ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 2:27 - ದೇವ್ನಿ ಖ್ಹಾಚಿ ವಚನ್

²⁷ ತುಮೆ ಖ್ಹತ್ನಕರೈರಾಖ್ಯಸ್; ಲೀಖೈಹುಯು ಧರ್ಮಶಾಸ್ತ್ರನಬಿ ರಾಖಿಮ್ಹೇಲ್ಯಸ್ ತೋಬಿ ಇನ ಮೀರಿನ್ ಚಾ಼ಲಸ್. ಅಮ್‌ರ‍್ಹೀನ್, ಶರೀರ್‌ಥಿ ಖ್ಹತ್ನ ನಾಕರಾಯುತೋಬಿ ಮ್ಹಾಮೂಲಿಥಿ ಧರ್ಮಶಾಸ್ತ್ರನ ಪಾಡಿಚಾ಼ಲವಾಳು ಖ್ಹತ್ನಕರೈರಾಖ್ಯತೆ ತುಮೂನ ತೀರ್ಪ್‌ ದಿಶೆ.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 2:27 ပူးပေါင်းရင်းမြစ်များ

ಮತ್ತಾಯ 3:15

ಕತೋಬಿ ಯೇಸುನೆ ಇನ, “ಹಮ್ಕೆ ಆ ಕರಾನ ಮಾನಿಜಾ಼. ಅಮ್ ಕರಾಥಿ ಅಪ್ಣೆ ದೇವ್ನಿ ಖ್ಹಾರಿಸ್ ಮರ್ಜಿನ ಪೂರಕರಾನಿತರ ಉಶೆ” ಕರಿ ಬೋಲ್ತಾನ, ಯೋಹಾನನೆ ಮಾನಿಗಯೊ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 13:22

ದೇವ್ ಸೌಲನ ಕಾಡಿನಾಖನಪಾರ್ ದಾವೀದನ ಇವ್ಣೊ ರಾಜ಼ ಬಣಾಯೊ, “ಇಷಯನೊ ಛಿಯ್ಯೊ ದಾವೀದ ಮನ ಮಳ್ಯೊ, ಯೋ ಮಾರಾ ದಿಲ್ನ ಲಾಗ್ಯೊಹುಯೊ, ಯೊ ಮಾರಿ ಆಖ್ಹ್‌ನಿತರಾಸ್ ಕಾಮ್ ಕರಸ್. ಕರಿ ದೇವ್ ದಾವೀದ್‍ನಿ ಬಾರೇಮ ಸಾಕ್ಷಿ ಬೋಲಿರಾಖ್ಯೊಸ್.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 13:10

ಪ್ಯಾರ್ ಇನ ಭೀಡೆವಾಳನ ಖಿವು ಕೇಡ್ ಕರಾಕೊಯ್ನಿ. ಇನಖ್ಹಾಜೆ ಪ್ಯಾರ್ ಧರ್ಮಶಾಸ್ತ್ರನ ಭರ್‌ಪೂರ್‌ ಹುಯಿರ‍್ಹುಸ್.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 2:15

ಇವ್ಣಿ ಚಾ಼ಲ್‍ಚ಼ಲಣಸ್ ಇವ್ಣ ದಿಲ್ಮ ಧರ್ಮಶಾಸ್ತ್ರನಿ ಹುಕಮ್‍ಅಖ್ಖು ಲೀಖೈರ‍್ಹುಸ್‍ಕರಿ ವತಾಳಿದೇಸ್. ಇವ್ಣಿ ದಿಲ್ನಿಸಾಕ್ಷಿಬಿ ಆಹೈರುತೆ ಖ್ಹಾಚು಼ಕರಿ ವತಾಳಿದೇಸ್. ಶನಖ್ಹಾಜೆಕತೊ ಏಕೇಕ್‍ಹಲ್ಲ ಇವ್ಣಿ ಸೋಚ್‍ಅಖ್ಖು ಇವ್ಣೇಸ್ ಗಲ್ತಿವಾಳಕರಿ ವತಾಳಿದೇಸ್. ಅಜು಼ ಏಕೇಕ್‍ಹಲ್ಲ ಇವ್ಣುನ ಬರೋಬರ್‌ಬಿ ಕರಸ್.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 2:20

ಶಾತ್ಬಿ ಮಾಲುಮ್‍ಕೊಂತೆ ಇವ್ಣುನ ಗುರುಹುಯಿನ್‍ಬಿ, ಧರ್ಮಶಾಸ್ತ್ರನಿ ಬಾರೇಮ ರ‍್ಹೇಸ್ತೆ ಅಖ್ಖಿ ಗ್ಯಾನ್ ಅಜು಼ ಖ್ಹಾಚು಼ ತುನ ಮಾಲುಮ್ ಛಾ಼.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 2:25

ತೂ ಧರ್ಮಶಾಸ್ತ್ರನ ವಿಧೇಯ ಹುಯಿನ್ ಚಾ಼ಲ್ಯೊತೊ ತುನೆ ಕರೈರಾಖ್ಯೊತೆ ಖ್ಹತ್ನನ ಫಾಯಿದೊ ಹುಯಿರ‍್ಹಿಶೆ; ಕತೋಬಿ ತೂ ಧರ್ಮಶಾಸ್ತ್ರ ಮೀರಿನ್ ಚಾ಼ಲವಾಳೊ ರ‍್ಹಯೋತೊ, ತುನ ಖ್ಹತ್ನ ಹುಯಿರ‍್ಹುತೋಬಿ ಹುಯುಕೊಂತೆ ತಿಮ್ ಹುವಾಸ್.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 2:26

ಖ್ಹತ್ನ ನಾಕರೈರಾಖವಾಳೊ ಧರ್ಮಶಾಸ್ತ್ರನಿ ನಿಯಮ್‌ನಿ ಪರಕ್ಮ ಚಾ಼ಲ್ಯೊತೊ ಖ್ಹತ್ನವಾಳೊ ನಾರ‍್ಹಯೊತೋಬಿ, ಖ್ಹತ್ನ ರ‍್ಹಾವಾಳನಿತರ ಗಣ್ತಿಮ ರ‍್ಹೀಶ್‍ಕೊಯ್ನಿಕಿಶು?

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 2:29

ಕತೋಬಿ ದಿಲ್ನಮಹಿ ಯೆಹೂದ್ಯ ಹುಯಿರ‍್ಹಾವಾಳೋಸ್ ಖ್ಹಾಚೊ಼ ಯೆಹೂದ್ಯ; ಇಮ್ಮಸ್ ದೇವ್ನಆತ್ಮನ ಕಾಮ್‍ಥಿಹುವಾನು ಖ್ಹತ್ನ ದಿಲ್ಮ ಹುವಾಸ್. ಯೋ ಖಲಿ ನಿಯಮ್‌ನಿ ಲೀಖಾಪಟ್ ಹುಯಿರ‍್ಹುಕೊಯ್ನಿ. ದೇವ್‍ಥೀಸ್‍ ಆವಾನು ಹುಯಿರ‍್ಹುಸ್ ಪಣ್ಕಿ ಎಥ್ರಾನವಾಳನ ಖ್ಹರಾವ್ಣಿ, ಅದ್ಮಿಥಿ ಆವಾನು ಕಾಹೆ.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 3:30

ದೇವ್ನೆ ಖ್ಹತ್ನವಾಳಾನ ನೀತಿವಾಳುಕರಿ ತೀರ್ಪ್‌ಕರಾನ ಇವ್ಣಿ ವಿಶ್ವಾಸಸ್ ಆಧಾರ್. ಇಮ್ಮಸ್ ಖ್ಹತ್ನಕೊಂತೆ ಇವ್ಣುನ ತೀರ್ಪ್‌ಕರಾನಾಬಿ ವಿಶ್ವಾಸಸ್ ಕಾರಣ್ ಹುಯಿರುಸ್.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 8:4

ಅಪ್ಣೆ ಅದ್ಮಿನಿ ಸ್ವಭಾವ್‌ವಾಳ ಹುಯಿನ್ ನಾ ಚಾ಼ಲ್ನುತೆ ಪವಿತ್ರಾತ್ಮನಿ ಪರಕ್ಮ ಚಾ಼ಲವಾಳ ಹುಯಿನ್ ಧರ್ಮಶಾಸ್ತ್ರನಿ ನಿಯಮ್‌ನಿ ಘೋಣಿ ಚಾ಼ಲನುಸ್ ಆ ವಾತೆನ ಭರ್‌ಪೂರ್‌ ಹುವಾನಿತರ ಕರ‍್ಯು.

1 ಕೊರಿಂಥ 7:19

ಖ್ಹತ್ನ ಕರಾವನುಕಿ ನತರ್ ಖ್ಹತ್ನ ಕರಾವ್ಣುಕರಿ ಯೋಸ್ ಮುಖ್ಯ ಕಾಹೆ. ದೇವ್ನು ಹುಕುಮ್‌ನ ಪಾಡಿನ್ ಚಾ಼ಲನೂಸ್ ಮುಖ್ಯ ಹುಯಿರ‍್ಹುಸ್.

2 ಕೊರಿಂಥ 3:6

ದೇವ್ ನವಿ ಒಪ್ಪಂದಾನನ ಸೇವೆಕರಾವಾಳ ಹುಯಿರಾವಾನಿ ತಾಖತ್ನ ದೇವ್ನೆಸ್ ಹಮೂನ ದಿದೊ. ಆ ನವಿ ಒಪ್ಪಂದಾನ ಲೀಖಾವನಿ ರೂಪ್‍ಮಛಾ಼ತೆ ಧರ್ಮಶಾಸ್ತ್ರ ಕಾಹೆ. ಆ ಹುಯಿರ‍್ಹುತೆ ಪವಿತ್ರಾತ್ಮ ಹುಯಿರುಸ್. ಲಿಖಾವಟ್‌ನ ರೂಪ್‍ಮಛಾ಼ತೆ ಧರ್ಮಶಾಸ್ತ್ರ ಮರಣ್ಣ ಲ್ಯಾವ್‌ಶೆ, ಕತೋಬಿ ಪವಿತ್ರಾತ್ಮ ಜಾನ್‌ ದ್ಯಾವಾಳೊ ಹುಯಿರೋಸ್.

ಗಲಾತ್ಯ 5:14

ತಾರ ಭೀಡೆವಾಳನ ತಾರಿನಿತರಾಸ್ ಪ್ಯಾರ್ ಕರ್ನುಕರಿ ಎಕ್ಕಸ್ ಹುಕುಮ್ಮ ಧರ್ಮಶಾಸ್ತ್ರಸ್ ಲಪಿರ‍್ಹುಸ್.

ಎಫೆಸ 2:11

ಪೈದಾಖ್ಹ್‌ ಥು ಯೆಹೂದ್ಯರ್‌ಕಾಹೆತೆ ತುಮೆ ಯೆಹೂದ್ಯರ್‌ಥಿ ಖ್ಹತ್ನ ಕರೈಲಿದ ಕೊಯ್ನಿತೆ ಹಮಾರು ಹಮೇಸ್‌ ಖ್ಹತ್ನ ಕರೈಲಿದಹುಯ ಕರಿ ಬೋಲಿಲೆವೊಸ್. ಅಗ್ಗಳ್ ತುಮೆ ಶಾತ್‌ ಹುಯಿರ‍್ಹಾಥಕರಿ ಯಾದ್‍ಕರಿಲಾವನ ಖ್ಹಾಜೆ ಪರ್ಖ್ಹಾ ಅದ್ಮಿ ಇವ್ಣ ಶರೀರ‍್ಮ ಹುಯಿರ‍್ಹಾವನು ಆ ಏಕ್‌ ಕಾಮ್ ಹುಯಿರ‍್ಹುಸ್.

2 ತಿಮೊ 3:15

ಅಡ್ಡಾಣಿಪರ್‌ಥೂಸ್ ತುನ ಪರಿಶುದ್ದ ದಪ್ತರ್‌ಮ ಲೀಖೈರ‍್ಹುತೆ ಮಾಲುಮ್‌ ಛಾ಼ನಿ, ಯೋ ದಪ್ತರ್‌ಖ್ಹಾರು ಕ್ರಿಸ್ತಯೇಸುಮ ಛಾ಼ತೆ ಭರೋಖ್ಹಾಥಿ ರಕ್ಷಣೆಲ್ಯವಾನಿ ಗ್ಯಾನ್ನ ತುನ ದ್ಯವಾನ ತಾಖತ್ನು ಹುಯಿರ‍್ಹುಸ್.

ಇಬ್ರಿ 11:3

ಜಗತ್‌ ದೇವ್ನಿ ವಾತೆಥೀಸ್‌ ಉಬ್‌ಜು ಕರಿ ಬೋಲಾನು ವಿಶ್ವಾಸ್‌ಥೀಸ್ ಮಾಲುಮ್ ಕರಿರಾಖ್ಯಾಸ್. ಆ ಜಿನಖ್ಹ್‌ ದೆಖಾವಸ್ತೆ ಆ ಜಗತ್‌ ದೆಖಾವಾಥಿ ರ‍್ಹವೊ ನಾ ದೆಖಾವಾಥಿ ರ‍್ಹವೊ ಉಬ್‌ಜ್ಯುಕರಿ ಬೋಲಾನು ವಿಶ್ವಾಸ್‌ಥೀಸ್ ಪರ್ಖೇಸ್.