ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 8:39 - ದೇವ್ನಿ ಖ್ಹಾಚಿ ವಚನ್

³⁹ ಊಚು಼ರ‍್ಹವೊ, ಗಧಾರ್‌ಮರ‍್ಹವೊ, ನತರ್ ಉಬ್‌ಜಾ಼ವ್ಣಿಮ ಛಾ಼ತೆ ಬಿಜು಼ ಖೆವೂಸ್‍ರ‍್ಹವೊ ಅಪ್ಣೊ ಪ್ರಭು ಹುಯಿರ‍್ಹೋತೆ ಕ್ರಿಸ್ತಯೇಸುಮ ಛಾ಼ತೆ ದೇವ್ನಿ ಪ್ಯಾರ್‌ಥಿ ಅಪ್ಣುನ ಅಲಕ್ ಕರ್ಶೆಕೊಯ್ನಿ.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 8:39 ပူးပေါင်းရင်းမြစ်များ

ಮತ್ತಾಯ 24:24

ಶನಕತೊ ಝೂ಼ಟುಕ್ರೈಸ್ತರ್‌ ಖ್ಹಾರು ಅಜು಼ ಝೂ಼ಟು ಪ್ರವಾದಿಖ್ಹಾರು ದೆಖೈನ್, ಇವ್ಣೇಥಿ ಹುಯೂತೊ ದೇವ್‍ಥಿ ಚೂ಼ಣೈರ‍್ಹವಾಳನಾಬಿ ಠಗಾವಾನಖ್ಹಾಜೆ, ಅದ್ಭುತ್‌ಕಾಮ್‌ ಅಜು಼ ಅಶ್ಚರ್ಯನು ಕಾಮ್‌ಖ್ಹಾರು ಕರಿ ವತಾಳ್‌ಶೆ.

ಯೋಹಾನ 16:27

ತುಮೆ ಮನ ಪ್ಯಾರ್‌ಕರೀನ್ ಮೇ ಬಾಕಂಥೊ ಆಯೋಕರಿ ವಿಶ್ವಾಸ್‌ ಕರ‍್ಯಾತೆ ಇನಖ್ಹಾಜೆ ಬಾಸ್ ತುಮೂನ ಪ್ಯಾರ್‌ಕರಾಸ್‌.

ಯೋಹಾನ 17:26

ಮೇ ಅವ್ಣುನ ತಾರ ನಾಮ್ನ ಮಾಲುಮ್ ಕರೈರಾಖ್ಯೋಸ್, ಬಿಜೂ಼ಬಿ ಇನ ಮಾಲುಮ್‌ ಕರವ್‌ಸ್ ಕರೀಶ್, ತುನೆ ಮಾರಪರ್ ಖಿವಿ ಪ್ಯಾರ್ ವತಾಳ್ಯೊಕಿ ಮೇಬಿ ಇವ್ಣಾಮ ರ‍್ಹೇವ್ಣುಕರಿ ಪ್ರಾರ್ಥನೆ ಕರುಸ್” ಕರಿ ಬೋಲ್ಯೊ.

ಯೋಹಾನ 3:16

ದೇವ್ನೆ ಆ ಜಗತ್‌ನು ಅದ್ಮಿನ ಕೆತ್ರೇಸ್ಕಿ ಜಾ಼ಖ್ಹತ್ ಪ್ಯಾರ್ ಕರೀನ್, ಇನೊ ಏಕ್‍ನೊ-ಎಕ್ಕಸ್ ಛಿಯ್ಯಾನ ದಿದೊ; ಇನ ನಂಬವಾಳು ಏಕ್‌ಬಿ ಮರ‍್ನುನಾತೆ ಹರೇಕ್ನ ಹಮೇಶಾನಿ ಜಿ಼ಂದ್‌ಗಿ ಮಳ್‌ಣು ಕರಿ ಇನ ದಿದೊ.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 1:7

ಅಜು಼ ಇಮ್ಮಸ್ ದೇವ್ ಪ್ಯಾರ್‌ಕರಾತೆ ಅಜು಼ ಇನು ಶೊಂತ್ ಅದ್ಮಿವೊ ಕರಿ ಹುಯಿರ‍್ಹುತೆ ರೋಮ್‌ವಾಳ ತುಮುನ ಲೀಖುಕರುತೆ‍ ಶಾತ್‌ಕತೊ: ಬಾ ಹುಯಿರ‍್ಹೋತೆ ದೇವ್‍ಥೀಬಿ ಪ್ರಭು ಯೇಸುಕ್ರಿಸ್ತಥೀಬಿ ತುಮೂನ ವಾರ್‌ಖ್ಹೊಬಿ ಶಾಂತಿಬಿ ಮಳಾದೆ.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 11:33

ಆಹಾ! ದೇವ್ನಿ ಗ್ಯಾನ್, ಅಕ್ಕಲ್‌ನು ಧನ್‍ದೌಲತ್ ಕೆತ್ರೆ ಗಧಾರ್‌ನು! ದೇವ್ನು ನ್ಯಾಯತೀರ್ಪ್‌ನ ಕೋಣ್‌ಬಿ ಛೋ಼ಡಿವತಾಳನ ಹುವಾಕೊಯ್ನಿ. ಇನ ಮಾರಗ್‌ನ ಢೂಂಡಿಕಾಡನ ಕಿನೇಥೀಬಿ ಹೋಯಿಕೊಯ್ನಿ!

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 5:8

ಕತೋಬಿ ಅಪ್ಣೆ ಪಾಪಿ ಹುಯಿರ‍್ಹವಾನಿ ವಖ್ಹ್‌ತೇಸ್ ಕ್ರಿಸ್ತನೆ ಅಪ್ಣಖ್ಹಾಜೆ ಮರೀನ್ ದೇವ್ನೆ ಅಪ್ಣಪರ್ ಇನಛಾ಼ತೆ ಪ್ಯಾರ್‌ನ ವತಾಳಿರಾಖ್ಯೊಸ್.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 6:23

ಶನಕತೊ ಪಾಪ್ ದೇಯಿತೆ ಮಜ಼್‌ದೂರಿ ಮರಣ್ ಹುಯಿರುಸ್. ಕತೋಬಿ ದೇವ್ನು ಫುಗಟ್ ಇನಾಮ್ ಅಪ್ಣೊ ಪ್ರಭು ಕ್ರಿಸ್ತಯೇಸುನ ಗಳ್‌ಜೋ಼ಡ್ಮ ಅಪ್ಣುನ ದಿಶೇತೆ ಹಮೇಶಾನಿ ಜಿ಼ಂದ್‌ಗೀಸ್.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 8:1

ಇನಖ್ಹಾಜೆ ಹಮ್ಕೆ ಯೇಸುಕ್ರಿಸ್ತಮ ಗಳ್‍ಜೋ಼ಡ್ ರ‍್ಹವವಾಳಾನ ಖಿವಿ ಅಪರಾದ್ನಿ ತೀರ್ಮಾನ್‍ಬಿ ಕೊಯ್ನಿ.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 8:35

ಅಮ್ ರ‍್ಹವಾಪರ್ ಕ್ರಿಸ್ತನಿ ಪ್ಯಾರ್‌ಥಿ ಅಪ್ಣುನ ಅಲಕ್ ಕರವಾಳು ಕೋಣ್? ವದೇಖ್ಹ್‌ಕಿ, ವಾಖ್ಯೋಕಿ, ಖ್ಹತಾಪ್ಣಿಕಿ, ಭುಕ್ಯೋಕಿ, ಪೆರ‍್ಹಾನ ಕೊಯ್ನಿತೇಕಿ, ನಘಾಡೋಮ್‌ಕಿ, ನತರ್ ಮರಣ್‌ಕಿ?

2 ಕೊರಿಂಥ 11:3

ಕತೋಬಿ ಹವ್ವ ಖ್ಹಾಪ್‍ನ ಲಬುಜ಼್‌ನಿ ವಾತ್ಮ ಮೈಕಮ್‍ಹುಯಿನ್ ಧೋಕಹುಯಿತೆ ತಿಮ್ ತುಮಾರು ದಿಲ್‌ ಕ್ರಿಸ್ತನಿ ಬಾರೇಮ ರ‍್ಹೇವ್ಣುಥೂತೆ ಶುದ್ಧಮನ್‌ಥೀಬಿ ಪರಿಶುದ್ ಭಕ್ತಿನಾಬಿ ಮ್ಹೇಲಿನ್ ಖರಾಬ್ ಹುಯಿಜಾ಼ಶೆಕರಿ ಡರ್‌ ಮಾರಾಮ ಛಾ಼.

2 ಕೊರಿಂಥ 2:11

ಅಮ್‍ ಶೈತಾನ್‍ ಅಪ್ಣುನ ಠಗಾವ್ಣುನಾಕರಿ ಅಮ್‌ಕರ‍್ಯೊ. ಶನಕತೊ ಇನಿ ಖರಾಬ್‌ಖ್ಹೂಜ಼್‌ ಅಪ್ಣುನ ಮಾಲುಮ್ ಛಾ಼.

ಎಫೆಸ 1:4

ಜಗತ್‌ ಉಬ್‌ಜಾ಼ತಿ ಪಹಿಲೇಸ್ ಅಪ್ಣೆ ಇನಖ್ಹಾಮ್ಣೆ ಪರಿಶುದ್ಧಬಿ ದೋಷ್‌ಕೊಂತೇಬಿ ಹುಯಿರ‍್ಹೇಣು ಕರಿ ದೇವ್ನೆ ಕ್ರಿಸ್ತನಿ ಗಳ್‌ಜೋ಼ಡ್ಮ ಅಪ್ಣುನ ಚೂ಼ಣಿಲಿದೊ. ಶನಕತೊ ಆ ಇನಿ ಪ್ಯಾರ್ ಹುಯಿರ‍್ಹಿಸ್.

ಫಿಲಿಪ್ಪಿ 3:12

ಅತ್ರಾಸ್‌ಮ ಮೆ ಆ ಅಖ್ಖಾನ ಲೀಲಿನ್‌ ಪೂರ ಹುಯಿಗೊಕರಿ ಕೊಬೋಲೂನಿ. ಕತೋಬಿ ಮೆ ಶನ ಲೇವ್ಣುಕರಿ ಕ್ರಿಸ್ತ ಯೇಸು ಮನ ಧರಿಲಿದೋಕಿ ಯೋ ಲೀಲ್ಯಾವನ ಖ್ಹಾಜೆ ಕೋಶಿಶ್ ಕರುಸ್.

ಫಿಲಿಪ್ಪಿ 3:3

ಖ್ಹಾಚಿ ಖ್ಹತ್ನ ರ‍್ಹವಾಳು ಕೋಣ್‌ಕತೊ, ದೇವ್ನಿ ಆತ್ಮನಿ ಖ್ಹೂಜ಼್‍ಥಿ ಆರಾದನೆ ಕರವಾಳು ಅಜು಼ ಕ್ರಿಸ್ತ ಯೇಸುಮ ಖುಷಿ ಕರವಾಳುಬಿ, ಶರೀರ್‌ನಿ ಆಖ್ಹ್‌ನಿ ಬಾರೇಮ ಭರೋಖ್ಹೊ ಕೊಂತೇಬಿ ಹುಯಿರ‍್ಹಾಸ್ತೆ ಅಪ್ಣೆಸ್.

ಫಿಲಿಪ್ಪಿ 3:8

ಅತ್ರೇಸ್ ಕಾಹೆತೆ, ಮಾರೊ ಪ್ರಭು ಕ್ರಿಸ್ತಯೇಸುನ ಮಾಲುಮ್ ಕರಿಲಾವನು ಬಾರೇಮ ಘಣು ಮಹಾನ್‌ಕರಿ ಸೋಚಿನ್ ಮೆ ಅಖ್ಖಾನ ಲುಕ್ಷಾನ್‌ಕರಿಸ್ ಲ್ಹಾವ್ಸ್. ಆಹೈರೋತೆ ಇನಖ್ಹಾಜೆ ಮೆ ಖ್ಹಾರುಸ್ ಗುಮೈಲಿದೋತೆಬಿ ಯೊ ಅಖ್ಖಾನ ಕಚ್ರೊ಼ಸ್ ಕರಿ ಲ್ಹಾವ್ಸ್.

2 ಥೆಸ 2:4

ಖಿವು ದೇವ್‌ನು ಹುಯಿರ‍್ಹುಸ್ ನತರ್ ಆರಾದನೆನ ಯೋಗ್ಯಹುಯಿರ‍್ಹಾವನು ಹುಯಿರ‍್ಹುಸ್ಕಿ, ಯೋ ಖ್ಹಾರಾನ ನಾಶ್ ಕರ್ಷೆ. ಇನು ಯೋಸ್ ಖ್ಹಾರೇಥಿಬಿ ಭಡೈಲೀನ್, ದೇವ್ನಿ ಮಂದಿರ್‌ಮ ಬೇಶಿನ್‌ ಯೋಸ್ ದೇವ್‌ಕರಿ ಬೋಲಿಲಿಶೆ.

1 ಯೋಹಾನ 4:16

ಅಮ್ಮಸ್ ದೇವ್ ಅಪ್ಣಾಮ ರಾಖಿರಾಖ್ಯೊತೆ ಪ್ಯಾರ್‌ನ ಅಪ್ಣೆ ಮಾಲುಮ್ ಕರಿರಾಖ್ಯಸ್. ಇನ ಅಪ್ಣೆ ವಿಶ್ವಾಸ್ ಕರಿಯೇಸ್. ದೇವ್ ಪ್ಯಾರ್‌ವಾಳೊ ಹುಯಿರ‍್ಹೊಸ್. ಪ್ಯಾರ್‌ಮ ರ‍್ಹವವಾಳೊ ದೇವ್‌ಮ ರ‍್ಹವಾಳೊ ಹುಯಿರೇಸ್‌. ದೇವ್ ಇವ್ಣಾಮ ರ‍್ಹವಾಳೊ ಹುಯಿರ‍್ಹೊಸ್ ದೇವ್ ಪ್ಯಾರ್ ಹುಯಿರ‍್ಹೊಸ್.

1 ಯೋಹಾನ 4:19

ದೇವ್ ಅಪ್ಣುನ ಪಹಿಲೆ ಪ್ಯಾರ್ ಕರ‍್ಯೊತೆ ಇನಖ್ಹಾಜೆ ಅಪ್ಣೆ ಇನ ಪ್ಯಾರ್ ಕರಿಯೇಸ್.

ಪ್ರಕಾಶಿತ್ 12:9

ಯೋ ಅರ್ಝ಼ ಕತೊ ಪಿಶಾಚಿಕರಿಬಿ ಶೈತಾನ್ ಕರೀಬಿ ನಾಮ್‌ರ‍್ಹವಾಳ ಯೊ ಜೂ಼ನೊ ಖ್ಹಾಪ್ ಧರ್ತಿಪರ್ ಧಕೆಲಾಯೊ ಇನೊ ದೂತಬಿ ಇನ ಜೋ಼ಡ್ಮ ಜ಼ಮೀನ್‌ಪರ್ ಫೇಕೈಗಯು.

ಪ್ರಕಾಶಿತ್ 13:14

ಯೊ ಪಹಿಲ ಜಾನ್ವರ್‌ನ ಖ್ಹಾಮ್ಣೆ ಅದ್ಭುತ್‌ಖ್ಹಾರು ಕರಾನು ಅದಿಕಾರ್ ಛಾ಼ತೆ ಇನಖ್ಹಾಜೆ ಧರ್ತಿನ ಅದ್ಮಿಖ್ಹಾರನ ಖ್ಹೈಲು ಕರ‍್ಯು. ಇವ್ಣುನ ತಲ್ವಾರ್‌ಥಿ ಘಾವ್‌ಹುಯಿನ್ ಮರ‍್ಯುಕೊಂತೆ ಬಚಿರ‍್ಹುತೆ ಜಾನ್ವರ್‌ನ ಮರ್ಯಾದಿ ದ್ಯವಾನಖ್ಹಾಜೆ ಮೂರತ್ ಬಣಾವ್ಣುಕರಿ ಹುಕುಮ್ ಕರ‍್ಯು.

ಪ್ರಕಾಶಿತ್ 19:20

ತದೆ ಯೊ ಜಾನ್ವರ್‌ನು ಧರಿಲಿದು. ಅತ್ರೇಸ್ ಕಾಹೆತೆ ಜಾನ್ವರ್‌ ಭಣೀಥು ಅದ್ಭುತ್ ಕಾಮ್‌ಖ್ಹಾರು ಕರೀನ್, ಜಾನ್ವರ್‌ನು ಖ್ಹಣೇದ್ ನಖಾಯಹುಯನ, ಅಜು಼ ಇನ ಮೂರತ್ನ ಆರಾದನೆ ಕರವಾಳನ ಪೊಖ್ಹ್‌ಲೈರಾಖ್ಯೊಥೊತೆ ಯೊ ಝೂ಼ಟುಪ್ರವಾದಿಬಿ ಇನ ಜೋ಼ಡೆ ಧರೈಗಯೊ. ಯೋ ಭೇಜ಼ಣಾನ ಜಾನ್ನಖ್ಹಮೇದ್‌ ರಂಜ಼ಕ್‌ಥಿ ಬಳಾನು ಆಗ್ನ ತಲಾವ್ಮ ಫೇಕ್ಯು.

ಪ್ರಕಾಶಿತ್ 2:24

ಕತೋಬಿ ಥುವತೈರಾಮ ರ‍್ಹವಾಳ, ಬಿಜ಼ಖ್ಹಾರನ ಮೇ ಬೋಲಾನು ಶಾತ್‍ಕತೊ, ತುಮೆ ಇನು ಶಿಕಾಡನಿತರ ಚಾ಼ಲ್ಯಕೊಯ್ನಿ ಶೈತಾನ್ನು ಖ್ಹರ್ತಿನು ಗಪ್ಲತ್‍ಖ್ಹಾರು ಕೋಣ್ ಕೋಣ್ ಮಾಲುಮ್‌ ಕೋಕರ‍್ಯಾನಿತೆ ರ‍್ಹೇಸ್ಕಿ ಇವ್ಣುನ ಬೋಲಾನು ಶಾತ್‍ಕತೊ ಮೇ ಬಿಜೇಕ್ ವಜ಼ನ್ ತುಮಾರಪರ್ ಕೋನಾಖಿಷ್‌ನಿ.

ಪ್ರಕಾಶಿತ್ 20:3

ಯೋ ಹಜಾ಼ರ್ ವರಖ್ಹ್ ಖತಮ್ ಹುವಾಲಗು ಬಿಜೂ಼ಬಿ ಅದ್ಮಿವ್‌ನ ಠಗಾವ್ಣುನಾತೆಯಿಮ್ ದೇವ್ನ ದೂತಾನೆ ಇನ ಪಾತಾಳ್ಮ ಧಕೇಲಿನ್ ದರ‍್ವಾಜು಼ ಲಗಾಡಿನ್ ಇನ ಮುದ್ರೊಮಾರ‍್ಯೊ ಯೋ ಹಜಾ಼ರ್ ವರಖ್ಹ್ ನಿಕ್ಳಾದಿನ್, ಥೋಡ ಹಗಾಮ್‌ ಇನಛುಟ್ಕಾರ್ ಮಳ್‌ಶೆ.

ಪ್ರಕಾಶಿತ್ 20:7

ಯೋ ಹಜಾ಼ರ್‌ ವರಖ್ಹ್ ಖತಮ್ ಹುಯಿಜಾ಼ವದಿನ್ ಶೈತಾನ್ನ ಜೇಲ್‌ಮಾಥು ಛುಟ್ಕಾರ್‌ವುಶೆ.