ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 3:26 - ದೇವ್ನಿ ಖ್ಹಾಚಿ ವಚನ್

²⁶ ಅಮ್ನಿಪರಕ್ಮ ದೇವ್ ಮೇ ನೀತಿವಾಳೊಕರಿ ವತಾಳಿಲೇಸ್.ಅಜು಼ ಯೋ ಯೇಸುನ ವಿಶ್ವಾಸ್‍ಕರಾವಾಳ ಹರೇಕ್ನ ನೀತಿವಾಳಕರಿ ಬಣಾವಸ್.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 3:26 ပူးပေါင်းရင်းမြစ်များ

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 1:80

ಯೋ ಲಡ್ಕು ಮೋಟು ಹುಯಿನ್ ಆತ್ಮಮಾಬಿ ಅಜು಼ ಶಕತ್‍ಮಾಬಿ ಭಡ್ಯು, ಅಜು಼ ಇಸ್ರಾಯೇಲ್‌ ಅದ್ಮಿಯೇನ ಯೋಹಾನ ದೆಖಾವಾನ ದನ್‌ಲಗೂ ಉಜ್ಜಾ಼ಡಿ ಜ಼ಂಗಳ್‌ಮ ಥೊ.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 3:25

ಇನೆ ರಂಚ್ಯೊತೆ ಇನ ಲ್ಹೋಯಿಥಿ ಇನ ಉಪ್ಪರ್ ಭರೋಖ್ಹೊ ರಾಖವಾಳ ಹರೇಕ್ನ ಪಾಪ್‌ ಪರಿಹಾರ್ ಹೋಣುಕರಿ ಇನಾಸ್ ಸಮರ್ಪಣ್‌ ಕರಿಲಿದೊ. ಪಾಛ಼್‌ಲ್ಯ ಹಗಾಮ್ಮ ಅದ್ಮಿವೋನೆ ಕರ‍್ಯುತೆ ಪಾಪ್ನ ಬರೋಬರ್‌ನಿ ನಿಶತ್‍ ದಿದೊಕೊಂತೆ ದೇವ್ನೆ ಖ್ಹಮಾಳಿಲಿನ್ ಚಾ಼ಲ್ಯೊ.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 3:27

ಅಮ್‌ರ‍್ಹಾವಪರ್‌ ಅಪ್ಣಿ ಬಾರೇಮ ಬಡೈಮಾರಿಲ್ಯವಾನ ಶನುಬಿ ಮೋಕ ಛಾ಼ಕಿಶು? ಕೊಯ್ನಿ. ಅಪ್ಣೆ ಧರ್ಮಶಾಸ್ತ್ರನ ಪಾಡಿ ಚಾ಼ಲಿಯೇಸ್‍ಕಿ ಶು! ಶನ? ಅಪ್ಣೆ ಶನ ವಿಶ್ವಾಸ್‌ ಕರ್‌ಯೇಸ್‌ಕಿ ಯೊ ಅಪ್ಣುನ ಊಚು಼ ಕರಾನಖ್ಹಾಜೆ ಮೋಕ ದೇಸ್.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 3:30

ದೇವ್ನೆ ಖ್ಹತ್ನವಾಳಾನ ನೀತಿವಾಳುಕರಿ ತೀರ್ಪ್‌ಕರಾನ ಇವ್ಣಿ ವಿಶ್ವಾಸಸ್ ಆಧಾರ್. ಇಮ್ಮಸ್ ಖ್ಹತ್ನಕೊಂತೆ ಇವ್ಣುನ ತೀರ್ಪ್‌ಕರಾನಾಬಿ ವಿಶ್ವಾಸಸ್ ಕಾರಣ್ ಹುಯಿರುಸ್.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 4:5

ಕತೋಬಿ ಏಕ್‌ ಜ಼ಣೊ ಇನು ಶೊಂತ್ ಕಾಮ್ನ ಉಪ್ಪರ್ ವಿಶ್ವಾಸ್ ಕರಾನು ಮ್ಹೇಲಿನ್, ಗಲ್ತಿವಾಳಾನ ನೀತಿವಾಳೊಕರಿ ಕರಾವಾಳ ದೇವ್ನ ಉಪ್ಪರ್ ಇನಿ ವಿಶ್ವಾಸ್ ಕರಾನುರ‍್ಹಿಯುತೊ ಆ ಇನೊ ಭರೋಖ್ಹೊ ಇನ ನೀತಿವಾಳೊಕರಿ ಗಣ್ತಿಕರಸ್‍.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 8:33

ದೇವಸ್ ಚೂ಼ಣಿಲಿದ ಹುಯಾನ ಉಪ್ಪರ್ ಕೋಣ್ ಗಲತ್‌ ಬೋಲ್‌ಶೆ? ದೇವಸ್ ಗಲ್ತಿಕರಾವಾಳು ಕಾಹೆಕರಿ ಛುಟ್ಕಾರ್‌ ಕರಾವಾಳೊ ಹುಯಿರ‍್ಹೋಸ್.

ಪ್ರಕಾಶಿತ್ 15:3

ಇವ್ಣೆ ದೇವ್‌ನೊ ಸೇವಕ್ ಹುಯಿರೋತೆ ಮೋಶೆನ ಗೀದ್‌ನ ಮೇಂಢಾನು ಚೆಲ್ಕಾನು ಗೀದ್‌ನ ಬೋಲ್ತೊಹುಯಿನ್, ಪ್ರಭು ಹುಯಿರೋತೆ ದೇವ್ ತೂ ಸರ್ವಶಕತ್‌ನೊ, ತಾರು ಕಾಮ್‌ಖ್ಹಾರು ಮಹಿಮೆನಾಬಿ, ಆಶ್ಚರ್ಯನೂಬಿ ಹುಯಿರುಸ್.ಅಖ್ಖೀಸ್ ಜ಼ಗ್‌ಜಾ಼ತ್‌ನೊ ರಾಜ಼. ತಾರೊ ಮಾರಗ್‌ಖ್ಹಾರು ನ್ಯಾವ್ನುಬಿ ಖ್ಹಾಚೂ಼ಬಿ ಹುಯಿರುಸ್ ಕರಿ ಮಾಲುಮ್ ಕರಾವಸ್.