ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 4:11 - ದೇವ್ನಿ ಖ್ಹಾಚಿ ವಚನ್

¹¹ ಒಹೊ, ಖ್ಹತ್ನಹುವಾನ ಪಹಿಲೇಸ್ ಇನಥೂತೆ ವಿಶ್ವಾಸ್‍ನು ಖ್ಹಣೇದ್ ಹುಯಿನ್, ನೀತಿನು ಮುದ್ರಾನ ಲೀಲಿದೊ. ಅಮ್‍ರ‍್ಹವಾಪರ್ ಯೊ ವಿಶ್ವಾಸ್‍ಕರವಾಳ ಅಖ್ಖಾನಾಬಿ, ಇವ್ಣುನ ಖ್ಹತ್ನ ನಾ ಹುಯುತೋಬಿ ಅಬ್ರಹಾಮ್ ಅಖ್ಖಾಸ್ನ ಆತ್ಮೀಕ ಬಾಹುಯೊ. ಇನಖ್ಹಾಜೆ ಇವ್ಣೆ ನೀತಿವಾಳಕರಿ ಗಣ್ತಿಮಹುಯು.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 4:11 ပူးပေါင်းရင်းမြစ်များ

ಮತ್ತಾಯ 16:16

ತದೆ ಸೀಮೋನ ಪೇತ್ರನೆ, “ತೂ ಆವ್ಣುತೆ ಕ್ರಿಸ್ತ, ಜಿವ್ತೊ ದೇವ್‌ನೊ ಛಿಯ್ಯೊ” ಕರಿ ಜ಼ವಾಬ್ ದಿದೊ.

ಮತ್ತಾಯ 8:11

ಅತ್ರೇಸ್ ಕಾಹೆತೆ, ಮೇ ತುಮೂನ ಬೋಲುಸ್ಕಿ, “ಪೂರಬ್ ಪಶ್ಚಿಮ್ ದಿಕ್ ಭಣೀಥು ಅದ್ಮಿ ಐನ್, ಸೊರ್ಗನು ರಾಜ್ಯಮ ಅಬ್ರಹಾಮ್‌, ಇಸಾಕ್ ಅಜು಼ ಯಾಕೋಬನ ಜೋ಼ಡೆ ಖಾಣನ ಬೇಖ್ಹ್‌ಶೆ;

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 19:9

ಅನ ಖ್ಹಮ್‌ಜಿನ್‌, ಯೇಸುನೆ ಇನ, “ಆಜ಼್ ಆ ಘರ್‌ನ ರಕ್ಷಣೆ ಐರ‍್ಹೀಸ್, ಶನಕತೊ ಆಬಿ ಅಬ್ರಹಾಮ್‌ನೊ ಪಿಳ್ಗಿವಾಳೊ ಹುಯಿರ‍್ಹೋಸ್‌ನಿ.

ಯೋಹಾನ 3:33

ಕತೋಬಿ ಕೋಣ್ ಇನಿ ಸಾಕ್ಷಿನ ಮಾನಿಲೇಸ್ಕಿ, ಯೋ ಅಮ್ ಕರಾಥಿ ದೇವ್ ಖ್ಹಾಚು಼ ಕರಿ ಸಾಬಿತ್ ಕರಸ್.

ಯೋಹಾನ 3:36

ಇನ ಛಿಯ್ಯಾನ ನಂಬವಾಳಾನ ಹಮೇಶಾನಿ ಜಿ಼ಂದ್‌ಗಿ ಛಾ಼; ಕತೋಬಿ ಛಿಯ್ಯಾನಿ ವಾತೆನ ಝಿಟ್ಕಾರಸ್ಕಿ ಇವ್ಣುನ ಯೋ ಜಿ಼ಂದ್‌ಗಿ ಮಳ್‌ಶೆ ಕೊಯ್ನಿ, ಅಜು಼ ದೇವ್‌ನೊ ಇರಾದೊ ಇವ್ಣಾಪರ್ ರ‍್ಹಿಶೆ” ಕರಿ ಬೋಲ್ಯೊ.

ಯೋಹಾನ 6:35

ಯೇಸುನೆ ಇವ್ಣುನ, “ಮೇಸ್ ಜಾನ್ನೊ ರೋಟೊ,‌ ಮಾರಕನ ಆವಾಳಾನ ಕದೇಬಿ ಭುಕ್ ಕೋ ಲಾಗ್‌ಶೇನಿ. ಮಾರಾಮ ವಿಶ್ವಾಸ್‌ ಕರಾವಾಳನ ಕದೇಬಿ ಠೋಖ್ಹ್‌ ಕೋ ಲಾಗ್‌ಶೇನಿ.

ಯೋಹಾನ 6:40

ಇನಾಟೇಕೆ ಛಿಯ್ಯಾನ ದೇಖಿನ್‌, ಇನಾಮ ವಿಶ್ವಾಸ್‌ ಕರಾವಾಳ ಹರೇಕ್ನ ಹರ್‌ಹಮೇಶಾನಿ ಜಿ಼ಂದ್‌ಗಿ ಮಳ್‌ಣು ಕರಿ ಬೋಲಾನು ಬಾನಿ ಮರ್ಜಿ ಹುಯಿರ‍್ಹುಸ್‍, ಅಜು಼ ಖ್ಹರ್ತಿನ ದನ್ಮ ಮೇ ಇವ್ಣುನ ಪಾಛು಼ ಜಿವ್ತು ಉಠಾಡಿಶ್‌” ಕರಿ ಬೋಲ್ಯೊ.

ಯೋಹಾನ 6:47

ಮೇ ತುಮೂನ ಖ್ಹಾಚಮಾಬಿ ಬೋಲುಸ್ಕಿ, ಕೋಣ್ ವಿಶ್ವಾಸ್‌ ಕರಾಸ್ಕಿ, ಇವ್ಣುನ ಹರ್‌ಹಮೇಶಾನಿ ಜಿ಼ಂದ್‌ಗಿ ಮಳಿರ‍್ಹಿಶೆ.

ಯೋಹಾನ 8:33

ಇನ ಇವ್ಣೆ, “ಹಮೆ ಅಬ್ರಹಾಮ್‌ನಿ ಖಾಂದಾನ್‌ವಾಳ, ಹಮೆ ಕದೇಬಿ ಕಿನಾಬಿ ಗುಲಾಮ್ ಕೋಹೂಯಾನಿ. ಅಮ್ ರ‍್ಹವಾಪರ್, ‘ತುಮೆ ಛು಼ಟ್‌ಶು’ ಕರಿ ತೂ ಬೋಲಾಸ್ತೆ ಕಿಮ್?” ಕರಿ ಜವಾಬ್‌ ದಿದು.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 10:11

ಪವಿತ್ರ ದಪ್ತರ್‌ಮ ಬೋಲೈರ‍್ಹುತೆ ತಿಮ್, “ಇನಪರ್ ವಿಶ್ವಾಸ್ ಕರಾವಾಳೊ ಕದೇಬಿ ಖ್ಹರಮಾವ್‌ಶೆ ಕೊಯ್ನಿ”

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 10:4

ಇನಾಮ ವಿಶ್ವಾಸ್ ಕರವಾಳು ಹರೇಕ್ ಜ಼ಣು ನೀತಿನು ತೀರ್ಪ್‌ಲೀಲೆವ್ಣುಕರಿ ಕ್ರಿಸ್ತನೆ ಧರ್ಮಶಾಸ್ತ್ರನ ಖ್ಹತಮ್ ಕರ‍್ಯೊ.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 10:6

ಕತೋಬಿ ವಿಶ್ವಾಸ್‍ಥಿ ಆಧಾರ್ ಹುಯಿರ‍್ಹೇಯ್ತೆ ನೀತಿನು ಪವಿತ್ರ ದಪ್ತರ್ ಶಾತ್ ಬೋಲಸ್‍ಕತೊ, ಕ್ರಿಸ್ತನ ಜ಼ಮೀನ್‌ಪರ್ ಲೀನ್ಆವಾನ “ಪರ್‌ಲೋಕ್ನ ಕೋಣ್ ಉಡೀನ್‍ಜಾ಼ಶೆ?”

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 3:22

ಯೇಸುಕ್ರಿಸ್ತಮ ವಿಶ್ವಾಸ್‍ಕರಾವಾಳಥಿಸ್‌ ವಿಶ್ವಾಸಿಖ್ಹಾರವ್ನ ದೇವ್ನಿ ನೀತಿ ಆವ್‌ಶೆ. ಅನಾಮ ಖೆವುಬಿ ಅಶಿಲ್ ಕಮ್‌ಶಿಲ್ ಕೊಯ್ನಿ.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 3:26

ಅಮ್ನಿಪರಕ್ಮ ದೇವ್ ಮೇ ನೀತಿವಾಳೊಕರಿ ವತಾಳಿಲೇಸ್.ಅಜು಼ ಯೋ ಯೇಸುನ ವಿಶ್ವಾಸ್‍ಕರಾವಾಳ ಹರೇಕ್ನ ನೀತಿವಾಳಕರಿ ಬಣಾವಸ್.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 3:30

ದೇವ್ನೆ ಖ್ಹತ್ನವಾಳಾನ ನೀತಿವಾಳುಕರಿ ತೀರ್ಪ್‌ಕರಾನ ಇವ್ಣಿ ವಿಶ್ವಾಸಸ್ ಆಧಾರ್. ಇಮ್ಮಸ್ ಖ್ಹತ್ನಕೊಂತೆ ಇವ್ಣುನ ತೀರ್ಪ್‌ಕರಾನಾಬಿ ವಿಶ್ವಾಸಸ್ ಕಾರಣ್ ಹುಯಿರುಸ್.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 4:10

ಯೋ ಕದೆ ಹುಯುತೆ? ಇನ ಖ್ಹತ್ನ ಹುಯಿಗುತೆ ತದೇಕಿ ಖ್ಹತ್ನಹುವಾನ ಪಹಿಲೆ? ಯೋ ಖ್ಹತ್ನ ಹುಯುತೆ ತದೆಕಾಹೆ, ಖ್ಹತ್ನಹುವಾನ ಅಗಾಡಿಸ್.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 9:30

ಯೆಹೂದ್ಯರ್‌ಕಾಹೆತೆ ಇವ್ಣೇಥಿ ಇವ್ಣೆಸ್ ಇವ್ಣ ಶಕಥ್ಥಿ ನಾ ಕರ‍್ಯುತೋಬಿ ದೇವ್ನಿ ವಿಶ್ವಾಸ್‍ಥಿ ಹುಯುತೆ ನೀತಿವಾಳುಕರಿ ಗಣ್ತಿ ಹುಯಿಜಾ಼ಶೆ.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 9:33

ಧರ್ಮಶಾಸ್ತ್ರಮ ಅಮ್‌ಲೀಖೈರುಸ್ಕಿ, “ಹಂದೇಕ್, ಚೀಯೋನ್‌ಮ ಮೇ ಅದ್ಮಿವ್ ಧೊಕ್‌ಡಾವನ ಬಂಡನಾಬಿ ಠೊಕ್ರವಾನ ಬಂಡಾನಾಬಿ ಮ್ಹೇಲುಸ್. ಇನ ವಿಶ್ವಾಸ್‍ಕರವಾಳನ ನಿರಾಶ್‍ ಕೊಉಷೇನಿ”

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 9:6

ಹೈರೂತೆ ದೇವ್ನಿ ವಾತೆ ಗಲತ್‌ ಹುಯ್ಗುಕರಿ ಅಪ್ಣೆ ನಾ ಲಾಜ಼್‌ಣು. ಶನಕತೊ ಇಸ್ರಾಯೇಲ್‌ನು ಖ್ಹಾರುಸ್ ಅದ್ಮಿಬಿ ಇಸ್ರಾಯೇಲ್ವಾಳು ಕಾಹೆ.

2 ಕೊರಿಂಥ 1:22

ಹಮೆ ಇನವಾಳಕರಿ ವತಾಳನಖ್ಹಾಜೆ ಇನೆ ಹಮಾರಪರ್ ಮುದ್ರೊ ನಾಖಿರಾಖ್ಯೋಸ್. ಯೋ ಹಮೂನ ಕರ‍್ಯೊತೆ ವಾಗ್ದಾನ್ನ ಚ಼ಲಾವ್‌ಷೆ ಕರಿ ಬೋಲಾನ ಪವಿತ್ರಾತ್ಮನಾಸ್ ಅಪ್ಣ ದಿಲ್ಮ ದೀರಾಖ್ಯೊಸ್.

ಗಲಾತ್ಯ 3:22

ಹಿಡಿ ಜಗತ್‌ ಪಾಪ್ನ ಅಧೀನ್ ಹುಯ್ಗಕರಿ ಪವಿತ್ರ ದಪ್ತರ್‌ ಬರೋಬರ್‌ಥಿ ವತಾಳಸ್‍. ಅಮ್‌ರ‍್ಹವಾಪರ್ ವಾಗ್ದಾನ್ನ ಫಲ್ನ ಯೇಸುಮ ನಂಬಾವಳನ ಇವ್ಣ ವಿಶ್ವಾಸ್ ಆಧಾರ್‌ಪರ್ ದೆವಾವಸ್.

ಗಲಾತ್ಯ 3:29

ತುಮೆ ಕ್ರಿಸ್ತವಾಳ ಉಷೇತೊ ಅಬ್ರಹಾಮ್‌ನ ಖೂಮ್‌ವಾಳ ಹುಯಿನ್ ಅಜು಼ ದೇವ್ನು ವಾಗ್ದಾನ್ನ ಲೀರಾಖವಾಳ ಹುಯಿರ‍್ಹಾಸ್.

ಗಲಾತ್ಯ 3:7

ಇನಖ್ಹಾಜೆ ವಿಶ್ವಾಸ್‌ಕರವಾಳ ಅಬ್ರಹಾಮ್‌ನ ಪಿಳ್ಗಿಕರಿ ಮಾಲುಮ್ ಕರಿಲೆವೊ.

ಗಲಾತ್ಯ 5:5

ಹಮೆತೋಬಿ ದೇವ್ನ ಆತ್ಮಾಥಿ ವಿಶ್ವಾಸ್‍ಥಿ ನೀತಿವಾಳಹುಯೇಸ್ ಕರಿ ಟಿವೈರ‍್ಹವಾನು ಚಾ಼ಲ್‌ಶೆಕರಿ ದಿಲ್‌ ಲಗಾಡಿನ್ ಮ್ಹೋರೆ ದೇಖವಾಳ ಹುಯಿರ‍್ಹಾಸ್.

ಗಲಾತ್ಯ 6:16

ಆ ನಿಯಮ್ ಅಖ್ಖಾನ ಬರೊಬರ್‌ಥಿ ಚಾ಼ಲವಾಳ ಅಖ್ಖಾಸ್ನ ಅಜು಼ ಇಸ್ರಾಯೇಲ್‌ವಾಳ ದೇವ್ನ ಅದ್ಮಿವ್‌ನ ಸಮಾಧಾನ್‍ಬಿ ಗೋರ್‌ಬಿ ಮಳಾದೆ!

ಎಫೆಸ 1:13

ಸುವಾರ್ತೆನಿ ಖ್ಹಾಚಿ ಸಂದೇಶ್ನ ಖ್ಹಮ್‍ಜಾ಼ನಿ ವಖ್ಹ್‌ತೆ, ತುಮೇಬಿ ಜಿನು ದೇವ್ನ ಅದ್ಮಿ ಹುಯಿರ‍್ಹಾಥ. ಸುವಾರ್ತೆ ತುಮುನ ಛುಟ್ಕಾರ್ ದಿದು. ತುಮೆ ಕ್ರಿಸ್ತಮ ವಿಶ್ವಾಸ್ ಕರಿರಾಖ್ಯಾಸ್ ಅಜು಼ ದೇವ್ ಯೋ ವಾಗ್ದಾನ್ ಕರ‍್ಯೊತೆ ಪವಿತ್ರಾತ್ಮನ ತುಮುನ ದ್ಯಾವಥಿ ಇನೊ ಮುದ್ರೊನಾಖಿನ್ ಖ್ಹಣೇದ್ ಕರಿರಾಖ್ಯೋಸ್.

ಎಫೆಸ 4:30

ದೇವ್ನ ಪವಿತ್ರಾತ್ಮನ ದುಖ್ ನಕೊ ಕರೊ. ಇನಾಮಸ್ ಛುಟ್ಕಾರ್‌ನ ದನ್ನಖ್ಹಾಜೆ ಮುದ್ರೊ ಲೀರಾಖ್ಯಾಸ್ನಿ.

ಫಿಲಿಪ್ಪಿ 3:9

ಅನಾಮ ಮಾರಿ ಖ್ಹೂಜ಼್ ಶಾತ್‌ಕತೊ, ಮೆ ಕ್ರಿಸ್ತಾನ ಕಮೈಕರೀನ್, ಧರ್ಮಶಾಸ್ತ್ರನು ಫಲ್ ಹುಯಿರ‍್ಹುತೆ ಶೊಂತ್ ನೀತಿಕಾಹೆ, ಕ್ರಿಸ್ತಮ ವಿಶ್ವಾಸ್‌ಕರಾಥಿ ಮಳಾತೆ ಕತೊ ಕ್ರಿಸ್ತಪರ್‌ನಿ ವಿಶ್ವಾಸ್‌ನಿ ಆಧಾರ್‌ಥಿ ದೇವ್ ದೇಸ್ತೆ ನೀತಿನಾಸ್ ಲೀನ್ ಕ್ರಿಸ್ತಮ ರ‍್ಹೇವ್ಣುಕರಿ ಬೋಲಾನುಸ್.

ಇಬ್ರಿ 11:7

ವಿಶ್ವಾಸ್‌ಥೀಸ್ ನೋಹಾನೆ ಬಿಜೂ಼ಬಿ ದೆಖಾವ ಕೊಯ್ನಿತೆ ಇನಿ ಬಾರೇಮ ದೇವ್ನಿ ವಾತೆನ ಲೀನ್ ಡರ್‌ಥೀಬಿ, ಭಕ್ತಿಥಿ ಭರಾವವಾಳೊ ಹುಯಿನ್ ಇನ ಘರ್‌ವಾಳಾನ ಬಚೈ಼ಲಾವನಖ್ಹಾಜೆ ಜ಼ಹಾಜ಼್‌ನ ಭಾಂಧಿನ್ ತಯಾರ್ ಕರ‍್ಯೊ. ವಿಶ್ವಾಸ್‌ಥೀಸ್‌ ಇನೆ ಜಗತ್‌ವಾಳು ನಿಶತ್‌ನ ಲ್ಯವಾಳುಕರಿ ತೀರ್ಮಾನ್ ಕರಿಲಿದೊ. ಇನಖ್ಹಾಜೆ ವಿಶ್ವಾಸ್‍ನು ಫಲ್ ಹುಯಿರ‍್ಹೂತೆ ನೀತಿನ ಹಕ್‍ದಾರ್ ಹುಯೊ.

2 ಪೇತ್ರ 1:1

ಯೇಸು ಕ್ರಿಸ್ತನೊ ಸೇವಕ್ ಅಜು಼ ಅಪೊಸ್ತಲ ಹುಯಿರ‍್ಹೋತೆ ಸೀಮೋನ್ ಪೇತ್ರ, ಅಪ್ಣೊ ದೇವ್ ಅಜು಼ ರಕ್ಷಕ್ ಹುಯಿರ‍್ಹೋತೆ ಯೇಸು ಕ್ರಿಸ್ತನಿ ನೀತಿಥಿ ಹಮಾರಿನಿತರಸ್ ಅಛ್ಛಿ ವಿಶ್ವಾಸ್ ಮಳಿರ‍್ಹೀಸ್ತೆ ಇವ್ಣುನ ಶಾತ್ ಲೀಖುಸ್‌ಕತೊ,

ಪ್ರಕಾಶಿತ್ 9:4

ಜ಼ಮೀನ್‌ಪರ್ ಛಾ಼ತೆ ಘಾಖ್ಹ್‌ನ ರ‍್ಹವೊ ಪಂಡು ಫಲ್ನ ರ‍್ಹವೊ, ಝಾ಼ಡನ ರ‍್ಹವೊ, ನಾಶ್‌ನಾಕರ‍್ನುತೆ, ತಾಳ್ವಪರ್ ದೇವ್‌ನೊ ಮುದ್ರೊಕೊಂತೆ ಅದ್ಮಿವ್‌ನಖಲಿ ನಾಶ್‌ಕರ್ನುಕರಿ ಯೊ ಚಿಡ್ಡಾವ್ನ ಹುಕುಮ್‌ಹುಯು.