ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 9:4 - ದೇವ್ನಿ ಖ್ಹಾಚಿ ವಚನ್

⁴ ಇಸ್ರಾಯೇಲ್‌ವಾಳು ಹುಯಿರ‍್ಹುತೆ ಇವ್ಣುನ ಇನಿ ಲಡ್ಕಾವ್‌ನಿ ಘೋಣಿಬಿ ಮಹಿಮೆನ ವತಾಳಿರಾಖ್ಯುಸ್, ಒಪ್ಪಂದಾನ ಅಖ್ಖೂಬಿ, ಧರ್ಮಶಾಸ್ತ್ರ ದೇವವಾನುಬಿ, ಮಂದಿರ್‌ನಿ ಸೇವೆಬಿ ಅಜು಼ ವಾಗ್ದಾನ್‌ಬಿ ಲೀರಾಖ್ಯುಸ್.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 9:4 ပူးပေါင်းရင်းမြစ်များ

ಮತ್ತಾಯ 21:33

“ಬಿಜೇಕ್ ಮತ್ಲಬ್‌ನಿ ಖೇಣಿನ ಖ್ಹಮ್‌ಜೊ಼: ಏಕ್‌ ಜ಼ಮೀನ್‌ದಾರ್ ಥೊ. ಇನೆ ಇನಿ ಜ಼ಮೀನ್‌ಮ ದ್ರಾಕ್ಷಿನೊ ಬಾಗ್‌ನ ಬಣೈನ್, ಇನ ಅಶ್‌ಪಿಶ್ ವಾಡ್‌ಗಿ ನಖೈನ್, ದ್ರಾಕ್ಷಿನೊರಖ್ಹ್ ಕಾಡಾನಖ್ಹಾಜೆ ಖಾಡ್ ಖೋಂದೈನ್, ಕಾವ್ಲಿನಖ್ಹಾಜೆ ಅಟ್‌ಲೊ ಭಂದಾಯೊ. ಅನಕೇಡೆಥು ಯೋ ಬಾಗ್‌ನ ಇನೆ ವಾರ್‌ನ ಕರಾವಾಳನ ಹಾತ್‌ಮ ದೀನ್, ದೇಖ್ಹ್‌ಪರ್ ಚ಼ಲೆಗಯೊ ಕರಿ ಯೇಸುನೆ ಬೋಲ್ಯೊ.

ಯೋಹಾನ 1:17

ಧರ್ಮಶಾಸ್ತ್ರ ಮೋಶೆಥಿ ದೇವೈರ‍್ಹುಸ್ ಕತೋಬಿ ವಾರ್‌ಖ್ಹೊಬಿ ಖ್ಹಾಚ಼ಬಿ ಕ್ರಿಸ್ತಥಿ ಆಯುತೆ.

ಯೋಹಾನ 1:47

ಯೇಸುನೆ ಇನಾಭಣಿ ವಳ್ಯಾವ್‌ಥೋತೆ ನತಾನಿಯೇಲ್‌ನ ದೇಖಿನ್‌, ಇನಿ ಬಾರೇಮ, “ಹಂದೇಖೊ, ಆ ಖ್ಹಾಚೊ಼ ಇಸ್ರಾಯೇಲ್‌ವಾಳೊ; ಅನಾಮ ಶನೀಶ್ ಗಲತ್‌ ಕೊಯ್ನಿ!” ಕರಿ ಬೋಲ್ಯೊ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 2:39

ಆ ವಾಗ್ದಾನ್ ತುಮೂನಾಬಿ ತುಮಾರ ಲಡ್ಕಾವ್‍ನಾಬಿ ಘಣ ದೂರ‍್ಮಛಾ಼ತೆ ಅದ್ಮಿವೊನಾಬಿ ದೆವೈರ‍್ಹೂಸ್. ಅಪ್ಣೊ ದೇವ್ ಹುಯಿರೋತೆ ಪ್ರಭು ಇನಕನ ಖುಷಿ ಲ್ಯವಾಳ ಹರೇಕ್ ಜ಼ಣಾನಾಬಿ ಆ ವಾಗ್ದಾನ ದೀರಾಖ್ಯೊಸ್ ಕರಿ ಬೋಲ್ಯೊ.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 3:2

ಖ್ಹಾರಿ ಬಾರೇಮ ಬೋಲಾನುಬಿ ಘಣು ಫಾಯಿದೊ ಛಾ಼. ಪಹಿಲೆಥು ದೇವ್ನಿ ವಚನ್‍ ಯೆಹೂದ್ಯರ್‌ನ ದೆವೈರ‍್ಹೀಸ್.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 8:15

ಶನಕತೊ ದೇವ್ನೆ ದೀರಾಖ್ಯೋತೆ ಆತ್ಮ ತುಮೂನ ಗುಲಾಮ್ ಕೊ ಕರ್‌ಶೇನಿ ಅಜು಼ ತುಮಾರ ಡರ್‌ಥಿ ಕೊಹುಯಿರಿಶೇನಿ ಅನಬದಲ್ ಪವಿತ್ರಾತ್ಮ ದೇವ್ನ ಲಡ್ಕಕರೀನ್ ಬಣಾವಸ್ ಅಜು಼ ಯೊ ಆತ್ಮಾನಿ ಶಕಥ್ಥಿ ಭರಾವವಾಳೊ ಹುಯಿನ್ ಅಪ್ಣೆ ದೇವ್ನ “ಬಾ, ಪಿತಾ!” ಕರಿ ಚಿಕ್ರಿಯೆಸ್.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 9:6

ಹೈರೂತೆ ದೇವ್ನಿ ವಾತೆ ಗಲತ್‌ ಹುಯ್ಗುಕರಿ ಅಪ್ಣೆ ನಾ ಲಾಜ಼್‌ಣು. ಶನಕತೊ ಇಸ್ರಾಯೇಲ್‌ನು ಖ್ಹಾರುಸ್ ಅದ್ಮಿಬಿ ಇಸ್ರಾಯೇಲ್ವಾಳು ಕಾಹೆ.

2 ಕೊರಿಂಥ 11:22

ಇವ್ಣೆ ಹಿಬ್ರುವಾಳಕಿ ಶು? ಮೇಬಿ ಇವ್ಣಿನಿತರ ಹುಯಿರೋಸ್, ಇವ್ಣೆ ಇಸ್ರಾಯೇಲ್‌ವಾಳ? ಮೇಬಿ ಇವ್ಣಿನಿತರಸ್ ಹುಯಿರ‍್ಹೆವುಸ್‌; ಇವ್ಣೆ ಅಬ್ರಹಾಮ್‌ನಿ ಖೂಮ್‍ವಾಳ? ಮೇಬಿ ಇನಿ ಖೂಮ್‌ವಾಳೊ.

ಗಲಾತ್ಯ 3:16

ಇಮ್ಮಸ್ ದೇವ್ನೆ ಅಬ್ರಹಾಮ್‌ನಾಬಿ ಇನಿ ಪಿಳ್ಗಿನಾಬಿ ವಾಗ್ದಾನ್‌ ಕರ‍್ಯೊ. ಕತೋಬಿ ಯೋ ಖೂಮ್ಮ ರ‍್ಹವಾಳ ಅಖ್ಖಾಸ್ನ ಬೋಲ್ಯೊಕೊಂತೆ ಅಬ್ರಹಾಮ್‌ನು ಪಿಳ್ಗಿನ ಛಾ಼ತೆ ಎಕ್ಕಸ್ ಜ಼ಣಾನ ವತಾಳಸ್‍. ಯೋ ಏಕ್‌ ಜ಼ಣೋಸ್ ಯೇಸು ಕ್ರಿಸ್ತ.

ಎಫೆಸ 2:12

ತ್ಯೊ ಹಗಾಮ್ಮ ತುಮೆ ಕ್ರಿಸ್ತಥಿ ಅಲಕ್ ಹುಯಿರ‍್ಹಾಥ, ಇಸ್ರಾಯೇಲ್‌ವಾಳಾನಿ ಹಕ್‌ಮ ಕೊಹುಯಿರ‍್ಹಾಥಾನಿ. ದೇವ್ ಇನ ಅದ್ಮಿನ ಜೋ಼ಡೆ ವಾಗ್ದಾನ್ ಕರಿರಾಖ್ಯೊತೆ ಒಪ್ಪಂದಾಮ ತುಮೆ ವಾಟೊ ಹುಯಿರ‍್ಹಾಥ ಕೊಯ್ನಿ ಅಜು಼ ತುಮೆ ಆ ಜಗತ್ನ ಭರೋಖ್ಹಾಮ ಥಾ. ಅಜು಼ ತುಮೆ ದೇವ್ನ ಮಾಲುಮ್‌ ಕರಿರಾಖ್ಯಥಕೊಯ್ನಿ.

ಇಬ್ರಿ 9:1

ಪಹಿಲ ಒಪ್ಪಂದಾಮ ಆರಾದನೇನು ರೀತಿರಿವಾಜ್‌ ಅಖ್ಖುಥು ಅಜು಼ ಯೊ ಝ಼ಗೋ ಅಛ್ಛು಼ಥು.

ಇಬ್ರಿ 9:10

ಹಮ್ಕೆಲಗು ಇವ್ಣೆಖ್ಹಾರು ಖಲಿ ಖಾಣಪಾಣಿಬಿ ಅಶ್ನಾನ್‌ಧಾನ್ನಿ ಪದತ್ತಿ ಹುಯಿರ‍್ಹುತೆಖ್ಹಾಜೆ ಆಖಲಿ ಭಾರ್‌ಲ್ಯು ಕಾಮ್. ದೇವ್ ಇನ ನವ ನಿಯಮ್‌ನು ಹಗಾಮ್ ಆವಲಗುಬಿ ಇಮ್ಮಸ್ ರ‍್ಹಿಶೆ.

ಇಬ್ರಿ 9:3

ಅಜು಼ ಬೇನು ಪಡ್ದಾನ ಪೀಠೆ ರ‍್ಹೇಸ್ತೆ ಕೋಣಾನ, ಘಣು ಪವಿತ್ರಝ಼ಗೊಕರಿ ಬೋಲ್ತುಥು.

ಇಬ್ರಿ 9:5

ಯೊ ಪಿಟಾರನಪರ್ ದೇವ್ನು ಮಹಿಮೆನು ವತಾಳನು ಕೆರೂಬಿಕರಿ ಬೇ ಪರಿಯೇ ಫಾಕ್ಡಿ ಪಖ್ಹಾರಿನ್ ಯೊ ಝ಼ಗೊ ಅಖ್ಖು ಮೂಚಿರಾಖ್ಯುಥು. ಇನ ಹಮ್ಕೆ ಏಕೇಕ್‌ ಛೋ಼ಡಿಬೋಲಾನ ಕೊಹೊಯ್ನಿ.

ಇಬ್ರಿ 9:6

ಅಮ್ ಆ ಅಖ್ಖು ತಯಾರ್ ಹುಯಿರ‍್ಹಿನ್ ಯಾಜಕಅಖ್ಖು ಯೊ ಡೇರಾನ ಪಹಿಲ ಭಾಗ್ನ ಜೈ಼ನ್, ಹರೇಕ್ ದನ್ ಹಿಜ್ಜಾ಼ ದೇವ್ನು ಸೇವೆನು ಕಾಮ್ ಕರ್ತುಥು.