ಪೌಲನೆ ತೀತನ ಲೀಖ್ಯೋತೆ ಚಿಟ್ಟಿ 2:2 - ದೇವ್ನಿ ಖ್ಹಾಚಿ ವಚನ್

² ಬುಢಾಖ್ಹಾರು ಪಿಯಾವಾಳು ನಾ ರ‍್ಹೇವ್ಣುತೇಬಿ, ಮರ್ಯಾದಿಥಿ ರ‍್ಹಹವಾಳೂಬಿ, ಇವ್ಣು ಇವ್ಣೆಸ್ ದಾಬುಕ್ಮ ರ‍್ಹವಾಳುಬಿ ಹುಯಿರ‍್ಹೇಣು, ಪ್ಯಾರ್, ಖ್ಹಮಾಳಿಲ್ಯವಾನು, ಅಜು಼ ವಿಶ್ವಾಸ್‌ಮ ರ‍್ಹವಾಳು ಹುಯಿರ‍್ಹೇಣು ಕರಿ ಶಿಕಾಡ್‌.

ಪೌಲನೆ ತೀತನ ಲೀಖ್ಯೋತೆ ಚಿಟ್ಟಿ 2:2 ပူးပေါင်းရင်းမြစ်များ

ಮಾರ್ಕ 5:15

ಯೇಸು ಹಿಜ್ಜಾ಼ ಆಯೊ ತದೆ ಯೋ ಭೂತ್‌ನಿ ಝೂ಼ಂಡ್‌ ಧರಿರಾಖ್ಯುಥೂತೆ ಅದ್ಮಿ ಲುಂಗ್ಡಾವ್‍ನ ಪೇರ‍್ಹಿಲಿನ್, ಅಛ್ಛಿ ಖ್ಹಯಾಲ್‌ಥಿ, ಬೆಠುಥೂತೆ ದೇಖಿನ್, ಅದ್ಮಿಖ್ಹಾರು ಡರಿಗಯು.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 8:35

ತದೆ ಯೋ ಅದ್ಮಿಖ್ಹಾರು ಚಾ಼ಲ್ಯುತೆ ಇನ ದೇಖಾನಖ್ಹಾಜೆ ಯೇಸು ಥೋತೆ ಹಿಜ್ಜಾ಼ ಆಯು. ತದೆ ಭೂತ್‌ಖ್ಹಾರು ನಿಕ್ಳಿಗಯುಥೂತೆ ಯೋ ಅದ್ಮಿ ಲುಂಗ್ಡಾವ್‍ನ ಪೇರ‍್ಹಿಲಿನ್‌, ಅಛ್ಛಿ ಖ್ಹಯಾಲ್‌ಥಿ, ಯೇಸುನ ಗೋಡಾಕನ ಬೆಠುಥೂತೆ ದೇಖಿನ್, ಇವ್ಣೆ ಖ್ಹಾರು ಡರಿಗಯು.

ಅಪೊಸ್ತಲರ್‌ನು ಕಾಮ್‌ಖ್ಹಾರು 24:25

ಕತೋಬಿ ಪೌಲನೆ, ನೀತಿ,ಅಜು಼ ಇನುಯೋ ದಾಬುಕ್ ರ‍್ಹವಾನು, ಅಜು಼ ಖ್ಹಾಮ್ಣೆ ಉಳ್ಯಾವತೆ ನ್ಯಾಯತೀರ್ಪ್‌ನಿ ಬಾರೇಮ ಬೋಲಾಮ ಫೇಲಿಕ್ಸನೆ ಡರಿನ್, “ಹಮ್ಕೆ ತೂ ಜಾ಼ ಮನ ವಖ್ಹತ್ ಮಳಾದಿನ್ ತುನ ಬುಲೈಮಂಗೈಷ್” ಕರಿಬೋಲ್ಯೊ.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 12:3

ದೇವ್ನೆ ಮನ ಕೃಪಾಥಿ ದೀರಾಖ್ಯೋತೆ ಸೇವೆನಖ್ಹಾಜೆ ತುಮಾರಮ ಹರೇಕ್ ಜ಼ಣಾನ ಮೇ ಬೋಲಾನು ಶಾತ್‍ಕತೊ, ತುಮಾರಿ ಲ್ಹಾಯೇಕ್‌ನ ಮೀರಿನ್ ತುಮೆ ಸೋಚ್ನುನಾತೆ ದೇವ್ ಏಕೇಕ್‌ ಜ಼ಣಾನ ಕಿಮ್‌ಕಿಮ್‌ನು ವಿಶ್ವಾಸ್‌ನಿ ತಾಖತ್ನ ದೀರಾಖ್ಯೊಸ್ಕಿ ಇವ್ಣಿ ಬಾರೇಮ ಬರೋಬರ್‌ಥಿ ಮಾಲುಮ್‌ಕರಿರಾಖದೆ.

1 ಕೊರಿಂಥ 15:34

ನೀತಿನಖ್ಹಾಜೆ ಹೊಷಾರಿ ಹುವೊ, ಪಾಪ್ನ ನಕೊಕರೊ. ಥೋಡಜ಼ಣಾನ ದೇವ್ನಿ ಬಾರೇಮ ಮಾಲುಮ್ಮಸ್‍ಕೊಯ್ನಿ. ತುಮೂನ ಖ್ಹರಮ್‌ ಲಾಗಾದೆಕರಿ ಮೇ ಆ ವಾತ್ ಬೋಲುಕರುಸ್.

1 ಕೊರಿಂಥ 9:25

ಹರೇಕ್‍ಜ಼ಣು ಖೇಲ್‍ ಖೇಲವಾಳು ಯೊ ಅಖ್ಖಿ ಬಾರೆವ್‌ಮ ಶಿಕೆಹುಯೊ ಹುಯಿರ‍್ಹೆಸ್. ಇವ್ಣೆ ಖರಾಬ್ ಹುಯಿಜಾ಼ಸ್ ಕೊಯ್ನಿತೆ ಕಿರೀಟ್ನ ಲ್ಯವಾನಖ್ಹಾಜೆ ಹಿಮ್ಮತ್ ಕರಸ್. ಕತೋಬಿ ಅಪ್ಣೆತೋಬಿ ಕದೇಬಿ ಮಟಿಜಾ಼ಯಿಕೊಂತೆ ಕಿರೀಟ್ನ ಲ್ಯವಾನಖ್ಹಾಜೆ ಹಿಮ್ಮತ್ ಕರಾವಾಳು ಹುಯಿರ‍್ಹಾಸ್.

2 ಕೊರಿಂಥ 5:13

ಶನಕತೊ ಹಮೆ ದಿವಾನ ಹುಯಿರ‍್ಹಉಶೇತೊ ಯೊ ದೇವ್ನ ಮಹಿಮೆನ ಖ್ಹಾಜೆಸ್. ಹಮೂನ ಅಛ್ಛಿ ಬುದ್ಧಿ ಉಶೇತೊ ಯೊ ತುಮಾರ ಫಾಯಿದಾನ ಖ್ಹಾಜೆಥೀಸ್.

ಗಲಾತ್ಯ 5:23

ಶೇದೇವ್, ದೋಭೇಡು ಅಥ್ರಾನುಸ್. ಆ ಅಖ್ಖಾನ ವಿರೋದ್‌ಥಿ ಖಿವು ಧರ್ಮಶಾಸ್ತ್ರಬಿ ಕೊಯ್ನಿ.

ಫಿಲಿಪ್ಪಿ 4:8

ಕಡೇಶಿಮ ಮಾರ ಭೇನೆ ಭೈಯೇವೊ, ಖಿವು ಖ್ಹಾಚು಼ಕಿ, ನ್ಯಾವ್‌ನೂಕಿ, ಗಣ್ತಿನುಕಿ, ಪಾಕ್‌ನೂಕಿ, ಲಾಡ್ನೂಬಿ, ಖ್ಹಾಜ಼್‌ನುಬಿ ಹುಯಿರ‍್ಹುಸ್ಕಿ, ಖಿವು ಅಛ್ಛಿ ಚಾ಼ಲ್‌ಚ಼ಲಣ್‌ಬಿ, ಕೀರತ್ನ ಲ್ಹಾಯೇಕ್ಕಿ, ಯೊ ಅಖ್ಖಾನಿ ಬಾರೇಮ ಸೋಚಾವಳ ಹುಯಿ‍ರ‍್ಹೆವೊ.

1 ಥೆಸ 5:6

ಇನಖ್ಹಾಜೆ ಅಪ್ಣೆ ಬಿಜಾ಼ನಿಮತ್ ನಿಂದರ್‌ ನಾಲೇವ್ಣುತೆ, ಹೊಷಾರಿ ರ‍್ಹಿಯೆ ಅಜು಼ ಅಪ್ಣು ಅಪ್ಣೆ ದಾಬುಕ್ಮ ರ‍್ಹಿಯೆ.

1 ಥೆಸ 5:8

ಕತೋಬಿ ಅಪ್ಣೇತೊ ದನ್ ಭಣಿವಾಳ ಹುಯಿರ‍್ಹಾಸ್. ಇನಖ್ಹಾಜೆ ಅಪ್ಣು ಅಪ್ಣೆ ದಾಬುಕ್ಮ ರ‍್ಹಿಯೆ. ಅಪ್ಣೆ ಪ್ಯಾರ್ ಅಜು಼ ವಿಶ್ವಾಸ್‌ನಿ ಕವಚ್‌ನ ಛಾ಼ತಿಪರ್ ಪೇರ‍್ಹಿಲೇವ್ಣು ಅಜು಼ ರಕ್ಷಣೆನಿ ವಿಶ್ವಾಸ್‌ಕರಿ ರ‍್ಹವಾನು ಮುಡ್‌ಕ್ಯಾನ ಕವಚ್‌ನ ಫೇರಿಲೇವೊ,

1 ತಿಮೊ 1:10

ಅನೀತಿವಾಳು, ಸಲಿಂಗ್‍ ವ್ಯಬಿಚಾರ್ ಕರವಾಳು, ಚೋ಼ರ್‌ಚ಼ಖಾಟ್ ಕರಾವಾಳು, ಝೂ಼ಟಿಸಾಕ್ಷಿ ಬೋಲವಾಳು, ಕೋಣ್ ಅಛ್ಛಿ ಉಪದೇಶ್‍ನ ವಿರೋದ್ ಹುಯಿರ‍್ಹುಸ್ಕಿ ಇವ್ಣಖ್ಹಾಜೆ ಹುಯಿರುಸ್.

1 ತಿಮೊ 1:14

ಪ್ರಭುನೆ ಇನಿ ಕೃಪೆನ ಕೆತ್ರೇಕ್ಕಿ ಜಾ಼ಖ್ಹತ್ ಮಾರಪರ್ ರಂಚ್ಯೊ. ಇನಿ ವಿಶ್ವಾಸ್ ಅಜು಼ ಪ್ಯಾರ್‌ನ ದಿದೊ. ಯೋ ಅಪ್ಣೊ ಯೇಸುಕ್ರಿಸ್ತನ ಮಳಿರ‍್ಹವಾಮ ಛಾ಼.

1 ತಿಮೊ 1:2

ವಿಶ್ವಾಸ್‌ಮ ಮಾರೊ ಖ್ಹಾಚೊ಼ ಛಿಯ್ಯಾನಿಘೋಣಿ ಹುಯಿರ‍್ಹೋತೆ ತಿಮೊಥೆನ, ಬಾ ದೇವ್‍ಥಿ ಅಜು಼ ಅಪ್ಣೊ ಪ್ರಭು ಹುಯಿರ‍್ಹೋತೆ ಕ್ರಿಸ್ತ ಯೇಸುಥಿ, ವಾರ್‌ಖ್ಹೊ ಗೋರ್‌ ಅಜು಼ ಶಾಂತಿಬಿ ಮಳಾದೆ.

1 ತಿಮೊ 1:5

ಪಾಕ್‌ ದಿಲ್‌, ಅಛ್ಛಿ ಖ್ಹಯಾಲ್, ಶುದ್ಧಮನ್‌ಥೀಬಿ ವಿಶ್ವಾಸ್‍ಥಿ ಪೈದಹುಯುತೆ ಪ್ಯಾರ್ ದೇವ್ನಿ ಹುಕುಮ್‌ನಿ ಶುಶತ್ ಹುಯಿರ‍್ಹಿಸ್.

1 ತಿಮೊ 3:11

ಇಮ್ಮಸ್ ಇವ್ಣಿ ಬಾವಣ್‌ಬಿ ಚಾ಼ಲ್‌ಚ಼ಲಣ್‍ಮ ಅಛ್ಛಿ ರ‍್ಹಹವಾಳಿಯೆ ಹುಯಿರ‍್ಹೇಣು ಅಜು಼ ಚ಼ಹಾಡ್ ಬೋಲವಾಳಿಯೆ ನಾ ಹುಯಿರ‍್ಹೇಣು; ಅಛ್ಛೇಥಿ ಚಾ಼ಲ್‌ವಾಳಿ ಹುಯಿರ‍್ಹೇಣು ಅಜು಼ ಇವ್ಣೆ ಹರೇಕ್‌ಮ ವಿಶ್ವಾಸ್‌ವಾಳಿಬಿ ಹುಯಿರ‍್ಹೇಣು.

1 ತಿಮೊ 3:2

ಸಬೆನ ಚ಼ಲಾವವಾಳೊ ಗಲ್ತಿ ನಾಕರಾವಾಳೊ ಹುಯಿರ‍್ಹೇಣು. ಇನು ಯೋ ದಾಬುಕ್ಮ ರ‍್ಹವಾಳೊ ಹುಯಿರ‍್ಹೇಣು, ಆತ್ಮಾನ ಖ್ಹಮಾಳಿಲ್ಯವಾಳೊ, ಅಛ್ಛಿ ಚಾ಼ಲ್ ಚ಼ಲಣ್‍ಥಿ ರ‍್ಹವಾಳೊ, ಆವವಾಳಾನ ಸ್ವಾಗತ್‌ಕರವಾಳೊ, ಅಜು಼ ವಚನ್ ಶಿಕಾಡಾಮ ಚಾ಼ತುರ್ ಹುಯಿರ‍್ಹೇಣು.

1 ತಿಮೊ 3:4

ಯೋ ಇನ ಘರ್‌ವಾಳಾನ ಬರೊಬರ್‌ಥಿ ಚ಼ಲಾವವಾಳೊ ಅಜು಼ ಇನ ಲಡ್ಕಾ ಇನಿ ವಾತೇನ ಖ್ಹಮ್‌ಜಿನ್‌, ಮರ್ಯಾದಿ ದ್ಯವಾನಿಘೊಣಿ ದೇಖಿಲೆವ್ಣು.

1 ತಿಮೊ 3:8

ಇಮ್ಮಸ್ ಸಬೇಮ ಸೇವಕ್‌ರಾವಾಳೂಬಿ ಮರ್ಯಾದಿ ಲೀಲ್ಯಾವನ ಯೋಗ್ಯ ಹುಯಿರ‍್ಹೇಣು. ಅಜು಼ ಇವ್ಣೆ ಬೇಜೀಬ್‌ವಾಳು. ಇವ್ಣೆ ಪಿಯಾವಾಳುಸ್ಕಿ ಅಜು಼ ಪೈಶಾನಿ ಲಾಲಚ್‌ಮ ನಾ ರ‍್ಹೇಣು.

1 ತಿಮೊ 5:1

ಬುಢಾ ಅದ್ಮಿನ ಗುರ್‌ಕಾವ್‍ನಕೋತೆ, ಇವ್ಣುನ ತಾರ ಬಾನಿಮತ್ ಕರಿ ಸೋಚೊ, ಜಾ಼ನ್ಜ಼ಮಾನ್ ಪರ್ಖ್ಹಾವ್‌ನ ಭೈಯೇನಿಘೋಣಿ ಇವ್ಣುನ ಅಕ್ಕಲ್ ಬೋಲಿಒತಾಳ್‌.

ಪೌಲನೆ ತೀತನ ಲೀಖ್ಯೋತೆ ಚಿಟ್ಟಿ 1:13

ಪ್ರವಾದಿನೆ ಬೋಲ್ಯೋತೆ ಸಾಕ್ಷಿ ಖ್ಹಾಚಿಸ್ ಹುಯಿರ‍್ಹೀಸ್. ತೂ ಇವ್ಣುನ ಬರಾಬರ್‌ಥಿ ಗುರ್‌ಕಾವ್ಣು, ಅನೇಥಿ ಇವ್ಣೆ ಅಛ್ಛಿ ವಿಶ್ವಾಸ್‌ಮ ರ‍್ಹಿಶೆ.

ಪೌಲನೆ ತೀತನ ಲೀಖ್ಯೋತೆ ಚಿಟ್ಟಿ 1:8

ಯೋ ಘರ್‌ಮ ವಿಶ್ವಾಸ್‌ವಾಳನ ಬುಲೈನ್ ಸ್ವಾಗತ್ ಕರವಾಳೊ ಹುಯಿರ‍್ಹೇಣು, ಅಛ್ಛಾ಼ನಪ್ಯಾರ್ ಕರವಾಳೊಬಿ, ಅಕ್ಲೀಬಿ, ನೀತಿಥಿರ‍್ಹವಾಳೊಬಿ, ಪರಿಶುದ್ ಹುಯಿರ‍್ಹೇಣು.

ಪೌಲನೆ ತೀತನ ಲೀಖ್ಯೋತೆ ಚಿಟ್ಟಿ 2:7

ತುಮಾರ ಭೋದನ್ ಕಾಮ್ ಖ್ಹಾರಾಮ, ತೂ ಕಿಮ್ ರ‍್ಹೇಸ್ಕಿ ತಿಮ್ ಬಿಜೇಕ್ ಜ಼ಣಾನ ಬರಾಬರ್‌ಥಿ ವತಾಳಿಲೆ. ತೂ ಶಿಕಾನ ಹಗಾಮ್ಮ ಇಮಾನ್‌ದಾರ್ ಅಜು಼ ಗ್ರಿಸ್ತಿಥಿ ರ‍್ಹೇ.

ಫಿಲೆಮೋನ 1:9

ಕತೋಬಿ ಪ್ಯಾರ್‌ನಿ ಆಧಾರ್‌ಪರ್ ಮೇ ತುಮೂನ ಗಿಂಗೈಲೆವುಸ್, ಏಕ್‌ ಬುಢೊ ಹುಯಿರೋತೆ ಪೌಲಹುಯಿರೋತೆ ಅಜು಼ ಕ್ರಿಸ್ತನಖ್ಹಾಜೆ ಜೇಲ್‌ಮ ಘಲೈರೋತೆ ಮೇ ಅನ ಕರುಕರೂಸ್.

1 ಪೇತ್ರ 1:13

ಇನಾಖ್ಹಾಜೆ ತುಮೆ ತುಮಾರ ದಿಲ್ನ ಘಟ್‍ಕರಿಲೀನ್, ಅಛ್ಛಿ ಸೋಚ್‌ವಾಳ ಹುಯಿರ‍್ಹಿನ್, ಯೇಸು ಕ್ರಿಸ್ತ ಆವಾನಿ ವಖ್ಹ್‌ತೆ ತುಮುನ ಮಳ್‌ಶೇತೆ ವಾರ್‌ಖ್ಹಾನ ಉಪ್ಪರ್ ತುಮಾರಿ ಪೂರ ಭರೋಖ್ಹೊ ರ‍್ಹವಾದೆ.

1 ಪೇತ್ರ 4:7

ಖ್ಹಾರಸ್‌ನು ಖ್ಹರ್ತಿನು ಹಗಾಮ್ ಖನ್ನೆ ಹುಯಿರ‍್ಹುಸ್. ಅನಖ್ಹಾಜೇಥಿ ತುಮಾರು ತುಮೆ ದಾಬುಕ್ಮ ರ‍್ಹವಾಳ ಹುಯಿನ್ ಪ್ರಾರ್ಥನೆ ಕರಾನ ತಾಖತ್‍ವಾಳ ಹುಯಿ‍ರ‍್ಹೆವೊ.

1 ಪೇತ್ರ 5:8

ಅಛ್ಛಿಖ್ಹೂಜ಼್‌ವಾಳನ ಹುಯಿ‍ರ‍್ಹೆವೊ ಅಜು಼ ಜ಼ತನ್‌ಥಿ ರ‍್ಹವೊ. ತುಮಾರೊ ವಿರೋದಿ ಹುಯಿರ‍್ಹೋತೆ ಶೈತಾನ್, ಘಲಾರತೆ ಶುಂಭಾನಿತರ ಕಿನ ಚೀರಿಖಾವ್ಣು ಕರಿ ಢೂಂಡ್ತೊ ಚಾ಼ಲ್ಯೊಫಂಡಾಸ್.

2 ಪೇತ್ರ 1:6

ಅಛ್ಛಿ ಗ್ಯಾನ್ನ ಜೋ಼ಡೆ ಖ್ಹುದ್‌ನ ಖ್ಹಮಾಳಿಲ್ಯವಾಮ, ಖ್ಹಮಾಳನ ಜೋ಼ಡೆ, ಭಾಲ್ನ, ಭಾಲ್ನ ಜೋ಼ಡೆ ಅಛ್ಛಿ ಭಕ್ತಿನ, ಮಳಾವೊ.