ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 5:6 - ದೇವ್ನಿ ಖ್ಹಾಚಿ ವಚನ್

⁶ ಅಪ್ಣೆ ಪಾಪ್‌ಥಿ ಬಿಣ್‍ ಶಕತ್‌ವಾಳ ಹುಯಿರಾತೆ ತದೇಸ್‌ ದೇವ್ನೆ ಚೂ಼ಣಿಲಿದೊತೆ ವೇಳ್ಮ ಕ್ರಿಸ್ತನೆ ಖರಾಬ್ ಅದ್ಮಿವೋನಖ್ಹಾಜೆ ಮರ‍್ಯೊ.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 5:6 ပူးပေါင်းရင်းမြစ်များ

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 11:26

ಅಮ್ ಧರ್ಮಶಾಸ್ತ್ರಮ ಲೀಖೈರ‍್ಹುತೆ ಪರಕ್, ಇಸ್ರಾಯೇಲ್‌ವಾಳು ಖ್ಹಾರು ರಕ್ಷಣೆ ಲಿಶೆ, “ಛುಟ್ಕಾರ್ ದ್ಯವಾಳೊ ಚೀಯೋನ್‍ಥಿ ಆವ್‌ಶೆ, ಯೋ ಯಾಕೋಬವಾಳಾನ ಖೂಮ್‍ಥಿ ದುಷ್ಟಬುದ್ದಿನ ಕಾಡಿನಾಕ್‌ಶೆ.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 4:25

ದೇವ್ ಯೇಸುನ ಅಪ್ಣ ಪಾಪ್ನಖ್ಹಾಜೆ ಮರಣ್ಣ ದೀನಾಖಿನ್ ಅಜು಼ ಅಪ್ಣುನ ನೀತಿವಾಳ ಕರಿ ತಿರ್ಮಾನ್‌ ಹುವಾನಖ್ಹಾಜೆಸ್‌ ಜಾನ್‌ಥಿ ಉಠಾಡೈಗಯೊ.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 4:5

ಕತೋಬಿ ಏಕ್‌ ಜ಼ಣೊ ಇನು ಶೊಂತ್ ಕಾಮ್ನ ಉಪ್ಪರ್ ವಿಶ್ವಾಸ್ ಕರಾನು ಮ್ಹೇಲಿನ್, ಗಲ್ತಿವಾಳಾನ ನೀತಿವಾಳೊಕರಿ ಕರಾವಾಳ ದೇವ್ನ ಉಪ್ಪರ್ ಇನಿ ವಿಶ್ವಾಸ್ ಕರಾನುರ‍್ಹಿಯುತೊ ಆ ಇನೊ ಭರೋಖ್ಹೊ ಇನ ನೀತಿವಾಳೊಕರಿ ಗಣ್ತಿಕರಸ್‍.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 5:10

ಅಪ್ಣೆ ದೇವ್ನ ವಹೇರ‍್ಯ ಹುಯಿರ‍್ಹವಾನಿ ವಖ್ಹ್‌ತೇಸ್. ಅಪ್ಣುನ ಇನ ಛಿಯ್ಯಾನಿ ಮರಣ್‍ಥಿ ಅಪ್ಣುನ ಇನ ದೋಸ್ತಿಖ್ಹಾರ ಕರಿ ಬಣೈರಾಖ್ಯೊಸ್. ಹಮ್ಕೆ ಅಪ್ಣೆ ದೇವ್ನ ದೋಸ್ತಿಹುಯಿರಾತೆ ಇನಖ್ಹಾಜೆ ದೇವ್ ಇನ ಛಿಯ್ಯಾನ ಜಾನ್‌ಥಿ ಅಪ್ಣುನ ಕೆತ್ರೆ ಜಾ಼ಖ್ಹತ್ ರಕ್ಷಣೆ ನಾಮಳ್‍ನು?

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 5:7

ಏಕ್‍ ನೀತಿವಾಳನಖ್ಹಾಜೆ ಜಾನ್‍ದ್ಯವಾನು ಘಣು ಮುಶ್ಕಿಲ್. ಅಛ಼್ಛೊ ಏಕ್‍ಜ಼ಣಾನಖ್ಹಾಜೆ ಜಾನ್‍ದ್ಯವಾನು ಹಿಮ್ಮತ್‍ ಕರ‍್ಯುತೋಬಿ ಕರೆಜಾ಼ಯ್.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 5:8

ಕತೋಬಿ ಅಪ್ಣೆ ಪಾಪಿ ಹುಯಿರ‍್ಹವಾನಿ ವಖ್ಹ್‌ತೇಸ್ ಕ್ರಿಸ್ತನೆ ಅಪ್ಣಖ್ಹಾಜೆ ಮರೀನ್ ದೇವ್ನೆ ಅಪ್ಣಪರ್ ಇನಛಾ಼ತೆ ಪ್ಯಾರ್‌ನ ವತಾಳಿರಾಖ್ಯೊಸ್.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 8:32

ಇನ ಶೊಂತ್ ಛಿಯ್ಯಾನಸ್ ಬಚಾ಼ಯೊಕೊಂತೆ ಅಪ್ಣಖ್ಹಾರಾನಖ್ಹಾಜೆ ಇನ ದಿದೊಹುಯೊ, ಅಮ್‌ರ‍್ಹವಾಪರ್ ಖ್ಹಾರುಸ್‌ಬಿ ಇನಜೋ಼ಡ್ಮ ದಿಶೆಕೊಂತೆ ರ‍್ಹಿಶೇಕಿ ಶು?

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 8:34

ಅಪರಾದಿಕರಿ ನಿಶತ್‌ ಕರಾವವಾಳು ಕೋಣ್? ಕ್ರಿಸ್ತಯೇಸು ಮರಣ್‍ಲಿದೊ. ಅಜು಼ ಎತ್ರೇಸ್ ಕಾಹೆತೆ ಮರ‍್ಯಹುಯಮಾಥು ಉಠಿನ್ ದೇವ್ನ ಖಾವಿಬಾಜು಼ಮ ಬೇಶಿನ್. ಯೋಸ್ ಅಪ್ಣಖ್ಹಾಜೆ ಬಿಂತೀನಿವ್ಹಾರ್ ಕರಾವಾಳೊ ಹುಯಿರೋಸ್.

ಗಲಾತ್ಯ 2:20

ಅಜು಼ ಜಿವ್‌ಕರೂಸ್ತೆ ಮೇಕಾಹೆ, ಕತೋಬಿ ಕ್ರಿಸ್ತ ಮಾರಮಹಿ ಜಿವವಾಳೊ ಹುಯಿರೊಸ್. ಹಮ್ಕೆ ಮೆ ಶರೀರ್‌ಮ ಜಿವ್ಣುಕರಾನು ಕಿಮ್ ಕತೊ ದೇವ್ನ ಛಿಯ್ಯಾಪರ‍್ಲಿ ವಿಶ್ವಾಸ್‌ಥೀಸ್. ಯೋ ಮನ ಪ್ಯಾರ್ ಕರೀನ್ ಮಾರ ಖ್ಹಾಜೇಥಿ ಇನಾಸ್ ದಿನಾಖಿದಿದೊ.

ಗಲಾತ್ಯ 4:4

ಕತೋಬಿ ಬರಬರ‍್ನಿ ವಖ್ಹತ್ ಆವಖ್ಹತರ್ ದೇವ್ನೆ ಇನ ಛಿಯ್ಯಾನ ಮೋಕ್‌ಲ್ಯೊ.ಯೊ ಏಕ್‌ ತಯೇಡಾಮ ಪೈದಹುಯಿನ್ ಧರ್ಮಶಾಸ್ತ್ರನಿ ಅಧೀನ್‍ಮ ಆಯೊ.

ಎಫೆಸ 5:2

ಕ್ರಿಸ್ತನೆ ಅಪ್ಣುನ ಪ್ಯಾರ್‌ಕರೀನ್ ಅಪ್ಣಖ್ಹಾಜೆ ಇನುಯೋಸ್ ದೇವ್ನ ಢಪ್ಕಾರಬಿ ಕಾಣ್‌ಕೆ ಹುಯಿನ್, ಬಲಿ ಸಮರ್ಪಣ್‌ ಹುಯೋತೆ ಪರಕ್ಮಸ್ ತುಮೇಬಿ ಪ್ಯಾರ್‌ಥಿ ಜಿವೊ.

ಕೊಲೊಸ್ಸೆ 2:13

ತುಮೆ ತುಮಾರ ಪಾಪ್‌ಥಿಬಿ ಅಜು಼ ಶರೀರ್‌ನ ಆಖ್ಹ್‌ಥಿ ಛುಟ್ಕಾರ್ ಕೊಹುಯಾನಿತೆ ಇನಖ್ಹಾಜೆ ಆತ್ಮೀಕ್ ಪರಕ್ಮ ಮರಿರ‍್ಹಾವಳ ಹುಯಿರ‍್ಹಾಸ್ ಕತೋಬಿ ದೇವ್ ಕ್ರಿಸ್ತಥಿ ತುಮುನ ಜೂತುಕರ‍್ಯೊ.ಅಜು಼ ಅಪ್ಣಿ ಖ್ಹಾರೀಸ್‍ ಪಾಪ್ನ ಮಾಪ್ ಕರ‍್ಯೊ.

1 ಥೆಸ 5:9

ಶನಕತೊ ದೇವ್ನೆ ಅಪ್ಣುನ ಚೂ಼ಣ್ಯೋತೆ ಇನ ಇರಾದಮ ಖ್ಹಪಡ್ನುಕರಿ ಕಾಹೆ ಪಣ್ಕಿ, ಅಪ್ಣೊ ಪ್ರಭು ಯೇಸು ಕ್ರಿಸ್ತಥಿ ಮಳ್ಯುತೆ ರಕ್ಷಣೆನ ಲೀಲೆವ್ಣು ಕರಿ ಚೂ಼ಣ್ಯೋತೆ.

1 ತಿಮೊ 1:9

ಆ ಖ್ಹಯಾಲ್ಮ ರಾಕ್ಣು ಕದೆಕದೇಬಿ ನಿಯಮ್ ನೀತಿವಾಳನಖ್ಹಾಜೆ ಬಣಿರ‍್ಹುಕೊಯ್ನಿ. ಕತೋಬಿ ನಿಯಮ್ನ ಪಾಲನ್‌ಕರಕೊಂತೆ ರ‍್ಹವಾಳು, ಅಪರಾದಿ ಹುಯಿರ‍್ಹವಾಳು, ಭಕ್ತಿಕೊಂತೆ ಇವ್ಣೆ, ಪಾಪಿಖ್ಹಾರಾನ, ಅಜು಼ ಪರಿಶುದ್‌ಕೊಂತೆಬಿ, ಆತ್ಮೀಕಕೊಂತೆ ರ‍್ಹವಾಳನ, ಇವ್ಣ ಆಯ ಬಾನ ಮಾರಿನಾಖಸ್ತೆ ಇವ್ಣುನ, ಅಜು಼ ಖೂನಿನ,

ಪೌಲನೆ ತೀತನ ಲೀಖ್ಯೋತೆ ಚಿಟ್ಟಿ 2:12

ಅಜು಼ ಅಪ್ಣು ಭಕ್ತಿಕೊಂತೆ ಜಿವ್ಣನ ಅಜು಼ ಜಗತ್ನಿ ಹರಖ್ಹ್‌ನ ಮ್ಹೇಲಿದೇಣು, ಅಜು಼ ಅಮ್ನು ಜಿವ್ಣು ಕರ್ನುಕಿ ಅನೇಥಿ ಖ್ಹಾಚಿ ಭಕ್ತಿಥಿ ರ‍್ಹವಾನು ಅಜು಼ ಇನುಯೋ ದಾಬುಕ್‌ಥಿ ರ‍್ಹವಾನ ಪರಕ್‍ಥಿ ಆ ಜಗತ್‌ಮ ಬಚಿರ‍್ಹೇಣು.

ಇಬ್ರಿ 8:3

ಹರೇಕ್ ಮಹಾಯಾಜಕ್‍ಬಿ ದೇವ್ನ ಕಾಣ್ಕೆಬಿ ಬಲಿ ಸಮರ್ಪಣ್‌ ದೇವ್ಣು. ಇನಾಖ್ಹಾಜೆ ಅಪ್ಣೊ ಮಹಾಯಾಜಕ್‍ಬಿ ದೇವ್ನ ಶಾತ್ತೋಬಿ ದ್ಯವಾನು ಜ಼ರೂರತ್ ಛಾ಼.

ಇಬ್ರಿ 9:26

ಇಮ್‌ ಸಮರ್ಪಣ್‌ ಕರಾನು ರ‍್ಹಯು ಹೋತ್ತೊ, ಜಗತ್‌ ಉಬ್‍ಜಾ಼ವ್ಣಿಥುಬಿ ಕೈಯೇಕ್ ವಖ್ಹತ್ ಖ್ಹತಾಪ್ಣಿಲೇವ್ಣು ಪಡ್ಯುಥು. ಕತೋಬಿ ಖ್ಹಾರನಖ್ಹಾಜೆ ಎಕ್ಕಸ್ ಹಲ್ಲ ಜ಼ಗ್‍ಜ಼ಮಾನನಿ ಖ್ಹರ್ತಿಲಗೂಬಿ, ಯೋ ಪಾಪ್ನ ಕಾಡಿನಾಖನಿ ಉದ್ದೇಶ್‌ಥಿ ಇನುಯೋಸ್ ಬಲಿದಾನ್‌ ಹುವಾನ ದೆಖೈಲಿದೊ.

1 ಪೇತ್ರ 1:20

ಯೊ ಜಗತ್‌ ಉಬ್‌ಜಾ಼ನ ಅಗಾಡಿಸ್ ದೆವೈಜಾ಼ವಾಳೂ ಹುಯಿರ‍್ಹಿನ್, ಆ ಖ್ಹರ್ತಿನ ಹಗಾಮ್ಮ ತುಮಾರಖ್ಹಾಜೆ ದೆಖಾಯೊ.

2 ಪೇತ್ರ 3:7

ಹಮ್ಕೆ ಛಾ಼ತೆ ಆಬ್-ಧರ್ತಿಖ್ಹಾರನ ಯೋಸ್‌ ವಚನ್ನಿ ತಾಖತ್ತಿ ಆಗ್‌ಥಿ ನಾಶಕರಾನಟೇಕೆ ಟಿವಾಡಿರಾಖ್ಯುಸ್. ಖರಾಬ್ ಅದ್ಮಿಖ್ಹಾರು ವಿನಾಶ್‌ಹುವಾನು ನ್ಯಾವ್ನತೀರ್ಪ್‌ನ ದನ್‍ಲಗುಬಿ ಆ ಅಖ್ಖಾನ ಮ್ಹೇಲಿರಾಖ್ಯುಸ್.

ಯೂದನೆ ಲೀಖ್ಯೋತೆ ಚಿಟ್ಟಿ 1:15

ಪ್ರಭು ಹರೇಕ್‌ಜ಼ಣಾನ ನ್ಯಾವ್‌ಫೇಡವನಾಬಿ, ಇವ್ಣಾಮ ಬಿಣ್‍ಭಕ್ತಿವಾಳು ವಿರೋದ್‌ಕರ‍್ಯೂತೆ ಖ್ಹಾರುಸ್ ಖರಾಬ್‍ಕಾಮ್ನ ಅಜು಼ ಪಾಪಿಖ್ಹಾರು ಇನ ವಿರೋದ್‌ಹುಯಿನ್ ಬೋಲ್ಯುತೆ ವಾತೆನಿ ಬಾರೇಮ ಖ್ಹಾರಸ್ನ ದೋಷಿಕರಾನ ಒಳ್ಯೊಆವಸ್‌ಕರಿ ಪ್ರವಾದನೆ ಕರ‍್ಯೊ,

ಯೂದನೆ ಲೀಖ್ಯೋತೆ ಚಿಟ್ಟಿ 1:18

ಅಪೊಸ್ತಲರ‍್ನೆ ತುಮುನ, “ಖ್ಹರ್ತಿನ ಹಗಾಮ್ಮ ದೇವ್ನಿ ಬಾರೇಮ ತುಮೂನ ನಕ್ಲೆ ಕರವಾಳು ಅದ್ಮಿಖ್ಹಾರು ರ‍್ಹಿಶೆ, ಅಜು಼ ಭಕ್ತಿಕೊಂತೆ ಆಖ್ಹ್‌ನ ಅಖ್ಖುಲೀನ್ ಚಾ಼ಲವಾಳು ಹುಯಿರ‍್ಹಿಶೆಕರಿ ಇವ್ಣೆ ತುಮೂನ ಬೋಲ್ಯುಥು.

ಯೂದನೆ ಲೀಖ್ಯೋತೆ ಚಿಟ್ಟಿ 1:4

ಶನಕತೊ ಭಕ್ತಿಕೊಂತೆ, ಅಪ್ಣ ದೇವ್ನ ವಾರ್‌ಖ್ಹಾನ ಭಾಣುಕರಿಲೀನ್‍ ಖ್ಹರಮ್‌ಕೊಂತೆ ಕಾಮ್ನ ಕರವಾಳುಬಿ, ಅಪ್ಣೊ ಎಕ್ಕಸ್ ಯಜಮಾನ್‌ಬಿ ಪ್ರಭು ಯೇಸುಕ್ರಿಸ್ತನ ಝಿಟ್ಕಾರವಾಳು ಥೋಡುಜ಼ಣು ಗಪ್ಲಥ್ಥಿ ಸಬೆಮ ಮಹಿ ಪೇಶಿರ‍್ಹುಸ್. ಅವ್ಣೆ ಅಗಾಡಿಥೂಸ್ ನಿಶತ್‌ನ ನೇಮಕ್‍ಹುಯಿರ‍್ಹುಸ್‍ ಕರಿ ಪವಿತ್ರ ವಚನ್‌ಮ ಲೀಖೈರುಸ್.