ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 8:4 - ದೇವ್ನಿ ಖ್ಹಾಚಿ ವಚನ್

⁴ ಅಪ್ಣೆ ಅದ್ಮಿನಿ ಸ್ವಭಾವ್‌ವಾಳ ಹುಯಿನ್ ನಾ ಚಾ಼ಲ್ನುತೆ ಪವಿತ್ರಾತ್ಮನಿ ಪರಕ್ಮ ಚಾ಼ಲವಾಳ ಹುಯಿನ್ ಧರ್ಮಶಾಸ್ತ್ರನಿ ನಿಯಮ್‌ನಿ ಘೋಣಿ ಚಾ಼ಲನುಸ್ ಆ ವಾತೆನ ಭರ್‌ಪೂರ್‌ ಹುವಾನಿತರ ಕರ‍್ಯು.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 8:4 ပူးပေါင်းရင်းမြစ်များ

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 1:6

ಇವ್ಣೆ ಭೇ ಜ಼ಣ ದೇವ್ನ ಡೋಳಾಮ ಅಛ಼್ಛ ಹುಯಿರ‍್ಹಾಥ ಅಜು಼ ಪ್ರಭುನಿ ಖ್ಹಾರಿಸ್ ಖಾನುಲ್‌ ಅಜು಼ ಹುಕುಮ್‌ನ ಪಾಡಿ ಚಾ಼ಲಿನ್, ಜ಼ರಾಬಿ ಗಲ್ತಿಕೊಂತೆ ಇಮ್‌ ಥಾ.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 2:26

ಖ್ಹತ್ನ ನಾಕರೈರಾಖವಾಳೊ ಧರ್ಮಶಾಸ್ತ್ರನಿ ನಿಯಮ್‌ನಿ ಪರಕ್ಮ ಚಾ಼ಲ್ಯೊತೊ ಖ್ಹತ್ನವಾಳೊ ನಾರ‍್ಹಯೊತೋಬಿ, ಖ್ಹತ್ನ ರ‍್ಹಾವಾಳನಿತರ ಗಣ್ತಿಮ ರ‍್ಹೀಶ್‍ಕೊಯ್ನಿಕಿಶು?

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 3:31

ಇಮ್‍ಕತೊ, ಅಪ್ಣೆ ವಿಶ್ವಾಸ್‍ಥಿ ಧರ್ಮಶಾಸ್ತ್ರನ ಬಿಣ್‍ ಮತ್ಲಬ್‌ನು ಬಣೈನಾಖೆಸ್‍ಕಿಶು? ಕದೇಬಿ ಕೊಯ್ನಿ. ಅಪ್ಣೆ ಧರ್ಮಶಾಸ್ತ್ರನ ಖಲಿ ಪಾಡಿಧರಿಯೇಸ್.

2 ಕೊರಿಂಥ 10:2

ತುಮುನ ಗಿಂಗೈಲ್ಯವಾನು ಶಾತ್‍ಕತೊ; ಮೇ ತುಮಾರಕನ ಆವಾನಿ ವಖ್ಹತ್‌ಮ ಕಠಣ್‍ಥಿ ಚಾ಼ಲಿಲ್ಯಾವನ ಮನ ವಖ್ಹತ್ ನಕೊದೆವೊ. ಹಮೆ ಜಗತ್‌ವಾಳನಿ ತರ ಜಿವಿಯೇಸ್‍ಕರಿ ಥೋಡು ಜ಼ಣು ಖ್ಹಮ್‍ಜ಼ಸ್ ಇವ್ಣ ಜೋ಼ಡೆ ಹಿಮ್ಮಥ್ಥಿ ರ‍್ಹೇವ್ಣುಕರಿ ಛೂ಼.

2 ಕೊರಿಂಥ 10:3

ಹಮೆ ಲೋಕ್ಮ ಜಿವವಾಳ ರ‍್ಹಯತೋಬಿ ಹಮಾರಿ ಲಡೈ, ಜಗತ್‌ವಾಳನಿ ಜಂಗ್‍ಭೀಡಾವಾಳ ಕಾಹೆ.

ಗಲಾತ್ಯ 5:16

ಮೇ ಬೋಲಾನು ಶಾತ್‌ಕತೊ ಪವಿತ್ರಾತ್ಮನಿ ತರೀಖಾಮ ಚಾ಼ಲೊ ತದೆ ತುಮೆ ಶರೀರ್‌ನ ಲಾಲಚ್‌ನಿ ಖೆವಿ ಪರಕ್ಮಬಿ ಕೋಕರ್‌ಶುನಿ.

ಕೊಲೊಸ್ಸೆ 1:22

ಕತೋಬಿ ಇನ ಶರೀರ್‌ನು ಮರಣ್‍ಥಿ ಹಮ್ಕೆ ಯೋ ತುಮುನ ರಾಜಿ ಕರಿರಾಖ್ಯೋಸ್. ದೇವ್ ಇನಖ್ಹಾಮ್ಣೆ ತುಮುನ ಪರಿಶುದ್ಧಬಿ, ದೋಷ್‌ಕೊಂತೇಬಿ, ಅಪರಾದ್‌ಕೊಂತೆ, ಭೀರಾಕ್ಣುಕರಿ ಅಮ್ ಕರಿರಾಖ್ಯೊಸ್.

ಇಬ್ರಿ 12:23

ಪರ್‌ಲೋಕ್‌ಮ ನಾಮ್ ಲೀಖೈರಾಖ್ಯಹುಯ ಪಹಿಲೋಟ ಲಡ್ಕಾನಿ ಸಬೇನಾಬಿ, ಅಖ್ಖಾನ ನ್ಯಾವ್‍ಣೊ ಹುಯಿರೋತೆ ದೇವ್‌ಕನಾಬಿ ಪೂರ ಹುಯಿರೋತೆ ನೀತಿವಾಳಾನ ಆತ್ಮಕನಾಬಿ ಐರ‍್ಹಾಸ್.

1 ಯೋಹಾನ 3:2

ಪ್ಯಾರ್‌ನ ದೋಸ್ತಿವೊ ಅಪ್ಣೆ ಹಮ್ಕೆ ದೇವ್ನ ಲಡ್ಕಾ. ಅಜು಼ ಆಗಾಡಿ ಅಪ್ಣೆ ಶಾತ್‌ ಲಿಶುಕರಿ ಕೆಥ್ರಾನವಾಳ ಹುಯಿರ‍್ಹಿಯೆಸ್ ಕರಿ ಬಿಜೂ಼ಬಿ ಖ್ಹಮ್‍ಜ್ಯಕೊಯ್ನಿ. ಕತೋಬಿ ಕ್ರಿಸ್ತಯೇಸು ಆವನಿ ವಖ್ಹ್‌ತೆ ಅಪ್ಣೇಬಿ ಇನಿನಿತರಾಸ್ ರಿಶು ಕರಿ ಮಾಲುಮ್ ಕರಿರಾಖ್ಯಸ್. ಶನಕತೊ ಯೋ ರ‍್ಹಿಶೇತೆ ರೂಪ್‍ಮಸ್ ದೇಕ್‌ಶು.

ಯೂದನೆ ಲೀಖ್ಯೋತೆ ಚಿಟ್ಟಿ 1:24

ದೇವ್ ತಾಖತ್‌ವಾಳೊ ಹುಯಿರ‍್ಹೋಸ್. ತುಮೆ ಠೋಕರ್ ನಾ ಖಾವ್ಣುತೆತಿಮ್ ಮದತ್ ಕರಾವಾಳೊ ಹುಯಿರ‍್ಹೊಸ್. ಯೋ ತುಮಾರಮ ಶನೂ ಕಳಂಕ್‌ಕೊಂತೆ ತಿಮ್‍ಕರೀನ್ ಇನು ಮಹಿಮೆ ಝ಼ಗೋಕನ ಲ್ಯಾವಾನಾಬಿ ತುಮುನ ಮಹಾಖ್ಹುಷಿನ ದ್ಯವಾನಾಬಿ ಶಕತ್‌ವಾಳೊ ಹುಯಿರ‍್ಹೊಸ್.

ಪ್ರಕಾಶಿತ್ 14:5

ಅವ್ಣ ಮ್ಹೋಡಾಮ ಝೂ಼ಟಿ ಕೋಸ್‌ಥೂನಿ. ಅವ್ಣೆ ನಿರ್ದೋಷ್ ಹುಯಿರ‍್ಹಾಸ್.