ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 8:2 - ದೇವ್ನಿ ಖ್ಹಾಚಿ ವಚನ್

² ಶನಕತೊ ಕ್ರಿಸ್ತಯೇಸುಮ ಛಿಯ್ಯೇ಼ತೆ ಅಪ್ಣುನ ಜಾನ್ನ ಲ್ಯಾವವಾಳು ಪವಿತ್ರಾತ್ಮನು ನಿಯಮ್ ಮನ ಪಾಪ್ ನಿಯಮ್‌ಥಿಬಿ ಅಜು಼ ಮರಣ್‌ಥಿ ಛುಟ್ಕಾರ್ ಕರಿರಾಖ್ಯುಸ್.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 8:2 ပူးပေါင်းရင်းမြစ်များ

ಯೋಹಾನ 4:10

ಯೇಸುನೆ ಯೊ ತಯೇಡನ ಬೋಲ್ಯೊಕಿ, “ತುನ ದೇವ್ನಿ ಬಾರೇಮ ಅತ್ರುಖ್ಹು ಮಾಲುಮ್ ರ‍್ಹಿಯುಹೊತ್ತೊ ಯೊ ಕೋಣ್ ಹುಯಿರೊಸ್, ದೇವ್ ಶಾತ್‌ ದೀರಾಖ್ಯೊಸ್ ಕರಿ, ತುನ ಮಾಲುಮ್ ರ‍್ಹಿಯುಹೊತ್.ತಾರಕನ ಪಿಯ್ಯಾನ ಪಾಣಿ ಮಾಂಗ್ಯೋತೆ ಯೋ ಕೋಣ್ ಕರಿ ಮಾಲುಮ್‌ ರ‍್ಹಯುಹೋತ್ತೊ, ತೂ ಇನಾಕನ ಮಾಂಗಿಲಿದಿಹೊತ್, ಅಜು಼ ಯೋ ತುನ ಜಾನ್ನಪಾಣಿನ ದಿದೋಹೊತ್‌” ಕರಿ ಬೋಲ್ಯೊ.

ಯೋಹಾನ 4:14

ಕತೋಬಿ ಮೇ ದೆವ್‍ಸ್ತೆ ಪಾಣಿನ ಕೋಣ್ ಪಿಯ್ಯಾಸ್‍ಕಿ ಇವ್ಣುನ ಕದೇಬಿ ಠೋಖ್ಹ್‌ ಲಾಗ್‌ಶೆ ಕೊಯ್ನಿ. ಮೇ ಇನ ದೀಶ್‌ತೆ ಪಾಣಿ ಇವ್ಣಾಮ ಭರೈನ್ ಝ಼ರುಕರ್‌ಶೆ. ಯೋ ಇನ ಹಮೇಶಾನಿ ಜಿ಼ಂದ್‌ಗೀನ ದಿಶೆ” ಕರಿ ಬೋಲ್ಯೊ.

ಯೋಹಾನ 6:63

ಜಾನ್‌ ದೇಸ್ತೆ ದೇವ್‌ನು ಆತ್ಮ ಹುಯಿರುಸ್ ಅದ್ಮಿನು ಹಿಮ್ಮಥ್ಥಿ ಫಾಯಿದೊ ಕೊಯ್ನಿ; ಮೇ ತುಮೂನ ಖಿವು ವಾತ್ನ ಬೋಲ್ಯೋಕಿ ಯೊ ದೇವ್‌ನೊ ಆತ್ಮ ಹುಯಿರ‍್ಹೂಸ್. ಅಜು಼ ಯೋ ಜಾನ್ನ ದೇಸ್.

ಯೋಹಾನ 8:32

ತುಮೆ ಖ್ಹಾಚ಼ನ ಮಾಲುಮ್‌ ಕರಿಲಿಶು, ಅಜು಼ ಯೋ ಖ್ಹಾಚು಼ ತುಮೂನ ಛೋ಼ಡಾವ್‌ಶೆ” ಕರಿ ಬೋಲ್ಯೊ.

ಯೋಹಾನ 8:36

ಇನಖ್ಹಾಜೆ ಛಿಯ್ಯೊ ತುಮೂನ ಛೋ಼ಡಾಯೋತೊ, ತುಮೆ ಖ್ಹಾಚಮಾಬಿ ಛು಼ಟ್‌ಶು.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 16:3

ಕ್ರಿಸ್ತಯೇಸುಮ ಮಾರಿ ಜೋ಼ಡ್ಮಕಾಮ್‍ ಕರಾವಾಳು ಹುಯಿರಾತೆ ಪ್ರಿಸ್ಕಿಲ್ಲನಾಬಿ ಅಕ್ವಿಲನಾಬಿ ಮಾರಿ ಖ್ಹಲಾಮ್ ಬೋಲಿದೆವೊ.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 3:27

ಅಮ್‌ರ‍್ಹಾವಪರ್‌ ಅಪ್ಣಿ ಬಾರೇಮ ಬಡೈಮಾರಿಲ್ಯವಾನ ಶನುಬಿ ಮೋಕ ಛಾ಼ಕಿಶು? ಕೊಯ್ನಿ. ಅಪ್ಣೆ ಧರ್ಮಶಾಸ್ತ್ರನ ಪಾಡಿ ಚಾ಼ಲಿಯೇಸ್‍ಕಿ ಶು! ಶನ? ಅಪ್ಣೆ ಶನ ವಿಶ್ವಾಸ್‌ ಕರ್‌ಯೇಸ್‌ಕಿ ಯೊ ಅಪ್ಣುನ ಊಚು಼ ಕರಾನಖ್ಹಾಜೆ ಮೋಕ ದೇಸ್.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 5:21

ಕಿಮ್ ಪಾಪ್ ಮರಣ್‍ಥಿ ರಾಜ಼್ ಚ಼ಲಾಯುಕಿ ಇಮ್ಮಸ್ ದೇವ್ನಿ ವಾರ್‌ಖ್ಹೊ ಅಪ್ಣೊ ಪ್ರಭು ಯೇಸುಕ್ರಿಸ್ತಥಿ ಹರ್‌ಹಮೇಶಾನಿ ಜಿ಼ಂದ್‌ಗಿ ದ್ಯವಾನ ನೀತಿಥಿ ರಾಜ಼್ ಚ಼ಲಾವಸ್.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 6:14

ಪಾಪ್ ತುಮಾರಪರ್ ಯಜಮಾನ್ ನಾ ಹುಯಿರ‍್ಹೇಣು, ಶನಕತೊ ತುಮೆ ಧರ್ಮಶಾಸ್ತ್ರನಿ ಅಧೀನ್‍ಮ ಕೊಯ್ನಿ, ದೇವ್ನಿ ವಾರ್‌ಖ್ಹಾನಿ ಅಧೀನ್‍ಮ ಹುಯಿರ‍್ಹಾಸ್.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 6:18

ತುಮೆ ಪಾಪ್‌ಥಿ ಛುಟ್ಕಾರ್ ಲ್ಯವಾಳಹುಯಿನ್ ನೀತಿನ ಗುಲಾಮ್‌ ಹುಯಿರ‍್ಹಾಸ್.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 6:22

ಕತೋಬಿ ಹಮ್ಕೆ ತುಮೆ ಪಾಪ್‌ಥಿ ಛುಟ್ಕಾರ್ ಲ್ಯವಾಳಹುಯಿನ್, ದೇವ್ನ ಗುಲಾಮ್‌ ಹುಯಿರಾಸ್. ತುಮೂನ ಮಳಾನು ಫಾಯಿದೊ ಪರಿಶುದ್ ಭಣಿ ಲೀಜಾ಼ಸ್ ಇನು ಫಲ್ ಹಮೇಶಾನಿ ಜಿ಼ಂದ್‌ಗಿ ಹುಯಿರ‍್ಹುಸ್.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 7:21

ಇನಖ್ಹಾಜೆ ಖಿವು ಅಛ್ಛುಛಾ಼ಕಿ ಇನ ಮೇ ಕರ್ನುಕರಿ ಛೂ಼ ಕತೋಬಿ ಖರಾಬಸ್ ಮಾರಾಮ ಠಿಕಾಣಿ ಹುಯಿರ‍್ಹುಸ್‌ಕರಿ ನಿಯಮ್‌ಥಿ ಮಾಲುಮ್‌ಹುವಸ್.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 7:23

ಕತೋಬಿ ಮಾರದಿಲ್ಮ ಬಿಜೇಕ್ ನಿಯಮ್ ಮೇ ದೇಖುಕರುಸ್ ಮಾರ ಶರೀರ್‌ಮ ಛಾ಼ತೆ ಪಾಪ್ನ ನಿಯಮ್ಮ ಕೊಂಡೈರ‍್ಹೋಸ್.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 7:4

ಇನಖ್ಹಾಜೆ ಮಾರ ಭೈಯೇ ಭೇನೇವೊ,ಧರ್ಮಶಾಸ್ತ್ರನಿ ಬಾರೇಮ ಬೋಲ್ನುಕತೊ ತುಮೇಬಿ ಕ್ರಿಸ್ತಾನು ಶರೀರ್‌ಮ ಭಾಗ್‌ ಹುಯಿರ‍್ಹಾಸ್ತೆಖ್ಹಾಜೆ ತುಮೇಬಿ ಮರಿರ‍್ಹಾಸ್ ಅಜು಼ ಹಮ್ಕೆ ಮರ‍್ಯಹುಯಮಾಥು ಜಿವ್ತೊಹುಯಿನ್ ಉಠ್ಯೊತೆ ಇನ ಮಳ್ಯಹುಯ ಹುಯಿರಾಸ್. ಅಮ್ ಅಪ್ಣೆ ದೇವ್ನಿ ಸೇವೆಮ ಫಾಯಿದೊ ಹುಯೆಜಾ಼ಯ್‌.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 8:1

ಇನಖ್ಹಾಜೆ ಹಮ್ಕೆ ಯೇಸುಕ್ರಿಸ್ತಮ ಗಳ್‍ಜೋ಼ಡ್ ರ‍್ಹವವಾಳಾನ ಖಿವಿ ಅಪರಾದ್ನಿ ತೀರ್ಮಾನ್‍ಬಿ ಕೊಯ್ನಿ.

1 ಕೊರಿಂಥ 15:45

ಪಹಿಲೊ ಅದ್ಮಿಹುಯಿರೋತೆ ಆದಾಮ್ ಜಾನ್‌ ಲಿದೋತೆ ಏಕ್ಜ಼ಣೊಹುಯೊ. ಖ್ಹರ್ತಿನೊ ಅದಾಮ್‌ತೋಬಿ ಜಾನ್ನದ್ಯವಾಳೊ ಆತ್ಮಹುಯೊ” ಕರಿ ಪವಿತ್ರ ದಪ್ತರ್‌ಮ ಲೀಖೈರ‍್ಹುಸ್.

2 ಕೊರಿಂಥ 3:17

ಯೋ ಪ್ರಭುಸ್ ದೇವ್ನುಆತ್ಮ, ಪ್ರಭುನು ಆತ್ಮ ರ‍್ಹೇಸ್ತೆ ಹಿಜ್ಜಾ಼ ಛುಟ್ಕಾರ್ ರ‍್ಹೇಸ್.

2 ಕೊರಿಂಥ 3:6

ದೇವ್ ನವಿ ಒಪ್ಪಂದಾನನ ಸೇವೆಕರಾವಾಳ ಹುಯಿರಾವಾನಿ ತಾಖತ್ನ ದೇವ್ನೆಸ್ ಹಮೂನ ದಿದೊ. ಆ ನವಿ ಒಪ್ಪಂದಾನ ಲೀಖಾವನಿ ರೂಪ್‍ಮಛಾ಼ತೆ ಧರ್ಮಶಾಸ್ತ್ರ ಕಾಹೆ. ಆ ಹುಯಿರ‍್ಹುತೆ ಪವಿತ್ರಾತ್ಮ ಹುಯಿರುಸ್. ಲಿಖಾವಟ್‌ನ ರೂಪ್‍ಮಛಾ಼ತೆ ಧರ್ಮಶಾಸ್ತ್ರ ಮರಣ್ಣ ಲ್ಯಾವ್‌ಶೆ, ಕತೋಬಿ ಪವಿತ್ರಾತ್ಮ ಜಾನ್‌ ದ್ಯಾವಾಳೊ ಹುಯಿರೋಸ್.

ಗಲಾತ್ಯ 2:19

ಮೇತೋಬಿ ದೇವ್ನಖ್ಹಾಜೆ ಬಚಿರ‍್ಹಾವನಖ್ಹಾಜೆ ಧರ್ಮಶಾಸ್ತ್ರಮಾಥೊ ಧರ್ಮಶಾಸ್ತ್ರನ ಭಾಗ್ನ ಮರ‍್ಯೊಹುಯೊ ಹುಯಿರೊಸ್. ಇನಖ್ಹಾಜೆ ಮೇ ಜಿನು ಕ್ರಿಸ್ತಾನಿಜೋ಼ಡ್ಮ ಶಿಲ್‌ಬೆಪರ್ ಘಲೈಗಯೊ ಹುಯೊ ಹುಯಿರೊಸ್.

ಗಲಾತ್ಯ 5:1

ಕ್ರಿಸ್ತನೆ ಅಪ್ಣುನ ಕಬ್‌ಜಾ಼ಮ ನಾರ‍್ಹೇವ್ಣುಕರಿ ಅಪ್ಣುನ ಛುಟ್ಕಾರ್ ಕರೀನ್ ಮ್ಹೇಲ್ಯೊ. ಇನಾಮ ಘಟ್‍ಥಿ ಭೀರೆವೊ. ಅಜು಼ ಪಾಛು಼ ದಿಲ್‌ ಫರೈನ್ ಗುಲಾಮ್‌ಗಿರಿನ ನೊಗಾಮ ಪಾಛಾ಼ ನಕೊ ಖ್ಹಪ್‌ಡಿಜಾಶು.

ಗಲಾತ್ಯ 6:2

ಏಕ್ಜ಼ಣೊ ಬಿಜೇಕ್ ಜ಼ಣಾನಿ ಭೋಜ಼್‌ನ ಝೇಲಾದೆ, ಅಮ್ ಕ್ರಿಸ್ತನು ನಿಯಮ್ನ ಪೂರಕರೊ.

ಯಾಕೋಬ 1:25

ಕತೋಬಿ ಛುಟ್ಕಾರ್ ದ್ಯಾವಾಳು ಅಖ್ಖುಪೂರ ಹುಯಿರ‍್ಹುತೆ, ಧರ್ಮಶಾಸ್ತ್ರನ ದಿಮಾಕ್‍ಲಗಾಡಿ ಫಡೀನ್ ಬಿಜೂ಼ಬಿ ಖ್ಹಯಾಲ್ ಕರಿನ್ ಇನಿನಿತರ ಚಾ಼ಲವಾಳೊ ವಚನ್ನ ಖ್ಹಮ್‌ಜಿನ್‌ ಭೈಕಿ ನಾ ಜಾ಼ವ್ಣುತೆ ಯೋ ಪರಕ್ಮ ಇನ ಕಾಮ್‍ಥಿ ಧನ್ಯಹುಯಿರ‍್ಹಿಶೆ.

ಪ್ರಕಾಶಿತ್ 11:11

ಕತೋಬಿ ಖ್ಹಡ್‌ತೀನ್ ದನ್ನಪಾರ್ ದೇವ್‍ಥಿ ಜಾನ್ನೊ ವಹಿರೊ ಯೊ ಮುರ್ದಾಮ ಪೇಶ್ಯೂತೊ, ಇವ್ಣೆ ಗೋಡಟೇಕಿ ಭೀರಿಜಾಶೆ. ಇವ್ಣುನ ದೇಖ್ಯುಹುಯು ಖ್ಹಾರು ಡರ್‌ಥಿ ಕಾಪ್‌ಶೆ.

ಪ್ರಕಾಶಿತ್ 22:1

ಅನಕೇಡೆಥು ದೇವ್ನದೂತನೆ ಫಟಕ್‌ಡಿನಿಘೋಣಿ ಉಜಾ಼ಖ್ಹ್‌ ದ್ಯವಾನು ಜಾನ್ನು ಪಾಣಿನ ನದ್ದೀನ ಮನ ವತಾಳ್ಯೊ. ಯೊ ನದ್ದಿ ದೇವ್ ಬಿಜು಼ ಮೇಂಢಾನ ಚೆಲ್ಕಾನು ಸಿಂಹಾಸನ್‌ಕಂಥು ಉಬ್ಜಿನ್,