Matilweni, ha Kriste.
Hikusa ahi lwi ni ngati kumbe ni nyama, kambe hi lwa ni mimfumu, ni mintamu, ni vafumi va munyama wa minkama leyi, ni kulwa ni mimoya ya vubihi amimbangwini ya le henhla.
Kavi ha yene kuvumbiwiki hinkwaswu leswinga tilweni ni leswinga misaveni, leswi voniwaka ni leswinga voniwikiki, swingava swiluvelo kumbe minfumu, kumbe ni vundruna, ni mintamu ya le henhla. Hinkwaswu switumbuluxiwi ha Yene, i swake.
Kunene a xihundla xa vukhongoti i xikulu: Lweyi akombisiwiki anyameni, ayentxiwi mululami hi Moya avoniwi hi tintrumi, ahuweleliwi amakari ka matiko (ka va-Matiko), awundliwi lomu misaveni, ayamukeliwi akuphatimeni.
Ku vone kupfuleteliwile leswaku afa vangatitireli, kambe afa vatirela n'wine ku mintxhumu leyi swoswi mitivisiwiki ku n'wine hi lava van'wirereliki a Ivangeli hi ntamu wa Moya wa Kuxwenga, lowu wurumeliwiki hi le Tilweni, a mintxhumu leyi nambi tintrumi tidjulisisaka kun'witiva.