ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 5:10 - ದೇವ್ನಿ ಖ್ಹಾಚಿ ವಚನ್

¹⁰ ಅಪ್ಣೆ ದೇವ್ನ ವಹೇರ‍್ಯ ಹುಯಿರ‍್ಹವಾನಿ ವಖ್ಹ್‌ತೇಸ್. ಅಪ್ಣುನ ಇನ ಛಿಯ್ಯಾನಿ ಮರಣ್‍ಥಿ ಅಪ್ಣುನ ಇನ ದೋಸ್ತಿಖ್ಹಾರ ಕರಿ ಬಣೈರಾಖ್ಯೊಸ್. ಹಮ್ಕೆ ಅಪ್ಣೆ ದೇವ್ನ ದೋಸ್ತಿಹುಯಿರಾತೆ ಇನಖ್ಹಾಜೆ ದೇವ್ ಇನ ಛಿಯ್ಯಾನ ಜಾನ್‌ಥಿ ಅಪ್ಣುನ ಕೆತ್ರೆ ಜಾ಼ಖ್ಹತ್ ರಕ್ಷಣೆ ನಾಮಳ್‍ನು?

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 5:10 ပူးပေါင်းရင်းမြစ်များ

ಯೋಹಾನ 14:19

ಬಿಜು಼ ಥೋಡ ದನ್ನ ಬಾದ್‌ಮ ಆ ಜಗತ್‌ ಮನ ದೇಕ್‌ಶೆ ಕೊಯ್ನಿ, ಕತೋಬಿ ತುಮೆ ಮನ ದೇಕ್‌ಶು; ಮೇ ಜಿವ್‌ಸ್ತೆ ಇನಖ್ಹಾಜೆ ತುಮೇಬಿ ಜಿವ್‌ಶು.

ಯೋಹಾನ 5:26

ಬಾನ ಜಾನ್‌ ದ್ಯವಾನಿ ಶಕತ್ ಛಾ಼ತೆ ಇಮ್ಮಸ್, ಛಿಯ್ಯಾನಾಬಿ ಜಾನ್‌ ದ್ಯವಾನಿ ಶಕತ್ನ ದೀರಾಖ್ಯೊಸ್.

ಯೋಹಾನ 6:40

ಇನಾಟೇಕೆ ಛಿಯ್ಯಾನ ದೇಖಿನ್‌, ಇನಾಮ ವಿಶ್ವಾಸ್‌ ಕರಾವಾಳ ಹರೇಕ್ನ ಹರ್‌ಹಮೇಶಾನಿ ಜಿ಼ಂದ್‌ಗಿ ಮಳ್‌ಣು ಕರಿ ಬೋಲಾನು ಬಾನಿ ಮರ್ಜಿ ಹುಯಿರ‍್ಹುಸ್‍, ಅಜು಼ ಖ್ಹರ್ತಿನ ದನ್ಮ ಮೇ ಇವ್ಣುನ ಪಾಛು಼ ಜಿವ್ತು ಉಠಾಡಿಶ್‌” ಕರಿ ಬೋಲ್ಯೊ.

ಯೋಹಾನ 6:57

ಜಿವ್ತೊ ಹುಯಿರ‍್ಹೋತೆ ಬಾನೆ ಮನ ಮೋಕ್ಲಿರಾಖ್ಯೊಸ್, ಅಜು಼ ಮೇ ಇನೇಥಿಸ್ ಜಿವ್‌ಸ್‌. ಇನಖ್ಹಾಜೆ ಕೋಣ್ ಮನ ಖಾಸ್ಕಿ ಯೋ ಮಾರೇಥಿ ಜಿವ್‌ಶೆ.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 11:28

ಶನಖ್ಹಾಜೆಕತೊ ಇವ್ಣೆ ಸುವಾರ್ತೆನ ಝಿಟ್ಕಾರ‍್ಯು, ಅಜು಼ ಯೆಹೂದ್ಯರ್ ಕೊಂತೆ ಇವ್ಣೆ ತುಮಾರೇಥಿ ದೇವ್ನ ವಿರೋದಿಹುಯು. ಕತೋಬಿ ದೇವ್ನಿ ಚು಼ನಾವ್ಣಿನಿ ಕಾರಣ್‍ಥಿ ಇವ್ಣೆ ಇನ ಪ್ಯಾರ್‌ವಾಳ ಹುಯಿರಾಸ್,ಇನ ಪಿಳ್ಗಿವಾಳು ಕಾರಣ್‍ಹುಯಿರ‍್ಹುಸ್.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 5:11

ಕತೋಬಿ ಅಪ್ಣುನ ದೇವ್ನ ದೋಸ್ತಿ ಹುವಾಖ್ಹರ್ಕು ಕರ‍್ಯೊತೆ ಅಪ್ಣೊ ಪ್ರಭು ಯೇಸುಕ್ರಿಸ್ತಥಿ ದೇವ್ ಕರ‍್ಯೊತೆ ಕಾಮ್ನಖ್ಹಾಜೆ ಅಪ್ಣೆ ಖುಷಿ ಕರ್ಯೆಸ್.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 5:6

ಅಪ್ಣೆ ಪಾಪ್‌ಥಿ ಬಿಣ್‍ ಶಕತ್‌ವಾಳ ಹುಯಿರಾತೆ ತದೇಸ್‌ ದೇವ್ನೆ ಚೂ಼ಣಿಲಿದೊತೆ ವೇಳ್ಮ ಕ್ರಿಸ್ತನೆ ಖರಾಬ್ ಅದ್ಮಿವೋನಖ್ಹಾಜೆ ಮರ‍್ಯೊ.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 8:32

ಇನ ಶೊಂತ್ ಛಿಯ್ಯಾನಸ್ ಬಚಾ಼ಯೊಕೊಂತೆ ಅಪ್ಣಖ್ಹಾರಾನಖ್ಹಾಜೆ ಇನ ದಿದೊಹುಯೊ, ಅಮ್‌ರ‍್ಹವಾಪರ್ ಖ್ಹಾರುಸ್‌ಬಿ ಇನಜೋ಼ಡ್ಮ ದಿಶೆಕೊಂತೆ ರ‍್ಹಿಶೇಕಿ ಶು?

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 8:34

ಅಪರಾದಿಕರಿ ನಿಶತ್‌ ಕರಾವವಾಳು ಕೋಣ್? ಕ್ರಿಸ್ತಯೇಸು ಮರಣ್‍ಲಿದೊ. ಅಜು಼ ಎತ್ರೇಸ್ ಕಾಹೆತೆ ಮರ‍್ಯಹುಯಮಾಥು ಉಠಿನ್ ದೇವ್ನ ಖಾವಿಬಾಜು಼ಮ ಬೇಶಿನ್. ಯೋಸ್ ಅಪ್ಣಖ್ಹಾಜೆ ಬಿಂತೀನಿವ್ಹಾರ್ ಕರಾವಾಳೊ ಹುಯಿರೋಸ್.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 8:7

ಶರೀರ್‌ನಿ ಸ್ವಭಾವ್‌ಪರ್‌ ದಿಲ್‌ರಾಖನು ದೇವ್ನ ವಿರೋದ್‌ ಹುಯಿರ‍್ಹೇಸ್. ‍ಶನಕತೊ ಯೊ ದೇವ್ನಿ ನಿಯಮ್ನ ವಿಧೇಯ ಹುವಾಕೊಯ್ನಿ. ಅಜು಼ ಯೊ ಶಾತ್ಬಿ ಕರಾನ ಕೊಹೊಯ್ನಿ.

2 ಕೊರಿಂಥ 5:20

ದೇವಸ್ ಹಮಾರೇಥಿ ತುಮೂನಾಬಿ ಗಿಂಗೈಲ್ಯವಾನಿಮತ್ ಹಮೆ ಹಮ್ಕೆ ಕ್ರಿಸ್ತ ಭಣೀಥು ವಾತೆ ಬೋಲವಾಳ ಹುಯಿರ‍್ಹಾಸ್ ದೇವ್ನಿಜೋ಼ಡೆ ಹಮೆ ರ‍್ಹೇವ್ಣುಕರಿ ಕ್ರಿಸ್ತನ ಬದಲ್ ಹಮೆ ತುಮೂನ ಗಿಂಗೈಲಿಯೇಸ್.

2 ಕೊರಿಂಥ 5:21

ಕ್ರಿಸ್ತಮ ಪಾಪಸ್ ಕೋಥೂನಿ. ಕತೋಬಿ ಹಮೆ ದೇವ್ನ ಸಮರ್ಪಣೆನಿ ಪರಕ್ಮ ನೀತಿಸ್ವರೂಪಿ ಹುಯಿರ‍್ಹಾವನಿತರ ದೇವ್ ಇನ ಪಾಪ ಸ್ವರೂಪಿಕರಿ ಬಣಾಯೊ.

ಎಫೆಸ 2:16

ಇನ ಮರಣ್‌ಥೀಸ್, ಕ್ರಿಸ್ತ ಶಿಲ್‌ಬೆಪರ್ ಭೇ ಖೂಮ್ನ ಎಕ್ಕಸ್ ಶರೀರ್ ಕರಿನ್ ಇವ್ಣುನ ದೇವ್ನ ಜೋ಼ಡೆ ರಾಜಿ ಕರ‍್ಯೊ.

ಎಫೆಸ 2:3

ಪಹಿಲೆ ಅಪ್ಣೇಬಿ ಇವ್ಣಿನಿತರಸ್ ಥಾ, ಶರೀರ್‌ನು ಆಖ್ಹ್‌ದಾಖ್ಹ್‌ನ ಪೂರ ಕರಾನಟೇಕೆ ಅಪ್ಣೆ ಕೊಶೀಷ್ ಕರುಕರ್ತಥ. ಶರೀರ್‌ನ ಆಖ್ಹ್‌ಮ ಪಡೀನ್, ಶರೀರ್ ಅಜು಼ ದಿಲ್ನಿ ಆಖ್ಹ್‌ನ ಅಪ್ಣೆ ಕರ‍್ಯಾ. ಇವ್ಣಿ ಛ಼ಂದ್‌ನಿತರ ಅಪ್ಣೇಬಿ ಜಿನು ಅಲಕ್‌ನಿಘೋಣಿ ದೇವ್ನ ಇರಾದಮ ಪಡ್ಯ.

ಇಬ್ರಿ 2:17

ಇನಖ್ಹಾಜೆ ಯೊ ಹರೇಕ್ ವಿಚಾರ್‌ಮಾಬಿ ಇನ ಭೈಯೇ ಭೇನೆನ ತಕ್ಕೆರ‍್ಹವಾನು ಜ಼ರೂರತ್ ಥು. ಅಮ್ ಇನೆ ಅದ್ಮಿಯೇವ್‌ನು ಪಾಪ್ ಅಖ್ಖು ಕ್ಷಮಾಪಣ್ ಕರಾನಖ್ಹಾಜೆ ದೇವ್ನ ಕಾಮ್ಮ ಗೋರ್‌ಬಿ ವಿಶ್ವಾಸ್‍ಬಿ ಹುಯಿರ‍್ಹಾವಳೊ ಮಹಾಯಾಜಕ್ ಹುಯೊ.

ಇಬ್ರಿ 7:25

ಇನಖ್ಹಾಜೆ ಯೋ ಇನೇಥಿ ದೇವ್‌ಕನ ಆವಾಳಾನ ಪೂರ ಬಚಾ಼ಡನ ಶಕತ್‌ವಾಳೊ ಹುಯಿರ‍್ಹೊಸ್. ಶನಕತೊ ಇವ್ಣಖ್ಹಾಜೆ; ದೇವ್‌ಕನ ಬಿಂತೀಕರಾನ ಕೆದೇಬಿ ಜಿವಿರ‍್ಹವಾಳೊ ಹುಯಿರ‍್ಹೊಸ್.

1 ಯೋಹಾನ 2:1

ಮಾರ ಪ್ಯಾರ್‌ನ ಲಡ್ಕಾವೊ, ತುಮೆ ಪಾಪ್ ನಾಕರ‍್ನುತೆ ರ‍್ಹೇವ್ಣು ಮೇ ಆ ಅಖ್ಖು ತುಮೂನ ಲೀಖುಕರುಸ್. ಏಕ್‍ ವೇಳ್ಮ ಕೋಣ್‌ತೋಬಿ ಪಾಪ್ ಕರ‍್ಯುಸ್‍ಉಶೇತೊ ಅಪ್ಣ ಭಣೀಥು ಬಾಕನ ಬೋಲಿಲ್ಯವಾನ ಏಕ್‍ಜ಼ಣೊ ಛಾ಼. ಯೋಸ್ ನೀತಿವಾಳೊ ಯೇಸುಕ್ರಿಸ್ತ ಮದತ್‌ಕರಾವಾಳು ಹುಯಿರೋಸ್.

1 ಯೋಹಾನ 4:10

ಅಪ್ಣೆ ದೇವ್ನ ಪ್ಯಾರ್ ಕರ‍್ಯಕೊಯ್ನಿ, ಕತೋಬಿ ಯೋ ಅಪ್ಣುನ ಪ್ಯಾರ್ ಕರೀನ್ ಅಜು಼ ಅಪ್ಣ ಪಾಪ್ನ ಪರಿಹಾರ‍್ನಖ್ಹಾಜೆ ಇನ ಛಿಯ್ಯಾನ ಮೋಕ್‍ಲ್ಯೊತೆ ಇನಾಮಸ್ ಪ್ಯಾರ್‌ನಿ ಖ್ಹಾಚಿಗುಣ್‍ ದೆಖೈಜಾ಼ಸ್.

ಪ್ರಕಾಶಿತ್ 1:18

ಕೆದೇಬಿ ಜಿವ್ತುರ‍್ಹವಾಳೊ ಹುಯಿರೊಸ್,ಮರ‍್ಯೊಹುಯೊಥೊ.ಕತೋಬಿ ದೇಕ್ ಜ಼ಗ್‌ಜ಼ಮಾನಮಾಬಿ ಜಿವ್ತು ರ‍್ಹವಾಳೊ ಹುಯಿರೊಸ್. ಮರಣ್ ಅಜು಼ ಪಾತಾಳ್ನ ಬೀಗಾನು ಕೀಲಿ ಮಾರಕನ ಛಾ಼.