ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 8:36 - ದೇವ್ನಿ ಖ್ಹಾಚಿ ವಚನ್

³⁶ ಆ ಖ್ಹಾರು ಪರಿಶುದ್ ದಪ್ತರ್‌ಮ ಲೀಖೈರುತೆ ಇಮ್ಮಸ್ ಛಾ಼, “ತಾರಾಖ್ಹಾಜೆ ಹಮೆ ಅಖ್ಖೋದನ್ ಮರಣ್‍ಮ ಛಿಯ್ಯೆ಼; ರ‍್ಹೇಖ್ಹಾವನ ಆಯೂತೆ ಮೇಂಢವ್‌ನಿ ತರ ಹಮೆ ರ‍್ಹೇಖ್ಹಾವನಿತರಾಬಿ ಹುಯಿರ‍್ಹಿಯೇಸ್.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 8:36 ပူးပေါင်းရင်းမြစ်များ

ಯೋಹಾನ 16:2

ಇವ್ಣೆ ತುಮೂನ ಸಬಾಮಂದಿರ್‌ಥು ಭಾರ್‌ ಕಾಡಿನಾಕ್‌ಶೆ; ಯೋ ಕೊಂತೆ ತುಮೂನ ಮಾರಿನಾಖವಾಳೊ ಇನೆ ದೇವ್ನ ಬಲಿದಿದೊಕರಿ ಸೋಚಾನ ಹಗಾಮ್ ಆವ್‌ಶೆ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 20:24

ಮೇ ಮಾರ ಶೊಂತ್ ಜಾನ್ನಿ ಬಾರೇಮ ಸೋಚುಕೊಯ್ನಿ. ಪ್ರಭು ಹುಯಿರ‍್ಹೋತೆ ಯೇಸುನೆ ಮನ ದೀರಾಖ್ಯೋತೆ ಕಾಮ್ನ ಪೂರ ಕರಾನುಸ್ ಮನ ಖ್ಹಾರೇಥಿ ಮುಖ್ಯ. ಯೊ ದೇವ್ನು ವಾರ್‌ಖ್ಹಾನಿ ಬಾರೇಮಾನಿ ಸುವಾರ್ತೆನ ಸಾಕ್ಷಿನು ಕಾಮ್ ಹುಯಿರ‍್ಹೂಸ್.

ಅಪೊಸ್ತಲರ್‌ನು ಕಾಮ್‌ಖ್ಹಾರು 8:32

ಯೊ ಫಡುಕರ್ತೊ ಥೋತೆ ಪವಿತ್ರ್‌ ದಪ್ತರ್‌ಮ ವಚನ್ನುಭಾಗ್‌ ಖೆವುಕತೊ ‘ಕತ್ರಾನ ಲೀಜಾ಼ಯಿತೆ ಮೇಂಢಾನ ಚೆಲ್ಕನಿತರ ಇನ ಲೀನ್‌ಗಯು; ಅಜು಼ ಮೇಂಢು ರುಯಿ ಕತ್ರಾವಾಳನ ಖ್ಹಾಮ್ಣೆ ಖ್ಹೊಪ್‍ರ‍್ಹವಾನಿತರ ಇನೆ ಮ್ಹೋಡು ಮ್ಹೆಲ್ಯೊಸ್‍ ಕೊಯ್ನಿ.

1 ಕೊರಿಂಥ 15:30

ಕ್ರಿಸ್ತಮ ತುಮೆ ಮಾರಿ ಜೋ಼ಡೆ ಛಾ಼ತೆ ಇನಖ್ಹಾಜೆ ಅಪ್ಣೆ ಜಿನು ಹರ್‌ಘಡೀಮಾಬಿ ಖತ್ರಾಮ ಶನಛಿ಼ಯೇ?

1 ಕೊರಿಂಥ 15:31

ಭೈಯೇ ಭೇನೆವೊ, ಅಪ್ಣೊ ಪ್ರಭು ಹುಯಿರೋತೆ ಕ್ರಿಸ್ತಯೇಸುಮ ತುಮಾರಿ ಬಾರೇಮ ಮನಛಾ಼ತೆ ಪ್ಯಾರ‍್ನಖ್ಹಾಜೆ ಮೇ ಹರ್‌ರೋಜ಼್‍ಬಿ ಮರಣ್ಣ ಮ್ಹೋರೆ ಛೂ಼ಕರಿ ಬೋಲುಸ್.

1 ಕೊರಿಂಥ 4:9

ಇಮ್‌ ನಾಹುಯಿನ್ ದೇವ್ನೆ ಅಪೊಸ್ತಲರ್ ಹುಯಿರ‍್ಹಾಸ್ತೆ ಅಪ್ಣುನ ಮರಣ್ಣಿ ತೀರ್ಪ್ ಲೀಲ್ಯಾವಳಾನಿತರ ಕಡ್‌ಶೀನೊ ಟಪ್ಪೊ ದೀರಾಖ್ಯೊಸ್‍ಕರಿ ಮನ ದೇಖಾವಸ್. ಅಪ್ಣೆ ಜಗತ್‌ಮ ದೇವ್ ದೂತರ್‌ನಾಬಿ ಅದ್ಮಿನಾಬಿ ಕತೊ ಜಗತ್‌ವಾಳನ ಖ್ಹಾಮ್ಣೆಸ್ ಚಿಂಘಾವ್ಣಿ ಕಡೈಲಿದ.

2 ಕೊರಿಂಥ 1:9

ಅಪ್ಣೆ ಮರಿಜಾ಼ಶುಕರಿ ಅಪ್ಣೆ ಮಾಲುಮ್ ಕರಿರಾಖ್ಯಥ. ಅಪ್ಣೆ ಅಪ್ಣಪರ್ ಭರೋಖ್ಹೊ ನಾ ರಾಕ್ಣುತೆ ಮರ‍್ಯಾಹುಯಾನ ಉಠಾಡವಾಳೊ ದೇವ್ನ ಉಪ್ಪರಸ್ ಭರೋಖ್ಹೊ ರಾಕ್ಣುಕರಿ ಆ ಅಖ್ಖು ಹುಯುತೆ.

2 ಕೊರಿಂಥ 11:23

ಇವ್ಣೆ ಕ್ರಿಸ್ತನ ಸೇವಕರ್‌ಕಿಶು? ಇವ್ಣೇಥಿ ಜಾ಼ಖ್ಹತ್ ಮೇ ಸೇವೆ ಕರಾವಾಳೊ ಹುಯಿರೋಸ್. ಮೇ ಪಗ್‍ಲ್ಯಾನಿತರ ವಾತೆಬೋಲುಕರುಸ್, ಮೇ ಘಣು ಖ್ಹತಿರ‍್ಹೋಸ್ ಘಡಿಕೇಡೆ ಜೇಲ್‌ಮ ಘಲೈಲಿಧೋಥೊ. ಕಠಣ್ಣಿ ಪರಕ್ಮ ಮಾರ್‌ಖೈರಾಖ್ಯೋಸ್. ಕೈಯೇಕ್ ವಖ್ಹತ್ ಮರಣ್‍ಮ ಖ್ಹಪ್‍ಡಿಗಯೋಥೊ.

2 ಕೊರಿಂಥ 6:9

ಮಾಲುಮ್‌ ರ‍್ಹವಾಳು ಮರವಾಳುಹುಯಿನ್ ದೇಖಾಯುತೋಬಿ ಹಂದೇಖೊ ಹಮೆ ಬಚಿರ‍್ಹಿಶು. ಮಾರ್‌ಪೀಟ್ಮ ಪಡ್ಯತೋಬಿ ಮರಿಜಾ಼ಶುಕೊಂತೆ ರ‍್ಹಿಶು.

ಫಿಲಿಪ್ಪಿ 3:10

ಇನಾಬಿ ಇನು ಪಾಛು಼ ಜಿವ್ತುಹುವಾಮ ಛಾ಼ತೆ ಶಕತ್‍ನಾಬಿ, ಇನಿ ಖ್ಹತಾಪ್ಣಿಮ ಭಾಗ್‌ಲ್ಯವಾನಿ ಪದವಿನ ಮಾಲುಮ್ ಕರಿಲಿನ್ ಇನಿ ಮರಣ್ಣಿ ಬಾರೇಮ ಇನೀನಿತರಸ್ ಹೋಣುಕರಿ ಬೋಲನುಸ್ ಮಾರಿ ಹರಖ್ಹ್ ಹುಯಿರ‍್ಹೀಸ್.