Ef 2:14 - Testamente Ledrimpswha ni Mapsalma

¹⁴ Hikusa Yene i kurula kweru, ku matiko mabiri ya kuyavana amayentxi mava drin'we; hikuhahlula khumbi ledri drakutravukanyisa afaka drili makari, inga vulala,

Ef 2:14 ပူးပေါင်းရင်းမြစ်များ

Lk 1:79

Kuphatima loko kutavaninga lava vahanyaka munyameni ni le ntrhutini wa lifu ni kufambisa a mikondro yeru andleleni ya kurula.

Lk 2:14

A kutwala akuve ku Xikwembu Nkulukumba a Matilweni ya le henhla-henhla, ni kurula amisaveni ku vhanu lava atitrhavelaka ha vone.

Yohana 10:16

Nakone, nini tihamba tin'wana leti tingeke ta ranga ledri. Nifanela kutibuyisa na tone. Titatayingela ritu dranga, kutani titava ntlhambi mun'we, tiva na Mubyisi mun'we.

Yohana 11:52

Na swone kunge kufela tiko ntsena, kambe ni kukota kuhlengeleta vana va Xikwembu Nkulukumba lava vahangalakiki, avayentxa van'we.

Yohana 16:33

Nin'wibyeli leswo akuva n'wivani kurula ku mine. Amisaveni leyi n'witavani nhlomulu, kambe tiyani ntamu, mine nihluli misava.

Mintiro Ya Vapostola 10:28

Kutani Petrosi aku ku vone: N'waswitiva, n'wine hinkwenu, leswaku swayila ku wanuna wa mu-Yuda kutlhangana, kumbe kunhingena andlwini ya mhunu wa matiko. Kambe mine, Xikwembu Nkulukumba anikombisi leswaku aswifanelanga kuhlaya leswaku mhunu awayila, kumbe angabasanga.

Mintiro Ya Vapostola 10:36

Hi yone mhaka leyi ayirumeliki vana va Israyele, loko avativisa a Ivangeli ya kurula ha Yesu Kriste; lweyi anga Hosi ya hinkwavu.

Rm 5:1

Leswi hihlayiwiki valulami hi kupfumela, ahiveneni ni kurula ku Xikwembu Nkulukumba ha Hosi yeru Yesu Kriste.

Gl 3:28

Akehena kuhambana amakari ka va-Yuda ni va-Matiko, akuna xikarawa, ni vhanu vakuntrhunxeka, makari ka vavanuna ni vavasati. Hikusa n'wine hinkwenu n'wi mun'we ku Kriste Yesu.

Ef 2:15

anyameni yavu, a helisi avulala, inga leswi swaku, a nawu wa swileleto swiyilayila swa wone ni swihila akuva hi tlhangana na yene, a va-Yuda ni lava ngeke va-Yuda hitakota kuyentxa vumhunu byimpswha, hi hanya hi kurula.

Ef 2:17

Kriste atile, hikolahu ka kutivisa Ivangeli ya kurula, ngopfu ku n'wine lava afaka n'wili kule, kufana ni lava afaka vali kusuhi.

Ef 3:15

lweyi a ndangu hinkwawu kungava a matilweni swanga misaveni kuni masungulo ya kone;

Ef 4:16

ku lweyi a miri hinkwayu mitiyisiwaka mitlhanganisiwa hi kupfuna ka minkatrwa hinkwayu, hikutlhangana loku kunene ka xin'we ku swone xikuma ntamu wa kuva miyakiwa alirandrwini.

Va-le-Kolosa 1:20

na kone ha Yene ayentxi akurula hi ngati ya xihambano xakwe, hinkonta yake atitlhanganisela mintxhumu hinkwayu, leyi minga lana misaveni ni le tilweni.

Va-le-Kolosa 2:20

Loko n'wifile kun'we na Kriste, ni loko n'wihambanile ni ku swihila swa misava. Hayini n'witinyiketa ku minkhuva swanga va misava? A switsimbo swanga hi leswaku:

Va-le-Kolosa 3:11

laha kungaliki na mu-Yuda nambi mugeriki, nambi ku lava vakusoka nambi ku lava vangasokiwangakiki, nambi vali va va-Barbara, kumbe mu-Cita, nambi xa kuva xikarawa, kambe kuntrhunxeka ha Kriste kuhinkwaswu ku hinkwavu.

Va-le-Kolosa 3:15

A kufume timbilwini tenu a kurula ka Kriste, loku Xikwembu Nkulukumba an'wivitaneliki kone akuva n'wiyentxa miri min'we ntsena, vanani lava vatlangelaka.

Va-Heberu 13:20

Kutani-ke, Xikwembu Nkulukumba wa kurula lweyi hingati ya xipfumelelanu lexi xinga helikiki, abuyisiki hi le ku vafi Hosi yeru Yesu, mubyisi lwenkulu wa tihamba

Va-Heberu 7:2

Kutani Abrahamu amupumbela vukhume bya hinkwaswu; na kone kusunguleni, vito dra Melkisedeki swihlaya leswaku Mufumi wa kululama, na kone mfuri, Mufumi wa Salema, kumbe leswaku Mufumi wa kurula.