ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 3:28 - ದೇವ್ನಿ ಖ್ಹಾಚಿ ವಚನ್

²⁸ ಧರ್ಮಶಾಸ್ತ್ರ ಬೋಲಾತೆ ಕಾಮ್‍ಥಿ ಕಾಹೆ ಪಣ್ಕಿ, ಖಲಿ ವಿಶ್ವಾಸ್‍ಥಿಸ್ ಖಿವೂಬಿ ಅದ್ಮಿ ನೀತಿವಾಳೊಕರಿ ಗಣ್ತಿಮ ಆವಸ್.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 3:28 ပူးပေါင်းရင်းမြစ်များ

ಯೋಹಾನ 5:24

“ಮೇ ತುಮೂನ ಖ್ಹಾಚ ಬೋಲುಸ್ಕಿ, ಮಾರಿ ವಾತೇನ ಖ್ಹಮ್‌ಜಿನ್‌, ಮನ ಮೋಕ್‌ಲ್ಯೊತೆ ಇನ ನಂಬವಾಳಾನ ಹಮೇಶಾನಿ ಜಿ಼ಂದ್‌ಗಿ ಮಳಿರ‍್ಹೀಸ್‌. ಇನ ತೀರ್ಪ್ ಕೋ ಉಶೇನಿ; ಯೋ ಮರಣ್ಣ ಉಲಾಂಗಿನ್, ಜಾನ್‌ಮ ಪೇಶಿರ‍್ಹೋಸ್‌.

ಯೋಹಾನ 6:40

ಇನಾಟೇಕೆ ಛಿಯ್ಯಾನ ದೇಖಿನ್‌, ಇನಾಮ ವಿಶ್ವಾಸ್‌ ಕರಾವಾಳ ಹರೇಕ್ನ ಹರ್‌ಹಮೇಶಾನಿ ಜಿ಼ಂದ್‌ಗಿ ಮಳ್‌ಣು ಕರಿ ಬೋಲಾನು ಬಾನಿ ಮರ್ಜಿ ಹುಯಿರ‍್ಹುಸ್‍, ಅಜು಼ ಖ್ಹರ್ತಿನ ದನ್ಮ ಮೇ ಇವ್ಣುನ ಪಾಛು಼ ಜಿವ್ತು ಉಠಾಡಿಶ್‌” ಕರಿ ಬೋಲ್ಯೊ.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 3:26

ಅಮ್ನಿಪರಕ್ಮ ದೇವ್ ಮೇ ನೀತಿವಾಳೊಕರಿ ವತಾಳಿಲೇಸ್.ಅಜು಼ ಯೋ ಯೇಸುನ ವಿಶ್ವಾಸ್‍ಕರಾವಾಳ ಹರೇಕ್ನ ನೀತಿವಾಳಕರಿ ಬಣಾವಸ್.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 4:5

ಕತೋಬಿ ಏಕ್‌ ಜ಼ಣೊ ಇನು ಶೊಂತ್ ಕಾಮ್ನ ಉಪ್ಪರ್ ವಿಶ್ವಾಸ್ ಕರಾನು ಮ್ಹೇಲಿನ್, ಗಲ್ತಿವಾಳಾನ ನೀತಿವಾಳೊಕರಿ ಕರಾವಾಳ ದೇವ್ನ ಉಪ್ಪರ್ ಇನಿ ವಿಶ್ವಾಸ್ ಕರಾನುರ‍್ಹಿಯುತೊ ಆ ಇನೊ ಭರೋಖ್ಹೊ ಇನ ನೀತಿವಾಳೊಕರಿ ಗಣ್ತಿಕರಸ್‍.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 5:1

ಅಮ್‌ರ‍್ಹವಾಪರ್ ವಿಶ್ವಾಸ್‍ಥಿ ನೀತಿವಾಳುಕರಿ ತೀರ್ಪ್ ಲೀಲಿದಾತೆ ಅಪ್ಣುನ ಅಪ್ಣೊ ಪ್ರಭು ಯೇಸುಕ್ರಿಸ್ತಥಿ ದೇವ್ನಿ ಜೋ಼ಡ್ಮ ಸಮಾಧಾನ್‍ ರ‍್ಹೇಸ್.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 8:3

ಶನಕತೊ ಧರ್ಮಶಾಸ್ತ್ರ ಅದ್ಮಿನು ಸ್ವಭಾವ್‍ಥಿ ಕಮ್‍ಜೋ಼ರ್ ಹುಯಿನ್ ಖಿವು ಕಾಮ್ ಕರ್ನುನಾಕರಿ ಥೂಕಿ, ಇನ ದೇವ್ನೆಸ್ ಕರ‍್ಯೊ. ಕಿಮ್‌ಕತೊ ಇನೆ ಪಾಪ್ನ ಕಾಡಾನಖ್ಹಾಜೆ ಇನ ಛಿಯ್ಯಾನಸ್ ಪಾಪ್ನ ಕಬ್‌ಜಾ಼ಮಥೂತೆ ಶರೀರ್‌ನ ರೂಪ್‌ಮ ಮೋಕ್ಲಿನ್ ಯೋ ಶರೀರ್‌ಮಾಸ್ ಪಾಪ್ನ ಮಾರಿನಾಖಿದಿದೊ. ಅಮ್‍ರ‍್ಹವಾಪರ್, ಧರ್ಮಶಾಸ್ತ್ರ ಕರಾಕೊಂತೆ ತಿನ ದೇವ್ನೆ ಕರ‍್ಯೊ. ದೇವ್ ಇನ ಶೊಂತ್ ಛಿಯ್ಯಾನಸ್ ಪಾಪ್‌ಮಾನಿ ಅದ್ಮಿನಿ ಖ್ಹಯಾಲ್ಮ ಪಾಪ್ನ ಕಾಡಿನಾಖಾನ ಮೋಕ್‌ಲ್ಯೊ. ಇನಖ್ಹಾಜೆ ದೇವ್ ಪಾಪ್ನ ಮರಣ್ಣಿ ನಿಶತ್‌ ದ್ಯವಾನ ಅದ್ಮಿನಿ ಖ್ಹಯಾಲ್ನಾಸ್ ಲೀಲಿದೊ.

1 ಕೊರಿಂಥ 6:11

ತುಮಾರಮ ಕೈಯೇಕ್‌ಜ಼ಣು ಇಮ್ಮಸ್ ಹುಯಿರ‍್ಹುಥು. ಕತೋಬಿ ತುಮೆ ಪ್ರಭು ಹುಯಿರೋತೆ ಯೇಸುಕ್ರಿಸ್ತನ ನಾಮ್‌ಥಿಬಿ ಅಜು಼ ಅಪ್ಣ ದೇವ್ನ ಆತ್ಮಥೀಬಿ ಧೊವೈನ್ ಶುದ್ಧಹುಯಿರ‍್ಹುಸ್. ದೇವ್‍ಥಿ ನೀತಿವಾಳಕರಿ ಚೂ಼ಣೈರ‍್ಹಾಸ್.

ಗಲಾತ್ಯ 2:16

ಖಿವೊತೋಬಿ ಖಲಿ ಧರ್ಮಶಾಸ್ತ್ರನ ಪಾಡಿಚಾ಼ಲಾಥಿ ನೀತಿವಾಳೊಕರಿ ಬಣಾನ ಕೊಹುವ್ವಾನಿ ಕರಿ ಮನ ಮಾಲುಮ್. ಯೇಸು ಕ್ರಿಸ್ತಮ ವಿಶ್ವಾಸ್ ರಾಖಾಥೀಸ್ ನೀತಿವಾಳೊ ಬಣಾನ ಹುವಾಸ್. ಇನಖ್ಹಾಜೆ ಹಮೆ ನೀತಿವಾಳ ಹುವಾನಖ್ಹಾಜೆ ಯೇಸು ಕ್ರಿಸ್ತಾಮಸ್ ವಿಶ್ವಾಸ್ ರಾಖ್ಯ. ಅಮ್‌ರ‍್ಹಾವಪರ್ ಹಮೆ ನೀತಿವಾಳ ಹುಯಾತೆ ಕ್ರಿಸ್ತಮ ವಿಶ್ವಾಸ್ ರಾಖಿನಸ್ ಪಣ್ಕಿ ಧರ್ಮಶಾಸ್ತ್ರನಿಘೊಣಿ ಚಾ಼ಲಾಥಿ ಕಾಹೆ.

ಗಲಾತ್ಯ 3:24

ಅಜು಼ ಅಪ್ಣೆ ವಿಶ್ವಾಸ್‍ಥಿ ಕ್ರಿಸ್ತಮ ನೀತಿವಾಳ ಕರಿ ತೀರ್ಪ್‌ಮಳಾನ ಹಗಾಮ್ ಆವಲಗು, ಧರ್ಮಶಾಸ್ತ್ರ ಅಪ್ಣುನ ಚ಼ಲಾವಮ ಪಾಲನ್‍ ಕರವಾಳು ಹುಯಿರ‍್ಹುಥು.

ಗಲಾತ್ಯ 3:8

ದೇವ್ನೆ ಯೆಹೂದ್ಯರ್‌ಕಾಹೆತೆ ಅದ್ಮಿನ ವಿಶ್ವಾಸ್‌ನ ಖ್ಹಾಜೇಥಿಸ್ ನೀತಿವಾಳಕರಿ ಸಾಬಿತ್‌ಕರಾನು ದೇವ್ನಿ ವಚನ್ನ ಪಹಿಲೇಸ್ ದೇಖಿನ್ ಅಬ್ರಹಾಮ್‌ನ, “ತಾರೇಥಿ ಜ಼ಗ್‌ಜಾ಼ತ್‌ನಾಬಿ ಆಶೀರ್ವಾದ್‌ ಉಷೆ” ಕರಿ ಸುವಾರ್ತೆನ ಅಗ್ಗಳ್‌ಥೂಸ್ ಬೋಲಾಯು.

ಎಫೆಸ 2:9

ಆ ರಕ್ಷಣೆ ಕೆಹೂಬಿ ಅಛ್ಛು಼ ಕಾಮ್‍ಥಿ ಹುಯುತೆ ಕಾಹೆ, ಇನಖ್ಹಾಜೆ ಇವ್ಣು ಇವ್ಣೆಸ್ ಖ್ಹರೈಲ್ಯಾವಾನು ಜ಼ರೂರತ್ ಕೊಯ್ನಿ.

ಫಿಲಿಪ್ಪಿ 3:9

ಅನಾಮ ಮಾರಿ ಖ್ಹೂಜ಼್ ಶಾತ್‌ಕತೊ, ಮೆ ಕ್ರಿಸ್ತಾನ ಕಮೈಕರೀನ್, ಧರ್ಮಶಾಸ್ತ್ರನು ಫಲ್ ಹುಯಿರ‍್ಹುತೆ ಶೊಂತ್ ನೀತಿಕಾಹೆ, ಕ್ರಿಸ್ತಮ ವಿಶ್ವಾಸ್‌ಕರಾಥಿ ಮಳಾತೆ ಕತೊ ಕ್ರಿಸ್ತಪರ್‌ನಿ ವಿಶ್ವಾಸ್‌ನಿ ಆಧಾರ್‌ಥಿ ದೇವ್ ದೇಸ್ತೆ ನೀತಿನಾಸ್ ಲೀನ್ ಕ್ರಿಸ್ತಮ ರ‍್ಹೇವ್ಣುಕರಿ ಬೋಲಾನುಸ್.

ಪೌಲನೆ ತೀತನ ಲೀಖ್ಯೋತೆ ಚಿಟ್ಟಿ 3:7

ಅನಖ್ಹಾಜೆ ದೇವ್ನೆ ಅಪ್ಣುನ ಇನಿ ವಾರ್‌ಖ್ಹೇಥಿ ಇಮಾನ್‌ದಾರ್ ಬಣೈರಾಖ್ಯೊಸ್. ಅನೇಥಿ ಅಪ್ಣೆ ಭರೋಖ್ಹೊ ಕರಿರಾಖ್ಯಾತೆ ಯೊ ಹಮೇಶಾನಿ ಜಿ಼ಂದ್‌ಗಿ ಮಳಾದೆ ಕರಿ ಆ ಖ್ಹಾಚಿವಾತೆ ಬೋಲೈರ‍್ಹೀಸ್.

ಯಾಕೋಬ 2:18

ಕತೋಬಿ ಥೋಡು ಜ಼ಣು, “ತುನ ವಿಶ್ವಾಸ್ ಛಾ಼, ಅಜು಼ ಮಾರಮ ಕಾಮ್ ಛಾ಼ ತೂ ಕಾಮ್ಮ ಕೊಂತೆ ತಾರಿ ವಿಶ್ವಾಸ್‌ನ ಮನ ವತಾಳ್. ಮೇ ಮಾರ ಕಾಮ್‍ಥಿ ಮಾರ ವಿಶ್ವಾಸ್‌ನ ವತಾಳುಸ್‌!” ಕರಿ ಬೋಲೆಜಾ಼ಯ್ನಿ.

ಯಾಕೋಬ 2:20

ಅಲಾ ಬಿಣ್‍ಅಕ್ಲಿ! ಕಾಮ್‍ಕೊಂತೆ ವಿಶ್ವಾಸ್ ಫಾಯಿದೊಕೊಂತೆ ಕರಿ ತುನ ವತಾಳ್‍ನುಕಿ ಶು?

ಯಾಕೋಬ 2:24

ಅಮ್‍ ಅದ್ಮಿ ಚಾ಼ಲ್‌ಥಿ, ಕಾಮ್‍ಥಿ ನೀತಿವಾಳೊಕರಿ ಖ್ಹಣೇದ್‍ಮ ಆವಸ್ ಪಣ್ಕಿ ಖಲಿ ವಿಶ್ವಾಸ್‍ಥಿ ಕಾಹೆ ಕರಿ ದೇಖೊಸ್‍.