ಪೌಲನೆ ತೀತನ ಲೀಖ್ಯೋತೆ ಚಿಟ್ಟಿ 1:8 - ದೇವ್ನಿ ಖ್ಹಾಚಿ ವಚನ್

⁸ ಯೋ ಘರ್‌ಮ ವಿಶ್ವಾಸ್‌ವಾಳನ ಬುಲೈನ್ ಸ್ವಾಗತ್ ಕರವಾಳೊ ಹುಯಿರ‍್ಹೇಣು, ಅಛ್ಛಾ಼ನಪ್ಯಾರ್ ಕರವಾಳೊಬಿ, ಅಕ್ಲೀಬಿ, ನೀತಿಥಿರ‍್ಹವಾಳೊಬಿ, ಪರಿಶುದ್ ಹುಯಿರ‍್ಹೇಣು.

ಪೌಲನೆ ತೀತನ ಲೀಖ್ಯೋತೆ ಚಿಟ್ಟಿ 1:8 ပူးပေါင်းရင်းမြစ်များ

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 2:25

ಯೋ ಹಗಾಮ್ಮ ಯೆರೂಸಲೇಮ್ಮ ಸಿಮೆಯೋನ್‌ ಕರಿ ಏಕ್‍ಜ಼ಣೊ ಥೊ. ಯೋ ಏಕ್‌ ನೀತಿವಾಳೊ ಅಜು಼ ದೇವ್‌ಥಿ ಡರವಾಳೊ ಅದ್ಮಿ ಹುಯಿರ‍್ಹೋಥೊ, ಇಸ್ರಾಯೇಲ್‌ ಅದ್ಮಿಯೇನ ಸಮಾಧಾನ್‍ ಕರಾವಾಳೊ ಕದೆ ಆವ್‍ಶೆಕರಿ ಟಿವವ್‍ಕರ್‌ತೊಥೊ. ಅಜು಼ ಪವಿತ್ರಾತ್ಮ ಇನಿ ಜೋ಼ಡೆ ಥೊ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 24:25

ಕತೋಬಿ ಪೌಲನೆ, ನೀತಿ,ಅಜು಼ ಇನುಯೋ ದಾಬುಕ್ ರ‍್ಹವಾನು, ಅಜು಼ ಖ್ಹಾಮ್ಣೆ ಉಳ್ಯಾವತೆ ನ್ಯಾಯತೀರ್ಪ್‌ನಿ ಬಾರೇಮ ಬೋಲಾಮ ಫೇಲಿಕ್ಸನೆ ಡರಿನ್, “ಹಮ್ಕೆ ತೂ ಜಾ಼ ಮನ ವಖ್ಹತ್ ಮಳಾದಿನ್ ತುನ ಬುಲೈಮಂಗೈಷ್” ಕರಿಬೋಲ್ಯೊ.

1 ಥೆಸ 2:10

ನಂಬವಾಳ ಹುಯಿರ‍್ಹಾತೆ ತುಮಾರ ಜೋ಼ಡೆ ಹಮಾರಿ ಚಾ಼ಲ್‍ಚ಼ಲಣ್‍ಮ ಖ್ಹಾಚಿಥಿಬಿ ಪರಿಶುದ್ಧಬಿ, ನೀತಿವಾಳಬಿ ಅಜು಼ ನಿರ್ದೋಷಿ ಥಾ, ಕರಿ ಬೋಲಾನ ತುಮೇಬಿ ಸಾಕ್ಷಿ ಅಜು಼ ದೇವ್‌ಬಿ ಸಾಕ್ಷಿ ಹುಯಿರ‍್ಹಾಸ್.

1 ತಿಮೊ 3:2

ಸಬೆನ ಚ಼ಲಾವವಾಳೊ ಗಲ್ತಿ ನಾಕರಾವಾಳೊ ಹುಯಿರ‍್ಹೇಣು. ಇನು ಯೋ ದಾಬುಕ್ಮ ರ‍್ಹವಾಳೊ ಹುಯಿರ‍್ಹೇಣು, ಆತ್ಮಾನ ಖ್ಹಮಾಳಿಲ್ಯವಾಳೊ, ಅಛ್ಛಿ ಚಾ಼ಲ್ ಚ಼ಲಣ್‍ಥಿ ರ‍್ಹವಾಳೊ, ಆವವಾಳಾನ ಸ್ವಾಗತ್‌ಕರವಾಳೊ, ಅಜು಼ ವಚನ್ ಶಿಕಾಡಾಮ ಚಾ಼ತುರ್ ಹುಯಿರ‍್ಹೇಣು.

1 ತಿಮೊ 4:12

ತೂ ಜಾ಼ನ್ಜ಼ಮಾನ್ ಹುಯಿರೋಸ್ ಇನಖ್ಹಾಜೆ ತುನ ಕೀಳ್‍ಥಿ ನಕೊ ದೇಖಾದೆ. ಕತೋಬಿ ವಿಶ್ವಾಸಿಖ್ಹಾರನ ವಾತೆಚೀತೇಮ, ಚಾ಼ಲ್ ಚ಼ಲಣ್‌ಮ, ಪ್ಯಾರ್ ಅಜು಼ ವಿಶ್ವಾಸ್‌ನ ಪರಿಶುದ್ ಜೀವನ್‍ಥಿ ಮತಲಬ್ ಹುಯಿರ‍್ಹೆ.

1 ತಿಮೊ 6:11

ಕತೋಬಿ ದೇವ್‌ನು ಅದ್ಮಿ ಹುಯಿರ‍್ಹೋತೆ ತೂತೊ, ಆ ಖ್ಹಾರೇಥಿ ದೂರ್ ರ‍್ಹೇ. ನೀತಿಮ, ಭಕ್ತಿಮ, ವಿಶ್ವಾಸ್‌ಮ, ಪ್ಯಾರ್‌ಮ, ಖ್ಹಮಾಳಾಮ ಅಜು಼ ಚಾ಼ಲ್ಚ಼ಲಣ್‌ಮ ಅಛ್ಛೊ಼ ರ‍್ಹವಾನಟೇಕೆ ಅಖ್ಖಾ ಮನ್‌ಥಿ ಕೋಶಿಶ್ ಕರ್‌.

2 ತಿಮೊ 2:22

ಜ಼ವಾನೀನಿ ಖರಾಬ್ ಲಾಲಚ್‌ಥಿ ದೂರ್ ರ‍್ಹೇ. ನೀತಿಥಿ, ವಿಶ್ವಾಸ್‍ಥಿ, ಪ್ಯಾರ್ ಅಜು಼ ಸಮಾಧಾನ್‌ಥಿ ಜಿವಾನಖ್ಹಾಜೆ, ಪಾಕ್‌ ಮನ್‌ಥಿ ಪ್ರಭುನ ಪುಕಾರವಾಳಾನ ಜೋ಼ಡೆ ರ‍್ಹಾವನ ಕೋಶಿಶ್ ಕರ್‌.

2 ತಿಮೊ 3:3

ಪ್ಯಾರ್‌ಕೊಂತೆ, ಆರ್‌ಗೋರ್‌ ಕರಾಕೊಂತೆ ಅಜು಼ ಚ಼ಹಾಡ್ ಬೋಲವಾಳು, ಇನುಯೋ ದಾಬುಕ್‌ಕೊಂತೆ, ರಣ್‌ಖಂದ್ಲಿಬಿ ಅಜು಼ ಅಛ್ಛಾ಼ನ ವಹೇರ್‌ ಕರಾವಾಳು ಹುಯಿರ‍್ಹಿಶೆ.

ಪೌಲನೆ ತೀತನ ಲೀಖ್ಯೋತೆ ಚಿಟ್ಟಿ 2:7

ತುಮಾರ ಭೋದನ್ ಕಾಮ್ ಖ್ಹಾರಾಮ, ತೂ ಕಿಮ್ ರ‍್ಹೇಸ್ಕಿ ತಿಮ್ ಬಿಜೇಕ್ ಜ಼ಣಾನ ಬರಾಬರ್‌ಥಿ ವತಾಳಿಲೆ. ತೂ ಶಿಕಾನ ಹಗಾಮ್ಮ ಇಮಾನ್‌ದಾರ್ ಅಜು಼ ಗ್ರಿಸ್ತಿಥಿ ರ‍್ಹೇ.

1 ಯೋಹಾನ 3:14

ಅಪ್ಣೆ ಅಪ್ಣ ಭೈಯೇ ಭೇನೆವೊನ ಪ್ಯಾರ್ ಕರಾಥಿ ಮರಣ್‍ಥಿ ನಿಕ್ಳಿನ್ ಕದೇಬಿ ರ‍್ಹವಾನ ಜಾನ್‌ಮ ಛಿಯೆ ಕರಿ ಅಪ್ಣುನ ಮಾಲುಮ್ ಛಾ಼. ಕೋಣ್ ಇವ್ಣ ಭೈಯೇ ಭೇನೇನ ಪ್ಯಾರ್ ಕರಾಕೊಯ್ನಿಕಿ ಇವ್ಣೆ ಮರಣ್‍ಮಾಸ್‍ ಛಾ಼.

1 ಯೋಹಾನ 5:1

ಯೇಸುಸ್ ಪ್ರಭು ಕರಿ ನಂಬವಾಳ ಹರೇಕ್ ಜ಼ಣಾಬಿ ದೇವ್ನ ಲಡ್ಕಾ ಹುಯಿರ‍್ಹಾಸ್. ಕೋಣ್ ಇನ ಪೈದಕರ‍್ಯೊತೆ ಬಾನ ಪ್ಯಾರ್ ಕರಸ್ಕಿ ಅಥ್ರಾನವಾಳು ಹರೇಕ್ ಜ಼ಣು ಇನ ಛಿಯ್ಯಾನ ಜಿನುಕು ಪ್ಯಾರ್‌ಕರಸ್‍.