ಪೌಲನೆ ತೀತನ ಲೀಖ್ಯೋತೆ ಚಿಟ್ಟಿ 1:15 - ದೇವ್ನಿ ಖ್ಹಾಚಿ ವಚನ್

¹⁵ ಶುದ್‍ ರ‍್ಹೇಸ್ತೆ ಅದ್ಮಿನ ಖ್ಹಾರೂಸ್ ಶುದ್ದಸ್ ಹುಯಿರ‍್ಹೂಸ್. ಕತೋಬಿ ಖರಾಬ್ ಅಜು಼ ವಿಶ್ವಾಸ್‌ಕೊಂತೆ ಅದ್ಮಿಯೇವ್ನ ಕೆಹೂಬಿ ಮೈಲುಕಾಹೆ. ಶನಕತೊ ಇವ್ಣಿ ಖ್ಹಯಾಲ್ ಅಜು಼ ಮನ್ನಿಸಾಕ್ಷಿ ಭೇಬಿ ಅಪವಿತ್ರ ಹುಯಿರ‍್ಹೂಸ್.

ಪೌಲನೆ ತೀತನ ಲೀಖ್ಯೋತೆ ಚಿಟ್ಟಿ 1:15 ပူးပေါင်းရင်းမြစ်များ

ಮತ್ತಾಯ 15:18

ಕತೋಬಿ ಮ್ಹೋಡಾಮಾಥು ನಿಕ್ಳಾಸ್ತೆ ವಾತೆ ಇನ ದಿಲ್‌ಮಾಥು ಆವಸ್, ಆಸ್ ಅದ್ಮಿನ ಅಶುದ್ಧ ಬಣಾವಸ್ತೆ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 10:15

ಕತೋಬಿ ಯೊ ಅವಾಜ಼್ ಬಿಜೇಕ್ ಹಲ್ಲ ಇನ, “ದೇವ್ನೆ ಪಾಕ್‌ ಕರಿರಾಖ್ಯೊತೆ ಅನಅಖ್ಖು ಮೈಲುಕರಿ ನಾಬೋಲ್ನು ಕರಿ ಪಾಛೊ಼ ಭೇನೆಹಲ್ಲ ಇನ ಠವ್‌ಕೊ ಖ್ಹಮಜ್‍ಪಡ್ಯು.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 14:14

ಅಜು಼ ಖಿವೂಬಿ ರಾಛು಼ ಇನುಯೋಸ್ ಅಶುದ್ಧ ಕಾಹೆಕರಿ ಪ್ರಭು ಯೇಸುಮ ರ‍್ಹೀನ್ ಖ್ಹಚ್ಚೆಂಬಿ ಬೋಲುಸ್. ಕತೋಬಿ ಕೋಣ್‌ತೋಬಿ ಅಶುದ್ದಕರಿ ದಿಲ್ಮ ಕರ‍್ಯೊತೊ ಯೋ ಇನ ಅಶುದ್ಧ ಹುಯಿರ‍್ಹೂಸ್.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 14:20

ಇನಖ್ಹಾಜೆ ಖಾಣಾನಖ್ಹಾಜೆ ದೇವ್ನ ಕಾಮ್ನ ನಾಶ್ ನಕೊಕರೊ. ಖ್ಹಾರು ಜಿನಖ್ಹ್‌ಬಿ ಶುದ್ಧಾಸ್ ಹುಯಿರ‍್ಹೂಸ್. ಕತೋಬಿ ಏಕ್‍ಜ಼ಣೊ ಖೈನ್ ಬಿಜೇಕ್‍ಜ಼ಣಾನ ಪಾಪ್‌ಮ ರಡ್ಕಾವನು ಗಲ್ತಿ.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 14:23

ಕತೋಬಿ ಏಕ್‌ ವಖ್ಹ್‌ತೆ ಗುಮಾನಿ ರ‍್ಹೀನ್ ಖಾವವಾಳೊ ಹುಯಿರ‍್ಹೋತೆ ದೇವ್ನ ಖ್ಹಾಮ್ಣೆ ಅಪರಾದಿ ಹುಯಿರ‍್ಹೇಸ್, ಯೋ ವಿಶ್ವಾಸ್‌ಪರ್ ಆಧಾರ್ ಕೊಯ್ನಿ ಇನಖ್ಹಾಜೆ ಯೋ ದೋಷಿ ಹುಯಿರ‍್ಹೇಸ್. ಅಜು಼ ವಿಶ್ವಾಸ್‍ನು ಆಧಾರ್ ನಾರ‍್ಹಯಾತೊ ಯೋ ಪಾಪಸ್.

1 ಕೊರಿಂಥ 10:23

“ಅಖ್ಖಾಸ್ ಕಾಮ್ನಾಬಿ ಕರಾನ ಛುಟ್ಕಾರ್ ಛಾ಼” ಕತೋಬಿ ಅಪ್ಣೆ ಕರಿಯೇತೆ ಖ್ಹಾರು ಕಾಮ್‍ಬಿ ಅಛ್ಛು಼ಕರಿ ಬೋಲಾನು ಬರೋಬರ್ ಕೊಯ್ನಿ.” ಖ್ಹಾರುಸ್ ಕಾಮ್ ಕರಾನ ಅದಿಕಾರ್‌ಛಾ಼ ಕತೋಬಿ ಅಖ್ಖೂಬಿ ಅದ್ಮಿವೋನ ಫಾಯಿದೊ ಕೊಹುಯಿರ‍್ಹೇಯ್ನಿ.

1 ಕೊರಿಂಥ 10:25

ಕಖ್ಹಯ್‌ಮ ವೇಚಾ಼ವತೆ ಶಾತ್‍ರ‍್ಹಿಯುತೋಬಿ ದಿಲ್ಮ ಕಚ಼್ ಹುವಾನಿಘೊಣಿ ವಿಚಾರ್ ಕರ್ನುನಾತೆ ಖಾವೊ.

1 ಕೊರಿಂಥ 10:31

ಹಮ್ಕೆ ಮಾರಿ ಜವಾಬ್‌ ಅತ್ರೇಸ್; ತುಮೆ ಖಾಣುಖಾದತೋಬಿ, ಪೀದತೋಬಿ ಶಾತ್‍ಕರ‍್ಯಾತೋಬಿ ದೇವ್ನಿ ಮಹಿಮೆನಖ್ಹಾಜೆ ಯೋ ಕರೊ.

1 ಕೊರಿಂಥ 8:7

ರ‍್ಹಯುತೋಬಿ ಆಕ್ಕಲ್‍ ಖ್ಹಾರಮಾಬಿ ಕೊಯ್ನಿ. ರ‍್ಹೀನ್‌ಬಿ ಥೋಡುಜ಼ಣು ಹಮ್ಕೆಲಗು ಮೂರತ್‍ಕನ ಜಾ಼ವನು ಆದತ್ ಛಾ಼. ಅಮ್‍ರ‍್ಹೀನ್ ಖಿವು ಅದ್ಮಿಖ್ಹಾರು ಖಾಣು ಖಾವನಿ ವಖ್ಹ್‌ತೆ ಯೋ ಮೂರತ್ನ ಅರ್ಪಣ್‍ ಕರಿಹುಯು ಕರಿ ಸೋಚಾ಼ಸ್‌. ಕತೋಬಿ ಇವ್ಣೆ ದಿಲ್ನಿಸಾಕ್ಷಿ ಕಮ್‍ಜೋ಼ರ್ ಹುಯಿರ‍್ಹೂತೆ ಇನಖ್ಹಾಜೆ ಯೊ ಖಾಣು ಖಾವಾನು ಮೈಲು ಹುಯಿರ‍್ಹೂಸ್ ಕರಿಲ್ಹಾವಸ್.

1 ತಿಮೊ 6:5

ಅತ್ರೇಸ್ ಕಾಹೆತೆ ಇಮ್ನ ಖ್ಹಾರ ಅದ್ಮಿಥಿ ಕದೇಬಿ ಖತಮ್ ಹುವ್ವಾಕೊಂತೆ ವಾದ್‌ವಿವಾದ್ ಪೈದಾ ಹುವಾಸ್. ಯೋ ಅದ್ಮಿಖ್ಹಾರು ಖ್ಹಾಚಿನ ಧಕೇಲಿದಿದುಹುಯು ಹುಯಿರ‍್ಹೂಸ್. ದೇವ್ನಿ ಸೇವೆ ಕತೊ ಧನ್‌-ದೌಲತ್ ಕಮಾವಾನೊ ಮಾರಗ್ ಕರಿ ಇವ್ಣೆ ಸೋಚಸ್.

ಇಬ್ರಿ 10:22

ಇನಖ್ಹಾಜೆ ಖರಾಬ್ ದಿಲ್ನಿಸಾಕ್ಷಿನ ಮ್ಹೆಲ್ಯಹುಯ ದಿಲ್‌ಥೀಬಿ ನೀರ್ಛೊ಼ಳ್‍ ಪಾಣಿಥಿ ಪಾಕ್‌ಹುಯ ಶರೀರ್‌ಥೀಬಿ ಖ್ಹಾಚಆತ್ಮಥಿ ಪೂರ ವಿಶ್ವಾಸ್‍ಥಿ ದೇವ್‌ಕನ ಅಯ್ಯೆ.

ಇಬ್ರಿ 12:15

ತುಮಾರಮ ಕೋಣ್‌ಬಿ ದೇವ್ನಿ ವಾರ್‌ಖ್ಹೇಥಿ ಛು಼ಕಿನ್ ನಾಜಾ಼ವ್ಣುತೇಬಿ, ಖಿವು ಕಡಿಹುಯಿರೀತೆ ಜ಼ಡ್‌ ಕುಡಿಪಾಡಿನ್ ಅಸಮಧಾನ್‌ ಕರೀನ್ ಕೈಏಕ್ ಜ಼ಣಾನ ಮೈಲು ನಾಕರ‍್ನುತೆ ದೇಖಿಲೆವೊ.

ಇಬ್ರಿ 9:14

ಅಜು಼ ಆ ಖ್ಹಾಚು಼ಕರಿ ಬೋಲಾನು ರ‍್ಹಯೂತೊ ಹಮೇಶಾನ ಆತ್ಮಥಿ ಇನುಯೋಸ್ ದೇವ್ನ ಕಳಂಕ್‌ಕೊಂತೆ ಬಲಿಹುಯಿನ್ ಸಮರ್ಪಣ್‌ ಕರಿಲಿದೊತೆ ಕ್ರಿಸ್ತನು ಲ್ಹೋಯಿ ಕೆತ್ರೇಕ್ಕಿ ಅಪ್ಣುನ ಜಾನ್‍ಕೊಂತೆ ಕಾಮ್‍ಥಿ ಛೋ಼ಡೈನ್, ಅಪ್ಣೆ ಜಿವ್ತೊಜಾನ್ನೊ ದೇವ್ನ ಆರಾದನೆ ಕರ್‌ಯೇತೆ ತಿಮ್ ಅಪ್ಣೆ ಮನ್ನಿಸಾಕ್ಷಿನ ಪಾಕ್‌ ಕರ‍್ಯಕೊಯ್ನಿಕಿಶು?