ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 8:16 - ದೇವ್ನಿ ಖ್ಹಾಚಿ ವಚನ್

¹⁶ ಅಪ್ಣೆ ದೇವ್ನ ಛಿಯ್ಯಾ ಹುಯಿರ‍್ಹಾಸ್, ಕರಿ ಬೋಲಾನ ಪವಿತ್ರಾತ್ಮಸ್ ಅಪ್ಣ ಆತ್ಮನಿಜೋ಼ಡ್ಮ ಸಾಕ್ಷಿ ದೇಸ್.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 8:16 ပူးပေါင်းရင်းမြစ်များ

ಮತ್ತಾಯ 5:9

ಕೋಣ್ ಸಮಾಧಾನ್ ಕರಾನ ಮ್ಹಿನತ್ ಕರಸ್ಕಿ, ಇವ್ಣೆ ಖ್ಹುಶಾಲಿವಾಳು ಹುಯಿರ‍್ಹುಸ್‍, ಇವ್ಣೆ ದೇವ್ನ ಲಡ್ಕಕರಿ ಬೋಲೈಲಿಶೆ.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 20:36

ಇವ್ಣೆ ಅಜು಼ ಪಾಛು಼ ಮರ್‌ಶೆಸ್‌ಕೊಂತೆ, ದೇವ್‌ನು ದೂತರ್‌ನಿ ಘೋಣಿ ರ‍್ಹಿಶೆ. ಪಾಛು಼ ಜಿವ್ತುಹುಯಿನ್ ಉಠ್ಯೂತೆ ಇನಖ್ಹಾಜೆ, ಇವ್ಣೆ ದೇವ್ನ ಲಡ್ಕಾ ಹುಯಿರ‍್ಹಿಶೆ.

ಯೋಹಾನ 1:12

ಕತೋಬಿ ಕೋಣ್-ಕೋಣ್ ಇನ ಮಳೈಲಿದುಕಿ, ಕತೊ ಇನ ನಾಮ್‍ಪರ್ ವಿಶ್ವಾಸ್ ಕರ‍್ಯುಕೀ, ಇವ್ಣುನ ದೇವ್ನ ಲಡ್ಕಾ ಹುವಾನ ಹಕ್‌ ದಿದೊ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 5:32

ಆ ಕಾಮ್ನ ಹಮೇಸ್ ಸಾಕ್ಷಿ; ಹಮೇಸ್ ಕಾಹೆತೆ ವಿಧೇಯ ಹುವಾತೆ ಅಖ್ಖಾಸ್ ಅದ್ಮಿನ ದೇವ್ನೆ ದೀರಾಖ್ಯೋತೆ ಪವಿತ್ರಾತ್ಮಸ್ ಸಾಕ್ಷಿ ಹುಯಿರೋಸ್” ಕರಿ ಬೋಲ್ಯೊ.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 8:14

ಕೋಣ್ ದೇವ್ನ ಆತ್ಮಥಿ ಚ಼ಲೈಲೇಸ್ಕಿ ಇವ್ಣೆ ದೇವ್ನ ಲಡ್ಕಾ ಹುಯಿರ‍್ಹಿಶೆ.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 8:19

ದೇವ್ನ ಲಡ್ಕಾವ್‌ನಿ ಮಹಿಮೆ ಕದೆ ದೆಖಾವ್‍ಶೇಕರಿ ಉಬ್‍ಜಾ಼ವ್ಣಿ ಘಣು ಜ಼ರೂರ್‌ಥಿ ಖ್ಹಾಮ್ಣೆ ದೇಖುಕರಸ್.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 8:23

ಖಲಿ ಉಬ್‌ಜಾ಼ವ್ಣಿಸ್ ಕಾಹೆತೆ ಪಹಿಲು ಫಲ್‌ಹುಯಿರಾತೆ ಅಜು಼ ಪವಿತ್ರಾತ್ಮನಿ ವರಾನ ಲೀರಾಖ್ಯಾತೆ ಅಪ್ಣೇಬಿ ದೇವ್ನಲಡ್ಕಾನು ಇನಾಮ್‌ನಾಬಿ ಕತೊ ಶರೀರ್‌ನ ಆವ್ಣುತೆ ಛುಟ್ಕಾರ್‌ನ ಆವಾನು ದೇಕ್ತಹುಯಿನ್ ಅಪ್ಣಾಮಸ್‌ ಕುರ್ಲವ್‌ಕರೆಯೇಸ್.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 8:26

ಇಮ್ಮಸ್‌ ಪವಿತ್ರಾತ್ಮಬಿ ಅಪ್ಣಿ ಕಮ್‍ಜೋ಼ರ‍್ಮ ಅಪ್ಣುನ ಮದತ್‍ಕರಸ್. ಕಿಮ್‌ಕತೊ ಅಪ್ಣೆ ಕದೆ ಶಾತ್‌ ಮಾಂಗಿಲೇವ್ಣುಕರಿ ಅಪ್ಣುನ ಮಾಲುಮ್‌ಕೊಂತೆ ಇನಖ್ಹಾಜೆ ಪವಿತ್ರಾತ್ಮಸ್ ವಾತ್‍ಕೊಂತೆ ಥರ್‌ಪಡೀನ್ ಅಪ್ಣಖ್ಹಾಜೆ ಗಿಂಗೈಲೇಸ್.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 9:26

“ಖಿವಿ ಝ಼ಗೋಮ ‘ತುಮೆ ಮಾರು ಅದ್ಮಿಕಾಹೆಕರಿ’ ಇವ್ಣುನ ಬೋಲಾಯುಕಿ ಯೋ ಝ಼ಗೋಮಸ್‌, ‘ಇವ್ಣೆ ಜಾನ್ನಸ್ವರೂಪ್ ಹುಯಿರೋತೆ ದೇವ್ನ ಲಡ್ಕಾ ಕರಿ ಬೋಲೈಲಿಶೆ”.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 9:8

ಅನಿ ಮತಲಬ್, ಶಾತ್‍ಕತೊ ಶರೀರ್‌ನಿ ಸಂಬಂಧ್‌ಥಿ ಪೈದಾಹುವವಾಳು ಖ್ಹಾರುಸ್ ದೇವ್ನ ಲಡ್ಕಕಾಹೆ, ವಾಗ್ದಾನ್ನ ಲಡ್ಕಾಸ್ ಅಬ್ರಹಾಮ್‌ನ ಪಿಳ್ಗಿವಾಳು ಕರಿ ಗಣ್ತಿ ಹುವಾಸ್.

2 ಕೊರಿಂಥ 1:12

ಹಮೆ ಆ ವಾತ್ನಿ ಬಾರೇಮ ಕಂಡಿ ಛ಼ಡೈಲಿಯೇಸ್ಕಿ, ಹಮೆ ಖಲಿ ಅದ್ಮಿವೋನಿ ಅಕ್ಕಲ್‍ನ ಲಿದಾಕೊಂತೆ ದೇವ್ನ ವಾರ್‌ಖ್ಹಾನ ಆಖ್ಹ್‌ರಾಮ ಪರಿಶುದ್ಧಬಿ ನಿಯತ್‍ವಾಳಾಬಿ ಹುಯಿನ್ ಆ ಜಗತ್ಮ ತುಮಾರಿ ಬಾರೇಮ ಚಾ಼ಲಿಲಿದಾಕರಿ ಹಮಾರು ದಿಲ್‌ ಹಮೂನ ಸಾಕ್ಷಿ ಬೋಲಸ್.

2 ಕೊರಿಂಥ 1:22

ಹಮೆ ಇನವಾಳಕರಿ ವತಾಳನಖ್ಹಾಜೆ ಇನೆ ಹಮಾರಪರ್ ಮುದ್ರೊ ನಾಖಿರಾಖ್ಯೋಸ್. ಯೋ ಹಮೂನ ಕರ‍್ಯೊತೆ ವಾಗ್ದಾನ್ನ ಚ಼ಲಾವ್‌ಷೆ ಕರಿ ಬೋಲಾನ ಪವಿತ್ರಾತ್ಮನಾಸ್ ಅಪ್ಣ ದಿಲ್ಮ ದೀರಾಖ್ಯೊಸ್.

2 ಕೊರಿಂಥ 5:5

ಅನಾಖ್ಹಾಜೆಥೀಸ್ ದೇವ್ ಅಪ್ಣುನ ಬದಲಾವ್‍ ಹುವಾನಖ್ಹಾಜೆ ತಯಾರ್ ಕರಿರಾಖ್ಯೋಸ್ ಬಿಜು಼ ಅನ ಸಾಬಿತ್ ಕರಾನ ಪವಿತ್ರಾತ್ಮನಾಸ್ ಅಪ್ಣುನ ದಿರಾಖ್ಯೊಸ್.

2 ಕೊರಿಂಥ 6:18

ಮೇ ತುಮಾರೊ ಬಾ ಹುಯಿರೊಸ್; ಅಜು಼ ತುಮೆ ಮಾರ ಛಿಯ್ಯಾ, ಛೋ಼ರಿಯೇ ಹುಯಿರಾಸ್ ಕರಿ ಬೋಲಸ್ ಸರ್ವಶಕತ್‍ವಾಳೊ ಹುಯಿರೋತೆ ಪ್ರಭು.”

ಗಲಾತ್ಯ 3:26

ಶನಕತೊ ಕ್ರಿಸ್ತ ಯೇಸುಮ ತುಮೆಖ್ಹಾರು ವಿಶ್ವಾಸ್‍ಥಿ ದೇವ್ನ ಲಡ್ಕಹುಯಿರ‍್ಹಾಸ್.

ಗಲಾತ್ಯ 4:6

ತುಮೆ ಛಿಯ್ಯಾಹುಯಿರ‍್ಹಾತೆ ಖ್ಹಾಜೆ ದೇವ್ನೆ, “ಬಾ! ಬಾ!” ಕರಿ ಚಿಕ್ರಾಸ್ತೆ ಇನ ಛಿಯ್ಯಾನ ಆತ್ಮಾನ ಅಪ್ಣ ದಿಲ್ಮ ಮೋಕ್‌ಲ್ಯೊ.

ಎಫೆಸ 1:13

ಸುವಾರ್ತೆನಿ ಖ್ಹಾಚಿ ಸಂದೇಶ್ನ ಖ್ಹಮ್‍ಜಾ಼ನಿ ವಖ್ಹ್‌ತೆ, ತುಮೇಬಿ ಜಿನು ದೇವ್ನ ಅದ್ಮಿ ಹುಯಿರ‍್ಹಾಥ. ಸುವಾರ್ತೆ ತುಮುನ ಛುಟ್ಕಾರ್ ದಿದು. ತುಮೆ ಕ್ರಿಸ್ತಮ ವಿಶ್ವಾಸ್ ಕರಿರಾಖ್ಯಾಸ್ ಅಜು಼ ದೇವ್ ಯೋ ವಾಗ್ದಾನ್ ಕರ‍್ಯೊತೆ ಪವಿತ್ರಾತ್ಮನ ತುಮುನ ದ್ಯಾವಥಿ ಇನೊ ಮುದ್ರೊನಾಖಿನ್ ಖ್ಹಣೇದ್ ಕರಿರಾಖ್ಯೋಸ್.

ಎಫೆಸ 4:30

ದೇವ್ನ ಪವಿತ್ರಾತ್ಮನ ದುಖ್ ನಕೊ ಕರೊ. ಇನಾಮಸ್ ಛುಟ್ಕಾರ್‌ನ ದನ್ನಖ್ಹಾಜೆ ಮುದ್ರೊ ಲೀರಾಖ್ಯಾಸ್ನಿ.

1 ಯೋಹಾನ 3:1

ಅಪ್ಣೆ ದೇವ್ನ ಲಡ್ಕಾ ಕರಿ ಬೋಲೈಲೇವ್ಣುಕತೊ ಬಾ ಅಪ್ಣುನ ಕೆಥ್ರಾನಿ ಪ್ಯಾರ್ ಕರಿರಾಖ್ಯೊಸ್ ದೇಖೊ; ಖ್ಹಚಂಬಿ ಅಪ್ಣೆ ದೇವ್ನ ಲಡ್ಕಾ ಹುಯಿರಾಸ್. ಆ ಜಗತ್‌ ಇನ ಮಾಲುಮ್‌ಕರ‍್ಲಿದುಕೊಂತೆ ಇನಾಖ್ಹಾಜೆ ಅಪ್ಣುನಾಬಿ ಮಾಲುಮ್‌ ಕರ‍್ಲೆಯ್‍ಕೊಯ್ನಿ.

1 ಯೋಹಾನ 3:10

ಅಜು಼ ನೀತಿನ ವಾಟ್‌ಮ ನಾಚಾ಼ಲವಾಳೊ, ಇವ್ಣ ಭೈಯೇ ಅಜು಼ ಭೇನೇನ ಲಾಡ್‌ ನಾಕರವಾಳೊ ದೇವ್‍ಥಿ ಪೈದಹುಯೊ ಕೊಯ್ನಿ. ಅಮ್ ದೇವ್ನ ಲಡ್ಕಾ ಕೋಣ್ ಅಜು಼ ಶೈತಾನ್ನ ಲಡ್ಕಾ ಕೋಣ್‌ಕರಿ ಮಾಲುಮ್ ಕರಿಲೆಯೆಜಾ಼ಯ್‍.

1 ಯೋಹಾನ 3:2

ಪ್ಯಾರ್‌ನ ದೋಸ್ತಿವೊ ಅಪ್ಣೆ ಹಮ್ಕೆ ದೇವ್ನ ಲಡ್ಕಾ. ಅಜು಼ ಆಗಾಡಿ ಅಪ್ಣೆ ಶಾತ್‌ ಲಿಶುಕರಿ ಕೆಥ್ರಾನವಾಳ ಹುಯಿರ‍್ಹಿಯೆಸ್ ಕರಿ ಬಿಜೂ಼ಬಿ ಖ್ಹಮ್‍ಜ್ಯಕೊಯ್ನಿ. ಕತೋಬಿ ಕ್ರಿಸ್ತಯೇಸು ಆವನಿ ವಖ್ಹ್‌ತೆ ಅಪ್ಣೇಬಿ ಇನಿನಿತರಾಸ್ ರಿಶು ಕರಿ ಮಾಲುಮ್ ಕರಿರಾಖ್ಯಸ್. ಶನಕತೊ ಯೋ ರ‍್ಹಿಶೇತೆ ರೂಪ್‍ಮಸ್ ದೇಕ್‌ಶು.

1 ಯೋಹಾನ 4:13

ದೇವ್ ಇನಿ ಆತ್ಮಾನ ಅಪ್ಣಾಮ ದೀರಾಖ್ಯೋತೆ ಇನಖ್ಹಾಜೇಸ್ ಅಪ್ಣೆ ಇನಾಮ ಛಿಯೆಕರಿ ಮಾಲುಮ್ ಕರಿಲಿಯೇಸ್.

1 ಯೋಹಾನ 5:10

ದೇವ್ನ ಛಿಯ್ಯಾಮ ವಿಶ್ವಾಸ್ ಕರಾವಾಳೊ ಆ ಸಾಕ್ಷಿನ ಇನಾಮ ಲೀರಾಖಸ್. ದೇವ್ನ ನಂಬಕೊಂತೆ ಯೋ ಇನ ಝು಼ಟೊಕರಿ ಬಣೈರಾಖ್ಯೊಸ್. ಕಿಮ್‌ಕತೊ ದೇವ್ ಇನ ಛಿಯ್ಯಾನಿ ಬಾರೇಮ ದಿದೋತೆ ಸಾಕ್ಷಿಮ ಇನೆ ವಿಶ್ವಾಸ್ ಕರ‍್ಯೊಕೊಯ್ನಿ.

ಪ್ರಕಾಶಿತ್ 21:7

ಜೂತವಾಳನ ಆ ಖ್ಹಾರುಸ್ ಮಳ್‌ಶೆ. ಮೇ ಇನ ದೇವ್ ಹುಯಿರ‍್ಹಿಶ್. ಯೊ ಮನ ಛಿಯ್ಯೊ ಹುಯಿರ‍್ಹಿಶೆ.