ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 7:5 - ದೇವ್ನಿ ಖ್ಹಾಚಿ ವಚನ್

⁵ ಅಪ್ಣೆ ಅದ್ಮಿನಿ ಖೂಜ಼್‌ಮ ಜಿವ್‍ಕರ್ತಥಾತೆ ತದೆ, ಪಾಪ್‌ಥಿ ಭರೈಹುಯು ಖರಾಬ್ ಆಖ್ಹ್‌ಖ್ಹಾರು ಅಪ್ಣ ಶರೀರ್‌ಮ ಕಾಮ್ ಕರುಕರ್ತುಥು. ಯೊ ಧರ್ಮಶಾಸ್ತ್ರನ ಖ್ಹೂಜ಼್‌ಥೀಸ್ ಹೋತುಥು. ಇನಖ್ಹಾಜೆ ಅಪ್ಣೆ ಕರಾನು ಫಲ್ ಮರಣ್ ಹುಯಿರ‍್ಹುಸ್.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 7:5 ပူးပေါင်းရင်းမြစ်များ

ಮತ್ತಾಯ 15:19

ಕಿಮ್‌ಕತೊ, ದಿಲ್‌ಮಾಥು ಖರಾಬ್‌ಸೋಚ಼್‌, ಖೂನ್‌ಕರಾನು, ವ್ಯಬಿಚಾರ್‌, ಅಜು಼ ಪಾಪೇಲುಕಾಮ್‍, ಚೋ಼ರಿಕರಾನು, ಅಜು಼ ಗಾಳೆಅಖ್ಖು ಭಾರ್‌ ನಿಕ್ಳಾಸ್‌.

ಯೋಹಾನ 3:6

ಏಕ್‌ ಜ಼ಣೊ ಶರೀರ್‌ಥಿ ಪೈದಾ ಹುಯಿರೊಸ್. ಕತೋಬಿ ಆತ್ಮೀಕಥಿ ರ‍್ಹವಾಳೊ ಯೊ ಆತ್ಮಥಿ ಪೈದಾ ಹುವ್ವವಾಳು ಹುಯಿರ‍್ಹುಸ್‍.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 1:26

ಇವ್ಣೆ ಅಥ್ರಾನು ಕರ‍್ಯುತೆ ಇನಖ್ಹಾಜೆ ದೇವ್ ಇವ್ಣುನ ರ‍್ಹೇವ್ಣುತೆ ಶರೀರ್‌ನು ಪರಕ್ನು ಸುಖಭೋಗ್‍ನ ಮ್ಹೆಂದಿನ್ ನಾಕರ‍್ನುತೆ ಶರೀರ್‌ನು ಪರಕ್ನು ಸುಖಭೋಗ್‍ನ ಕರಾನ ಮ್ಹೇಲ್ಯೊ.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 3:20

ಶನಕತೊ ಖಿವು ಅದ್ಮಿ ರ‍್ಹಿಯೊತೋಬಿ ದೇವ್ನಿ ನಿಯಮ್ಮ ಧರ್ಮಶಾಸ್ತ್ರನ ಪಾಡಿಚ಼ಲಾಥಿ ನೀತಿವಾಳೊಕರಿ ಹುವಾನ ಕಿನೇಥೀಬಿ ಉಶೆಕೊಯ್ನಿ. ಧರ್ಮಶಾಸ್ತ್ರ ಅಪ್ಣಿ ಪಾಪ್ನಖಲಿ ವತಾಳಸ್‍ ಎತ್ರೇಸ್.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 4:15

ಶನಕತೊ ಧರ್ಮಶಾಸ್ತ್ರ ಅದ್ಮಿವೋನ ದೇವ್ನ ಇರಾದಮ ನಾಖಸ್‍, ಕತೋಬಿ ಧರ್ಮಶಾಸ್ತ್ರ ನಾ ರ‍್ಹಿಯುಹೊತ್ತೊ ಇನ ವಿಧೇಯ ದ್ಯವಾನುಬಿ ಕೋ ರ‍್ಹಿಯುಹೊತ್ನಿ.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 5:20

ಗಲತ್‌ ಅಖ್ಖು ಜಾ಼ಖ್ಹತ್ ಹೋತುಆಯು ಕಿಮ್ಕಿ ಧರ್ಮಶಾಸ್ತ್ರಬಿ ಇನಜೋ಼ಡೆಸ್‌ ಆಯು. ಕತೋಬಿ ಪಾಪ್ ಜಾ಼ಖ್ಹತ್ ಕಿಮ್‍ಹುಯುಕಿ, ವಾರ್‌ಖ್ಹೊಬಿ ಬಿಜೂ಼ಬಿ ಜಾ಼ಖ್ಹತ್ ಹುಯು.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 6:13

ತುಮಾರ ಶರೀರ್‌ನು ಭಾಗ್ನ ನೀಚ್ ಕಾಮ್ನ ಚ಼ಲಾವವಾಳು ಕಫ್ಫನ್ನಿತರ ಪಾಪ್ನ ದಿನಾಖೊನಕೊ, ಕತೋಬಿ ಇನ ಬದಲ್ ಮರಣ್‌ಥು ಜಿವ್ತುಹುಯಿನ್ ತುಮೂನ ದೇವ್ನ ಸಮರ್ಪಣ್‌ ಕರಿನಾಖೊ. ತುಮಾರ ಶರೀರ್‌ನ ಭಾಗ್ನ ನೀತಿನು ಕಫ್ಫನ್ ಹುಯಿರ‍್ಹವಾನಖ್ಹಾಜೆ ದೇವ್ನ ಸಮರ್ಪಣ್‌ ಕರೊ.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 6:19

ತುಮೆ ಶರೀರ‍್ನಿ ಖ್ಹಯಾಲ್ಮ ಕಮ್‍ಜೋ಼ರ್ ಹುಯಿರಾತೆ ಇನಖ್ಹಾಜೆ ಮೇ ದನ್‌ಪರೋಜ಼್‌ನಿ ವಾತ್ನಿತರಸ್‍ ಬೋಲುಕರುಸ್. ತುಮಾರ ಶರೀರ್‌ನು ತನ್‍ಬದನ್ನ ಮೈಲಾನಾಬಿ, ಖರಾಬ್‌ನಾಬಿ ಗುಲಾಮ್‍ಕರೀನ್ ದಿನಾಖಿದಿದಾಥಾಕಿ. ಇಮ್ನಿಸ್ ಪರಕ್ಮ ಹಮ್ಕೆ ತುಮೆ ತುಮಾರ ಶರೀರ್‌ನು ತನ್‍ಬದನ್ನ ಪರಿಶುದ್‌ರ‍್ಹವಾನಿ ನೀತಿನ ಗುಲಾಮ್‌ ಬಣೈನ್ ದಿನಾಖಿದೆವೊ.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 6:21

ತುಮೆ ಖರಾಬ್ ಕಾಮ್‍ಕರ‍್ಯ, ಹಮ್ಕೆ ತುಮೆ ಯೋ ಕಾಮ್ನಿಬಾರೇಮ ಖ್ಹರ್‌ಮಾವಸ್ನಿ? ಯೋ ಕಾಮ್‍ಥಿ ತುಮೂನ ಮರಣಸ್ ಹುಯಿರ‍್ಹುಸ್.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 6:23

ಶನಕತೊ ಪಾಪ್ ದೇಯಿತೆ ಮಜ಼್‌ದೂರಿ ಮರಣ್ ಹುಯಿರುಸ್. ಕತೋಬಿ ದೇವ್ನು ಫುಗಟ್ ಇನಾಮ್ ಅಪ್ಣೊ ಪ್ರಭು ಕ್ರಿಸ್ತಯೇಸುನ ಗಳ್‌ಜೋ಼ಡ್ಮ ಅಪ್ಣುನ ದಿಶೇತೆ ಹಮೇಶಾನಿ ಜಿ಼ಂದ್‌ಗೀಸ್.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 7:23

ಕತೋಬಿ ಮಾರದಿಲ್ಮ ಬಿಜೇಕ್ ನಿಯಮ್ ಮೇ ದೇಖುಕರುಸ್ ಮಾರ ಶರೀರ್‌ಮ ಛಾ಼ತೆ ಪಾಪ್ನ ನಿಯಮ್ಮ ಕೊಂಡೈರ‍್ಹೋಸ್.

1 ಕೊರಿಂಥ 15:56

ಮರಣ್ ಪಾಪ್‌ಥಿ ಅಜ಼ ದ್ಯವಾನು ತಾಖತ್ನ ಲೇಸ್ ಅಜು಼ ಪಾಪ್ ಧರ್ಮಶಾಸ್ತ್ರಥಿ ಶಕತ್ ಲೀಲೆಸ್.

2 ಕೊರಿಂಥ 10:3

ಹಮೆ ಲೋಕ್ಮ ಜಿವವಾಳ ರ‍್ಹಯತೋಬಿ ಹಮಾರಿ ಲಡೈ, ಜಗತ್‌ವಾಳನಿ ಜಂಗ್‍ಭೀಡಾವಾಳ ಕಾಹೆ.

ಗಲಾತ್ಯ 3:10

ಮೋಶೆನಿ ರೀತಿರಿವಾಜ್‌ಥಿ ಚಾ಼ಲವಾಳು ಶಾಪ್ ಲೀರಾಖವಾಳು ಹುಯಿರ‍್ಹುಸ್. ಕಿಮ್‌ಕತೊ ಧರ್ಮಶಾಸ್ತ್ರನ ನಿಯಮ್ಮ “ಲೀಖೈರ‍್ಹೂಸ್ತೆ ಅಖ್ಖಾಸ್ನ ಪಾಡಿನ್ ದನ್‌ಪರ್‌ರೋಜ಼್ ಕೋಚಾ಼ಲನಿತೆ ಹರೇಕ್ ಜ಼ಣು ಶಾಪ್‌ವಾಳೊ ಹುಯಿರ‍್ಹೊಸ್” ಕರಿ ಪವಿತ್ರ ಪುಸ್ತಕ್‌ಮ ಲಿಖೈರ‍್ಹುಸ್.

ಗಲಾತ್ಯ 5:24

ಕ್ರಿಸ್ತ ಯೇಸುಮ ರ‍್ಹವವಾಳು ಇವ್ಣ ಶರೀರ್‌ನು ಆಖ್ಹ್‌ದಾಖ್ಹ್‌ ಅಜು಼ ಖರಾಬ್ ಆಖ್ಹ್‌ನ ಖ್ಹಮೇದ್ ಶಿಲ್‌ಬೇಪರ್ ನಾಖವಾಳ ಹುಯಿರ‍್ಹುಸ್.

ಎಫೆಸ 2:11

ಪೈದಾಖ್ಹ್‌ ಥು ಯೆಹೂದ್ಯರ್‌ಕಾಹೆತೆ ತುಮೆ ಯೆಹೂದ್ಯರ್‌ಥಿ ಖ್ಹತ್ನ ಕರೈಲಿದ ಕೊಯ್ನಿತೆ ಹಮಾರು ಹಮೇಸ್‌ ಖ್ಹತ್ನ ಕರೈಲಿದಹುಯ ಕರಿ ಬೋಲಿಲೆವೊಸ್. ಅಗ್ಗಳ್ ತುಮೆ ಶಾತ್‌ ಹುಯಿರ‍್ಹಾಥಕರಿ ಯಾದ್‍ಕರಿಲಾವನ ಖ್ಹಾಜೆ ಪರ್ಖ್ಹಾ ಅದ್ಮಿ ಇವ್ಣ ಶರೀರ‍್ಮ ಹುಯಿರ‍್ಹಾವನು ಆ ಏಕ್‌ ಕಾಮ್ ಹುಯಿರ‍್ಹುಸ್.

ಎಫೆಸ 2:3

ಪಹಿಲೆ ಅಪ್ಣೇಬಿ ಇವ್ಣಿನಿತರಸ್ ಥಾ, ಶರೀರ್‌ನು ಆಖ್ಹ್‌ದಾಖ್ಹ್‌ನ ಪೂರ ಕರಾನಟೇಕೆ ಅಪ್ಣೆ ಕೊಶೀಷ್ ಕರುಕರ್ತಥ. ಶರೀರ್‌ನ ಆಖ್ಹ್‌ಮ ಪಡೀನ್, ಶರೀರ್ ಅಜು಼ ದಿಲ್ನಿ ಆಖ್ಹ್‌ನ ಅಪ್ಣೆ ಕರ‍್ಯಾ. ಇವ್ಣಿ ಛ಼ಂದ್‌ನಿತರ ಅಪ್ಣೇಬಿ ಜಿನು ಅಲಕ್‌ನಿಘೋಣಿ ದೇವ್ನ ಇರಾದಮ ಪಡ್ಯ.

ಕೊಲೊಸ್ಸೆ 3:5

ಇನಖ್ಹಾಜೆ ತುಮಾರಮ ಛಾ಼ತೆ ಜಗತ್ನಿ ಆಖ್ಹ್‌ಅಖ್ಖು ಕತೊ; ವ್ಯಬಿಚಾರ್‌, ಮೈಲುಹುವಾನು, ಭೋಗ್ನಿ ಆಖ್ಹ್, ಅಜು಼ ಖರಾಬ್ ಆಖ್ಹ್, ಮೂರತ್ನ ಆರಾಧನೆನಿ ಘೋಣಿ ಹುಯಿರ‍್ಹುತೆ ನಿಕ್‌ಳ್ಯೊ ಜಾನ್‌, ಅಥ್ರಾನು ಅಖ್ಖು ಮಾರಿ ನಾಖೊ.

ಪೌಲನೆ ತೀತನ ಲೀಖ್ಯೋತೆ ಚಿಟ್ಟಿ 3:3

ಶನಕತೊ ಏಕ್‌ ಹಗಾಮ್‌ಥು ತದೆ ಅಪ್ಣೇಬಿ ಅಗಾಡಿ ಖ್ಹಯಾಲ್‌ಭರ‍್ಯಾ ಹುಯಿರ‍್ಹಾಥ, ಹುಕುಮ್‌ನ ತೋಡಾವಾಳ ಹುಯಿರ‍್ಹಾಥ ಅಜು಼ ಘುಂಜ್‌ಳಾವ್ಣಿಮ ಥಾ. ಖ್ಹಾರಿಸ್ ತರ‍್ಹಾನಿ ಲಾಲಚ್‌ಬಿ ಅಜು಼ ಭೋಗ್‌ನ ಗುಲಾಮ್ ಥಾ. ಅಪ್ಣ ಖರಾಬ್ ಖ್ಹಯಾಲ್ ಅಜು಼ ಗಲ್ತಿಕರಾಸ್ಮ ಅದ್ಮಿಖ್ಹಾರು ಅಪ್ಣುನ ದಾವೊ ಕರ್ತುಥು.ಅಪ್ಣೇಬಿ ಏಕ್‌ಥಿಏಕ್ ದಾವೊ ಕರ‍್ಯಾ.

ಯಾಕೋಬ 1:15

ಇನಪಾರ್ ನಿಕ್‍ಳ್ಯಜಾನ್ ಬೇಜೂನುಹುಯಿನ್ ಪಾಪ್ನ ಜ಼ಣಸ್. ಪಾಪ್ ಪೂರಹುಯಿನ್ ಭಡೀನ್ ಇನಪಾರ್ ಮರಣ್‍ಲ್ಯವಾಸ್.

ಯಾಕೋಬ 4:1

ತುಮಾರಮ ಲಡೈ ಝ಼ಗ್‌ಡೊಖ್ಹಾರು ಕಿಜ್ಜಾ಼ಥು ಆವಸ್? ತುಮಾರ ದಿಲ್‌ದಿಮಾಕ್‍ಮ ಲಡಾತೆ ಲಾಲ್‍ಛಿಥೀಸ್‍ ಕಾಹೇಕಿಶು?

1 ಯೋಹಾನ 3:4

ಪಾಪ್ ಕರಾವಾಳೊ ಹರೇಕ್ ಜ಼ಣೋಬಿ ದೇವ್ನಿ ಹುಕುಮ್ಮ ಕೋರ‍್ಹೆಯ್ನಿ. ದೇವ್ನಿ ಹುಕುಮ್‌ನ ಮ್ಹೇಲ್‍ವಾನುಸ್‍ ಪಾಪ್.