ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 2:4 - ದೇವ್ನಿ ಖ್ಹಾಚಿ ವಚನ್

⁴ ಇನಿ ಘಣಿ ದಯಾಬಿ, ಖ್ಹಮಾಳಿಲ್ಯವಾನು ಅಜು಼ ಹಮೇಶಾನಿ ಶಾಂತಿ ಅನಖ್ಹಾರು ತೂ ಝಿಟ್ಕಾರಸ್ಕಿ ಶು? ದೇವ್ನಿ ಅಛ್ಛಿಗುಣ್‍ ತುನ ದಿಲ್‌ ಫರೈಲ್ಯಾವಭಣಿ ಚ಼ಲಾವ್‍ಶೆಕರಿ ಬೋಲಾನು ತುನ ಮಾಲುಮ್ ಕೊಯ್ನಿಕಿ ಶು?

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 2:4 ပူးပေါင်းရင်းမြစ်များ

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 10:12

ಶನಕತೊ ಯೆಹೂದ್ಯರ್ ಅಜು಼ ಯೆಹೂದ್ಯರ್‌ಕಾಹೇತೆ ಇವ್ಣುನಾಬಿ ಕಮ್ ಜಾ಼ಖ್ಹತ್ ಕರ‍್ಯೊಕೊಯ್ನಿ, ದೇವ್ ಖ್ಹಾರಾನ ಪ್ರಭುಹುಯಿರ‍್ಹೇಸ್. ಇನ ಸ್ವೀಕಾರ್ ಕರವಾಳನ ಖ್ಹಾರಸ್ನ ಪ್ರಭು ಘಣು ಆಶೀರ್ವಾದ್‌ ಕರಸ್.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 11:22

ಇನಖ್ಹಾಜೆ ದೇವ್ನಿ ಗೋರ್‌ನಾಬಿ, ನಿಶತ್ನಾಬಿ ದೇಕ್. ಪಟ್ಕಿಜಾ಼ವಳಾನ ಇನಿ ನಿಶತ್‌ ಮಳ್‍ಶೆ. ತೂ ಇನಿ ಗೋರ್‌ಮ ಭಡವಾಳೊ ಉಷೇತೊ, ತಾರಪರ್ ದೇವ್ನಿ ಗೋರ್‌ ವತಾಳ್‌ಶೆ. ನಾಹುಯುತೊ, ತೂ ಜಿನುಬಿ ಟುಟಿಜೈಶ್.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 11:33

ಆಹಾ! ದೇವ್ನಿ ಗ್ಯಾನ್, ಅಕ್ಕಲ್‌ನು ಧನ್‍ದೌಲತ್ ಕೆತ್ರೆ ಗಧಾರ್‌ನು! ದೇವ್ನು ನ್ಯಾಯತೀರ್ಪ್‌ನ ಕೋಣ್‌ಬಿ ಛೋ಼ಡಿವತಾಳನ ಹುವಾಕೊಯ್ನಿ. ಇನ ಮಾರಗ್‌ನ ಢೂಂಡಿಕಾಡನ ಕಿನೇಥೀಬಿ ಹೋಯಿಕೊಯ್ನಿ!

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 3:25

ಇನೆ ರಂಚ್ಯೊತೆ ಇನ ಲ್ಹೋಯಿಥಿ ಇನ ಉಪ್ಪರ್ ಭರೋಖ್ಹೊ ರಾಖವಾಳ ಹರೇಕ್ನ ಪಾಪ್‌ ಪರಿಹಾರ್ ಹೋಣುಕರಿ ಇನಾಸ್ ಸಮರ್ಪಣ್‌ ಕರಿಲಿದೊ. ಪಾಛ಼್‌ಲ್ಯ ಹಗಾಮ್ಮ ಅದ್ಮಿವೋನೆ ಕರ‍್ಯುತೆ ಪಾಪ್ನ ಬರೋಬರ್‌ನಿ ನಿಶತ್‍ ದಿದೊಕೊಂತೆ ದೇವ್ನೆ ಖ್ಹಮಾಳಿಲಿನ್ ಚಾ಼ಲ್ಯೊ.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 6:1

ಇಮ್‍ಕತೊ ಅಪ್ಣೆಶಾತ್ ಬೋಲ್‍ಯೇ? ದೇವ್ನೊ ವಾರ್‌ಖ್ಹೊ ಜಾ಼ಖ್ಹತ್ ಹುವಾದೆಕರಿ ಅಪ್ಣೆ ಪಾಪ್‍ಮಸ್ ಭಡ್‌ಯೆಕಿ ಶು?

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 6:15

ಇಮ್‍ಕತೊ ಶಾತ್? ಅಪ್ಣೆ ಧರ್ಮಶಾಸ್ತ್ರನಿ ಅಧೀನ್‍ ನಾ ರ‍್ಹೇವ್ಣುತೆ ವಾರ್‌ಖ್ಹಾನಿ ಅಧೀನ್ ಹುಯಿರ‍್ಹಿಯೇಸ್‍ಕರಿ ಪಾಪ್ ಕರೇಜಾ಼ಯ್ಕಿ ಶು? ಕೊಯ್ನಿಕತೊ,

2 ಕೊರಿಂಥ 8:2

ಯೋ ಸಬೆವಾಳು ಜಾ಼ಖ್ಹತ್ ಲತಾಡ ಖ್ಹಮಾಳವಾಳು ರ‍್ಹಯುತೋಬಿ ಬಿಜು಼ ಘಣು ಗರೀಬ್ ರ‍್ಹಯುತೋಬಿ ಘಣು ಖ್ಹುಶಿಥಿ ಭರೈರ‍್ಹೀನ್ ಛುಟಾದಿಲ್‍ಥಿ ದಿದು.

ಎಫೆಸ 1:18

ಮೇ ಬೋಲಿಲಾವನು ಶಾತ್‌ಕತೊ ತುಮಾರ ದಿಲ್ನ ಡೋಳಾನ ಉಜಾ಼ಖ್ಹ್‌ ಕರೀನ್, ಇನಿ ಬುಲಾವ್ಣಿನ ಭರೋಖ್ಹೊ ಕೆಥ್ರಾನು ಕರೀಬಿ ಅಜು಼ ದೇವ್ನ ಅದ್ಮಿವೋಮ ಛಾ಼ತೆ ಶೊತ್ನಿ ಮಹಿಮೆ ಕೆಥ್ರಾನು ಛಾ಼ ಕರಿ

ಎಫೆಸ 1:7

ಯೇಸು ಕ್ರಿಸ್ತನೆ ಅಪ್ಣಖ್ಹಾಜೆ ರಂಚ್ಯೊತೆ ಲ್ಹೋಯಿಥೀಸ್‍ ಛುಟ್ಕಾರ್‌ಹುಯು, ಕತೊ ದೇವ್ನಿ ಮಹಾ ವಾರ್‌ಖ್ಹೇಥಿಸ್ ಅಪ್ಣು ಪಾಪ್‌ಖ್ಹಾರು ಮಾಪಿ ಹುಯಿಗು.

ಎಫೆಸ 2:4

ಕತೋಬಿ ದೇವ್ನಿ ಗೋರ್‌ ಘಣಿಮೋಟಿ ಅಪ್ಣಖ್ಹಾಜೆ ಜಾ಼ಖ್ಹತ್ ಪ್ಯಾರ್ ವತಾಳಿರಾಖ್ಯೊಸ್.

ಎಫೆಸ 2:7

ಇನೆ ಅಪ್ಣುನ ಕ್ರಿಸ್ತ ಯೇಸುಮ ಆ ಹಗಾಮ್ಮಾಬಿ ಅಜು಼ ಆವ್‌ಶೇತೆ ಅಖ್ಖಾ ಹಗಾಮ್ಮಾಬಿ ಬೋಲಾನ ಕೊಹೋಯ್ನಿತೆ ಎತ್ರೆ ಇನಿ ಮೋಟಿ ವಾರ್‌ಖ್ಹೊಬಿ ಲಾಡ್‌ಬಿ ದ್ಯವಾನಖ್ಹಾಜೆ ಇನೆ ಅಮ್ ಕರ‍್ಯೊ.

ಎಫೆಸ 3:16

ಮೆ ದೇವ್ನ ಧನ್‌ದೌಲಥ್ಥಿ ರ‍್ಹವಾನು ಮಹಿಮೆಥಿ ಪ್ರಾರ್ಥನೆ ಕರುಕರೂಸ್. ಯೊ ಪವಿತ್ರಾತ್ಮಥಿ ದಿಲ್ನ ಮಹಿ ತಾಖತ್ ಹುವಾನ ವಿಶೇಷ್ ಶಕತ್‍ದ್ಯವಾದೆ,

ಎಫೆಸ 3:8

ಅಖ್ಖಾಸ್ ದೇವ್ನ ಅದ್ಮಿಮ ಕಮ್‍ಶಿಲ್ ರ‍್ಹಿಯೊತೋಬಿ ದೇವ್ನೆ ಕ್ರಿಸ್ತನು ವಾರ್‌ಖ್ಹಾನಿ ಸುವಾರ್ತೆನ ಯೆಹೂದ್ಯರ್‌ಕಾಹೆತೆ ಅದ್ಮಿನ ಬೋಲಿ ವತಾಳನಖ್ಹಾಜೆ ವಖ್ಹತ್‌ನ ಮನ ದೀರಾಖ್ಯೊಸ್.

ಫಿಲಿಪ್ಪಿ 4:19

ಮಾರೊ ದೇವ್ ಕ್ರಿಸ್ತ ಯೇಸುಥಿ ಇನಿ ಮೋಟಿ ಮಹಿಮೆನ ಧನ್‌ದೌಲಥ್ಥಿ ತುಮುನ ಛಾ಼ತೆ ಹರೇಕ್ ಜ಼ರೂರತ್‌ನ ಪೂರ ಕರ್ಶೆ.

ಕೊಲೊಸ್ಸೆ 1:27

ಯೆಹೂದ್ಯರ್‌ಕಾಹೆತೆ ಅದ್ಮೆವ್‍ಮ ಆ ಮಾಯ್ನನು ಮಹಿಮೆನಿ ಶಕತ್ ಕೆತ್ರೆಕರಿ ದೇವ್ನೆ ಇನ ಅದ್ಮಿವ್‌ನ ಭಡ್ಕಾವನ ಖ್ಹೂಜ಼್ ಕರ‍್ಯೊ. ಆ ಮಾಯ್ನೊ ಶಾತ್‍ಕತೊ ಮಹಿಮೆನು ಭರೋಖ್ಹಾನ ಆಧಾರ್ ಹುಯಿರೊಸ್ತೆ ಕ್ರಿಸ್ತಸ್ ತುಮಾರಮ ಛಾ಼.

ಕೊಲೊಸ್ಸೆ 2:2

ಕಿಮ್‌ಕತೊ ಇವ್ಣ ದಿಲ್ನ ಪ್ಯಾರ್‌ಥಿ ಲೀರಾಖಿನ್ ಹುಮ್ಮಖ್ಹ್‌ಹುಯಿನ್ ಮಳ್‌ಣುಕರಿ ಛಾ಼ತೆ ಪೂರ ಅಕ್ಕಲ್‍ಥಿ ಬಾ ದೇವ್ನ ಮಾಯ್ನನ ಕತೊ ಕ್ರಿಸ್ತನ ಮಾಲುಮ್‌ ಕರಿಲ್ಯವಾಥಿಸ್ ಹುಯಿರ‍್ಹುಸ್.

1 ತಿಮೊ 1:16

ಕತೋಬಿ ಅನ ಅಗ್ಗಳ್ ಹರ್‌ಹಮೇಶಾನಿ ಜಿ಼ಂದ್‌ಗಿನಖ್ಹಾಜೆ ಇನಪರ್ ವಿಶ್ವಾಸ್‌ಕರವಾಳನ ಮಾಲುಮ್‌ಪಡಾದೆಕರಿ ಕ್ರಿಸ್ತ ಯೇಸು ಪಾಪಿಮ ಮುಖ್ಯಥೋತೆ ಮನ ಗೋರ್‌ಕರಿನ್, ಇನಿ ಪೂರ ಸಮಾಧಾನ್‌ಥಿ ದೇಖಿಲಿದೊ.

1 ತಿಮೊ 6:17

ಆ ಜಗತ್‌ಮ ಶೌಕಾರ್ ಹುಯಿರ‍್ಹವಾಳನ ಹುಕುಮ್‌ ದೇಕಿ, ಇವ್ಣೆ ಹಂಕಾರ್ ನಾ ಕರ‍್ನು ಕರಿ, ಅಜು಼ ಇವ್ಣಿ ಧನ್‌-ದೌಲತ್‌ಪರ್ ಭರೋಖ್ಹೊ ನಾರಾಕ್ಣುತೆ, ದೇವ್‌ಪರ್‌ ಭರೋಖ್ಹೊ ನಾಖಾದೆ ಕರಿ, ಯೋ ಅಪ್ಣೆ ಹಕ್ಲಾಲ್‌ಥಿ ರ‍್ಹವಾನಟೇಕೆ ಖ್ಹಾರುಸ್ ದ್ಯವಾಳೊ ಹುಯಿರ‍್ಹೋಸ್.

1 ಪೇತ್ರ 3:20

ಕತೊ ಅಗ್‍ಲ್ಯ ಹಗಾಮ್ಮ ನೋಹ ಜ಼ಹಾಜ಼್‌ ಭಾಂದಾನಿ ವಖ್ಹತ್‌ಮ ದೇವ್ ದೀರ್ಘಶಾಂತಿಥಿ ಟಿವೈರ‍್ಹವಾನಿ ವಖ್ಹತ್‌ಮ ಇವ್ಣೆ ಇನ ಅವಿಧೇಯ ಹುಯಿರ‍್ಹುಥು. ಯೋ ಜ಼ಹಾಜ಼್‍ಮ ಥೂತೆ ಆಟ್ ಅದ್ಮಿ ಖಲಿ ಪಾಣಿಮಾಥು ಬಚ್ಯು.

2 ಪೇತ್ರ 1:11

ಅನೇಥಿ ಅಪ್ಣೊ ಪ್ರಭು ಅಜು಼ ರಕ್ಷಕ್ ಹುಯಿರ‍್ಹೋತೆ, ಯೇಸು ಕ್ರಿಸ್ತನಿ ಹಮೇಶಾನ ರಾಜ್ಯಮ ಜಾ಼ವಾನಿಮತ್‌, ತುಮುನ ಅರಾಮ್‌ಥಿ ಜಾ಼ವಖ್ಹರ್ಕು ಉಷೆ.

2 ಪೇತ್ರ 3:15

ಅಪ್ಣೊ ಪ್ರಭುನಿ ದೀರ್ಘಶಾಂತಿ ಅಪ್ಣ ಬಚಾ಼ಡನ ಖ್ಹಾಜೆಸ್‌ಕರಿ ಮಾಲುಮ್‌ಕರಿಲೆವೊ. ಅಪ್ಣೊ ಪ್ಯಾರ್‌ನೊ ಭೈ ಹುಯಿರ‍್ಹೋತೆ ಪೌಲಜಿನು ದೇವ್ನೆ ದಿದೊತೆ ಗ್ಯಾನ್ನಿ ಪರಕ್ಮ ತುಮೂನ ಲೀಖಿರಾಖ್ಯೊಸ್.

2 ಪೇತ್ರ 3:3

ಅಖ್ಖೇಥಿ ಪಹಿಲೆಸ್ ತುಮೆ ಅನ ಯಾದ್ಮರಾಖಿರಾಕ್ಣು; ಥೋಡುಜ಼ಣು ಇವ್ಣಿ ಖರಾಬ್ ಆಖ್ಹ್‌ನಿ ಅಧೀನ್‍ಮ ಜಿವ್ಣುಕರಾತೆ ದೇಖವಸ್. ಇವ್ಣೆ ಚಿಂಘಾವ್ಣಿ ಕರ್ತುಹುಯಿನ್,

2 ಪೇತ್ರ 3:9

ಪ್ರಭು ಇನಿ ವಾಗ್ದಾನ್ನ ಪೂರ ಕರಾನಖ್ಹಾಜೆ ದೇರ್‌ಕರ್‌ಶೆ ಕರಿ ಬೋಲಾನು ಥೋಡುಜ಼ಣು ಖ್ಹಮ್‍ಜಿರಾಖ್ಯುಸ್ನಿ. ಇಮ್ನಿ ಪರಕ್ಮ ಯೋ ದೇರ್‌ಕರವಾಳೊ ಕಾಹೆ. ಅನಬದಲ್ ತುಮಾರಿ ಜೋ಼ಡ್ಮ ಘಣೇಥಿ ಖ್ಹಮಾಳಿರಾಖ್ಯೊಸ್. ತುಮಾರಮ ಏಕ್‍ಜ಼ಣೂಬಿ ನಾಶ್ ನಾಹೊಣುತೆ ಅಖ್ಖುಜ಼ಣು ಪಾಪ್ನ ಮ್ಹೆಂದಿನ್ ಪಾಛು಼ ಫರಿಜಾ಼ವ್ಣುಕರಿ ಯೋ ಆಖ್ಹ್‌ಕರಸ್.

ಪ್ರಕಾಶಿತ್ 2:21

ಯೊ ಹೈರಿತೆನ ವ್ಯಬಿಚಾರ್‌ನ ಮ್ಹೇಲಿನ್ ಮನ್‌ಫರೈನ್ ದೇವ್‌ಭಣಿ ಫರಾನ ಮೇ ಯೋ ತಯೇಡಾನ ಗಡುದಿದೊ ತೋಬಿ ದೇವ್‌ಭಣಿ ಫರಾನ ಇನ ಮನ್ ಕೊಆಯುನಿ.

ಪ್ರಕಾಶಿತ್ 3:20

ಹಂದೇಕ್ ಖ್ಹಾಮ್ಣೆ ಭೀರಿನ್ ಬಾಕಲ್ ಖಟ್‍ಕಟಾವ್‌ ಕರುಸ್, ಕೋಣ್‌ತೋಬಿ ಮಾರಿ ಆವಾಜ಼್‌ನ ಖ್ಹಮ್‌ಜಿನ್‌ ದರ‍್ವಾಜು಼ ಕಾಡ್ಯತೊ, ಮೇ ಮಹಿ ಐನ್ ಇನ ಜೋ಼ಡೆ ಖಾಣು ಖೈಶ್‌. ಯೊ ಮಾರಿ ಜೋ಼ಡ್ಮ ಖಾಣು ಖಾಶೆ.