ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 8:26 - ದೇವ್ನಿ ಖ್ಹಾಚಿ ವಚನ್

²⁶ ಇಮ್ಮಸ್‌ ಪವಿತ್ರಾತ್ಮಬಿ ಅಪ್ಣಿ ಕಮ್‍ಜೋ಼ರ‍್ಮ ಅಪ್ಣುನ ಮದತ್‍ಕರಸ್. ಕಿಮ್‌ಕತೊ ಅಪ್ಣೆ ಕದೆ ಶಾತ್‌ ಮಾಂಗಿಲೇವ್ಣುಕರಿ ಅಪ್ಣುನ ಮಾಲುಮ್‌ಕೊಂತೆ ಇನಖ್ಹಾಜೆ ಪವಿತ್ರಾತ್ಮಸ್ ವಾತ್‍ಕೊಂತೆ ಥರ್‌ಪಡೀನ್ ಅಪ್ಣಖ್ಹಾಜೆ ಗಿಂಗೈಲೇಸ್.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 8:26 ပူးပေါင်းရင်းမြစ်များ

ಮತ್ತಾಯ 10:20

ವಾತೆ ಬೋಲವಾಳ ತುಮೆ ಕಾಹೆ; ತುಮಾರೊ ಬಾನೊ ಪವಿತ್ರ ಆತ್ಮಾಸ್‌ ತುಮಾರ ಮ್ಹೋಡವಾಟೆ ವಾತೆ ಬೋಲ್‌ಶೆ.

ಮತ್ತಾಯ 20:22

ಯೇಸುನೆ ಇನ ಛಿಯ್ಯಾವ್‍ನ, “ತುಮೆ ಶಾತ್ ಮಾಂಗಿಲಿದ ಕರಿ ತುಮೂನ ಮಾಲುಮ್ ಕೊಯ್ನಿ. ಮೇ ಪೀಣುತೆ ಖ್ಹತಾಪ್ಣಿನ ರಾಛ಼ಮ ತುಮೆ ಪಿಯ್ಯಾನ ಉಶೇಕಿ ಶು?” ಕರಿ ಪುಛಾ಼ಯೊ. ಇನ ಇವ್ಣೆ, “ಹಮೂನ ಹುವಾಸ್” ಕರಿ ಜ಼ವಾಬ್‍ದಿದಾ.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 22:44

ಯೋ ಘಣಿ ದುಖ್‌ಥಿ ಬಿಜೂ಼ಬಿ ಪ್ರಾರ್ಥನೆ ಕರುಕರಾನಿ ವಖ್ಹತ್‌ಮ, ಇನು ಪಶುನೊ ಲ್ಹೋಯಿನು ಬೂಂದಾವ್‍ನಿಮತ್‌ ಜ಼ಮೀನ್‌ಪರ್ ಪಡ್ಯು.

ಯೋಹಾನ 14:16

ತದೆ ಮೇ ಬಾಕನ ಬೋಲಿಲೀಶ್‌, ತದೆ ಯೋ ತುಮೂನ ಬಿಜೇಕ್‍ಜ಼ಣೊ ಮದತ್‌ ಕರವಾಳನ ತುಮಾರಿ ಜೋ಼ಡ್ಮ ರ‍್ಹವಾನ ಮೋಕಲ್‌ಶೆ. ಯೋ ಮದತ್ ಕರಾವಾಳೊ ಹರ್‌ಹಮೇಶ ತುಮಾರ ಜೋ಼ಡೆ ರ‍್ಹಿಶೆ.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 15:1

ವಿಶ್ವಾಸ್ಮ ಘಟ್‌ಹುಯಿರ‍್ಹಾತೆ ಅಪ್ಣೆ ಕಮ್‍ಜೋ಼ರಿವಾಳನು ಭೋಜ಼್‌ನ ಖ್ಹಮಾಳಿರ‍್ಹವಾಳ ಹುಯಿರ‍್ಹಿನ್ ಇನಾಮ ಅಪ್ಣು ಅಪ್ಣೆಸ್ ಕಮ್‍ಠೋಕಿಲ್ಯವಾಳ ನಾಹುಯಿರ‍್ಹೇವ್ಣು.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 7:24

ಮೇ ಕೆಥ್ರಾನು ಖರಾಬ್ ಹಾಲತ್ನು ಅದ್ಮಿ! ಮನ ಆ ಮರಣ್ಣು ಶರೀರ್‌ಥಿ ಕೋಣ್ ಛೋ಼ಡಾವವಾಳು?

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 8:15

ಶನಕತೊ ದೇವ್ನೆ ದೀರಾಖ್ಯೋತೆ ಆತ್ಮ ತುಮೂನ ಗುಲಾಮ್ ಕೊ ಕರ್‌ಶೇನಿ ಅಜು಼ ತುಮಾರ ಡರ್‌ಥಿ ಕೊಹುಯಿರಿಶೇನಿ ಅನಬದಲ್ ಪವಿತ್ರಾತ್ಮ ದೇವ್ನ ಲಡ್ಕಕರೀನ್ ಬಣಾವಸ್ ಅಜು಼ ಯೊ ಆತ್ಮಾನಿ ಶಕಥ್ಥಿ ಭರಾವವಾಳೊ ಹುಯಿನ್ ಅಪ್ಣೆ ದೇವ್ನ “ಬಾ, ಪಿತಾ!” ಕರಿ ಚಿಕ್ರಿಯೆಸ್.

2 ಕೊರಿಂಥ 5:2

ಅಪ್ಣೆ ಆ ಶರೀರ್‌ಮ ರ‍್ಹವಾಲಗೂಬಿ ಕುರ್ಲಾವ್‍ತಾ ಹುಯಿನ್ ರ‍್ಹಿಶು. ಪರ್‌ಲೋಕ್ಮ ಮಳ್‌ಶೇತೆ ಅಪ್ಣ ಘರ್‌ನ ಅಪ್ಣೆ ಕದೆ ಲೀಲಿಶುಕರಿ ಉತ್ವಾಳಿ ಕರಿಯೇಸ್.

2 ಕೊರಿಂಥ 5:4

ಆ ಧರ್ತಿನ ಡೇರಾಮ ರ‍್ಹಾವಾಲಗು ಅಪ್ಣುನ ವಜ಼ನ್ನೊ ಭೋಜೊ ಪಾಡಿಲೀನ್ ಥರ್‌ಪಡೇಸ್; ಆ ಶರೀರ್ ಉಘಾಡು ಹುಯಿರ‍್ಹೇವ್ಣುಕರಿ ಕಾಹೆ; ಇನ ಬದಲ್ ಅಪ್ಣೆ ಪರ್‌ಲೋಕ್‌ನು ಘರ್‌ನ ಫೇರಿಲ್ಯಾವಾನ ಆಖ್ಹ್‌ಕರಿಯೇಸ್. ಮರಿಜಾ಼ವಾನು ನೂಛೈ಼ಜಿನ್ ಹರ್‌ಹಮೇಶ ಜಿವ್ತು ರ‍್ಹವಾನಾಸ್ ಆಖ್ಹ್ ಕರಿಯೇಸ್.

ಗಲಾತ್ಯ 4:6

ತುಮೆ ಛಿಯ್ಯಾಹುಯಿರ‍್ಹಾತೆ ಖ್ಹಾಜೆ ದೇವ್ನೆ, “ಬಾ! ಬಾ!” ಕರಿ ಚಿಕ್ರಾಸ್ತೆ ಇನ ಛಿಯ್ಯಾನ ಆತ್ಮಾನ ಅಪ್ಣ ದಿಲ್ಮ ಮೋಕ್‌ಲ್ಯೊ.

ಎಫೆಸ 2:18

ಇನಾಖ್ಹಾಜೆ ಕ್ರಿಸ್ತಥಿ ಯೆಹೂದ್ಯರ್ ಅಜು಼ ಯೆಹೂದ್ಯರ್‌ಕಾಹೆತೆ ಅದ್ಮಿ ಹಮೆಬಿ ತುಮೆ ಎಕ್ಕಸ್ ಆತ್ಮಥಿ ಬಾಕನ ಆವಾನ ವಾಟ್‍ಹುಯು.

ಎಫೆಸ 6:18

ತುಮೆ ಪವಿತ್ರಾತ್ಮಥಿ ಭರೈನ್ ಖ್ಹಾರಿ ವಖ್ಹತ್‌ಮ ಹರೇಕ್ ತರಿಕಾನಿ ಪ್ರಾರ್ಥನೆಥಿಬಿ ಬಿಂತೀನಿವ್ಹಾರ್ಥೀಬಿ ದೇವ್ನ ಪ್ರಾರ್ಥನೆ ಕರೊ. ಅನಾಮ ಏಕ್‌ ಖ್ಹಯಾಲ್‌ವಾಳು ಹುಯಿನ್ ದೇವ್ನ ಅದ್ಮಿ ಖ್ಹಾರಾನಿ ಬಾರೇಮ ಬಿಂತಿಕರ‍್ತಹುಯಿನ್ ಜ಼ತನ್‌ಥಿ ರ‍್ಹವೊ. ಅಖ್ಖಾಸ್ ಅದ್ಮಿನಖ್ಹಾಜೆ ಹಮೇಶ ಪ್ರಾರ್ಥನೆ ಕರಾನು ನಕೊ ಮ್ಹೇಲೊ.

ಇಬ್ರಿ 4:15

ಶನಕತೊ ಅಪ್ಣುನ ಛಾ಼ತೆ ಮಹಾಯಾಜಕ್ ಅಪ್ಣಿ ಕಮ್‍ಜೋ಼ರಿಮ ಅಪ್ಣುನ ಗೋರ್‌ ವತಳಾಕೊಂತೆ ರ‍್ಹೆಯಿಕೊಯ್ನಿ. ಯೊ ಹರೇಕ್ ವಾತೆನಿ ಬಾರೇಮ ಅಪ್ಣಿನಿತರಸ್ ಶೋದನೆ ಪಡ್ಯೊಹುಯೊ. ಕತೋಬಿ ಇನೆ ಪಾಪ್ ಕರ‍್ಯೊಸ್ ಕೊಯ್ನಿ.

ಇಬ್ರಿ 5:2

ಯೋಬಿಜಿನು ತಾಖತ್‌ಕೊಂತೆ ಇನಖ್ಹಾಜೆ ಯೋ ಖ್ಹಯಿಲನಾಬಿ, ಅಜು಼ ವಾಟ್‌ ಛು಼ಕವಾಳನಾಬಿ ದಯಾ ಕರಾನ ಶಕತ್‌ವಾಳೊ ಹುಯಿರ‍್ಹೊಸ್.

ಯಾಕೋಬ 4:3

ಬಿಂತಿ ಕರಿಲಿದತೋಬಿ ಯೋ ತುಮುನ ಮಳಕೊಯ್ನಿ. ಶನಕತೊ ತುಮಾರಿ ಬಿಂತಿ ಖರಾಬ್ ಖ್ಹೂಜ್‍ನು ಹುಯಿರ‍್ಹೆಸ್. ಭೋಗ್ನಿ ಆಖ್ಹ್‌ನ ಚ಼ಲೈಲ್ಯಾವನು ತುಮಾರಿ ಶುಶತ್ ಹುಯಿರ‍್ಹೆಸ್.