ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 8:10 - ದೇವ್ನಿ ಖ್ಹಾಚಿ ವಚನ್

¹⁰ ಕತೋಬಿ ಕ್ರಿಸ್ತ ತಾರಮ ರ‍್ಹವಾಳೊ ಉಶೇತೊ, ಆತ್ಮ ತುಮುನ ಜಾನ್‌ ಹುಯಿರ‍್ಹೊಸ್. ತುಮಾರು ಶರೀರ್ ಪಾಪ್ನಖ್ಹಾಜೆ ಮರಿರ‍್ಹುತೋಬಿ ತುಮೆ ದೇವ್ನಿ ಜೋ಼ಡ್ಮ ನೀತಿವಾಳಕರಿ ಜಿವ್‌ಶು.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 8:10 ပူးပေါင်းရင်းမြစ်များ

ಯೋಹಾನ 14:23

ಯೇಸುನೆ ಇನ, “ಕೋಣ್ ಮನ ಪ್ಯಾರ್ ಕರಾಸ್ಕಿ, ಇವ್ಣೆ ಮಾರಿ ವಾತೇನ ಪಾಡಿ ಚಾ಼ಲ್‌ಷೆ. ಮಾರೊ ಬಾ ಇನ ಪ್ಯಾರ್ ಕರ್ಶೆ, ಅಜು಼ ಮಾರೊ ಬಾಬಿ ಮೇ ಭೇಜ಼ಣ ಇನಾಕನ ಐನ್, ಇನಜೋ಼ಡೆ ಜಿವ್‌ಶು.

ಯೋಹಾನ 15:5

ಮೇ ದ್ರಾಕ್ಷಿನೊ ವೇಲೊ, ಅಜು಼ ತುಮೆ ಡಾಳಿಯೆ. ಏಕ್‌ ಜ಼ಣೊ ಮಾರಾಮ ಅಜು಼ ಮೇ ಇನಾಮ ರ‍್ಹಯೋತೊ, ಯೋಸ್‌ ಜಾ಼ಖ್ಹತ್ ಪಂಡು ದಿಶೆ; ಕತೋಬಿ ತುಮೆ ಮನ ಮ್ಹೆಂದಿನ್ ಶಾತ್ಬಿ ಕರಾನ ಕೋ ಹುವಾನಿ.

ಯೋಹಾನ 17:23

ಮೇ ಇವ್ಣಾಮ ರ‍್ಹೀಶ್ ಅಜು಼ ತೂ ಮಾರಾಮ ರ‍್ಹೀಶ್ ಅನೇಥಿ ಇವ್ಣೆ ಅಮ್ಮಸ್ ಭರ್‌ಪೂರ್‌ಥಿ ಏಕ್‌ ಹುಯಿರ‍್ಹಿಶೆ, ತದೆ ತುನೇಸ್ ಮನ ಮೋಕ್ಯಲ್ಯೋತೆ ಕರಿ ಅಜು಼ ತುನೆ ಮನ ಪ್ಯಾರ್ ಕರ‍್ಯೊತೆ ಇಮ್ಮಸ್, ಅವ್ಣುನಾಬಿ ಪ್ಯಾರ್ ಕರಿರಾಖ್ಯೋಸ್ ಕರಿ ಆ ಜಗತ್ನ ತದೆ ಮಾಲುಮ್‌ ಪಡ್‌ಶೆ.

ಯೋಹಾನ 4:14

ಕತೋಬಿ ಮೇ ದೆವ್‍ಸ್ತೆ ಪಾಣಿನ ಕೋಣ್ ಪಿಯ್ಯಾಸ್‍ಕಿ ಇವ್ಣುನ ಕದೇಬಿ ಠೋಖ್ಹ್‌ ಲಾಗ್‌ಶೆ ಕೊಯ್ನಿ. ಮೇ ಇನ ದೀಶ್‌ತೆ ಪಾಣಿ ಇವ್ಣಾಮ ಭರೈನ್ ಝ಼ರುಕರ್‌ಶೆ. ಯೋ ಇನ ಹಮೇಶಾನಿ ಜಿ಼ಂದ್‌ಗೀನ ದಿಶೆ” ಕರಿ ಬೋಲ್ಯೊ.

ಯೋಹಾನ 6:54

ಕೋಣ್ ಮಾರಿ ಬೋಟಿನ ಖಾಸ್ಕಿ, ಮಾರು ಲ್ಹೋಯಿನ ಪಿಯ್ಯಾಸ್‍ಕಿ ಇವ್ಣುನ ಹರ್‌ಹಮೇಶಾನಿ ಜಿ಼ಂದ್‌ಗಿ ಛಾ಼, ಅಜು಼ ಮೇ ಇನ ಖ್ಹರ್ತಿನ ದನ್ಮ ಜಿವ್ತು ಉಠಾಡಿಶ್‌.

ಯೋಹಾನ 6:56

ಮಾರಿ ಬೋಟಿನ ಖೈನ್, ಮಾರೂ ಲ್ಹೋಯಿನ ಪಿಯ್ಯಾವಾಳು ಯೊ ಮಾರಾಮ ರ‍್ಹೇಸ್‌, ಅಜು಼ ಮೇ ಇವ್ಣಾಮ ಜಿವಿರ‍್ಹೀಶ್‌.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 5:12

ಇನಖ್ಹಾಜೆ, ಏಕ್‍ಜ಼ಣೇಥಿ ಜಗತ್‌ಮ ಪಾಪ್‍ಆಯು ಅಜು಼ ಯೋಪಾಪ್ ಇನಿಜೋ಼ಡ್ಮ ಮರಣ್ಣಾಬಿ ಲಾಯು. ಅನಖ್ಹಾಜೇಥಿ ಮರಣ್ ಅಖ್ಖಾ ಅದ್ಮಿವೋನ ಉಪ್ಪರ್ ಫೈಲಾಯು ಶನಖ್ಹಾಜೆಕತೊ ಅಖ್ಖುಜ಼ಣು ಪಾಪ್‍ಕರ‍್ಯು.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 5:21

ಕಿಮ್ ಪಾಪ್ ಮರಣ್‍ಥಿ ರಾಜ಼್ ಚ಼ಲಾಯುಕಿ ಇಮ್ಮಸ್ ದೇವ್ನಿ ವಾರ್‌ಖ್ಹೊ ಅಪ್ಣೊ ಪ್ರಭು ಯೇಸುಕ್ರಿಸ್ತಥಿ ಹರ್‌ಹಮೇಶಾನಿ ಜಿ಼ಂದ್‌ಗಿ ದ್ಯವಾನ ನೀತಿಥಿ ರಾಜ಼್ ಚ಼ಲಾವಸ್.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 8:11

ಯೇಸುನ ಮರ‍್ಯಹುಯಮಾಥು ಜಿವಾಡವಾಳನು ಆತ್ಮ ತುಮಾರಮ ಜಿವ್‍ಕರ‍್ಯುತೊ, ಕ್ರಿಸ್ತಯೇಸುನ ಮರಣ್‍ಥಿ ಉಠಾಡ್ಯೊಹುಯೊ ದೇವ್ನು ಆತ್ಮ ತುಮಾರಮ ರ‍್ಹಿಯುತೊ ನಾಶಹುವಾಳು ಶರೀರ್‌ನಾಬಿ ತುಮಾರಮ ಜಿವವಾಳ ಆತ್ಮಥೀಸ್ ಜಾನ್ನ ದಿಶೆ.

1 ಕೊರಿಂಥ 15:45

ಪಹಿಲೊ ಅದ್ಮಿಹುಯಿರೋತೆ ಆದಾಮ್ ಜಾನ್‌ ಲಿದೋತೆ ಏಕ್ಜ಼ಣೊಹುಯೊ. ಖ್ಹರ್ತಿನೊ ಅದಾಮ್‌ತೋಬಿ ಜಾನ್ನದ್ಯವಾಳೊ ಆತ್ಮಹುಯೊ” ಕರಿ ಪವಿತ್ರ ದಪ್ತರ್‌ಮ ಲೀಖೈರ‍್ಹುಸ್.

2 ಕೊರಿಂಥ 13:5

ತುಮೆ ವಿಶ್ವಾಸ್‌ಮ ಛಾ಼ಕಿ ಕೊಯ್ನಿಕಿ ಕರಿ ತುಮಾರು ತುಮೇಸ್ ತರೀಪ್‌ಶ ಕರಿಲೆವೊ. ಕ್ರಿಸ್ತ ಯೇಸು ತುಮಾರಮ ಛಾ಼ಕರಿ ತುಮುನ ಮಾಲುಮ್‌ಛಾ಼: ಯೋ ತುಮಾರಮ ನಾರ‍್ಹಯೋತೊ ತುಮೆ ನಾಲಾಯಕ್‌ ಹುಯಿರ‍್ಹಾಸ್.

2 ಕೊರಿಂಥ 4:11

ಯೇಸುನೊ ಜಾನ್ನ ಅಪ್ಣೆ ಮರ‍್ಯಹುಯ ಶರೀರ್‌ಮ ಛಾ಼ಕರಿ ವತಾಳನಖ್ಹಾಜೆ ಜಿವ್ತಛಿಯೇತೆ ಅಪ್ಣೆ ಯೇಸುನಖ್ಹಾಜೆ ಕದೇಬಿ ಮರಣ್ಣ ದೇತಾ ಛಿಯೆ.

2 ಕೊರಿಂಥ 5:21

ಕ್ರಿಸ್ತಮ ಪಾಪಸ್ ಕೋಥೂನಿ. ಕತೋಬಿ ಹಮೆ ದೇವ್ನ ಸಮರ್ಪಣೆನಿ ಪರಕ್ಮ ನೀತಿಸ್ವರೂಪಿ ಹುಯಿರ‍್ಹಾವನಿತರ ದೇವ್ ಇನ ಪಾಪ ಸ್ವರೂಪಿಕರಿ ಬಣಾಯೊ.

ಗಲಾತ್ಯ 2:20

ಅಜು಼ ಜಿವ್‌ಕರೂಸ್ತೆ ಮೇಕಾಹೆ, ಕತೋಬಿ ಕ್ರಿಸ್ತ ಮಾರಮಹಿ ಜಿವವಾಳೊ ಹುಯಿರೊಸ್. ಹಮ್ಕೆ ಮೆ ಶರೀರ್‌ಮ ಜಿವ್ಣುಕರಾನು ಕಿಮ್ ಕತೊ ದೇವ್ನ ಛಿಯ್ಯಾಪರ‍್ಲಿ ವಿಶ್ವಾಸ್‌ಥೀಸ್. ಯೋ ಮನ ಪ್ಯಾರ್ ಕರೀನ್ ಮಾರ ಖ್ಹಾಜೇಥಿ ಇನಾಸ್ ದಿನಾಖಿದಿದೊ.

ಎಫೆಸ 3:17

ಕ್ರಿಸ್ತ ತುಮಾರ ವಿಶ್ವಾಸ್‍ಥಿ ತುಮಾರ ದಿಲ್ಮ ಜಿವಾದೆಕರಿಬಿ, ಯೊ ಇನಿ ಮಹಿಮೆನಿ ಶಕತ್ ದ್ಯವಾದೆ.

ಫಿಲಿಪ್ಪಿ 1:23

ಆ ಭೇನ ಇಚ಼್‌ಮ ಖ್ಹಪ್‌ಡಿರ‍್ಹೋಸ್, ಹಜ್ಜಾ಼ಥು ನಿಕ್ಳಿನ್ ಕ್ರಿಸ್ತ ಯೇಸುನಿ ಜೋ಼ಡ್ಮ ರ‍್ಹೇವ್ಣುಕರಿ ಬೋಲಾನುಸ್ ಮಾರಿ ಆಖ್ಹ್ ಹುಯಿರ‍್ಹೀಸ್, ಯೊ ಘಣು ಅಛ್ಛು಼ಸ್ ಹುಯಿರ‍್ಹುಸ್.

ಫಿಲಿಪ್ಪಿ 3:9

ಅನಾಮ ಮಾರಿ ಖ್ಹೂಜ಼್ ಶಾತ್‌ಕತೊ, ಮೆ ಕ್ರಿಸ್ತಾನ ಕಮೈಕರೀನ್, ಧರ್ಮಶಾಸ್ತ್ರನು ಫಲ್ ಹುಯಿರ‍್ಹುತೆ ಶೊಂತ್ ನೀತಿಕಾಹೆ, ಕ್ರಿಸ್ತಮ ವಿಶ್ವಾಸ್‌ಕರಾಥಿ ಮಳಾತೆ ಕತೊ ಕ್ರಿಸ್ತಪರ್‌ನಿ ವಿಶ್ವಾಸ್‌ನಿ ಆಧಾರ್‌ಥಿ ದೇವ್ ದೇಸ್ತೆ ನೀತಿನಾಸ್ ಲೀನ್ ಕ್ರಿಸ್ತಮ ರ‍್ಹೇವ್ಣುಕರಿ ಬೋಲಾನುಸ್.

ಕೊಲೊಸ್ಸೆ 1:27

ಯೆಹೂದ್ಯರ್‌ಕಾಹೆತೆ ಅದ್ಮೆವ್‍ಮ ಆ ಮಾಯ್ನನು ಮಹಿಮೆನಿ ಶಕತ್ ಕೆತ್ರೆಕರಿ ದೇವ್ನೆ ಇನ ಅದ್ಮಿವ್‌ನ ಭಡ್ಕಾವನ ಖ್ಹೂಜ಼್ ಕರ‍್ಯೊ. ಆ ಮಾಯ್ನೊ ಶಾತ್‍ಕತೊ ಮಹಿಮೆನು ಭರೋಖ್ಹಾನ ಆಧಾರ್ ಹುಯಿರೊಸ್ತೆ ಕ್ರಿಸ್ತಸ್ ತುಮಾರಮ ಛಾ಼.

1 ಥೆಸ 4:16

ಶನಕತೊ ಪ್ರಭು ಇನುಯೋಸ್ ಹುಕುಮ್‌ನಿ ಆವಾಜ಼್‌ಥೀಬಿ, ಗಲ್‌ಢೊ ದೂತಾನೊ ಆವಾಜ಼್‌ಥೀಬಿ, ಅಜು಼ ದೇವ್ನಿ ತುತ್ತೂರಿನ ಆವಾಜ಼್‌ಥೀಬಿ ಪರ್‌ಲೋಕ್‌ಥು ಉತ್ರಿನ್ ಆವ್‌ಶೆ. ತದೆ ಯೇಸು ಕ್ರಿಸ್ತನಿ ವಿಶ್ವಾಸ್ಮ, ಮರಿಗಯೂತೆ ಇವ್ಣೆ ಪಹಿಲೆ ಉಠಿ ಆವ್‌ಶೆ.

ಇಬ್ರಿ 12:23

ಪರ್‌ಲೋಕ್‌ಮ ನಾಮ್ ಲೀಖೈರಾಖ್ಯಹುಯ ಪಹಿಲೋಟ ಲಡ್ಕಾನಿ ಸಬೇನಾಬಿ, ಅಖ್ಖಾನ ನ್ಯಾವ್‍ಣೊ ಹುಯಿರೋತೆ ದೇವ್‌ಕನಾಬಿ ಪೂರ ಹುಯಿರೋತೆ ನೀತಿವಾಳಾನ ಆತ್ಮಕನಾಬಿ ಐರ‍್ಹಾಸ್.

ಇಬ್ರಿ 9:27

ಎಕ್ಕಸ್ ವಖ್ಹತ್ ಮರಾನುಬಿ ಅಜು಼ ಇನಕೇಡೆಥು ದೇವ್‍ಥಿ ತೀರ್ಪ್ ಲೀಲ್ಯಾವಾನು ಹುಯಿರ‍್ಹುಸ್.

ಪ್ರಕಾಶಿತ್ 14:13

ಪರಲೋಕ್‌ಥು ಏಕ್‌ ಅವಾಜ಼್ ಮನ ಖ್ಹಮಜ್‍ಪಡ್ಯು. ಇನೆ ಹಂಕೇಥು ಪ್ರಭುನ ಭಕ್ತರ್‌ಹುಯಿನ್ ಮರಾವಳು ಧನ್ಯಕರಿ ಲೀಖ್‌ಕರಿ ಮನ ಬೋಲ್ಯು. ಇನ ಆತ್ಮನೆ, ಒಹೊ ಇವ್ಣೆ ಧನ್ಯರಸ್. ಇವ್ಣೆ ಇವ್ಣ ಮ್ಹಿನತ್‌ನ ಖತಮ್‌ಕರಿನ್ ಅರಾಮ್ ಕರ್ಶೆ ಅಜು಼ ಇವ್ಣು ಅಛ್ಛು಼ ಕಾಮ್‌ಖ್ಹಾರು ಇವ್ಣ ಜೋ಼ಡ್ಮ ಚಾ಼ಲ್‌ಷೆ ಕರಿ ಬೋಲ್ಯೊ.