ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 4:6 - ದೇವ್ನಿ ಖ್ಹಾಚಿ ವಚನ್

⁶ ದೇವ್ ಕಿನು ಅಛ್ಛು಼ ಕಾಮ್ನ ದೇಖಸ್ ಕೊಯ್ನಿತೆ ನೀತಿವಾಳೊ ಕರಿ ಗಣ್ತಿ ಕರಸ್ಕಿ ಯೋಸ್ ಧನ್ಯಕರಿ, ದಾವೀದಜಿನು ಅಮ್‍ ಬೋಲಸ್. ಕಿಮ್‌ಕತೊ,

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 4:6 ပူးပေါင်းရင်းမြစ်များ

ಮತ್ತಾಯ 25:19

ಘಣ ದನ್ನ ಬಾದ್‌ಮ ಯೋ ಆಳ್‌ ಖ್ಹಾರಾನೊ ಯಜಮಾನ್ ಫಾಛೊ಼ ಆಯಿನ್, ಇವ್ಣೇಥಿ ಇಶಾಬ್ ಮಾಂಗ್‌ತಾನ,

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 1:17

ಕಿಮ್‌ಕತೊ ದೇವ್ ಸುವಾರ್ತೆಥಿ ಅದ್ಮಿವೋನ ಇನಭಣಿ ಅಛ಼್ಛುಹುವಾನಿಘೊಣಿ ಕರಸ್. ಅಥ್ರಾನು ಸಂಬಂದ ಶುರುವಾತ್‍ಥು ಖ್ಹರ್ತಿಲಗೂಬಿ ವಿಶ್ವಾಸ್‌ನಪರ್‌ ಭೀರೆಸ್. “ಅಮ್‌ ನೀತಿವಾಳೊ ವಿಶ್ವಾಸ್‌ಥೀಸ್ ಜಿವ್‌ಶೆ” ಕರಿ ಪವಿತ್ರಪುಸ್ತಕ್ಮ ಲಿಖೈರ‍್ಹುಸ್.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 3:27

ಅಮ್‌ರ‍್ಹಾವಪರ್‌ ಅಪ್ಣಿ ಬಾರೇಮ ಬಡೈಮಾರಿಲ್ಯವಾನ ಶನುಬಿ ಮೋಕ ಛಾ಼ಕಿಶು? ಕೊಯ್ನಿ. ಅಪ್ಣೆ ಧರ್ಮಶಾಸ್ತ್ರನ ಪಾಡಿ ಚಾ಼ಲಿಯೇಸ್‍ಕಿ ಶು! ಶನ? ಅಪ್ಣೆ ಶನ ವಿಶ್ವಾಸ್‌ ಕರ್‌ಯೇಸ್‌ಕಿ ಯೊ ಅಪ್ಣುನ ಊಚು಼ ಕರಾನಖ್ಹಾಜೆ ಮೋಕ ದೇಸ್.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 4:11

ಒಹೊ, ಖ್ಹತ್ನಹುವಾನ ಪಹಿಲೇಸ್ ಇನಥೂತೆ ವಿಶ್ವಾಸ್‍ನು ಖ್ಹಣೇದ್ ಹುಯಿನ್, ನೀತಿನು ಮುದ್ರಾನ ಲೀಲಿದೊ. ಅಮ್‍ರ‍್ಹವಾಪರ್ ಯೊ ವಿಶ್ವಾಸ್‍ಕರವಾಳ ಅಖ್ಖಾನಾಬಿ, ಇವ್ಣುನ ಖ್ಹತ್ನ ನಾ ಹುಯುತೋಬಿ ಅಬ್ರಹಾಮ್ ಅಖ್ಖಾಸ್ನ ಆತ್ಮೀಕ ಬಾಹುಯೊ. ಇನಖ್ಹಾಜೆ ಇವ್ಣೆ ನೀತಿವಾಳಕರಿ ಗಣ್ತಿಮಹುಯು.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 4:24

ಹೈರುತೆ ಅಪ್ಣಖ್ಹಾಜೇಬಿ ಕತೊ, ಅಪ್ಣೊ ಪ್ರಭು ಯೇಸುಕ್ರಿಸ್ತನ ಮರ‍್ಯಹುಯಮಾಥು ಉಠಾಡ್ಯೋತೆ ದೇವ್ನ ವಿಶ್ವಾಸ್ ಕರಾವಾಳು ಅಜು಼ ನೀತಿವಾಳ ಕರಿ ಬೋಲೈರ‍್ಹಾತೆ ಅಪ್ಣುನಾಬಿ ಲಿಖೈರ‍್ಹುಸ್.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 4:5

ಕತೋಬಿ ಏಕ್‌ ಜ಼ಣೊ ಇನು ಶೊಂತ್ ಕಾಮ್ನ ಉಪ್ಪರ್ ವಿಶ್ವಾಸ್ ಕರಾನು ಮ್ಹೇಲಿನ್, ಗಲ್ತಿವಾಳಾನ ನೀತಿವಾಳೊಕರಿ ಕರಾವಾಳ ದೇವ್ನ ಉಪ್ಪರ್ ಇನಿ ವಿಶ್ವಾಸ್ ಕರಾನುರ‍್ಹಿಯುತೊ ಆ ಇನೊ ಭರೋಖ್ಹೊ ಇನ ನೀತಿವಾಳೊಕರಿ ಗಣ್ತಿಕರಸ್‍.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 4:7

“ಕಿನು ಗಲತ್‍ಖ್ಹಾರು ಪರಿಹಾರ್ ಹುಯಿರ‍್ಹುಸ್ಕಿ, ಕಿನು ಪಾಪ್‌ಖ್ಹಾರು ಕ್ಷಮಾಪಣ್ ಹುಯಿರ‍್ಹುಸ್ಕಿ ಯೋಸ್ ಧನ್ಯ ಹುಯಿರ‍್ಹೋಸ್.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 4:9

ಯೋ ಆಶೀರ್ವಾದ್‍ನಿ ವಚನ್‍ ಖಲಿ ಖ್ಹತ್ನ ಹುಯಿರ‍್ಹವಾಳನಕೀ ನತರ್ ಖ್ಹತ್ನ ಕರೈರಾಖಕೊಂತೆ ಇವ್ಣುನಾಬಿ ಛಾ಼ಕಿ ಶು? ಶನಖ್ಹಾಜೆಕತೊ ಪವಿತ್ರ ದಪ್ತರ್‌ಮ ಅಮ್‍ ಬೋಲೈರ‍್ಹುಸ್, “ಅಬ್ರಹಾಮ್‌ ಇನಿ ವಿಶ್ವಾಸ್‌ಥೀಸ್ ನೀತಿವಾಳೊಕರಿ ಗಣ್ತಿ ಹುಯೊ”.

1 ಕೊರಿಂಥ 1:30

ತುಮೂನ ಕ್ರಿಸ್ತಯೇಸುಮ ಏಕ್‌ಭಾಗ್ ಕರಿ ಬಣಾಯೋತೆ ದೇವ್ನೇಸ್. ಕ್ರಿಸ್ತ ಅಪ್ಣಖ್ಹಾಜೆ ದೇವ್‌ಕಂಥು ಆಯೋತೆ ಗ್ಯಾನಿ ಹುಯಿರೊಸ್. ಅಪ್ಣೆ ನೀತಿವಾಳ ಹುಯಿರ‍್ಹವಾನ, ಅಪ್ಣೆ ಅಖ್ಖು ಪವಿತ್ರಹುಯಿರ‍್ಹಾಸ್.

2 ಕೊರಿಂಥ 5:21

ಕ್ರಿಸ್ತಮ ಪಾಪಸ್ ಕೋಥೂನಿ. ಕತೋಬಿ ಹಮೆ ದೇವ್ನ ಸಮರ್ಪಣೆನಿ ಪರಕ್ಮ ನೀತಿಸ್ವರೂಪಿ ಹುಯಿರ‍್ಹಾವನಿತರ ದೇವ್ ಇನ ಪಾಪ ಸ್ವರೂಪಿಕರಿ ಬಣಾಯೊ.

ಗಲಾತ್ಯ 3:14

ಅನೇಥಿ ಅಬ್ರಹಾಮ್‌ನ ಹುಯೂತೆ ಆಶೀರ್ವಾದ್‌ ಯೇಸುಥಿ ಯೆಹೂದ್ಯರ್‌ಕಾಹೆತೆ ಅದ್ಮಿವ್‌ನ ಮಳಾನಿಘೊಣಿ ಹೋಣುಕರಿ ಅಮ್ ವಿಶ್ವಾಸ್‌ನಿ ಬಾರೇಥಿ ದೇವ್‍ಥಿ ವಾಗ್ದಾನ್ ಹುಯೂತೆ ಪವಿತ್ರಾತ್ಮ ಅಪ್ಣುನ ಮಳಾನಿತರ ಹುಯು.

ಗಲಾತ್ಯ 4:15

ಯೋ ವಖ್ಹತ್‌ಮ ಯೋ ಏಕ್‌ ಖುಶಿಕರಿ ಲಹಿರಾಖ್ಯಾಥಾನಿ, ಹಮ್ಕೆ ಯೊ ಖ್ಹಯಾಲ್ ಕಿಜ್ಜಾ಼ ಛಾ಼? ತದೆ ಹೋಣುಕತೊ ತುಮಾರ ಡೋಳಾನಸ್ ಉಖ್ಡೀನ್ ಮನ ದಿದಾಹೋತ್ತ್ ಕರಿ ಮೇ ಸಾಕ್ಷಿ ಬೋಲುಸ್.

ಎಫೆಸ 1:3

ಅಪ್ಣೊ ಪ್ರಭು ಯೇಸು ಕ್ರಿಸ್ತನೊ ದೇವ್‌ಬಿ ಅಜು಼ ಬಾ ಹುಯಿರ‍್ಹೋತೆ ಇನ ಧನ್ಯವಾದ್ ಹುವಾದೆ, ಕ್ರಿಸ್ತನಿ ಗಳ್‌ಜೋ಼ಡ್ಮ ಇನೆ ಪರಲೋಕ್‍ಮ ಛಾ಼ತೆ ಹರೇಕ್ ಆತ್ಮೀಕ್ ಆಶೀರ್ವಾದ್‌ಖ್ಹಾರು ಅಪ್ಣುನ ದಿರಾಖ್ಯೊಸ್.

ಫಿಲಿಪ್ಪಿ 3:9

ಅನಾಮ ಮಾರಿ ಖ್ಹೂಜ಼್ ಶಾತ್‌ಕತೊ, ಮೆ ಕ್ರಿಸ್ತಾನ ಕಮೈಕರೀನ್, ಧರ್ಮಶಾಸ್ತ್ರನು ಫಲ್ ಹುಯಿರ‍್ಹುತೆ ಶೊಂತ್ ನೀತಿಕಾಹೆ, ಕ್ರಿಸ್ತಮ ವಿಶ್ವಾಸ್‌ಕರಾಥಿ ಮಳಾತೆ ಕತೊ ಕ್ರಿಸ್ತಪರ್‌ನಿ ವಿಶ್ವಾಸ್‌ನಿ ಆಧಾರ್‌ಥಿ ದೇವ್ ದೇಸ್ತೆ ನೀತಿನಾಸ್ ಲೀನ್ ಕ್ರಿಸ್ತಮ ರ‍್ಹೇವ್ಣುಕರಿ ಬೋಲಾನುಸ್.

2 ತಿಮೊ 1:9

ಇನೆ ಅಪ್ಣಾಮ ಛಾ಼ತೆ ಅಛ಼್ಛಕಾಮ್‌ನ ದೇಖ್ಯೊತೆ ಇನಖ್ಹಾಜೆ ಕಾಹೆ. ಇನಿ ಖ್ಹೂಜ಼್‍ಥಿ ಅಜು಼ ವಾರ್‌ಖ್ಹೇಥಿ ಅಪ್ಣುನ ಬಚಾ಼ಡಿನ್ ಪರಿಶುದ್ ಹುವಾನ ಬುಲಾಯೊ, ಇನೆ ಜ಼ಗ್‌ಜ಼ಮಾನೇಥಿ ಯೊ ವಾರ್‌ಖ್ಹೊ ಯೇಸು ಕ್ರಿಸ್ತಥಿ ಅಪ್ಣುನ ಮಳ್ಯು.

ಯಾಕೋಬ 2:18

ಕತೋಬಿ ಥೋಡು ಜ಼ಣು, “ತುನ ವಿಶ್ವಾಸ್ ಛಾ಼, ಅಜು಼ ಮಾರಮ ಕಾಮ್ ಛಾ಼ ತೂ ಕಾಮ್ಮ ಕೊಂತೆ ತಾರಿ ವಿಶ್ವಾಸ್‌ನ ಮನ ವತಾಳ್. ಮೇ ಮಾರ ಕಾಮ್‍ಥಿ ಮಾರ ವಿಶ್ವಾಸ್‌ನ ವತಾಳುಸ್‌!” ಕರಿ ಬೋಲೆಜಾ಼ಯ್ನಿ.

2 ಪೇತ್ರ 1:1

ಯೇಸು ಕ್ರಿಸ್ತನೊ ಸೇವಕ್ ಅಜು಼ ಅಪೊಸ್ತಲ ಹುಯಿರ‍್ಹೋತೆ ಸೀಮೋನ್ ಪೇತ್ರ, ಅಪ್ಣೊ ದೇವ್ ಅಜು಼ ರಕ್ಷಕ್ ಹುಯಿರ‍್ಹೋತೆ ಯೇಸು ಕ್ರಿಸ್ತನಿ ನೀತಿಥಿ ಹಮಾರಿನಿತರಸ್ ಅಛ್ಛಿ ವಿಶ್ವಾಸ್ ಮಳಿರ‍್ಹೀಸ್ತೆ ಇವ್ಣುನ ಶಾತ್ ಲೀಖುಸ್‌ಕತೊ,