ಪೌಲನೆ ತೀತನ ಲೀಖ್ಯೋತೆ ಚಿಟ್ಟಿ 3:7 - ದೇವ್ನಿ ಖ್ಹಾಚಿ ವಚನ್

⁷ ಅನಖ್ಹಾಜೆ ದೇವ್ನೆ ಅಪ್ಣುನ ಇನಿ ವಾರ್‌ಖ್ಹೇಥಿ ಇಮಾನ್‌ದಾರ್ ಬಣೈರಾಖ್ಯೊಸ್. ಅನೇಥಿ ಅಪ್ಣೆ ಭರೋಖ್ಹೊ ಕರಿರಾಖ್ಯಾತೆ ಯೊ ಹಮೇಶಾನಿ ಜಿ಼ಂದ್‌ಗಿ ಮಳಾದೆ ಕರಿ ಆ ಖ್ಹಾಚಿವಾತೆ ಬೋಲೈರ‍್ಹೀಸ್.

ಪೌಲನೆ ತೀತನ ಲೀಖ್ಯೋತೆ ಚಿಟ್ಟಿ 3:7 ပူးပေါင်းရင်းမြစ်များ

ಮತ್ತಾಯ 25:34

ತದೆ ರಾಜಾ಼ ಇನಿ ಖಾವಿ ಬಾಜೂ಼ಮ ಭಿಯುತೆ ಅದ್ಮಿ ಖ್ಹಾರಾನ, ‘ಮಾರ ಬಾನೆ ಆಶೀರ್ವಾದ್‌ ಕರ‍್ಯೊತೆ ತುಮೆ ಆವೊ, ಜಗತ್‌ ಉಬ್‌ಜ್ಯುತೆ ತಪ್‌ಥು ತುಮಾರಖ್ಹಾಜೆ ತೈಯಾರ್ ಹುಯಿರ‍್ಹೂತೆ ರಾಜ್ಯನ ಅಲ್ಲೇವೊ.

ಮಾರ್ಕ 10:17

ಯೇಸು ನಿಕ್ಳಿನ್‌ ವಾಟ್‌ ಧರೀನ್ ಜಾ಼ವಾನಿ ವಖ್ಹತ್‌ಮ, ಏಕ್‌ ಜ಼ಣೊ ನಾಖ್ಹ್‌ತೊ ಐನ್, ಇನ ಖ್ಹಾಮೆ ಗುಡ್‍ಘ್ಯ ಟೇಕಿನ್, “ಅಛ್ಛೊ಼ ಗುರು, ಹಮೇಶಾನಿ ಜಿ಼ಂದ್‌ಗಿ ಮಳ್‌ಣುಕತೊ, ಮೇ ಶಾತ್‌ ಕರ‍್ನು?” ಕರಿ ಫುಛಾ಼ಯೊ.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 11:6

ಯೋ ಚು಼ನಾವ್ಣಿ ಕಾಮ್ನಿ ಅದಾರ್‌ಪರ್ ಕಾಹೆ, ವಾರ್‌ಖ್ಹೇಥಿಸ್ ಹುಯಿರ‍್ಹೇಸ್. ಕಾಮ್‍ಥಿ ಯೋ ಹುಯಿರ‍್ಹಯುತೊ ಅಜು಼ ಕದೇಬಿ ದೇವ್ನಿ ಕೃಪಾವರ ಕೃಪೆ ಹುಯಿರ‍್ಹಿಶೆಕೊಯ್ನಿ.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 3:24

ಕತೋಬಿ ದೇವ್ನು ಫುಗಟ್ ವಾರ್‌ಖ್ಹೇಥಿ ಇವ್ಣುನ ಛುಟ್ಕಾರ್ ದ್ಯವಾವಾಳೊ ಯೇಸುಕ್ರಿಸ್ತಥಿ ನೀತಿವಾಳುಕರಿ ತೀರ್ಪ್‍ಹುವಸ್.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 3:28

ಧರ್ಮಶಾಸ್ತ್ರ ಬೋಲಾತೆ ಕಾಮ್‍ಥಿ ಕಾಹೆ ಪಣ್ಕಿ, ಖಲಿ ವಿಶ್ವಾಸ್‍ಥಿಸ್ ಖಿವೂಬಿ ಅದ್ಮಿ ನೀತಿವಾಳೊಕರಿ ಗಣ್ತಿಮ ಆವಸ್.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 4:16

ಇನಖ್ಹಾಜೆ ಯೋ ವಾಗ್ದಾನ ವಾರ್‌ಖ್ಹೇಥಿಸ್ ಮಳಸ್. ಆ ವಾಗ್ದಾನ್ ಧರ್ಮಶಾಸ್ತ್ರನ ಆಧಾರ್ ಹುಯಿರ‍್ಹುತೆ ಇವ್ಣುನಾಸ್ ಕಾಹೆತೆ, ಅಬ್ರಹಾಮ್‌ನಬಿ ಇನಿ ಪಿಳ್ಗಿವಾಳಾನ ಫುಗಟ್‍ಥಿ ಮಳಾಸ್ತೆ ವಾಗ್ದಾನಸ್ ಇನಾಮ್ ಹುಯಿರ‍್ಹುಸ್. ಅಮ್‌ ಅವ್ಣೆ ಅಬ್ರಹಾಮ್‌ನಿ ಘೋಣಿ ಭರೋಖ್ಹೊ ಕರ್ಶೆ ಶನಕತೊ ಯೋ ಅಪ್ಣಖ್ಹಾರಸ್‍ನ ಬಾ ಹುಯಿರ‍್ಹೋಸ್.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 4:4

ಕಾಮ್‍ಕರಾವಾಳನ ಮಳಾತೆ ಮಜ಼್‌ದೂರಿ ಕೃಪೆಥಿ ಕಾಹೆ. ಯೋ ಇನ ಮಳ್ನುಥೂತೇಸ್ ಕರಿ ಗಣ್ತಿ ಹುವಾಸ್.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 8:17

ಹಮ್ಕೆ ಅಪ್ಣೆ ಲಡ್ಕಾ ಹುಯಿರ‍್ಹಾತೊ, ಹಕ್‍ದಾರ್ ಹುಯಿರ‍್ಹಯೇಸ್; ದೇವ್ನ ಹಕ್‍ದಾರ್ ಅಜು಼ ಕ್ರಿಸ್ತನಿ ಜೋ಼ಡ್ಮ ಹಕ್‍ದಾರ್ ಹುಯಿರ‍್ಹಾಸ್. ಅಪ್ಣೆ ಕ್ರಿಸ್ತನು ಖ್ಹತಾಪ್ಣಿಮ ಖ್ಹಾಚಮಾಸ್ ಭಾಗ್‍ಲ್ಯಾವವಾಳ ರ‍್ಹಯಾತೊ, ಇನಿ ಮಹಿಮೆಮಾಬಿ ಭಾಗ್‌ಲ್ಯವಾಳ ಹುಯಿರ‍್ಹಿಶು.

1 ಕೊರಿಂಥ 6:11

ತುಮಾರಮ ಕೈಯೇಕ್‌ಜ಼ಣು ಇಮ್ಮಸ್ ಹುಯಿರ‍್ಹುಥು. ಕತೋಬಿ ತುಮೆ ಪ್ರಭು ಹುಯಿರೋತೆ ಯೇಸುಕ್ರಿಸ್ತನ ನಾಮ್‌ಥಿಬಿ ಅಜು಼ ಅಪ್ಣ ದೇವ್ನ ಆತ್ಮಥೀಬಿ ಧೊವೈನ್ ಶುದ್ಧಹುಯಿರ‍್ಹುಸ್. ದೇವ್‍ಥಿ ನೀತಿವಾಳಕರಿ ಚೂ಼ಣೈರ‍್ಹಾಸ್.

ಗಲಾತ್ಯ 2:16

ಖಿವೊತೋಬಿ ಖಲಿ ಧರ್ಮಶಾಸ್ತ್ರನ ಪಾಡಿಚಾ಼ಲಾಥಿ ನೀತಿವಾಳೊಕರಿ ಬಣಾನ ಕೊಹುವ್ವಾನಿ ಕರಿ ಮನ ಮಾಲುಮ್. ಯೇಸು ಕ್ರಿಸ್ತಮ ವಿಶ್ವಾಸ್ ರಾಖಾಥೀಸ್ ನೀತಿವಾಳೊ ಬಣಾನ ಹುವಾಸ್. ಇನಖ್ಹಾಜೆ ಹಮೆ ನೀತಿವಾಳ ಹುವಾನಖ್ಹಾಜೆ ಯೇಸು ಕ್ರಿಸ್ತಾಮಸ್ ವಿಶ್ವಾಸ್ ರಾಖ್ಯ. ಅಮ್‌ರ‍್ಹಾವಪರ್ ಹಮೆ ನೀತಿವಾಳ ಹುಯಾತೆ ಕ್ರಿಸ್ತಮ ವಿಶ್ವಾಸ್ ರಾಖಿನಸ್ ಪಣ್ಕಿ ಧರ್ಮಶಾಸ್ತ್ರನಿಘೊಣಿ ಚಾ಼ಲಾಥಿ ಕಾಹೆ.

ಗಲಾತ್ಯ 3:29

ತುಮೆ ಕ್ರಿಸ್ತವಾಳ ಉಷೇತೊ ಅಬ್ರಹಾಮ್‌ನ ಖೂಮ್‌ವಾಳ ಹುಯಿನ್ ಅಜು಼ ದೇವ್ನು ವಾಗ್ದಾನ್ನ ಲೀರಾಖವಾಳ ಹುಯಿರ‍್ಹಾಸ್.

ಗಲಾತ್ಯ 4:7

ಅಮ್‌ರ‍್ಹವಾಪರ್ ಅಜು಼ ಸೇವಕ್ ಕಾಹೆ, ಛಿಯ್ಯೊ ಹುಯಿರ‍್ಹೋಸ್. ಛಿಯ್ಯೊ ಕರಿ ಬೋಲಾಪರ್ ದೇವ್‌ನೊ ವಾರಿಸ್‌ವಾಳೊಬಿ ಹುಯಿರ‍್ಹೋಸ್.

2 ಥೆಸ 2:16

ಅಪ್ಣುನ ಪ್ಯಾರ್ ಕರೀನ್, ಕೆದೇಬಿ ರ‍್ಹವಾನು ಹುಮ್ಮಖ್ಹ್‌ನಬಿ, ಅಛ಼್ಛು ಭರೋಖ್ಹಾನಬಿ ಇನಿ ವಾರ್‌ಖ್ಹೇಥಿ ದಿದೋತೆ ಅಪ್ಣೊ ಬಾ ಹುಯಿರ‍್ಹೋತೆ ದೇವ್‌ಬಿ ಅಪ್ಣೊ ಪ್ರಭು ಯೇಸು ಕ್ರಿಸ್ತ ಯೋಸ್ ತುಮಾರ ದಿಲ್‌ಮನ್ನ ಧಿಲ್‌ಪತ್‌ ದ್ಯವಾದೆ.

ಪೌಲನೆ ತೀತನ ಲೀಖ್ಯೋತೆ ಚಿಟ್ಟಿ 1:2

ಆಹೈರುತೆ ಖ್ಹಾಚ ಜಿ಼ಂದ್‌ಗೀನ ಭರೋಖ್ಹಾಪರ್ ಆಧಾರ್ ಹುಯಿರ‍್ಹೂಸ್. ದೇವ್ ಕೆದೇಬಿ ಝೂ಼ಟಿ ಬೋಲಾಕೊಯ್ನಿ. ಯೋ ಜಿವ್ಣಾನಿ ಬಾರೇಮ ಅಪ್ಣುನ ದಿಶೆ ಕರಿ ಹಗಾಮ್ನ ಪಹಿಲೆಥೂಸ್ ವಾಗ್ದಾನ್‌ ಕರಿರಾಖ್ಯೋಸ್.

ಪೌಲನೆ ತೀತನ ಲೀಖ್ಯೋತೆ ಚಿಟ್ಟಿ 2:11

ದೇವ್ನೆ ತಮಾಮ್‌ ಅದ್ಮಿನ ರಕ್ಷಣೆ ದ್ಯವಾನಿ ಇನಿ ವಾರ್‌ಖ್ಹಾನ ದೆಖಾಡಿರಾಖ್ಯೋಸ್.

ಪೌಲನೆ ತೀತನ ಲೀಖ್ಯೋತೆ ಚಿಟ್ಟಿ 2:13

ಕತೊ ಕಿಮ್ ಭರೋಖ್ಹೊ ಕರೀನ್ ಜ಼ಪುಕರೇ಼ತೆ ಖ್ಹುಶಿನೊ ದನ್ನಖ್ಹಾಜೆ, ಅಪ್ಣೆ ಅಮ್ಮಸ್ ಜಿವ್ಣು. ತದೆ ಯೋ ದನ್ಮ ಅಪ್ಣೊ ಮಹಾನ್ ದೇವ್ ಅಜು಼ ರಕ್ಷಕ್ ಹುಯಿರ‍್ಹೋತೆ ಯೇಸುಕ್ರಿಸ್ತನಿ ಮಹಿಮೆ ದೆಖಾವ್‌ಶೆ.

ಇಬ್ರಿ 1:14

ಆ ಅಖ್ಖು ದೇವ್ನದೂತರ್ ರಕ್ಷಣೆನು ಹಕ್ನ ಲೀರಾಕ್ಣುತೆ ಇವ್ಣಅಖ್ಖಾನು ಸೇವೆನಖ್ಹಾಜೆ ಮೋಕ್ಲಾಯುತೆ ಸೇವೆನು ಆತ್ಮ ಕಾಹೇಕಿಶು.

ಇಬ್ರಿ 11:7

ವಿಶ್ವಾಸ್‌ಥೀಸ್ ನೋಹಾನೆ ಬಿಜೂ಼ಬಿ ದೆಖಾವ ಕೊಯ್ನಿತೆ ಇನಿ ಬಾರೇಮ ದೇವ್ನಿ ವಾತೆನ ಲೀನ್ ಡರ್‌ಥೀಬಿ, ಭಕ್ತಿಥಿ ಭರಾವವಾಳೊ ಹುಯಿನ್ ಇನ ಘರ್‌ವಾಳಾನ ಬಚೈ಼ಲಾವನಖ್ಹಾಜೆ ಜ಼ಹಾಜ಼್‌ನ ಭಾಂಧಿನ್ ತಯಾರ್ ಕರ‍್ಯೊ. ವಿಶ್ವಾಸ್‌ಥೀಸ್‌ ಇನೆ ಜಗತ್‌ವಾಳು ನಿಶತ್‌ನ ಲ್ಯವಾಳುಕರಿ ತೀರ್ಮಾನ್ ಕರಿಲಿದೊ. ಇನಖ್ಹಾಜೆ ವಿಶ್ವಾಸ್‍ನು ಫಲ್ ಹುಯಿರ‍್ಹೂತೆ ನೀತಿನ ಹಕ್‍ದಾರ್ ಹುಯೊ.

ಇಬ್ರಿ 11:9

ವಿಶ್ವಾಸ್‌ಥೀಸ್ ಇನೆ ವಾಗ್ದಾನ್ನ ದೇಖ್ಹ್‌ನ ಆವಾಖ್ಹ್‌ತರ್, ಹಿಜ಼್ಜಾ ಬಿಜ಼ ದೇಖ್ಹ್‌ವಾಳನಿತರ ಡೇರಾಮ ರ‍್ಹೀನ್ ಜಿವ್ಣು ಕರ‍್ಯೊ. ಕಿಮ್ ಇಸಾಕ್ ಅಜು಼ ಯಾಕೋಬ್ ಇವ್ಣೆ ಲೀಲಿದಾಕಿ ಯೋಸ್ ವಾಗ್ದಾನ್ನ ಲೀಲಿದೊ.

ಇಬ್ರಿ 6:17

ಇಮ್ಮಸ್ ದೇವ್ ಇನಿ ಖ್ಹೂಜ಼್ ನಾ ಬದಲ್ನುಕರಿ ವಾಗ್ದಾನ್ನ ಆಣ್‍ಕರಿನ್ ಘಟ್‌ಕರ‍್ಯೊ.

ಯಾಕೋಬ 2:5

ಮಾರ ಪ್ಯಾರ್‌ನ ಭೈಯೇ ಭೇನೆವೊ ಖ್ಹಮ್‍ಜೊ ದೇವ್ ಆ ಜಗತ್‌ನು ಗರೀಬ್‌ನ ವಿಶ್ವಾಸ್‌ಮ ಶೌಕಾರ್ ಬಣೈನ್‍ಬಿ ಇನ ಪ್ಯಾರ್ ಕರಾವಾಳನ ದೇವ್ನೆ ವಾಗ್ದಾನ್ ಕರ‍್ಯೊತೆ ರಾಜ್ಯನ ಭಾದ್ಯ ಬಣೈನ್‍ಬಿ ರ‍್ಹೇವ್ಣುಕರಿ ಚೂ಼ಣಿಲಿದೊ ಕೊಯ್ನಿಕಿಶು?

1 ಪೇತ್ರ 3:7

ಅಮ್ನಿಸ್ ಪರಕ್ಮ ಬಾವ್ರಿವೊ, ತಯೇಡ ತುಮಾರೇಥೀಬಿ ಕಮ್‌ಜೋ಼ರಿಕರಿ ಮಾಲುಮ್‌ಕರಿನ್, ತುಮೆ ತುಮಾರಿ ಬಾವ್ಣೆನ ಜೋ಼ಡ್ಮ ಅಛ್ಛು಼ ಅಕ್ಕಲ್‍ಥಿ ಚಾ಼ಲಿಲೇವೊ, ಇವ್ಣೆ ಹಮೇಶಾನಿ ಜಿ಼ಂದ್‌ಗೀನಿ ವರಾನ ತುಮಾರಿ ಜೋ಼ಡ್ಮಾಸ್ ಲಿಶೆಕರಿ ಮಾಲುಮ್‌ ಕರಿಲೀನ್ ಇವ್ಣುನ ಮರ್ಯಾದಿಕರೊ. ಅಮ್ ಕರ‍್ಯತೊ ತುಮಾರಿ ಪ್ರಾರ್ಥನೆನ ಅಡ್ಡಿ ಉಶೆಕೊಯ್ನಿ.