13 ಧರ್ಮಶಾಸ್ತ್ರ ದೆವವಾನ ಅಗಾಡಿಸ್ ಪಾಪ್ ಜಗತ್ಮಾ ಥು. ಕತೋಬಿ ಧರ್ಮಶಾಸ್ತ್ರ ಕೊಯ್ನಿತೆ ತದೆ ಪಾಪ್ ಗಣ್ತಿಮ ಕೋ ಆಯುಹೋತ್ನಿ.
ಶನಕತೊ ಖಿವು ಅದ್ಮಿ ರ್ಹಿಯೊತೋಬಿ ದೇವ್ನಿ ನಿಯಮ್ಮ ಧರ್ಮಶಾಸ್ತ್ರನ ಪಾಡಿಚ಼ಲಾಥಿ ನೀತಿವಾಳೊಕರಿ ಹುವಾನ ಕಿನೇಥೀಬಿ ಉಶೆಕೊಯ್ನಿ. ಧರ್ಮಶಾಸ್ತ್ರ ಅಪ್ಣಿ ಪಾಪ್ನಖಲಿ ವತಾಳಸ್ ಎತ್ರೇಸ್.
ಶನಕತೊ ಧರ್ಮಶಾಸ್ತ್ರ ಅದ್ಮಿವೋನ ದೇವ್ನ ಇರಾದಮ ನಾಖಸ್, ಕತೋಬಿ ಧರ್ಮಶಾಸ್ತ್ರ ನಾ ರ್ಹಿಯುಹೊತ್ತೊ ಇನ ವಿಧೇಯ ದ್ಯವಾನುಬಿ ಕೋ ರ್ಹಿಯುಹೊತ್ನಿ.
ಮರಣ್ ಪಾಪ್ಥಿ ಅಜ಼ ದ್ಯವಾನು ತಾಖತ್ನ ಲೇಸ್ ಅಜು಼ ಪಾಪ್ ಧರ್ಮಶಾಸ್ತ್ರಥಿ ಶಕತ್ ಲೀಲೆಸ್.
ಅಪ್ಣೆ ಅಪ್ಣ ಭೈಯೇ ಭೇನೆವೊನ ಪ್ಯಾರ್ ಕರಾಥಿ ಮರಣ್ಥಿ ನಿಕ್ಳಿನ್ ಕದೇಬಿ ರ್ಹವಾನ ಜಾನ್ಮ ಛಿಯೆ ಕರಿ ಅಪ್ಣುನ ಮಾಲುಮ್ ಛಾ಼. ಕೋಣ್ ಇವ್ಣ ಭೈಯೇ ಭೇನೇನ ಪ್ಯಾರ್ ಕರಾಕೊಯ್ನಿಕಿ ಇವ್ಣೆ ಮರಣ್ಮಾಸ್ ಛಾ಼.
ಪಾಪ್ ಕರಾವಾಳೊ ಹರೇಕ್ ಜ಼ಣೋಬಿ ದೇವ್ನಿ ಹುಕುಮ್ಮ ಕೋರ್ಹೆಯ್ನಿ. ದೇವ್ನಿ ಹುಕುಮ್ನ ಮ್ಹೇಲ್ವಾನುಸ್ ಪಾಪ್.