ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 8:24 - ದೇವ್ನಿ ಖ್ಹಾಚಿ ವಚನ್

²⁴ ಆ ಭರೋಖ್ಹಾಥಿಸ್ ಅಪ್ಣೆ ರಕ್ಷಣೆ ಲೀರಾಖವಾಳ ಹುಯಿರ‍್ಹಿಯೇಸ್. ಕತೋಬಿ ಡೋಳೆಖ್ಹು ದೆಖಾವತೆ ಭರೋಖ್ಹೊ, ಭರೋಖ್ಹೊಸ್ ಕಾಹೆ, ದೆಖವ್‍ಕರಾತೆ ತಿನ ಕೋಣ್‌ತೋಬಿ ಭರೋಖ್ಹೊ ಕರ್ಶೆಕಿ ಶು?

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 8:24 ပူးပေါင်းရင်းမြစ်များ

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 12:12

ಕ್ರಿಸ್ತವಾಳು ಭರೋಖ್ಹಾನಿ ಮಹಾ ಇನಾಮ್ನ ಖ್ಹಯಾಲ್ ಕರೀನ್ ಖುಷಿಥಿರ‍್ಹವಾಳಾಬಿ, ಖ್ಹತಾಪ್ಣಿಮ ಖ್ಹಮಾಳಿಲ್ಯಾವಾಳಾಬಿ, ಅಖ್ಖಿ ವೇಳ್ಮ ಘಟ್‍ದಿಲ್‌ಥಿ ಪ್ರಾರ್ಥನೆ ಕರ್ತರ‍್ಹೇವೊ.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 15:13

ಭರೋಖ್ಹಾನ ದ್ಯವಾಳೊ ದೇವ್ ಪವಿತ್ರಾತ್ಮನಿ ಶಕಥ್ಥಿ ಘಣು ಭರೋಖ್ಹಾಥಿ ನಂಬಾವಾಳನ ಖ್ಹುಶಿ ಅಜು಼ ಸಮಾಧಾನ್‌ಥಿ ಭರಾದೆ, ಅನಖ್ಹಾಜೇಥಿ ಶಕಥ್ಥಿ ಆಖ್ಹ್‌ಮ ಭಡ್ತಾ ಜಾ಼ವ್ಣುತೆ ತಿಮ್ ತುಮೂನ ವಿಶ್ವಾಸ್‍ಥಿ ಮಳಾತೆ ಹರೇಕ್ ಖುಷಿ ಸಮಾಧಾನ್ ದ್ಯವಾದೆ.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 15:4

ಪವಿತ್ರದಪ್ತರ್‌ಮ ಅಗಾಡಿಸ್ ಲೀಖೈರ‍್ಹೂತೆ ಅಪ್ಣುನ ಬೋಧನೆ ಕರಾನಖ್ಹಾಜೇಸ್ ಲೀಖೈರ‍್ಹೂಥು. ಅಪ್ಣೆ ಫಡೀನ್ ಘಟ್‌ದಿಲ್‌ಥೀಬಿ ಭಾಲಿಲೀನ್ ಭರೋಖ್ಹಾಥಿ ರ‍್ಹವಾಳ ಹುಯಿರ‍್ಹೇವ್ಣುಕರಿ ದಪ್ತರ್‌ಮ ಲೀಖಾಯು

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 4:18

ಭರೋಖ್ಹೊ ರಾಖಾನ ಶನು ಆಧಾರ್ ನಾರ‍್ಹುಯುತೋಬಿ ಅಬ್ರಹಾಮನೆ ನಂಬ್ಯೊ ಅಜು಼ ಭರೋಖ್ಹೊ ಕರ‍್ಯೊ ಅಮ್ಮಸ್ ಕೈಯೇಕ್‌ ದೇಖ್ಹ್‌ನ ಆತ್ಮೀಕ ಬಾಹುಯೊ. ಪವಿತ್ರ ದಪ್ತರ್‌ಮ ತಾರಿ ಪಿಳ್ಗಿ ಆಬ್‌ನ ಶುಕ್ಕರ್‌ನಿತರ ರ‍್ಹಿಶೆ. ಕರಿ ಪವಿತ್ರ ದಪ್ತರ್‌ಮ ಬೋಲ್ಯುತೆ ತಿಮ್.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 5:2

ಇನೆ ಅಪ್ಣುನ ವಿಶ್ವಾಸ್‍ಥಿ ದೇವ್ನಿ ಕೃಪೆನ ಆಖ್ಹ್‌ರಾಮ ಲಾಯೊ. ಹಮ್ಕೆ ಅಪ್ಣೆ ಇನಮಹಿ ಜಿವುಕರಿಯೇಸ್. ಇನಖ್ಹಾಜೆ ದೇವ್ನಿ ಮಹಿಮೆಮ ಅಪ್ಣೆ ಭಾಗ್‍ಹುಯಿರ‍್ಹಾಸ್‍ಕರಿ ನಂಬಿನ್ ಇನಮಹಿ ಅಪ್ಣೆ ಹುಮ್ಮಖ್ಹ್‌ ಲಿಯೇಸ್.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 8:20

ಶನಕತೊ ಉಬ್‍ಜಾ಼ವ್ಣಿ ಇನು ಉದ್ದೇಶ್‌ನ ಗುಮೈಲೀನ್ ಯೊ ಗುರ್‌ಕಾವ್ಣಿಮ ಪಡಿಗಯು, ಯೊ ಇನ ಶೊಂತ್ ಖ್ಹೂಜ಼್‌ಥಿ ಕಾಹೆ ಕತೋಬಿ ದೇವ್ನಿ ಖ್ಹೂಜ಼್‌ಥೀಸ್ ಹುಯು ಯೋ ಅಜೂ಼ಬಿ ಭರೋಖ್ಹಾಮಸ್ ಛಾ಼,

1 ಕೊರಿಂಥ 13:13

ಅನಖ್ಹಾಜೆ ಹಮ್ಕೆ ವಿಶ್ವಾಸ್, ಟಿವೈರ‍್ಹವಾನು, ಪ್ಯಾರ್ ಆ ತೀನಸ್ ಬಚಿರ‍್ಹೇಸ್. ಆ ಅಖ್ಖಾಮ ಮೋಟು ಪ್ಯಾರಸ್.

2 ಕೊರಿಂಥ 4:18

ಅಪ್ಣೆ ದೆಖಾವತೆ ಇನಅಖ್ಖು ದೆಖ್ಯೆಕೊಂತೆ ಛಾ಼ತೆ ಇನ ದೇಖವಾಳ ಹುಯಿರಾಸ್. ಶನಕತೊ ದೆಖಾವತೆ ಅಖ್ಖು ಥೋಡಿ ವಖ್ಹತ್‌ಖಲಿ ರ‍್ಹೇಸ್. ದೆಖಾವಕೊಂತೆ ಯೋ ಹರ್‌ಹಮೇಶ ರ‍್ಹೇಸ್.

2 ಕೊರಿಂಥ 5:7

ಶನಕತೊ ಹಮೆ ಕಿನ ದೇಖು ಕರಿಯೇಸ್‍ಕಿ ಇನೇಥಿ ಜಿವ್‍ಕರಿಯೇಕೊಯ್ನಿ. ಕತೋಬಿ ಕೆವ್ಹಾನ ವಿಶ್ವಾಸ್ ಕರಿರಾಖ್ಯಾಸ್‌ಕಿ ಇನೇಥಿ ಜಿವ್‌ಕರಿಯೇಸ್

ಗಲಾತ್ಯ 5:5

ಹಮೆತೋಬಿ ದೇವ್ನ ಆತ್ಮಾಥಿ ವಿಶ್ವಾಸ್‍ಥಿ ನೀತಿವಾಳಹುಯೇಸ್ ಕರಿ ಟಿವೈರ‍್ಹವಾನು ಚಾ಼ಲ್‌ಶೆಕರಿ ದಿಲ್‌ ಲಗಾಡಿನ್ ಮ್ಹೋರೆ ದೇಖವಾಳ ಹುಯಿರ‍್ಹಾಸ್.

ಕೊಲೊಸ್ಸೆ 1:23

ಆಕಾಶ್‍ನ ಹೇಟ್‍ಛಾ಼ತೆ ತಮಾಮ್‌ ಉಬ್‍ಜಾ಼ವ್ಣಿನ ಅಜು಼ ತುಮೆ ಬೋಲಿರಾಖ್ಯಥಾತೆ ಸುವಾರ್ತೆನಿ ಆಖ್ಹ್‌ಥಿ ಧಕೇಲೈ ನಾಜಾ಼ವ್ಣುತೆ ಘಟ್‍ಥಿ ವಿಶ್ವಾಸ್ಮ ಭೀರ‍್ಯಾವಾಳ ಹುಯಿರ‍್ಹಾತೊ, ತುಮೆ ಹದಿಪಾಯ ಅಜು಼ ಘಟ್‍ಥಿ ಭೀರಿಶು. ಆಸ್ ಸುವಾರ್ತೆನ ಪೌಲಕರಿ ಮೆ ಸೇವಕ್ ಹುಯಿರ‍್ಹೋಸ್.

ಕೊಲೊಸ್ಸೆ 1:27

ಯೆಹೂದ್ಯರ್‌ಕಾಹೆತೆ ಅದ್ಮೆವ್‍ಮ ಆ ಮಾಯ್ನನು ಮಹಿಮೆನಿ ಶಕತ್ ಕೆತ್ರೆಕರಿ ದೇವ್ನೆ ಇನ ಅದ್ಮಿವ್‌ನ ಭಡ್ಕಾವನ ಖ್ಹೂಜ಼್ ಕರ‍್ಯೊ. ಆ ಮಾಯ್ನೊ ಶಾತ್‍ಕತೊ ಮಹಿಮೆನು ಭರೋಖ್ಹಾನ ಆಧಾರ್ ಹುಯಿರೊಸ್ತೆ ಕ್ರಿಸ್ತಸ್ ತುಮಾರಮ ಛಾ಼.

ಕೊಲೊಸ್ಸೆ 1:5

ಪರ್‌ಲೋಕ್‌ಮ ತುಮಾರಖ್ಹಾಜೆ ಭರೋಖ್ಹಾನಿ ಬಾರೇಮ ಸುವಾರ್ತೆ ಖ್ಹಾಚಿ ವಚನ್‍ಥಿ ತುಮೆ ಪಹಿಲೇಸ್ ಖ್ಹಮ್‌ಜಿರಾಖ್ಯಾಸ್‌.

1 ಥೆಸ 5:8

ಕತೋಬಿ ಅಪ್ಣೇತೊ ದನ್ ಭಣಿವಾಳ ಹುಯಿರ‍್ಹಾಸ್. ಇನಖ್ಹಾಜೆ ಅಪ್ಣು ಅಪ್ಣೆ ದಾಬುಕ್ಮ ರ‍್ಹಿಯೆ. ಅಪ್ಣೆ ಪ್ಯಾರ್ ಅಜು಼ ವಿಶ್ವಾಸ್‌ನಿ ಕವಚ್‌ನ ಛಾ಼ತಿಪರ್ ಪೇರ‍್ಹಿಲೇವ್ಣು ಅಜು಼ ರಕ್ಷಣೆನಿ ವಿಶ್ವಾಸ್‌ಕರಿ ರ‍್ಹವಾನು ಮುಡ್‌ಕ್ಯಾನ ಕವಚ್‌ನ ಫೇರಿಲೇವೊ,

2 ಥೆಸ 2:16

ಅಪ್ಣುನ ಪ್ಯಾರ್ ಕರೀನ್, ಕೆದೇಬಿ ರ‍್ಹವಾನು ಹುಮ್ಮಖ್ಹ್‌ನಬಿ, ಅಛ಼್ಛು ಭರೋಖ್ಹಾನಬಿ ಇನಿ ವಾರ್‌ಖ್ಹೇಥಿ ದಿದೋತೆ ಅಪ್ಣೊ ಬಾ ಹುಯಿರ‍್ಹೋತೆ ದೇವ್‌ಬಿ ಅಪ್ಣೊ ಪ್ರಭು ಯೇಸು ಕ್ರಿಸ್ತ ಯೋಸ್ ತುಮಾರ ದಿಲ್‌ಮನ್ನ ಧಿಲ್‌ಪತ್‌ ದ್ಯವಾದೆ.

ಪೌಲನೆ ತೀತನ ಲೀಖ್ಯೋತೆ ಚಿಟ್ಟಿ 3:7

ಅನಖ್ಹಾಜೆ ದೇವ್ನೆ ಅಪ್ಣುನ ಇನಿ ವಾರ್‌ಖ್ಹೇಥಿ ಇಮಾನ್‌ದಾರ್ ಬಣೈರಾಖ್ಯೊಸ್. ಅನೇಥಿ ಅಪ್ಣೆ ಭರೋಖ್ಹೊ ಕರಿರಾಖ್ಯಾತೆ ಯೊ ಹಮೇಶಾನಿ ಜಿ಼ಂದ್‌ಗಿ ಮಳಾದೆ ಕರಿ ಆ ಖ್ಹಾಚಿವಾತೆ ಬೋಲೈರ‍್ಹೀಸ್.

ಇಬ್ರಿ 11:1

ವಿಶ್ವಾಸ್‌ಕತೊ ಅಪ್ಣೆ ಸೋಚಿನ್ ಜ಼ಪಿರ‍್ಹೇಸ್ತೆ ಖ್ಹಾರು ಭರೋಖ್ಹೊಬಿ, ಅಜೂ಼ಬಿ ದೆಖಾವಕೊಂತೆ ಜಿನಖ್ಹ್‌ಪರ್ ಆಧಾರ್ ಹುಯಿರ‍್ಹೇಸ್.

1 ಪೇತ್ರ 1:21

ಇನ ಮರ‍್ಯಾಹುಯಾಮಾಥು ಉಠಾಡಿನ್ ಇನ ಮಹಿಮೆ ದಿದಾಹುಯಾ ದೇವ್‌ಮ ತುಮೆ ಇನೇಥಿ ವಿಶ್ವಾಸ್ ಕರಾವಾಳ ಹುಯಿರ‍್ಹಾಸ್. ಅಮ್‍ರ‍್ಹವಾಪರ್ ತುಮಾರಿ ವಿಶ್ವಾಸ್‍ಬಿ ಟಿವಾವ್ಣಿಬಿ ದೇವ್‍ಮಾಸ್‍ ಭೀಯುಸ್.

1 ಪೇತ್ರ 1:3

ಅಪ್ಣೊ ಪ್ರಭು ಯೇಸು ಕ್ರಿಸ್ತನೊ ಬಾಬಿ ದೇವ್‌ಬಿ ಹುಯಿರ‍್ಹವಾಳನ ಧನ್ಯವಾದ್ ಹುವಾದೆ! ಶನಕತೊ ಯೋ ಯೇಸು ಕ್ರಿಸ್ತನ ಮರ‍್ಯಾಹುಯಾಮಾಥು ಜಿವ್ತೊಕರಿನ್, ಇನಿ ಮೋಟಿ ಗೋರ್‌ಥೀಸ್ ಅಪ್ಣುನ ನವೊ ಜ಼ಲಮ್ ಅಜು಼ ಜಾನ್ನ ಭರೋಖ್ಹಾನ ದಿರಾಖ್ಯೊಸ್.

1 ಯೋಹಾನ 3:3

ಕ್ರಿಸ್ತಯೇಸುಪರ್ ರಾಖಿಮ್ಹೆಲ್ಯಾತೆ ಆ ಭರೋಖ್ಹಾನ ಹರೇಕ್ ಜ಼ಣುಬಿ ಯೋ ಪವಿತ್ರ ಹುಯಿರಾವಾನಿ ಘೋಣಿಸ್ ಇನು ಯೋಸ್‍ ಪರಿಶುದ್ ಕರಿಲೇಸ್.