ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 4:1 - ದೇವ್ನಿ ಖ್ಹಾಚಿ ವಚನ್

¹ ಇಮ್‍ಕತೊ ಅಗ್ಲಿ ಪಿಳ್‌ಗಿವಾಳಾನ ಅಪ್ಣುನ ಗುರುಗುರಬ್‌ಲ್ಯೊ ಅಬ್ರಹಾಮ್‌ನೆ ಅನಿ ಬಾರೇಮ ಶಾತ್‍ಲೀಲಿದೊಕರಿ ಅಪ್ಣೆ ಬೋಲಿಯೆ?

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 4:1 ပူးပေါင်းရင်းမြစ်များ

ಮತ್ತಾಯ 3:9

ಅಬ್ರಹಾಮ್‌ ಹಮಾರೊ ಗುರು ಕರಿ ಬೋಲಾಥಿ ತುಮೆ ದೇವ್ನ ನಿಶಥ್ಥಿ ಬಚಿಜಾ಼ಶು ಕರಿ ನಕೊ ಸೋಚೊ, ಮೇ ತುಮೂನ ಬೋಲುಸ್ಕಿ, ದೇವ್ ಅಬ್ರಹಾಮ್‌ನಖ್ಹಾಜೆ ಆ ಬಂಡೇವ್‌ಥಿಬಿ ಲಡ್ಕಾವ್ನ ಉಬ್‍ಜಾ಼ವ್‍ಶೆ ಕರಿ ತುಮೂನ ಬೋಲುಸ್.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 3:8

ತುಮೆ ತುಮಾರು ಪಾಪ್‌ಖ್ಹಾರು ಮ್ಹೇಲಿನ್ ದೇವ್ ಭಣಿ ಫರಿಗಯ ಉಶೇತೊ, ಇನ ಬರಾಬರ್‌ಥಿ ಚಾ಼ಲ್‌ಮ ವತಾಳೊ. ಅಜು಼ ಹಮೆ ಅಬ್ರಹಾಮ್‌ನಿ ಪಿಳ್ಗಿವಾಳ ಕರಿ ತುಮಾರು ತುಮೇಸ್ ಬಡೈ ನಕೊ ಮಾರಿಲೆವೊ. ಮೇ ಬೋಲುಸ್ಕಿ, ದೇವ್‌ ಅಬ್ರಹಾಮ್‌ನಖ್ಹಾಜೆ ಆ ಬಂಡೇವ್‌ಥಿಬಿ ಲಡ್ಕಾವ್ನ ಉಬ್‍ಜಾ಼ವ್‍ಶೆ ಕರಿ ತುಮೂನ ಬೋಲುಸ್

ಯೋಹಾನ 8:33

ಇನ ಇವ್ಣೆ, “ಹಮೆ ಅಬ್ರಹಾಮ್‌ನಿ ಖಾಂದಾನ್‌ವಾಳ, ಹಮೆ ಕದೇಬಿ ಕಿನಾಬಿ ಗುಲಾಮ್ ಕೋಹೂಯಾನಿ. ಅಮ್ ರ‍್ಹವಾಪರ್, ‘ತುಮೆ ಛು಼ಟ್‌ಶು’ ಕರಿ ತೂ ಬೋಲಾಸ್ತೆ ಕಿಮ್?” ಕರಿ ಜವಾಬ್‌ ದಿದು.

ಯೋಹಾನ 8:53

ಹಮಾರೊ ಮೋಟೊ ಹುಯಿರ‍್ಹೋತೆ ಅಬ್ರಹಾಮ್‌ಥೀಬಿ ತೂ ಮೋಟೋಕಿ ಶು? ಅಬ್ರಹಾಮ್‌ಬಿ, ಪ್ರವಾದಿ ಖ್ಹಾರುಬಿ ಮರಿಗಯು. ಅಮ್ ರ‍್ಹವಾಪರ್, ತಾರು ತೂ ಕೋಣ್ ಕರಿ ಸೋಚಾ಼ಸ್‌?” ಕರಿ ಪುಛಾ಼ಯು.

ಯೋಹಾನ 8:56

ತುಮಾರೊ ಬಾ ಹುಯಿರ‍್ಹೋತೆ ಅಬ್ರಹಾಮ್‌ನೆ ಮೇ ಆಯಿಶ್‍ತೆ ದನ್ನ ದೇಖಿಶ್‌ ಕರಿ ಘಣು ಶಂತೋಖ್ಹ್‌ ಕರ‍್ಯೊ, ಅಜು಼ ಇನೆ ಯೋ ದನ್ನ ದೇಖಿನ್‌ ಖ್ಹುಶಿ ಕರ‍್ಯೊ” ಕರಿ ಬೋಲ್ಯೊ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 13:26

ಮಾರ ಭೈಯೇವೊ, ಅಬ್ರಹಾಮ್‌ನಿ ಖಾನ್‍ದಾನ್‍ವಾಳವೋ, ಖ್ಹಾಚ ದೇವ್ನ ಆರಾದನೆ ಕರುಕರಾತೆ ಯೆಹೂದ್ಯರ್‌ಕಾಹೆತೆ ಅದ್ಮಿವೊ, ಖ್ಹಮ್‍ಜೊ! ಆ ರಕ್ಷಣೆನು ವಚನ್ ಮೋಕ್‍ಲೈರ‍್ಹುತೆ ಅಪ್ಣಖ್ಹಾಜೇಸ್.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 1:3

ದೇವ್‌ನೊ ಛಿಯ್ಯೊಹುಯಿರೊತೆ ಅಪ್ಣೊ ಪ್ರಭು ಯೇಸುಕ್ರಿಸ್ತನಿ ಬಾರೇಮ ಬೋಲಾನು ಹುಯಿರ‍್ಹುಸ್. ಅದಮ್‍ಜ಼ಮಾನನಿ ರೂಪ್‌ಮ ಯೋ ದಾವೀದನು ಖೂಮ್ಮ ಪೈದಹುಯೊ.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 3:5

ಕತೋಬಿ ಅಪ್ಣಿ ಅನೀತಿಥಿ ದೇವ್ನು ಕಾಮ್‍ಅಖ್ಖು ನೀತಿಪರ್ ಭಿಯುಸ್‍ಕರಿ ದೆಖಾವಸ್ ಕರಿ ಬೋಲಿಲಿಯೇಕಿ ಶು? ದೇವ್ ಅಪ್ಣುನ ನಿಶತ್ ದಿದೊತೊ ಇನೆ ಅಪ್ಣುನ ಠಗಾಯೊ ಕರಿ ಬೋಲೆಜಾ಼ಯ್‍ಕಿ ಶು? ಅನ ಮೇ ಅದ್ಮಿನಿ ಪರಕ್ಮ ಬೋಲು ಕರುಸ್ತೆ.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 4:16

ಇನಖ್ಹಾಜೆ ಯೋ ವಾಗ್ದಾನ ವಾರ್‌ಖ್ಹೇಥಿಸ್ ಮಳಸ್. ಆ ವಾಗ್ದಾನ್ ಧರ್ಮಶಾಸ್ತ್ರನ ಆಧಾರ್ ಹುಯಿರ‍್ಹುತೆ ಇವ್ಣುನಾಸ್ ಕಾಹೆತೆ, ಅಬ್ರಹಾಮ್‌ನಬಿ ಇನಿ ಪಿಳ್ಗಿವಾಳಾನ ಫುಗಟ್‍ಥಿ ಮಳಾಸ್ತೆ ವಾಗ್ದಾನಸ್ ಇನಾಮ್ ಹುಯಿರ‍್ಹುಸ್. ಅಮ್‌ ಅವ್ಣೆ ಅಬ್ರಹಾಮ್‌ನಿ ಘೋಣಿ ಭರೋಖ್ಹೊ ಕರ್ಶೆ ಶನಕತೊ ಯೋ ಅಪ್ಣಖ್ಹಾರಸ್‍ನ ಬಾ ಹುಯಿರ‍್ಹೋಸ್.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 6:1

ಇಮ್‍ಕತೊ ಅಪ್ಣೆಶಾತ್ ಬೋಲ್‍ಯೇ? ದೇವ್ನೊ ವಾರ್‌ಖ್ಹೊ ಜಾ಼ಖ್ಹತ್ ಹುವಾದೆಕರಿ ಅಪ್ಣೆ ಪಾಪ್‍ಮಸ್ ಭಡ್‌ಯೆಕಿ ಶು?

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 7:7

ಇಮ್‍ಕತೊ ಅಪ್ಣೆಶಾತ್ ಬೋಲಿಯೆ ಪಾಪ್ ಧರ್ಮಶಾಸ್ತ್ರಸ್ ಹುಯಿರ‍್ಹೂಸ್ಕಿಶು? ಕದೇಬಿ ಕೊಯ್ನಿ. ಕತೋಬಿ ಧರ್ಮಶಾಸ್ತ್ರನ ಮ್ಹೇಲಿನ್ ಬಿಜ಼ ಖೆವೆಥೀಬಿ ಪಾಪ್‍ಕತೊ ಶಾತ್‌ಕರಿ ಮನ ಖ್ಹಮ್‍ಜಿಲ್ಯವಾನ ಹುಯುಹೋತ್ ಕೊಯ್ನಿ. “ಬಿಜೇಕ್ ಜ಼ಣಾನ ರಾಛ಼ನ ತುಮೆ ಆಖ್ಹ್‌ನಾಕರ‍್ನು.” ಕರಿ ಧರ್ಮಶಾಸ್ತ್ರ ಬೋಲ್ಯುತೆ ಇನಖ್ಹಾಜೇಸ್ ಯೋ ಮನ ಮಾಲುಮ್‌ಪಡ್ಯು.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 8:31

ಇಮ್‍ಕತೊ ಅನ ಅಪ್ಣೆ ಕಿಮ್ ಜ಼ವಾಬ್‍ದಿಯೆ, ದೇವ್ ಅಪ್ಣ ಭಣಿರ‍್ಹಯೋತೊ ಕೋಣ್ ಅಪ್ಣುನ ವಿರೋದ್ ಕರ್ಶೆ.

2 ಕೊರಿಂಥ 11:22

ಇವ್ಣೆ ಹಿಬ್ರುವಾಳಕಿ ಶು? ಮೇಬಿ ಇವ್ಣಿನಿತರ ಹುಯಿರೋಸ್, ಇವ್ಣೆ ಇಸ್ರಾಯೇಲ್‌ವಾಳ? ಮೇಬಿ ಇವ್ಣಿನಿತರಸ್ ಹುಯಿರ‍್ಹೆವುಸ್‌; ಇವ್ಣೆ ಅಬ್ರಹಾಮ್‌ನಿ ಖೂಮ್‍ವಾಳ? ಮೇಬಿ ಇನಿ ಖೂಮ್‌ವಾಳೊ.

ಇಬ್ರಿ 12:9

ಆಸ್ ಕಾಹೆತೆ ಅಪ್ಣುನ ದಾಬುಕ್ ದಿದಾತೆ ಲೋಕಾನ ಆಯಬಾನ ಅಪ್ಣೆ ಮರ್ಯಾದಿ ದಿಯೇಸ್ನಿ. ಇಮ್ಮಸ್ ಅಪ್ಣ ಆತ್ಮವ್‌ನ ಬಾ ಹುಯಿರ‍್ಹವಾಳನ ಅಪ್ಣೆ ಬಿಜೂ಼ಬಿ ಜಾ಼ಖ್ಹತ್ ಅಧೀನ್‌ಹುಯಿನ್ ಬಚಿನಾರ‍್ಹೇವ್ಣು ಕಿಶು?