ಪೌಲನೆ ತೀತನ ಲೀಖ್ಯೋತೆ ಚಿಟ್ಟಿ 2:13 - ದೇವ್ನಿ ಖ್ಹಾಚಿ ವಚನ್

¹³ ಕತೊ ಕಿಮ್ ಭರೋಖ್ಹೊ ಕರೀನ್ ಜ಼ಪುಕರೇ಼ತೆ ಖ್ಹುಶಿನೊ ದನ್ನಖ್ಹಾಜೆ, ಅಪ್ಣೆ ಅಮ್ಮಸ್ ಜಿವ್ಣು. ತದೆ ಯೋ ದನ್ಮ ಅಪ್ಣೊ ಮಹಾನ್ ದೇವ್ ಅಜು಼ ರಕ್ಷಕ್ ಹುಯಿರ‍್ಹೋತೆ ಯೇಸುಕ್ರಿಸ್ತನಿ ಮಹಿಮೆ ದೆಖಾವ್‌ಶೆ.

ಪೌಲನೆ ತೀತನ ಲೀಖ್ಯೋತೆ ಚಿಟ್ಟಿ 2:13 ပူးပေါင်းရင်းမြစ်များ

ಮತ್ತಾಯ 16:27

ಅದ್ಮಿನೊ ಛಿಯ್ಯೊ ಇನ ಬಾನಿ ಮಹಿಮೆಥಿ ಅಜು಼ ಇನ ದೂತರ್‌ನ ಜೋ಼ಡೆ ಆವ್‌ಶೆ; ಯೋ ವಖ್ಹತ್‌ಮ ಏಕೇಕ್‌ನ ಇವ್ಣಿ ಚಾ಼ಲ್‌ನಿಘೋಣಿ ಇನಾಮ್ ದಿಶೆ.

ಮತ್ತಾಯ 25:31

ಅತ್ರೇಸ್ ಕಾಹೆತೆ ಅದ್ಮಿನೊ ಛಿಯ್ಯೊ ಇನಿ ಮಹಾನ್ ಮಹಿಮೆಥಿ ತಮಾಮ್‌ ದೇವ್‌ನು ದೂತರ್‌ನ ಜೋ಼ಡೆ ಆವಾನಿ ವಖ್ಹತ್‌ಮ, ಯೊ ಇನಿ ಮಹಿಮೆನು ಸಿಂಹಾಸನ್‍ಪರ್ ಬೇಖ್ಹ್‌ಶೆ.

ಮತ್ತಾಯ 26:64

ಯೇಸುನೆ ಇನ, “ತುನೇಸ್ ಬೋಲ್ಯೋನಿ; ಅತ್ರೇಸ್ ಕಾಹೆತೆ ಮೇ ತುಮೂನ ಬೋಲುಸ್ಕಿ, ಹಂಕೇಥು ಅದ್ಮಿನೊ ಛಿಯ್ಯೊ ಮಹಾನ್ ಶಕತ್‌ವಾಳಾನಿ ಖಾವಿಬಾಜು಼ಮ ಬೆಠೊರ‍್ಹಿಶೇತೆ ಅಜು಼ ಆಬ್‍ನ ವಾದ್ಳಪರ್ ಬೇಶಿನ್ ಆವ್‌ಶೇತೆ ತುಮೆ ದೇಕ್‌ಶು!” ಕರಿ ಬೋಲ್ಯೊ.

ಮಾರ್ಕ 14:62

ಯೇಸುನೆ, “ಒಹೊ, ಮೇಸ್; ಎತ್ರೇಸ್ ಕಾಹೆತೆ ಅದ್ಮಿನೊ ಛಿಯ್ಯೊ, ಮಹಾನ್ ಶಕತ್‌ವಾಳೊ ದೇವ್ನ ಖಾವಿಬಾಜು಼ಮ ಬೆಠೊರ‍್ಹಿಶೇತೆ ಅಜು಼ ಆಬ್‍ನ ವಾದ್ಳಪರ್ ಬೇಶಿನ್ ಆವ್‌ಶೇತೆ ತುಮೆಖ್ಹಾರು ದೇಕ್‌ಶು!” ಕರಿ ಬೋಲ್ಯೊ.

ಮಾರ್ಕ 8:38

ವ್ಯಭಿಚಾರಣಿ ಘೋಣಿ ಛಾ಼ತೆ, ಆ ಪಾಪ್‍ಭರಿ ಪಿಳ್ಗಿಮ ಕೋಣ್‌ತೋಬಿ, ಮಾರಖ್ಹಾಜೆ ಅಜು಼ ಮೇ ಬೋಲಿಶಿಕಾಡುತೆ ವಚನ್ನಖ್ಹಾಜೆಬಿ ಖ್ಹರ್‌ಮಾಯೂತೊ, ಅದ್ಮಿನೊ ಛಿಯ್ಯೋಬಿ ಇನ ಬಾನಿ ಶಕತ್‌ಥೀಬಿ ಅಜು಼ ಉಜಾ಼ಖ್ಹ್‌ಥಿ ಭರೈನ್, ಅದಿಕಾರ್‌ಥಿ ಪವಿತ್ರ ದೇವ್‌ದೂತರ್‌ನ ಜೋ಼ಡೆ ಆವಾನಿ ವಖ್ಹತ್‌ಮ, ಯೊ ಅದ್ಮಿನಿ ಬಾರೇಮ ಖ್ಹರ್‌ಮಾವ್‌ಶೆ” ಕರಿ ಬೋಲ್ಯೊ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 24:15

ಆ ನಾಹುಯಿನ್ ನೀತಿವಾಳನಾಬಿ ಅನೀತಿವಾಳನಾಬಿ ಖ್ಹಾರೂಸ್ ಪಾಛು಼ಜಿವ್ತು ಉಷೆಕರಿ ಆ ಯೆಹೂದ್ಯರ್ ದೇವ್‌ಮ ಖಿವಿ ಪರಕ್ಮ ಭರೋಖ್ಹೊ ರಾಖಿರಾಖ್ಯುಸ್ಕಿ ಯೋಸ್ ಪರಕ್ಮ ಮೇಬಿ ಭರೋಖ್ಹೊ ಕರಿರಾಖ್ಯೊಸ್.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 15:13

ಭರೋಖ್ಹಾನ ದ್ಯವಾಳೊ ದೇವ್ ಪವಿತ್ರಾತ್ಮನಿ ಶಕಥ್ಥಿ ಘಣು ಭರೋಖ್ಹಾಥಿ ನಂಬಾವಾಳನ ಖ್ಹುಶಿ ಅಜು಼ ಸಮಾಧಾನ್‌ಥಿ ಭರಾದೆ, ಅನಖ್ಹಾಜೇಥಿ ಶಕಥ್ಥಿ ಆಖ್ಹ್‌ಮ ಭಡ್ತಾ ಜಾ಼ವ್ಣುತೆ ತಿಮ್ ತುಮೂನ ವಿಶ್ವಾಸ್‍ಥಿ ಮಳಾತೆ ಹರೇಕ್ ಖುಷಿ ಸಮಾಧಾನ್ ದ್ಯವಾದೆ.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 5:5

ಆ ಭರೋಖ್ಹೊ ಕದೇಬಿ ನಿರಾಶ್‍ ಕೋಕರ್‌ಶೇನಿ, ಶನಕತೊ ದೇವ್ನಿ ಪ್ಯಾರ್‌ ಅಪ್ಣುನ ಇನಿ ವರಹುಯಿರ‍್ಹಿತೆ ಪವಿತ್ರಾತ್ಮಥಿ ಅಪ್ಣ ದಿಲ್ಮ ರಂಚಿರಾಖ್ಯೊಸ್.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 8:18

ಅಪ್ಣುನ ಖ್ಹಾಮ್ಣೆ ಮಾಲುಮ್ ಪಡ್‌ಶೇತೆ ಮಹಿಮೆನಿ ಜೋ಼ಡ್ಮ ಏಕ್‍ಕರಿ ದೆಖಾನಿವಖ್ಹ್‌ತೆ ಹಮ್ಕೇನಿ ಖ್ಹತಾಪ್ಣಿಖ್ಹಾರು ಯೊ ಶಾತ್ಬಿಕೊಯ್ನಿ.

1 ಕೊರಿಂಥ 1:7

ಅಮ್‍ರ‍್ಹವಾಪರ್, ಅಪ್ಣೊ ಪ್ರಭು ಯೇಸುಕ್ರಿಸ್ತ ಪಾಛೊ಼ ಆವಾನುಸ್ ಟಿವೈ ದೇಖುಕರಾತೆ ತುಮೆ, ದೇವ್‍ಥಿ ಆವಾತೆ ಹರೇಕ್ ವರಾನ ಲೀಲ್ಯಾವಾಳ ಹುಯಿರಾಸ್.

2 ಕೊರಿಂಥ 4:4

ದೇವ್‌ನೊ ರೂಪ್ ಹುಯಿರೋತೆ ಕ್ರಿಸ್ತನಿ ಉಜಾ಼ಖ್ಹ್‌ನ ವತಾಳನು ಮಹಿಮೆನಿ ಸುವಾರ್ತೆ ಅವ್ಣಾಮ ಉಜಾ಼ಖ್ಹ್‌ ನಾಹೊಣುಕರಿ, ಆ ಜಗತ್‌ನು ದೇವ್‌ ವಿಶ್ವಾಸ್‌ಕೊಂತೆ ಇವ್ಣ ದಿಲ್ನ ಕಾಣು ಕರಿನಾಖ್ಯು.

2 ಕೊರಿಂಥ 4:6

“ಉಜಾ಼ಳು ಅಂಧಾರನ ಮಹಿಥು ಉಜಾ಼ಖ್ಹ್‌ ಮ್ಹೇಲಾದೆ” ಕರಿ ದೇವ್ನೆ ಏಕ್‌ ವಖ್ಹತ್ ಬೋಲಿರಾಖ್ಯೊಸ್. ಯೋ ದೇವಸ್ ಹಮಾರಿ ದಿಲ್ನ ಇನ ಉಜಾ಼ಳೇಥಿ ಉಜಾ಼ಖ್ಹ್‌ ಕರಿರಾಖ್ಯೋಸ್. ಕ್ರಿಸ್ತನ ಮ್ಹೋಡಪರ್ ಛಾ಼ತೆ ದೇವ್ನಿ ಮಹಿಮೆನ ಹಮೂನ ಖ್ಹಮ್‍ಜಾ಼ಡಾಥಿ ಇನೆ ಹಮೂನ ಉಜಾ಼ಳು ದೀರಾಖ್ಯೊಸ್.

ಕೊಲೊಸ್ಸೆ 1:23

ಆಕಾಶ್‍ನ ಹೇಟ್‍ಛಾ಼ತೆ ತಮಾಮ್‌ ಉಬ್‍ಜಾ಼ವ್ಣಿನ ಅಜು಼ ತುಮೆ ಬೋಲಿರಾಖ್ಯಥಾತೆ ಸುವಾರ್ತೆನಿ ಆಖ್ಹ್‌ಥಿ ಧಕೇಲೈ ನಾಜಾ಼ವ್ಣುತೆ ಘಟ್‍ಥಿ ವಿಶ್ವಾಸ್ಮ ಭೀರ‍್ಯಾವಾಳ ಹುಯಿರ‍್ಹಾತೊ, ತುಮೆ ಹದಿಪಾಯ ಅಜು಼ ಘಟ್‍ಥಿ ಭೀರಿಶು. ಆಸ್ ಸುವಾರ್ತೆನ ಪೌಲಕರಿ ಮೆ ಸೇವಕ್ ಹುಯಿರ‍್ಹೋಸ್.

ಕೊಲೊಸ್ಸೆ 1:27

ಯೆಹೂದ್ಯರ್‌ಕಾಹೆತೆ ಅದ್ಮೆವ್‍ಮ ಆ ಮಾಯ್ನನು ಮಹಿಮೆನಿ ಶಕತ್ ಕೆತ್ರೆಕರಿ ದೇವ್ನೆ ಇನ ಅದ್ಮಿವ್‌ನ ಭಡ್ಕಾವನ ಖ್ಹೂಜ಼್ ಕರ‍್ಯೊ. ಆ ಮಾಯ್ನೊ ಶಾತ್‍ಕತೊ ಮಹಿಮೆನು ಭರೋಖ್ಹಾನ ಆಧಾರ್ ಹುಯಿರೊಸ್ತೆ ಕ್ರಿಸ್ತಸ್ ತುಮಾರಮ ಛಾ಼.

ಕೊಲೊಸ್ಸೆ 1:5

ಪರ್‌ಲೋಕ್‌ಮ ತುಮಾರಖ್ಹಾಜೆ ಭರೋಖ್ಹಾನಿ ಬಾರೇಮ ಸುವಾರ್ತೆ ಖ್ಹಾಚಿ ವಚನ್‍ಥಿ ತುಮೆ ಪಹಿಲೇಸ್ ಖ್ಹಮ್‌ಜಿರಾಖ್ಯಾಸ್‌.

ಕೊಲೊಸ್ಸೆ 3:4

ತುಮುನ ಜಾನ್‌ ಹುಯಿರ‍್ಹೋತೆ ಕ್ರಿಸ್ತ ದೆಖಾವನಿ ವಖ್ಹ್‌ತೆ ತುಮೇಬಿ ಇನಿ ಜೋ಼ಡ್ಮ ಮಹಿಮೆಮ ದೆಖಾವ್‌ಶು.

2 ಥೆಸ 2:16

ಅಪ್ಣುನ ಪ್ಯಾರ್ ಕರೀನ್, ಕೆದೇಬಿ ರ‍್ಹವಾನು ಹುಮ್ಮಖ್ಹ್‌ನಬಿ, ಅಛ಼್ಛು ಭರೋಖ್ಹಾನಬಿ ಇನಿ ವಾರ್‌ಖ್ಹೇಥಿ ದಿದೋತೆ ಅಪ್ಣೊ ಬಾ ಹುಯಿರ‍್ಹೋತೆ ದೇವ್‌ಬಿ ಅಪ್ಣೊ ಪ್ರಭು ಯೇಸು ಕ್ರಿಸ್ತ ಯೋಸ್ ತುಮಾರ ದಿಲ್‌ಮನ್ನ ಧಿಲ್‌ಪತ್‌ ದ್ಯವಾದೆ.

2 ಥೆಸ 2:8

ಯೋ ಅಧರ್ಮಿ ದೆಖಾವ್‌ಶೆ. ಪ್ರಭು ಯೇಸು ಇನ ಮ್ಹೋಡಾನು ದಮ್‌ಥೀಸ್ ಇನ ಮಾರಿನಾಕ್‌ಶೆ. ಅಜು಼ ಯೋ ಹಿಜ಼್ಜಾ ರ‍್ಹಿಶೇತೆ ಇನಖ್ಹಾಜೇಸ್ ಇನ ನಾಶ್ ಕರಿನಾಕ್‌ಶೆ.

1 ತಿಮೊ 1:1

ಕ್ರಿಸ್ತ ಯೇಸುನೊ ಅಪೊಸ್ತಲ ಹುಯಿರ‍್ಹೋತೆ ಪೌಲನೆ, ತಿಮೊಥೆನ ಲೀಖ್ಯೋತೆ, ಅಪ್ಣ ಬಚಾ಼ಡವಾಳೊ ದೇವ್‌ಬಿ ಅಪ್ಣಿ ಭರೋಖ್ಹಾನ ಆಧಾರ್ ಹುಯಿರ‍್ಹೋತೆ ಕ್ರಿಸ್ತ ಯೇಸುನಿ ಹುಕುಮ್ನಿಮತ್ ಮೇ ಅಪೊಸ್ತಲ ಹುಯೊ.

2 ತಿಮೊ 1:2

ಮಾರೊ ಪ್ಯಾರ್‌ನೊ ಛಿಯ್ಯೊ ತಿಮೊಥೆಯನ ಲೀಖಾನು ಶಾತ್‍ಕತೊ, ಬಾ ಹುಯಿರ‍್ಹೋತೆ ದೇವ್‍ಥಿ ಅಜು಼ ಪ್ರಭು ಹುಯಿರ‍್ಹೋತೆ ಕ್ರಿಸ್ತ ಯೇಸುಥಿ ತುನ ವಾರ್‌ಖ್ಹೊ, ಗೋರ್‌ ಅಜು಼ ಶಾಂತಿ ಮಳಾದೆ.

2 ತಿಮೊ 4:1

ದೇವ್ನ ಖ್ಹಾಮ್ಣೆ ಸಾಕ್ಷಿ ಹುಯಿರಿನ್ ಅಜು಼ ಕ್ರಿಸ್ತಯೇಸುನ ಸಾಕ್ಷಿಕರೀನ್ ಯೋ ಜಿವ್ತುರ‍್ಹವಾಳನ ಅಜು಼ ಮರ‍್ಯಹುಯಾನ ನ್ಯಾವ್‌ನ ತೀರ್ಪ್ ಕರಾವಾಳೊ. ಶನಕತೊ ಯೊ ದೆಖಾವ್‌ಶೆ ಅಜು಼ ಇನಿ ರಾಜ್ಯ ಖನ್ನೆ ಛಾ಼. ಮೆ ತುನ ಕೋಲ್‌ನಾಮ್ ಕರೀನ್ ಹುಕುಮ್ ದೆವುಸ್.

2 ತಿಮೊ 4:8

ದೇವ್ನ ಖ್ಹಾಜಾ಼ನಿಮತ್ ಜಿವವಾಳಾನ ಮಳಾಸ್ತೆ ಜಯಾನಿ ಹಾರ್ ಹಮ್ಕೆ ಮಾರಖ್ಹಾಜೆ ತೈಯಾರ್ ಛಾ಼. ಯೋ ನೀತಿವಾಳೊ ನ್ಯಾವ್‍ನೊ ಅದಿಪತಿ ಹುಯಿರ‍್ಹೋತೆ ಪ್ರಭು, ಯೋ ದನ್ಮ ಮನ ದಿಶೆ, ಮನಾಸ್ ಕಾಹೆತೆ, ಯೋ ಆವ್‌ಶೇತೆ ದೇಕ್ಣು ಕರಿ ಪ್ಯಾರ್‌ಥಿ ಜ಼ಪಿರ‍್ಹೂತೆ ಇವ್ಣುನಾಬಿ ದಿಶೆ.

ಪೌಲನೆ ತೀತನ ಲೀಖ್ಯೋತೆ ಚಿಟ್ಟಿ 1:2

ಆಹೈರುತೆ ಖ್ಹಾಚ ಜಿ಼ಂದ್‌ಗೀನ ಭರೋಖ್ಹಾಪರ್ ಆಧಾರ್ ಹುಯಿರ‍್ಹೂಸ್. ದೇವ್ ಕೆದೇಬಿ ಝೂ಼ಟಿ ಬೋಲಾಕೊಯ್ನಿ. ಯೋ ಜಿವ್ಣಾನಿ ಬಾರೇಮ ಅಪ್ಣುನ ದಿಶೆ ಕರಿ ಹಗಾಮ್ನ ಪಹಿಲೆಥೂಸ್ ವಾಗ್ದಾನ್‌ ಕರಿರಾಖ್ಯೋಸ್.

ಪೌಲನೆ ತೀತನ ಲೀಖ್ಯೋತೆ ಚಿಟ್ಟಿ 1:4

ವಿಶ್ವಾಸ್‌ಮ ಮಾರ ಖ್ಹಾಚ ಛಿಯ್ಯಾನಿಮತ್ ಛಾ಼ತೆ ತೀತನ ಮೇ ಆ ಲೀಖುಕರುಸ್ತೆ. ಅಪ್ಣೊ ಬಾ ಹುಯಿರ‍್ಹೋತೆ ದೇವ್‍ಥಿ ಅಜು಼ ಅಪ್ಣೊ ರಕ್ಷಕ್ ಹುಯಿರ‍್ಹೋತೆ ಕ್ರಿಸ್ತ ಯೇಸುಥಿ ತುನ ವಾರ್‌ಖ್ಹೊ ಅಜು಼ ಶಾಂತಿ ಮಳಾದೆ.

ಪೌಲನೆ ತೀತನ ಲೀಖ್ಯೋತೆ ಚಿಟ್ಟಿ 3:4

ಕತೋಬಿ ಅಪ್ಣೊ ರಕ್ಷಕ್ ಹುಯಿರ‍್ಹೋತೆ ದೇವ್ನಿ ಗೋರ್‌ ಅಜು಼ ಪ್ಯಾರ್ ದೆಖೈತದೆ.

ಇಬ್ರಿ 9:28

ಇಮ್ಮಸ್ ಕ್ರಿಸ್ತ ಜಿನುಬಿ ಕೈಯೆಕ್ಕಿ ಅದ್ಮಿನು ಪಾಪ್ ಕಾಡಾನಖ್ಹಾಜೆ ಎಕ್ಕಸ್ ವಖ್ಹತ್ ಸಮರ್ಪಣ್‌ ಹುಯೊ. ಯೋ ಬೇನೆ ಹಲ್ಲ ದೆಖಾವ್‌ಶೆತೆ ಪಾಪ್ನ ಕಾಡನ ಕಾಹೆಕತೊ ಕೋಣ್ ಟಿವೈರ‍್ಹುಸ್ಕಿ ಇನ ಬಚಾ಼ನಖ್ಹಾಜೆ ಆವ್‌ಶೇತೆ.

1 ಪೇತ್ರ 1:3

ಅಪ್ಣೊ ಪ್ರಭು ಯೇಸು ಕ್ರಿಸ್ತನೊ ಬಾಬಿ ದೇವ್‌ಬಿ ಹುಯಿರ‍್ಹವಾಳನ ಧನ್ಯವಾದ್ ಹುವಾದೆ! ಶನಕತೊ ಯೋ ಯೇಸು ಕ್ರಿಸ್ತನ ಮರ‍್ಯಾಹುಯಾಮಾಥು ಜಿವ್ತೊಕರಿನ್, ಇನಿ ಮೋಟಿ ಗೋರ್‌ಥೀಸ್ ಅಪ್ಣುನ ನವೊ ಜ಼ಲಮ್ ಅಜು಼ ಜಾನ್ನ ಭರೋಖ್ಹಾನ ದಿರಾಖ್ಯೊಸ್.

1 ಪೇತ್ರ 1:7

ನಾಶಹುಯಿಜಾ಼ವಾನುಬಿ, ಆಗ್‌ಥಿ ಛ಼ಣೈನ್ ಹುಯಿರ‍್ಹುತೆ ಖ್ಹೋನ್ನೇಥಿಬಿ ಘಣು ಮೋಲ್ನು ಹುಯಿರ‍್ಹುತೆ ತುಮಾರಿ ವಿಶ್ವಾಸ್ ಆ ವದೇಖ್ಹ್‌ಥಿ ತರೀಪ್‌ಶ ಹುಯಿನ್ ಯೇಸುಕ್ರಿಸ್ತ ಆವಾನಿ ವಖ್ಹತ್ ತುಮುನ ಕೀರ್ತಿ, ಮಾನ್, ಮಹಿಮೆ ಅಖ್ಖು ಉಬ್ಜಿ ಆವಾನಿತರಾನು ಹುಯಿರ‍್ಹುಸ್.

2 ಪೇತ್ರ 1:1

ಯೇಸು ಕ್ರಿಸ್ತನೊ ಸೇವಕ್ ಅಜು಼ ಅಪೊಸ್ತಲ ಹುಯಿರ‍್ಹೋತೆ ಸೀಮೋನ್ ಪೇತ್ರ, ಅಪ್ಣೊ ದೇವ್ ಅಜು಼ ರಕ್ಷಕ್ ಹುಯಿರ‍್ಹೋತೆ ಯೇಸು ಕ್ರಿಸ್ತನಿ ನೀತಿಥಿ ಹಮಾರಿನಿತರಸ್ ಅಛ್ಛಿ ವಿಶ್ವಾಸ್ ಮಳಿರ‍್ಹೀಸ್ತೆ ಇವ್ಣುನ ಶಾತ್ ಲೀಖುಸ್‌ಕತೊ,

2 ಪೇತ್ರ 3:18

ಅಪ್ಣೊ ಪ್ರಭುಬಿ ರಕ್ಷಕಬಿ ಹುಯಿರ‍್ಹೋತೆ ಯೇಸು ಕ್ರಿಸ್ತನಿ ಬಾರೇಮಾನು ವಾರ್‌ಖ್ಹಾಮಾಬಿ ಗ್ಯಾನ್‌ಮಾಬಿ ತುಮೆ ಭಡ್ತಾಜಾ಼ವೊ, ಇನ ಹಮ್ಕೇಬಿ ಜ಼ಗ್‌ಜ಼ಮಾನಲಗೂಬಿ ಮಹಿಮೆ ಹುವಾದೆ! ಆಮೆನ್.

1 ಯೋಹಾನ 4:14

ಬಾನೆ ಇನ ಛಿಯ್ಯಾನ ಜಗತ್ನೊ ರಕ್ಷಕ್ ಕರೀನ್ ಮೋಕ್ಲಿರಾಖ್ಯೊತೆ ಅಪ್ಣೆ ದೇಖಿರಾಖ್ಯಸ್. ಅಜು಼ ಇನಿ ಬಾರೇಮ ಅಪ್ಣೆ ಸಾಕ್ಷಿ ಬೋಲಿಯೇಸ್.

ಯೂದನೆ ಲೀಖ್ಯೋತೆ ಚಿಟ್ಟಿ 1:21

ದೇವ್ನಿ ಪ್ಯಾರ್‌ಮ ಭೀರ‍್ಹೆವೊ. ಹಮೇಶಾನು ಜಾನ್ನ ಲೀಲ್ಯಾವನಖ್ಹಾಜೆ ಪ್ರಭುಹುಯಿರ‍್ಹೋತೆ ಯೇಸು ಕ್ರಿಸ್ತನು ಗೋರ್‌ನಾಸ್ ಟಿವೈನ್ ದೇಖೊ.

ಪ್ರಕಾಶಿತ್ 1:7

“ದೇಖೊ ಯೋ ವಾದ್‍ಳಾನ ಜೋ಼ಡೆ ಆವಾಳೊ ಹುಯಿರೊಸ್, ಹರೇಕ್ನೊ ಡೋಳೊ ಇನ ದೇಕ್‍ಷೆ ಇನ ಭೋಕ್ಯುಹುಯುಬಿ ಇನ ದೇಕ್‍ಷೆ” ಆ ಜಗತ್‌ನು ಅಖ್ಖು ಖೂಮ್‌ವಾಳು ಅಂದ್ರೋಖ್ಹ್‌ ಕರ್ಶೆ. ಒಹೊ ಇಮ್ಮಸ್ ಉಷೆ ಆಮೆನ್.