ಪೌಲನೆ ತೀತನ ಲೀಖ್ಯೋತೆ ಚಿಟ್ಟಿ 2:8 - ದೇವ್ನಿ ಖ್ಹಾಚಿ ವಚನ್

⁸ ಶಿಕಾಡನಿ ವಖ್ಹ್‌ತೆ ಅಛ್ಛಿವಾತೆ ಶಾತ್ಕಿ ಯೋಸ್ ಬೋಲಿದೆ.ಅಮ್ ರ‍್ಹವಾನಿವಖ್ಹ್‌ತೆ ತಾರಪರ್ ವಿರೋದ್ ರ‍್ಹವಾಳನ, ತಾರಿ ವಿರುದ್ಧವಾತೆಬೋಲಾನ ಶಾತ್‍ಬಿಕೊಂತೆ ಇವ್ಣು ಇವ್ಣೇಸ್ ಖ್ಹರ್‌ಮಾವನಿಘೋಣಿ ಹುಯಿಜಾ಼ಶೆ.

ಪೌಲನೆ ತೀತನ ಲೀಖ್ಯೋತೆ ಚಿಟ್ಟಿ 2:8 ပူးပေါင်းရင်းမြစ်များ

ಮಾರ್ಕ 12:17

ತದೆ ಯೇಸುನೆ, “ಇಮ್‍ಕತೊ, ಕೈಸರ್‌ನು ಶಾತ್‌ ಛಾ಼ಕಿ ಯೋ ಕೈಸರ್‌ನ ದೆವೊ, ದೇವ್ನ ದೇವ್ಣುತೆ ದೇವ್ನ ದೆವೊ” ಕರಿ ಬೋಲ್ಯೊ. ಯೇಸುನೆ ಅಮ್ ಬೋಲ್ಯೋತೆ ದೇಖಿನ್ ಇವ್ಣೆ ಘಣು ಆಶ್ಚರ್ಯಖಾದು.

ಮಾರ್ಕ 12:28

ಹಿಜ್ಜಾ಼ ಮೋಶೆನಿ ವಚನ್‍ ಶಿಕಾಡವಾಳೊ ಶಾಸ್ತ್ರಿಮ ಏಕ್‌ ಜ಼ಣೊ ಇವ್ಣೆ ಚರ್ಚೆ ಕರುಕರಾತೆ ಖ್ಹಮ್‌ಜಿನ್‌, ಯೇಸುನೆ ಸದ್ದುಕಾಯವಾಳನ ಅಛ್ಛು಼ ಜವಾಬ್‌ ದಿದೋತೆ ದೇಖಿನ್, ಯೇಸುಕನ ಐನ್, “ಖ್ಹಾರಿ ಹುಕುಮ್‌ಮ ಮೋಟಿ ಹುಕುಮ್‌ ಖೆವಿ” ಕರಿ ಪುಛಾ಼ಯೊ.

ಮಾರ್ಕ 12:32

ತದೆ ಯೋ ಶಾಸ್ತ್ರಿನೆ, “ಗುರು, ತೂ ಅಶೇಲ್ ಬೋಲ್ಯೊ, ‘ದೇವ್ ಹುಯಿರ‍್ಹೋತೆ ಪ್ರಭು ಎಕ್ಕಸ್ ಜ಼ಣೊ, ಇನ ಮ್ಹೇಲೀನ್‌ ಬಿಜು಼ ಕೋಣ್‌ಬಿ ದೇವ್ ಕೊಯ್ನಿ, ಕರಿ ತುನೆ ಬೋಲ್ಯೊತೆ ಖ್ಹಾಚಿ.

ಮಾರ್ಕ 12:34

ಇನೆ ಸೋಚಿಪರ್‌ಖಿನ್ ಜವಾಬ್‌ ದಿದೊತೆ, ಯೇಸುನೆ ದೇಖಿನ್‌, “ತೂ ದೇವ್ನಿ ರಾಜ್ಯಥಿ ದೂರ್‌ಲ್ಯೊ ಕಾಹೆ” ಕರಿ ಬೋಲ್ಯೊ. ಅನ ಬಾದ್‌ಮ ಯೇಸುನ ಬಿಜು಼ ಶಾತ್ಬಿ ಪುಛಾ಼ವನ ಕಿನೇಬಿ ಹಿಮ್ಮತ್ ಕೋ ಕರ‍್ಯುನಿ.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 13:17

ಯೇಸುನಿ ಆ ವಾತೇನ ಖ್ಹಮ್‌ಜಿನ್‌, ಯೇಸುನ ವಹೇರ್‌ ಕರಾವಾಳು ಖ್ಹಾರಾನ ಖ್ಹರಮ್‌ಲಾಗ್ಯು. ಕತೋಬಿ ಅದ್ಮಿಖ್ಹಾರು ಯೇಸುಥಿ ಹುಯೂತೆ ತಮಾಮ್‌ ಮಹಾನ್‍ ಕಾಮ್ನಟೇಕೆ ಖ್ಹುಶಿ ಕರ‍್ಯು.

2 ಥೆಸ 3:14

ಆ ಚಿಟ್ಟೀಮ ಹಮೆ ತುಮೂನ ಬೋಲುಕರೇತೆ ಕೋಣ್ ಇನ ಮಾನಕೊಯ್ನಿಕಿ, ಇಮ್‌ನಾನಿ ಖ್ಹಣೇದ್ ಕರೀನ್, ಇನ ಖ್ಹರಮ್‌ ಲಾಗಾನಿಘೋಣಿ ಕೋಣ್‌ಬಿ ಇನಿ ಖ್ಹಂಗ್ ನಕೊ ಕರೊ.

1 ತಿಮೊ 5:14

ಇನಖ್ಹಾಜೇಸ್ ಮೇ ಬೋಲುಸ್ಕಿ, ಜಾ಼ನ್ಜ಼ಮಾನ್ ಮುಂಡಚ್ಚಿಯೆ ವ್ಯಹಾ ಕರಿಲೀನ್, ಲಡ್ಕಾ ಜ಼ಣಾದೆ ಅಜು಼ ಇವ್ಣ ಘರ್‌ನ ದೇಕ್-ಭಾಲ್ ಕರಾದೆ, ಅನೇಥಿ ಅಪ್ಣ ದುಶ್‌ಮನ್ನ ಅಪ್ಣಪರ್ ಗಲತ್‌ ಬೋಲಾನ ವಾಟ್‌ ಕೋ ರ‍್ಹಿಶೇನಿ.

1 ತಿಮೊ 6:3

ಏಕ್‍ ವೇಳ್ಮ ಕೋಣ್‌ತೋಬಿ ಬಿಜಿಥರಾನು ಉಪದೇಶ್‍ನ ಶಿಕಾಡಸ್ಕಿ ಅಜು಼ ಅಪ್ಣೊ ಪ್ರಭು ಯೇಸುಕ್ರಿಸ್ತನಿ ಖ್ಹಾಚಿ ವಚನ್ ಅಖ್ಖಾನ ಅಜು಼ ಭಕ್ತಿಥಿ ರ‍್ಹವಾನು ಭರ್‌ಪೂರ್‌ ಬೋಧನೆನ ಕೋಣ್ ಸ್ವೀಕಾರ್ ಕೋ ಕರಿಲೇಯ್ನಿಕಿ,

ಪೌಲನೆ ತೀತನ ಲೀಖ್ಯೋತೆ ಚಿಟ್ಟಿ 3:14

ಅಪ್ಣು ಅದ್ಮಿಖ್ಹಾರು ಚು಼ಪ್‌ಕೆಸ್ ನಾರ‍್ಹೇವ್ಣುತೆ, ಅಛ್ಛು಼ ಕಾಮ್ ಕರಾನ ಶಿಕಿನ್, ಇವ್ಣ ಜ಼ರೂರತ್‌ನ ಪರ್ಖಿನ್ ದ್ಯವವಾಳು ಹುಯಿರ‍್ಹಾವದೆ.

1 ಪೇತ್ರ 2:12

ತುಮಾರಿ ಚಾ಼ಲ್‍ಚ಼ಲಣ್‍ ಅಲ್ಹಾವ್‌ ಅದ್ಮಿವ್‌ನ ಇಚ಼್‌ಮ ಯೋಗ್ಯಹುಯಿರ‍್ಹವಾದೆ, ತದೆ ಇವ್ಣೆ ಖೆವಿಸ್ ವಾತ್ನಿ ಬಾರೇಮ ತುಮುನ ಖರಾಬ್‍ಕರಿ ಚಾ಼ವ್‌ಣ್ಯ ಕರಾಸ್ಕಿ ಯೋಸ್ ತುಮಾರಿ ವಾತೆಮ ತುಮಾರಿ ಅಛ್ಛಿ ಚಾ಼ಲ್‍ಚ಼ಲಣ್ಣಾ ಡೋಳೆಖ್ಹು ದೇಖಿನ್, ದೇವ್ ಆವನ ದನೂಮ ಅಪ್ಣುನ ಇವ್ಣೆ ಖ್ಹರಾವ್‌ಶೆ.

1 ಪೇತ್ರ 2:15

ತುಮೆ ಅಛ್ಛು಼ಕರಾನಿ ವಖ್ಹ್‌ತೆ ತುಮಾರಿ ಬಾರೇಮ ಖರಾಬ್ ವಾತೆಬೋಲಾನು ಬಿಣ್‍ಅಕ್ಲಿ ಅದ್ಮಿವ್‌ನ ಮ್ಹೋಡು ಮುಚಾ಼ನಿತರ ಕರಾನುಸ್ ದೇವ್ನಿ ಖ್ಹೂಜ಼್ ಹುಯಿರ‍್ಹಿಸ್.

1 ಪೇತ್ರ 3:16

ಅಜು಼ ಅಛ಼್ಛು ದಿಲ್‌ನಿಸಾಕ್ಷಿವಾಳ ಹುಯಿ‍ರ‍್ಹೆವೊ. ತದೆ ತುಮೆ ಖರಾಬ್‌ನ ಕರಾವಾಳಕರಿ ತುಮಾರಿ ಬಾರೇಮ ಖರಾಬ್ ವಾತೆ ಬೋಲಿನ್ ಕ್ರಿಸ್ತಮಛಾ಼ತೆ ತುಮಾರಿ ಅಛ್ಛಿ಼ಚಾ಼ಲ್‍ನಿ ಬಾರೇಮ ಖರಾಬ್‍ವಾತ್‍ ಬೋಲಾವಾಳು ತುಮುನ ಚಾ಼ವ್‍ಣ್ಯ ಕಾಡಾನ ಖ್ಹರ್‌ಮೈಜಾ಼ಶೆ.