ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 8:15 - ದೇವ್ನಿ ಖ್ಹಾಚಿ ವಚನ್

¹⁵ ಶನಕತೊ ದೇವ್ನೆ ದೀರಾಖ್ಯೋತೆ ಆತ್ಮ ತುಮೂನ ಗುಲಾಮ್ ಕೊ ಕರ್‌ಶೇನಿ ಅಜು಼ ತುಮಾರ ಡರ್‌ಥಿ ಕೊಹುಯಿರಿಶೇನಿ ಅನಬದಲ್ ಪವಿತ್ರಾತ್ಮ ದೇವ್ನ ಲಡ್ಕಕರೀನ್ ಬಣಾವಸ್ ಅಜು಼ ಯೊ ಆತ್ಮಾನಿ ಶಕಥ್ಥಿ ಭರಾವವಾಳೊ ಹುಯಿನ್ ಅಪ್ಣೆ ದೇವ್ನ “ಬಾ, ಪಿತಾ!” ಕರಿ ಚಿಕ್ರಿಯೆಸ್.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 8:15 ပူးပေါင်းရင်းမြစ်များ

2 ತಿಮೊ 1:7

ದೇವ್ನೆ ಅಪ್ಣುನ ದೀರಾಖ್ಯೋತೆ ಆತ್ಮ ಡರ್‌ಪೋಕ್‌ ಬಣಾವವಾಳು ಆತ್ಮ ಕಾಹೆ; ಇನು ಆತ್ಮ ಅಪ್ಣುನ ಶಕತ್, ಪ್ಯಾರ್ ಅಜು಼ ಗ್ರಿಸ್ತಿಥಿ ಭರಿದೇಸ್.

1 ಕೊರಿಂಥ 2:12

ಅಪ್ಣೆ ಜಗತ್‌ಮಛಾ಼ತೆ ಆತ್ಮಾನ ಲೀರಾಖ್ಯಾಕೊಯ್ನಿ ದೇವ್ ಅಪ್ಣುನ ಫುಗಟ್ನಿ ಗೋರ್‌ಥಿ ದಿದೊತೆ ವರಾನ ಮಾಲುಮ್ ಕರಿಲ್ಯವಾನಖ್ಹಾಜೆ ದೇವ್‍ಥಿ ಆಯಿತೆ ಆತ್ಮನಾಸ್ ಲೀರಾಖ್ಯಸ್.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 8:16

ಅಪ್ಣೆ ದೇವ್ನ ಛಿಯ್ಯಾ ಹುಯಿರ‍್ಹಾಸ್, ಕರಿ ಬೋಲಾನ ಪವಿತ್ರಾತ್ಮಸ್ ಅಪ್ಣ ಆತ್ಮನಿಜೋ಼ಡ್ಮ ಸಾಕ್ಷಿ ದೇಸ್.

ಇಬ್ರಿ 2:15

ಅಜು಼ ಮರಣ್ಣ ಡರ್‌ಥಿ ಇವ್ಣು ಬಚಿರ‍್ಹವಾನು ಹಗಾಮ್ ಅಖ್ಖು ಗುಲಾಮ್ ರ‍್ಹವಾಳನ ಛೋ಼ಡಾಯೊ.

ಎಫೆಸ 1:5

ದೇವ್ ಫೈಲೆಥೊಸ್ ಯೇಸು ಕ್ರಿಸ್ತಥಿಸ್ ಅಪ್ಣುನ ಇನ ಲಡ್ಕಕರಿ ಬಣೈನ್ ಸ್ವೀಕಾರ್ ಕರಾನಖ್ಹಾಜೆ ಚೂ಼ಣಿಲಿದೊ. ಯೊ ಇನಿ ಖ್ಹೂಜ಼್ ಹುಯಿರ‍್ಹಿಥಿ ಇನಿ ಖ್ಹಯಾಲ್‍ಬಿ ಹುಯಿರ‍್ಹಿಥಿ.

1 ಯೋಹಾನ 4:18

ಪ್ಯಾರ್ ರ‍್ಹೇಸ್ತೆ ಹಿಜ್ಜಾ಼ ಡರ್‌ಕೊರ‍್ಹೇಯಿನಿ. ಡರ್‌ರ‍್ಹೇಸ್ತೆ ಹಿಜ್ಜಾ಼ ನಿಶತ್‌ ರ‍್ಹೇಸ್. ಕತೋಬಿ ಭರ್‌ಪೂರ್‌ ಪ್ಯಾರ್ ಡರ‍್ನ ಮಾರಿನಖ್ಹಾಡಿದೇಸ್. ಡರವಾಳೊ ಪ್ಯಾರ್‌ಮ ಪೂರ ಹುಯಿರ‍್ಹವಾಳೊ ಕಾಹೆ.

ಮಾರ್ಕ 14:36

“ಓ ಬಾ, ಓ ಮಾರೊ ಬಾ! ತಾರೇಥಿ ಖ್ಹಾರುಸ್‌ ಹುವ್ವಾಸ್‌. ಆ ವದೇಖ್ಹಾನ ರಾಛಾ಼ನ ಮಾರೇಥಿ ಹಟಾವ್‌. ತೋಬಿ ಮಾರಿ ಮರ್ಜಿನಿ ಘೋಣಿ ಕಾಹೆತೆ ತಾರಿ ಮರ್ಜಿನಿ ಘೊಣಿಸ್ ಹುವಾದೆ” ಕರಿ ಬೋಲ್ಯೊ.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 8:23

ಖಲಿ ಉಬ್‌ಜಾ಼ವ್ಣಿಸ್ ಕಾಹೆತೆ ಪಹಿಲು ಫಲ್‌ಹುಯಿರಾತೆ ಅಜು಼ ಪವಿತ್ರಾತ್ಮನಿ ವರಾನ ಲೀರಾಖ್ಯಾತೆ ಅಪ್ಣೇಬಿ ದೇವ್ನಲಡ್ಕಾನು ಇನಾಮ್‌ನಾಬಿ ಕತೊ ಶರೀರ್‌ನ ಆವ್ಣುತೆ ಛುಟ್ಕಾರ್‌ನ ಆವಾನು ದೇಕ್ತಹುಯಿನ್ ಅಪ್ಣಾಮಸ್‌ ಕುರ್ಲವ್‌ಕರೆಯೇಸ್.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 11:2

ತದೆ ಯೇಸುನೆ ಇವ್ಣುನ, “ತುಮೆ ಪ್ರಾರ್ಥನೆ ಕರಾನಿ ವಖ್ಹತ್‌ಮ, ಬಾ: ತಾರು ನಾಮ್ ಪರಿಶುದ್ದ ಕರಿ ಬೋಲಾವಾದೆ, ತಾರಿ ರಾಜ್ಯ ಆವಾದೆ.

ಯೋಹಾನ 20:17

ಯೇಸುನೆ ಇನ, “ಮನ ಧರ್‌ನಕೊ, ಶನಕತೊ ಮೇ ಬಿಜೂ಼ಬಿ ಬಾಕನ ಕೋ ಜೈ಼ರ‍್ಹೋನಿ. ಕತೋಬಿ ತೂ ಮಾರ ಭೈಯೇಕನ ಜೈ಼ನ್‌, “ಮೇ ಮಾರೊ ಬಾ ಅಜು಼ ಇವ್ಣೊ ಬಾ, ಮಾರೊ ದೇವ್ ಅಜು಼ ಇವ್ಣೊ ದೇವ್ ಹುಯಿರ‍್ಹೋತೆ ಇನಕನ ಪಾಛೊ಼ ವಳ್ಯೊಜ಼ವುಸ್‌ ಕರಿ ಬೋಲ್” ಕರಿ ಬೋಲ್ಯೊ.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 22:42

“ಬಾ, ತಾರಿ ಮರ್ಜಿ ಉಶೇತೊ, ಆ ಖ್ಹತಾಪ್ಣಿನಿ ಕಟೋರಿನ, ಮಾರೇಥಿ ದೂರ್ ಹಟಾವ್‌; ತೋಬಿ, ಮಾರಿ ಮರ್ಜಿ ಕಾಹೆ, ತಾರಿ ಮರ್ಜಿಸ್‌ ಹುವಾದೆ” ಕರಿ ಬೋಲಿನ್ ಪ್ರಾರ್ಥನೆ ಕರ‍್ಯೊ.

ಯೋಹಾನ 16:8

ಯೋ ಆವ್‌ಶೇತೆ ತದೆ ಪಾಪ್, ನೀತಿ ಅಜು಼ ನ್ಯಾವ್ ತೀರ್ಪ್‌ನ ಬಾರೇಮ ಜಗತ್ನ ಮಾಲುಮ್‌ ಕರಾವ್‌ಶೆ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 16:29

ಖ್ಹಾರ್ಕೊಟ್‍ನೊ ಅಧಿಕಾರಿನೆ ಚಿಮ್ನಿನ ಮಂಗಾವ್ತೊಹುಯಿನ್ ಒಗ್ಗಿಸ್‌ಮ ಮಹಿ ಜೈ಼ನ್ ಡರ್‌ಥಿ ಕಾಪ್ತೊಹುಯಿನ್ ಪೌಲ ಅಜು಼ ಸೀಲನ ಗೋಡಾಪರ್ ಆಡ್‍ಪಡ್ಯೊ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 2:37

ಅನ ಖ್ಹಮ್‍ಜ್ಯುತೆ ಇವ್ಣುನ, ದಿಲ್ಮ ಖ್ಹುಯಿ ಟೋಚಾ಼ವನಿಘೊಣಿ ಹುಯು. ಇವ್ಣೆ ಪೇತ್ರನ ಅಜು಼ ಉಭ್‌ರ‍್ಯಾತೆ ಅಪೊಸ್ತಲರ‍್ನ, “ಭೈಯೇವೊ ಹಮ್ಕೆ ಹಮೆ‌ ಶಾತ್‍ಕರ್ನು?” ಕರಿ ಬೋಲ್ಯು.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 8:37

ಗೆರಸೇನವಾಳನು ತಬರ್‌ಖಾನು ಖ್ಹಾರಾನ ಘಣು ಡರ್‌ಲಾಗ್ಯೂತೆ ಇನಖ್ಹಾಜೆ, ಇವ್ಣೆ ಯೇಸುನ, “ತೂ ಹಮೂನ ಮ್ಹೆಂದಿನ್ ಜಾ಼” ಕರಿ ಬೋಲಿಲಿದು. ಇನಖ್ಹಾಜೆ ಯೇಸು ಡೋಣ್ಣಾ ಚ಼ಢೀನ್‌, ಪಾಛು಼ ಫರಿ ಚ಼ಲೆಗಯೊ.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 8:28

ಇನೆ ಯೇಸುನ ದೇಖಿನ್ ಬಳೇಳಿನ್‌, ಇನಖ್ಹಾಮ್ಣೆ ಪಡೀನ್, ಚೋ಼ರ್ ಆವಾಜ಼್‌ಥಿ, “ಪರಮಂಡಲ್‌ನೊ ದೇವ್ನ ಛಿಯ್ಯಾ, ಯೇಸು! ಮಾರೇಥಿ ತುನ ಶಾತ್‌ ಛಾ಼? ಮನ ಖ್ಹತೈಶ್‌ ನಕೊ ಕರಿ ತುನ ಗಿಂಗಾವುಸ್” ಕರಿ ಬೋಲಿಲಿದೊ.

ಯಾಕೋಬ 2:19

ದೇವ್ ಎಕ್ಕಸ್‍ಜ಼ಣೊ ಕರಿ ಯೋ ವಿಶ್ವಾಸ್ ಕರಸ್, ಯೋ ಅಛ್ಛು಼ಸ್‍. ಕತೋಬಿ ಶೈತಾನ್‍ಬಿ ಇಮ್ಮಸ್ ವಿಶ್ವಾಸ್ ಕರೀನ್ ಡರ್‌ಥಿ ಕಾಪಸ್.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 8:26

ಇಮ್ಮಸ್‌ ಪವಿತ್ರಾತ್ಮಬಿ ಅಪ್ಣಿ ಕಮ್‍ಜೋ಼ರ‍್ಮ ಅಪ್ಣುನ ಮದತ್‍ಕರಸ್. ಕಿಮ್‌ಕತೊ ಅಪ್ಣೆ ಕದೆ ಶಾತ್‌ ಮಾಂಗಿಲೇವ್ಣುಕರಿ ಅಪ್ಣುನ ಮಾಲುಮ್‌ಕೊಂತೆ ಇನಖ್ಹಾಜೆ ಪವಿತ್ರಾತ್ಮಸ್ ವಾತ್‍ಕೊಂತೆ ಥರ್‌ಪಡೀನ್ ಅಪ್ಣಖ್ಹಾಜೆ ಗಿಂಗೈಲೇಸ್.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 9:4

ಇಸ್ರಾಯೇಲ್‌ವಾಳು ಹುಯಿರ‍್ಹುತೆ ಇವ್ಣುನ ಇನಿ ಲಡ್ಕಾವ್‌ನಿ ಘೋಣಿಬಿ ಮಹಿಮೆನ ವತಾಳಿರಾಖ್ಯುಸ್, ಒಪ್ಪಂದಾನ ಅಖ್ಖೂಬಿ, ಧರ್ಮಶಾಸ್ತ್ರ ದೇವವಾನುಬಿ, ಮಂದಿರ್‌ನಿ ಸೇವೆಬಿ ಅಜು಼ ವಾಗ್ದಾನ್‌ಬಿ ಲೀರಾಖ್ಯುಸ್.

2 ಕೊರಿಂಥ 11:4

ಶನಕತೊ ಹಮೆ ಬೋಲು ಕರ್ತಥಾತೆ ಬಿಜೇಕ್‍ಜ಼ಣೊ ಯೇಸು ತುಮಾರಕನ ಆಯಿನ್ ತುಮುನ ಬೋಧನೆ ಕರಾನಿ ವಖ್ಹ್‌ತೆಬಿ. ತುಮೆ ಲೀರಾಖ್ಯಕೊಂತೆ ಬಿಜೇಕ್ ಆತ್ಮಾನ ಲಿಲ್ಯಾವನಿ ವಖ್ಹ್‌ತೆಬಿ ಸ್ವೀಕಾರ್ ಕರಕೊಂತೆ ಬಿಜೇಕ್ ಸುವಾರ್ತೆನ ಸ್ವಿಕಾರ್‌ಕರಿಲ್ಯಾವನಿ ವಖ್ಹ್‌ತೆ ತುಮೆ ಅಛ್ಛಿನಿತರ ಖ್ಹಮಾಳಿಲೆವೊಸ್.

ಗಲಾತ್ಯ 2:4

ಕತೋಬಿ ಭಾಣೇಥಿ ಪೇಠುಥೂತೆ ವಿಶ್ವಾಸಿಖ್ಹಾರು ಗಪ್ಲಥ್ಥಿ ಹಮುನ ಧರ್ಮಶಾಸ್ತ್ರನಿ ಕಬ್‌ಜಾ಼ಮ ಖ್ಹಪ್‌ಡಾವ್ಣುಕರಿ, ಕ್ರಿಸ್ತ ಯೇಸುಮ ಛಾ಼ತೆ ಅಪ್ಣಿ ಛುಟ್ಕಾರ್‌ನ ಮಾಲುಮ್‌ಕೊಂತೆ ತಿಮ್ ಪುಛಾ಼ವನ ಐರ‍್ಹುಥು.

ಗಲಾತ್ಯ 5:1

ಕ್ರಿಸ್ತನೆ ಅಪ್ಣುನ ಕಬ್‌ಜಾ಼ಮ ನಾರ‍್ಹೇವ್ಣುಕರಿ ಅಪ್ಣುನ ಛುಟ್ಕಾರ್ ಕರೀನ್ ಮ್ಹೇಲ್ಯೊ. ಇನಾಮ ಘಟ್‍ಥಿ ಭೀರೆವೊ. ಅಜು಼ ಪಾಛು಼ ದಿಲ್‌ ಫರೈನ್ ಗುಲಾಮ್‌ಗಿರಿನ ನೊಗಾಮ ಪಾಛಾ಼ ನಕೊ ಖ್ಹಪ್‌ಡಿಜಾಶು.

ಮತ್ತಾಯ 25:25

ಮೇ ಡರಿನ್, ತಾರ ಪೈಶಾನ ಜ಼ಮೀನ್‌ಮ ಲಪಾಡಿರಾಖ್ಯೊಥೊ. ಹಂದೇಕ್, ತಾರು ತುನಾಸ್ ದೆವ್‍ಕರೂಸ್’ ಕರಿ ಬೋಲ್ಯೊ.