ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 7:15 - ದೇವ್ನಿ ಖ್ಹಾಚಿ ವಚನ್

¹⁵ ಮೇ ಶಾತ್‍ಕರೂಸ್‍ ಕರಿ ಬೋಲಾನು ಮಾಲುಮ್‌ಕೊಂತೆ ಹುಯಿರ‍್ಹೋಸ್. ಶನಕತೊ ಮೇ ಶಾತ್ ಕರ್ನುಕರಿ ಆಖ್ಹ್‌ಕರೂಸ್ಕಿ ಇನ ಕರುಕೊಯ್ನಿ, ಕೆವ್ಹಾನ ವಹೇರ್‌ಕರುಸ್ಕಿ ಇನಾಸ್ ಕರಾವಾಳೊ ಹುಯಿರ‍್ಹೋಸ್.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 7:15 ပူးပေါင်းရင်းမြစ်များ

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 11:48

ಅನೇಥಿ ತುಮಾರ ಗುರುಗುರಬ್‍ಲ್ಯನೆ ಕರ‍್ಯುತೆ ಇನ, ತುಮೇಸ್ ಸಾಕ್ಷಿ ಹುಯಿರ‍್ಹಾಸ್. ಇವ್ಣ ಕಾಮ್‍ಅಖ್ಖಾನ ಮಾನಿಲಿದ ಕರಿ. ಕಿಮ್‌ಕತೊ ಇವ್ಣೆ ಪ್ರವಾದಿಯೇನ ಮಾರ‍್ಯು, ತುಮೆ ಯೋ ಮಖ್ಹಾಣ್ಯನಿ ಘವಿಯೇನ ಭಾಂದೋಸ್.

ಯೋಹಾನ 15:15

ಬಿಜು಼ ಖ್ಹಾಮ್ಣೆ ಮೇ ತುಮೂನ ಆಳ್‌ ಕರಿ ಬುಲಾವ್ ಕೊಯ್ನಿ, ಶನಕತೊ ಯಜಮಾನ್ ಶಾತ್‌ ಕರುಕರಸ್ ಕರಿ ಇನ ಆಳ್‌ನ ಮಾಲುಮ್‌ ಕೋ ರ‍್ಹೇಯ್ನಿ. ಅನಬದಲ್ ಮೇ ತುಮೂನ ದೋಸ್ತ್ ಕರಿ ಬುಲಾವುಸ್‌, ಶನಕತೊ ಬಾಥಿ ಮೇ ಶಾತ್ ಖ್ಹಮ್‌ಜ್ಯೋಕಿ ಖ್ಹಾರಸ್ನ ತುಮೂನ ಬೋಲಿರಾಖ್ಯೊಸ್.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 12:9

ತುಮಾರಿ ಪ್ಯಾರ್ ಪಾಕ್‌ ದಿಲ್‌ಥಿ ರ‍್ಹವಾದೆ. ಖರಾಬ್‍ಕಾಮ್ನ ವಹೇರ್‌ಕರೀನ್, ಅಛ್ಛಾ಼ನ ಧರಿರಾಖೊ.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 14:22

ಅನಿಬಾರೇಮ ತುನಛಾ಼ತೆ ವಿಶ್ವಾಸ್‌ ದೇವ್ನಖಲಿ ದೆಖೈನ್, ಯೊ ತಾರಲಗುಸ್ ಮಾಲುಮ್‌ರ‍್ಹವಾದೆ. ಇನು ಯೊ ಮಾನಿಲೇಯ್ತೆ ಇನಿ ಬಾರೇಮ ಗುಮಾನಿ ಕರಾಕೊಂತೆ ಯೋ ಧನ್ಯ.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 7:16

ಮೇ ಕರಾನ ಆಖ್ಹ್ ಕರುಕೊಂತೆ ತಿನ ಕರಾವಾಳೊರ‍್ಹಯೋತೊ, ಧರ್ಮಶಾಸ್ತ್ರ ಅಛ್ಛು಼ಕರಿ ವತಾಳಸ್‍.

ಗಲಾತ್ಯ 5:17

ಶನಕತೊ ಶರೀರ್‌ನು ಸ್ವಭಾವ್‌ ಆತ್ಮಾನ ವಿರೋದ್ ಹುಯಿರ‍್ಹುಸ್. ಆತ್ಮನು ಸ್ವಭಾವ್ ಶರೀರ್‌ನ ವಿರೋದ್ ಹುಯಿರ‍್ಹುಸ್. ತುಮೆ ಕರ್ನುತೆಯಿನ ನಾಕರ‍್ನುತೆ ಏಕ್‌ಥಿಏಕ್ ಹೊಜ಼್ಜತ್ ಭೀಡಾಸ್.

2 ತಿಮೊ 2:19

ಶಾತ್ಬಿ ರ‍್ಹವೊ ದೇವ್ನೆ ನಾಖ್ಯೋತೆ ಹದಿಪಾಯ ಯೊ ಘಟ್ ಭೀಯೂಸ್. ಇನಾಪರ್ ಲಿಖೈರ‍್ಹುಸ್ “ಯೋ ಹದಿಪಾಯಪರ್, “ಪ್ರಭು ಇನ ಅದ್ಮಿನ ಮಾಲುಮ್ ಕರಿರಾಖ್ಯೋಸ್”. ಅಜು಼ ಯೋ ಹರೇಕ್ ಜ಼ಣಾನ ಬೋಲಾಸ್ ಹೈರೋತೆ ಪ್ರಭುವಾಳೊ ಹುಯಿರ‍್ಹೋಸ್‍ಕರಿ ಯೊ ಖರಾಬ್ ಕಾಮ್‍ಥಿ ಬಚಾ಼ಡಸ್ ಅಜು಼ ಪ್ರಭುವಾಳೊಕರಿ ಬೋಲಿಲೇಸ್ ಯೊ ಖರಾಬಿಥಿ ಬಚಾ಼ಡಿಲೇವ್ಣು.

ಇಬ್ರಿ 1:9

ತೂ ಬರೋಬರ್‌ನ ಪ್ಯಾರ್‌ಕರ‍್ಯೊ ಅಜು಼ ಗಲತ್‌ನ ಝಿಟ್ಕಾರ‍್ಯೊ. ಇನಖ್ಹಾಜೇಥಿ ದೇವ್ ತಾರೊ ದೇವಸ್. ತುನ ತಾರ ಜೋ಼ಡೆ ರ‍್ಹವಾಳಥಿಬಿ ಶಂತೋಖ್ಹ್‌ನ ಜಾ಼ಖ್ಹತ್ ತೇಲ್‌ಥಿ ಅಬಿಷೇಕ್ ಕರಿರಾಖ್ಯೊಸ್

ಯಾಕೋಬ 3:2

ಶನಕತೊ ಕೈಯೇಕ್ ವಾತೇಮ ಅಪ್ಣೆ ಖ್ಹಾರೂಸ್ ಗಲತ್‌ಹುಯಿ ಜೈ಼ಯೇಸ್‍. ಏಕ್‍ಜ಼ಣೊ ವಾತ್ಮ ಗಲತ್‌ ನಾಹುಯೋತೊ ಯೊ ಇನ ಪೂರ ಶರೀರ್‌ಮ ಚ಼ಪ್ಪಣ್‌ಮ ರಾಖನ ಯೊ ಶಕತ್‌ವಾಳೊ ಹುಯಿರ್‍ಹೊಸ್.

ಯೂದನೆ ಲೀಖ್ಯೋತೆ ಚಿಟ್ಟಿ 1:23

ಥೋಡಜ಼ಣ ಅದ್ಮಿವ್‌ನ ಬಚಾ಼ಡೊ ಯೋ ಅದ್ಮಿವ್‌ನ ಆಗ್‌ಥಿ ಭಾರ್‌ಲ್ಯಾವೊ, ತುಮೆ ಥೋಡಜ಼ಣಾನ ಡರ್‌ತ ಹುಯಿನ್ ಗೋರ್‌ಕರೊ. ಪಾಪ್ನ ಮೈಲಾನ ಕಾಹೆತೆ ಇವ್ಣ ಲುಂಗ್ಡವ್‍ನಾಬಿ ವಹೇರ್‌ಕರೊ.