ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 2:7 - ದೇವ್ನಿ ಖ್ಹಾಚಿ ವಚನ್

⁷ ಥೋಡುಜ಼ಣು ಅಛ್ಛಾ಼ನ ಕರ್ತುಹುಯಿನ್. ಮಹಿಮೆ, ಇಜ಼್ಜತ್‌, ಹಮೇಶನಜಾನ್ನ ಜಿವ್ಣನ ಢೂಂಡಸ್. ಇವ್ಣುನ ದೇವ್ ಹರ್‌ಹಮೇಶಾನಿ ಜಿ಼ಂದ್‌ಗಿ ದಿಶೆ.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 2:7 ပူးပေါင်းရင်းမြစ်များ

ಮತ್ತಾಯ 25:46

ತದೆ ಖರಾಬ್ ಅದ್ಮಿ ಖ್ಹಾರಾನ ಹರ್‌ಹಮೇಶಾನಖ್ಹಾಜೆ ಡಂಡ್ ಉಶೆ ಅಜು಼ ಧರ್ಮಿ ಖ್ಹಾರಾನ ಹರ್‌ಹಮೇಶಾನಿ ಜಿ಼ಂದ್‌ಗಿ ಮಳ್‌ಶೆ.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 21:19

ತುಮೆ ಖ್ಹಮಾಳಿನ್ ಭೀರ‍್ಯಾತೊ, ತುಮಾರೊ ಜಾನ್ನ ತುಮೆ ಬಚಾ಼ಡಿಲಿಶು.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 8:15

ಪಲ್‍ವಾಯಿಹುಯಿ ಜ಼ಮೀನ್‌ಪರ್‌ ಪಡ್ಯುಹುಯು ದಾಣೊ ಕತೊ ದೇವ್ನಿವಚನ್ನ ಖ್ಹಮ್‌ಜಿನ್‌, ಖ್ಹಾಚು಼ ಅಜು಼ ಅಛ಼್ಛ ಮನ್‌ಮ ಇನ ರಾಖಿನ್, ಇವ್ಣೆ ಖ್ಹಮಾಳಿನ್ ಫಲ್ ದೇಸ್.

ಯೋಹಾನ 4:36

ವ್ಹಾಡವಾಳನ ಹಮ್ಕೆಸ್‌ ಕೂಲಿ ಮಳ್‌ಶೆ ಅಜು಼ ಯೋ ಹಮೇಶಾನಿ ಜಿ಼ಂದ್‌ಗೀನಖ್ಹಾಜೆ ಅನಾಜ಼್‌ನ ಜ಼ಮ ಕರಾಸ್. ಅಮ್ ಪಿಕಾವವಾಳಾನ ಅಜು಼ ವ್ಹಾಡವಾಳಾನ ಭೇನ ಎಕ್ಕದಮ್‌ ಖ್ಹುಶಿ ಉಷೆ.

ಯೋಹಾನ 5:44

ತುಮೆ ಏಕ್‌ಥಿ ಏಕ್‌ ಮಾನ್-ಮರ‍್ಯಾದಿನ ಆಖ್ಹ್ ಕರೋಸ್, ಕತೋಬಿ ಏಕ್‍ನೊ ಎಕ್ಕಸ್ ದೇವ್‍ಥಿ ಆವಸ್ತೆ ಖ್ಹರಾವ್ಣಿನ ತುಮೆ ಹೋಣು ಕರಿ ಆಖ್ಹ್ ಕೋ ಕರೋನಿ. ಅಮ್ ರ‍್ಹವಾಪರ್ ತುಮೆ ಮನ ಕಿಮ್ ನಂಬ್‌ಶು?

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 2:10

ಕತೋಬಿ ಅಛ್ಛಿ ವಾಟ್‌ಪರ್ ಚಾ಼ಲವಾಳ ಅಖ್ಖಾಮ ಪಹಿಲೆ ಯೆಹೂದ್ಯರ್‌ನ ಇನಕೇಡೆಥು ಯೆಹೂದ್ಯಕಾಹೇತೆ ಇವ್ಣುನ ದೇವ್ ಮಹಿಮೆ ಮರ್ಯಾದಿ ಅಜು಼ ಸಮಾಧಾನ್ನ ದಿಶೆ.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 6:23

ಶನಕತೊ ಪಾಪ್ ದೇಯಿತೆ ಮಜ಼್‌ದೂರಿ ಮರಣ್ ಹುಯಿರುಸ್. ಕತೋಬಿ ದೇವ್ನು ಫುಗಟ್ ಇನಾಮ್ ಅಪ್ಣೊ ಪ್ರಭು ಕ್ರಿಸ್ತಯೇಸುನ ಗಳ್‌ಜೋ಼ಡ್ಮ ಅಪ್ಣುನ ದಿಶೇತೆ ಹಮೇಶಾನಿ ಜಿ಼ಂದ್‌ಗೀಸ್.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 8:18

ಅಪ್ಣುನ ಖ್ಹಾಮ್ಣೆ ಮಾಲುಮ್ ಪಡ್‌ಶೇತೆ ಮಹಿಮೆನಿ ಜೋ಼ಡ್ಮ ಏಕ್‍ಕರಿ ದೆಖಾನಿವಖ್ಹ್‌ತೆ ಹಮ್ಕೇನಿ ಖ್ಹತಾಪ್ಣಿಖ್ಹಾರು ಯೊ ಶಾತ್ಬಿಕೊಯ್ನಿ.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 9:23

ಅಜು಼ ಮಹಿಮೆ ಲಿಲ್ಯಾವನಖ್ಹಾಜೆ ಅಗಾಡಿಸ್ ತಯಾರ್‌ಕರೀನ್, ದೇವ್ನೆ ಇನಿ ಗೋರ್‌ ಲೀಲ್ಯಾವಾಳನ ಇನಿ ಮಹಾನ್ ಮಹಿಮೆನ ದೆಖಾಡ್ಯೊ.

1 ಕೊರಿಂಥ 15:42

ಮರ‍್ಯಹುಯಾನ ಉಷೇತೆ ಪಾಛು಼ ಜಿವ್ತುಹುವಾನಾಬಿ ಇಮ್ಮಸ್ ರ‍್ಹಿಶೆ. ಶರೀರ್ ನೂಛೈಜಾ಼ವಾನಿ ಹಾಲತ್ಮ ಗಡೈಜಾ಼ಸ್. ಅಜು಼ ಮರೀನ್ ಉಠೀನ್ ಆವಾತೆ ನಾಶ ಹುವಾಕೊಂತೆ ರ‍್ಹಿಶೆ.

1 ಕೊರಿಂಥ 15:50

ಭೇನೆ ಭೈಯೇವೊ, ಮೇ ಶಾತ್ ಬೋಲಸ್‍ಕತೊ, ಲ್ಹೋಯಿ ಬೋಟಿ ದೇವ್ನ ರಾಜ್ಯಮ ಭಾಗ್‌ ಲಿಶೆಕೊಯ್ನಿ. ನೂಛೈಜಾ಼ಯ್‌ ಕೊಯ್ನಿತೆ, ಇನಾಮ ಭಾಗ್‍ಲ್ಯಾವಾನ ಉಶೆಕೊಯ್ನಿ.

1 ಕೊರಿಂಥ 15:58

ಇನಾಖ್ಹಾಜೆ ಮಾರ ಪ್ಯಾರ್‌ನ ಭೇನೆ ಭೈಯೇವೊ, ಘಟ್‍ಥಿ ಭೀರ‍್ಹೆವೊ. ಕೆಹೂಬಿ ತುಮುನ ಹಲಾವದೆ ನಕೊ. ಪ್ರಭುಮ ತುಮಾರೊ ವಾಖ್ಯೊ ಬಿಣ್‌ಫಾಯಿದೊ ಉಶೆಕೊಯ್ನಿ ಕರಿ ಖ್ಹಮ್‌ಜಿನ್‌, ಪ್ರಭುನ ಕಾಮ್ನಖ್ಹಾಜೆ ಕದೇಬಿ ತುಮಾರು ತುಮೆ ಪೂರ ಅರ್ಪಣ್‍ ಕರಿಲೆವೊ.

ಗಲಾತ್ಯ 6:9

ಅಛ್ಛಾ಼ನ ಕರಾಮ ವಳ್‍ಶಿ ನಕೊಕರಿಯೆ, ದಿಲ್ಮ ಢೀಲ ನಾಪಡ್ನುತೆ ರ‍್ಹಿಯೆ, ತದೆ ಬರೊಬ್ಬರ್‌ನಿ ವಖ್ಹತ್‌ಮ ಅನಾಜ಼್ ವ್ಹಾಡ್‌ಶು.

ಎಫೆಸ 6:24

ಅಪ್ಣೊ ಪ್ರಭು ಯೇಸು ಕ್ರಿಸ್ತನ ಹಮೇಶಾಬಿ ಪ್ಯಾರ್ ಕರಾವಾಳ ಅಖ್ಖಾಸ್‌ಪರ್ ದೇವ್ನಿ ವಾರ್‌ಖ್ಹೊ ರ‍್ಹವಾದೆ.

ಕೊಲೊಸ್ಸೆ 1:27

ಯೆಹೂದ್ಯರ್‌ಕಾಹೆತೆ ಅದ್ಮೆವ್‍ಮ ಆ ಮಾಯ್ನನು ಮಹಿಮೆನಿ ಶಕತ್ ಕೆತ್ರೆಕರಿ ದೇವ್ನೆ ಇನ ಅದ್ಮಿವ್‌ನ ಭಡ್ಕಾವನ ಖ್ಹೂಜ಼್ ಕರ‍್ಯೊ. ಆ ಮಾಯ್ನೊ ಶಾತ್‍ಕತೊ ಮಹಿಮೆನು ಭರೋಖ್ಹಾನ ಆಧಾರ್ ಹುಯಿರೊಸ್ತೆ ಕ್ರಿಸ್ತಸ್ ತುಮಾರಮ ಛಾ಼.

1 ತಿಮೊ 1:17

ಅಖ್ಖ ಜ಼ಮಾನಾನೊ ರಾಜ಼ಬಿ, ಕದೇಬಿ ರ‍್ಹವಾಳೊಬಿ ದೆಖಾವಕೊಂತೆ ಹುಯಿರೋತೆ ಎಕ್ಕಸ್ ದೇವ್ನ ಇಜ಼್ಜತ್‌ಬಿ ಮಹಿಮೆಬಿ ಜ಼ಗ್‌ಜ಼ಮಾನಮಾಬಿ ರ‍್ಹವಾದೆ. ಆಮೆನ್.

2 ತಿಮೊ 1:10

ಕತೋಬಿ ಹಮ್ಕೆ ಅಪ್ಣೊ ಬಚಾ಼ಡವಾಳೊ ಹುಯಿರ‍್ಹೋತೆ ಕ್ರಿಸ್ತ ಯೇಸು ದೆಖಾವಾನಿ ಜೋ಼ಡ್ಮ ಅಪ್ಣುನ ಪ್ರಕಟ್‌ಹುಯು. ಇನೆ ಮರಣ್ಣ ನಾಶ್ ಕರ‍್ಯೊ ಅಜು಼ ಜಾನ್ನಬಿ ಮರಾನುಕೊಂತೆ ಸುವಾರ್ತೆ ವತಾಳಿರಾಖ್ಯೊಸ್.

ಇಬ್ರಿ 2:7

ತೂ ಅದ್ಮಿನ ದೇವ್‌ದೂತರ್‌ಥಿ ಜ಼ರಸ್ ಕಮ್‌ಕರೀನ್ ಬಣೈರಾಖ್ಯೊಸ್ನಿ. ಮಹಿಮೆಬಿ ಮರ‍್ಯಾದಿನ ಇನ ಕಿರೀಟ್ ಕರೀನ್ ದೀರಾಖ್ಯೊಸ್.

ಇಬ್ರಿ 6:12

ತುಮೆ ವಳ್‌ಶಿಕರಾವಳ ಹುಯಿರ‍್ಹೇಣು ಕರಿ ಇಷ್ಟಕರುಕೊಯ್ನಿ. ಇನ ಬದಲ್ ವಿಶ್ವಾಸ್‍ಥೀಬಿ ಖ್ಹಮಾಳಿರ‍್ಹವಾಥೀಬಿ ವಾಗ್ದಾನ್ನ ಹಕ್‌ ಲೀರಾಖವಾಳನ ದೇಖಿನ್ ಚಾ಼ಲವಾಳ ಹುಯಿರ‍್ಹೇವೊ.

ಇಬ್ರಿ 6:15

ಅಮ್ ಅಬ್ರಹಾಮ್‌ನೆ ಖ್ಹಮಾಳವಾಳೊ ಹುಯಿನ್ ಟಿವೈರ‍್ಹೀನ್ ವಾಗ್ದಾನ್ನ ಲೀಲಿದೊ.

1 ಯೋಹಾನ 2:25

ಯೋ ಅಪ್ಣುನ ವಾಗ್ದಾನ್ ಕರಿರಾಖ್ಯೊಸ್ತೆ ಶಾತ್‍ಕತೊ ಹಮೇಶಾನು ಜಾನ್‌.