ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 5:8 - ದೇವ್ನಿ ಖ್ಹಾಚಿ ವಚನ್

⁸ ಕತೋಬಿ ಅಪ್ಣೆ ಪಾಪಿ ಹುಯಿರ‍್ಹವಾನಿ ವಖ್ಹ್‌ತೇಸ್ ಕ್ರಿಸ್ತನೆ ಅಪ್ಣಖ್ಹಾಜೆ ಮರೀನ್ ದೇವ್ನೆ ಅಪ್ಣಪರ್ ಇನಛಾ಼ತೆ ಪ್ಯಾರ್‌ನ ವತಾಳಿರಾಖ್ಯೊಸ್.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 5:8 ပူးပေါင်းရင်းမြစ်များ

ಯೋಹಾನ 15:13

ಇನೊ ಜಾನ್ನಾಸ್ ದೋಸ್ತ್ ಖ್ಹಾರಾನಖ್ಹಾಜೆ ದೇಸ್ತೆ, ಲಾಡ್‌ಥಿ ಮಹಾನ್ ಪ್ಯಾರ್ ಬಿಜು಼ ಕೆಹುಸ್‌ ಕೊಯ್ನಿ.

ಯೋಹಾನ 3:16

ದೇವ್ನೆ ಆ ಜಗತ್‌ನು ಅದ್ಮಿನ ಕೆತ್ರೇಸ್ಕಿ ಜಾ಼ಖ್ಹತ್ ಪ್ಯಾರ್ ಕರೀನ್, ಇನೊ ಏಕ್‍ನೊ-ಎಕ್ಕಸ್ ಛಿಯ್ಯಾನ ದಿದೊ; ಇನ ನಂಬವಾಳು ಏಕ್‌ಬಿ ಮರ‍್ನುನಾತೆ ಹರೇಕ್ನ ಹಮೇಶಾನಿ ಜಿ಼ಂದ್‌ಗಿ ಮಳ್‌ಣು ಕರಿ ಇನ ದಿದೊ.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 3:5

ಕತೋಬಿ ಅಪ್ಣಿ ಅನೀತಿಥಿ ದೇವ್ನು ಕಾಮ್‍ಅಖ್ಖು ನೀತಿಪರ್ ಭಿಯುಸ್‍ಕರಿ ದೆಖಾವಸ್ ಕರಿ ಬೋಲಿಲಿಯೇಕಿ ಶು? ದೇವ್ ಅಪ್ಣುನ ನಿಶತ್ ದಿದೊತೊ ಇನೆ ಅಪ್ಣುನ ಠಗಾಯೊ ಕರಿ ಬೋಲೆಜಾ಼ಯ್‍ಕಿ ಶು? ಅನ ಮೇ ಅದ್ಮಿನಿ ಪರಕ್ಮ ಬೋಲು ಕರುಸ್ತೆ.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 4:25

ದೇವ್ ಯೇಸುನ ಅಪ್ಣ ಪಾಪ್ನಖ್ಹಾಜೆ ಮರಣ್ಣ ದೀನಾಖಿನ್ ಅಜು಼ ಅಪ್ಣುನ ನೀತಿವಾಳ ಕರಿ ತಿರ್ಮಾನ್‌ ಹುವಾನಖ್ಹಾಜೆಸ್‌ ಜಾನ್‌ಥಿ ಉಠಾಡೈಗಯೊ.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 5:20

ಗಲತ್‌ ಅಖ್ಖು ಜಾ಼ಖ್ಹತ್ ಹೋತುಆಯು ಕಿಮ್ಕಿ ಧರ್ಮಶಾಸ್ತ್ರಬಿ ಇನಜೋ಼ಡೆಸ್‌ ಆಯು. ಕತೋಬಿ ಪಾಪ್ ಜಾ಼ಖ್ಹತ್ ಕಿಮ್‍ಹುಯುಕಿ, ವಾರ್‌ಖ್ಹೊಬಿ ಬಿಜೂ಼ಬಿ ಜಾ಼ಖ್ಹತ್ ಹುಯು.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 5:6

ಅಪ್ಣೆ ಪಾಪ್‌ಥಿ ಬಿಣ್‍ ಶಕತ್‌ವಾಳ ಹುಯಿರಾತೆ ತದೇಸ್‌ ದೇವ್ನೆ ಚೂ಼ಣಿಲಿದೊತೆ ವೇಳ್ಮ ಕ್ರಿಸ್ತನೆ ಖರಾಬ್ ಅದ್ಮಿವೋನಖ್ಹಾಜೆ ಮರ‍್ಯೊ.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 5:7

ಏಕ್‍ ನೀತಿವಾಳನಖ್ಹಾಜೆ ಜಾನ್‍ದ್ಯವಾನು ಘಣು ಮುಶ್ಕಿಲ್. ಅಛ಼್ಛೊ ಏಕ್‍ಜ಼ಣಾನಖ್ಹಾಜೆ ಜಾನ್‍ದ್ಯವಾನು ಹಿಮ್ಮತ್‍ ಕರ‍್ಯುತೋಬಿ ಕರೆಜಾ಼ಯ್.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 8:32

ಇನ ಶೊಂತ್ ಛಿಯ್ಯಾನಸ್ ಬಚಾ಼ಯೊಕೊಂತೆ ಅಪ್ಣಖ್ಹಾರಾನಖ್ಹಾಜೆ ಇನ ದಿದೊಹುಯೊ, ಅಮ್‌ರ‍್ಹವಾಪರ್ ಖ್ಹಾರುಸ್‌ಬಿ ಇನಜೋ಼ಡ್ಮ ದಿಶೆಕೊಂತೆ ರ‍್ಹಿಶೇಕಿ ಶು?

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 8:39

ಊಚು಼ರ‍್ಹವೊ, ಗಧಾರ್‌ಮರ‍್ಹವೊ, ನತರ್ ಉಬ್‌ಜಾ಼ವ್ಣಿಮ ಛಾ಼ತೆ ಬಿಜು಼ ಖೆವೂಸ್‍ರ‍್ಹವೊ ಅಪ್ಣೊ ಪ್ರಭು ಹುಯಿರ‍್ಹೋತೆ ಕ್ರಿಸ್ತಯೇಸುಮ ಛಾ಼ತೆ ದೇವ್ನಿ ಪ್ಯಾರ್‌ಥಿ ಅಪ್ಣುನ ಅಲಕ್ ಕರ್ಶೆಕೊಯ್ನಿ.

ಗಲಾತ್ಯ 2:20

ಅಜು಼ ಜಿವ್‌ಕರೂಸ್ತೆ ಮೇಕಾಹೆ, ಕತೋಬಿ ಕ್ರಿಸ್ತ ಮಾರಮಹಿ ಜಿವವಾಳೊ ಹುಯಿರೊಸ್. ಹಮ್ಕೆ ಮೆ ಶರೀರ್‌ಮ ಜಿವ್ಣುಕರಾನು ಕಿಮ್ ಕತೊ ದೇವ್ನ ಛಿಯ್ಯಾಪರ‍್ಲಿ ವಿಶ್ವಾಸ್‌ಥೀಸ್. ಯೋ ಮನ ಪ್ಯಾರ್ ಕರೀನ್ ಮಾರ ಖ್ಹಾಜೇಥಿ ಇನಾಸ್ ದಿನಾಖಿದಿದೊ.

ಎಫೆಸ 2:7

ಇನೆ ಅಪ್ಣುನ ಕ್ರಿಸ್ತ ಯೇಸುಮ ಆ ಹಗಾಮ್ಮಾಬಿ ಅಜು಼ ಆವ್‌ಶೇತೆ ಅಖ್ಖಾ ಹಗಾಮ್ಮಾಬಿ ಬೋಲಾನ ಕೊಹೋಯ್ನಿತೆ ಎತ್ರೆ ಇನಿ ಮೋಟಿ ವಾರ್‌ಖ್ಹೊಬಿ ಲಾಡ್‌ಬಿ ದ್ಯವಾನಖ್ಹಾಜೆ ಇನೆ ಅಮ್ ಕರ‍್ಯೊ.

ಎಫೆಸ 5:2

ಕ್ರಿಸ್ತನೆ ಅಪ್ಣುನ ಪ್ಯಾರ್‌ಕರೀನ್ ಅಪ್ಣಖ್ಹಾಜೆ ಇನುಯೋಸ್ ದೇವ್ನ ಢಪ್ಕಾರಬಿ ಕಾಣ್‌ಕೆ ಹುಯಿನ್, ಬಲಿ ಸಮರ್ಪಣ್‌ ಹುಯೋತೆ ಪರಕ್ಮಸ್ ತುಮೇಬಿ ಪ್ಯಾರ್‌ಥಿ ಜಿವೊ.

1 ತಿಮೊ 1:16

ಕತೋಬಿ ಅನ ಅಗ್ಗಳ್ ಹರ್‌ಹಮೇಶಾನಿ ಜಿ಼ಂದ್‌ಗಿನಖ್ಹಾಜೆ ಇನಪರ್ ವಿಶ್ವಾಸ್‌ಕರವಾಳನ ಮಾಲುಮ್‌ಪಡಾದೆಕರಿ ಕ್ರಿಸ್ತ ಯೇಸು ಪಾಪಿಮ ಮುಖ್ಯಥೋತೆ ಮನ ಗೋರ್‌ಕರಿನ್, ಇನಿ ಪೂರ ಸಮಾಧಾನ್‌ಥಿ ದೇಖಿಲಿದೊ.

ಇಬ್ರಿ 8:3

ಹರೇಕ್ ಮಹಾಯಾಜಕ್‍ಬಿ ದೇವ್ನ ಕಾಣ್ಕೆಬಿ ಬಲಿ ಸಮರ್ಪಣ್‌ ದೇವ್ಣು. ಇನಾಖ್ಹಾಜೆ ಅಪ್ಣೊ ಮಹಾಯಾಜಕ್‍ಬಿ ದೇವ್ನ ಶಾತ್ತೋಬಿ ದ್ಯವಾನು ಜ಼ರೂರತ್ ಛಾ಼.

1 ಪೇತ್ರ 3:18

ಕ್ರಿಸ್ತಬಿ ನೀತಿವಾಳೊ ಹುಯಿರ‍್ಹಿನ್, ಅನೀತಿವಾಳಾನ ಖ್ಹಾಜೆ ಜಾನ್‍ದೀನ್ ಅಪ್ಣುನ ದೇವ್‌ಕನ ಮಳಾವನಖ್ಹಾಜೆ ಎಕ್ಕಸ್ ವಖ್ಹತ್ ಪಾಪ್ನ ಮಟಾವನಖ್ಹಾಜೆ ಖ್ಹತಾಪ್ಣಿ ಪಡೀನ್ ಶರೀರ್‌ಮರ‍್ಹೀನ್ ಆತ್ಮಮ ಜಿವವಾಳೊ ಹುಯೊ.

1 ಯೋಹಾನ 3:16

ಪ್ರಭು ಯೇಸು ಅಪ್ಣಖ್ಹಾಜೆ ಇನ ಜಾನ್ನಾಸ್ ಮ್ಹೇಲ್ಯೊ. ಅನೇಥಿ ಲಾಡ್‌ ಕೆಥ್ರಾನು ಕರಿ ಅಪ್ಣೆ ಖ್ಹಮ್‍ಜಿಲಿದ ಕಿಮ್‌ಕತೊ. ಅಪ್ಣೇಬಿ ಭೈಯೇ ಭೇನೇನಖ್ಹಾಜೆ ಜಾನ್‌ ದೇವವಾಳ ಹುಯಿರಾಸ್‍.