Ef 2:20 - Testamente Ledrimpswha ni Mapsalma

²⁰ N'wiyentxa yindlu yin'we ntsena, leyinga ni masungulo ya varumiwa ni vahlayi va ritu, ni leyi Yesu Kriste anga ribye dra khumbi.

Ef 2:20 ပူးပေါင်းရင်းမြစ်များ

Mt 16:18

Na mine nakubyela leswaku: Wene u Petrosi (ribye). A henhla ka ribye ledri nitayaka a Kereke dranga; nambi tinyangwa ta Hades tingadrihlule.

Mt 21:42

Kutani Yesu aku ku vone: Xana an'wingihlaya a Matralwa lawa maliki: A ribye ledri a vayaki vadridreliki, hi drone dringayentxiwa ribye ledri dra kusungula dra hoka. Swayentxiwi hi HOSI, na kone hi leswi swihlamalisaka amahlweni yeru!

I Kor 12:28

Nakone, Xikwembu Nkulukumba abeki van'we, a Kerekeni, hi kusungula a vapostola; hi kulandra, a vaprofeta; a va vuraru, i vadondrisi; ntrhaku, kulandra a vayentxi va mahlolana; ntrhaku a tinyiko ta kuholisa, ni ta kupfuna, ni ta vurangeli, ni ta kuvulavula a tindrimi ta tinxaka-xaka.

Gl 2:9

na kone vatiki vativa timpswalu leti hinyiwiki tone, mine, na Yakobe, Kefasi, na Yohana lava vahlayiwaka timhandre, va hi nyika mine na Barnabasi, avoko dra xinene dra kutlhangana, hikuva hine hiya ku va-Matiko, vone vaya ku vaku sokiwa.

Ef 3:5

A khale afa kunge na lweyi ativiki kungu ledro, kambe swoswi dri kombisiwile ku varumiwa vakuhlawuleka ni vahlayi va ritu, hi ndlela ya Moya wa Kuhlawuleka.

Va-le-Kolosa 2:7

n'widzima mitru na n'witiseketela ku yene, n'witiya kupfumeleni kwenu, hi laha n'widondrisiwiki ha kone n'winyika kutlangela Xikwembu Nkulukumba minkama hinkwayu.

I Ptr 2:6

Hikusa ku Matralwa kuni leswaku: Vonani, nibeka a Siyoni a ribye dra hoka, ledri drihlawuliwiki, dra lisima; na kone lweyi apfumelaka ku drone angavina tingana.

Mpfuletelo 21:14

A pangu dra muti afa drili ni khume dra masungulo na mabiri, a henhla ka wone afa kutraliwi ku wone khume dra mavito na mabiri ya vapostolo lava khume na vabiri va Hambana.