ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 2:17 - ದೇವ್ನಿ ಖ್ಹಾಚಿ ವಚನ್

¹⁷ ಕತೋಬಿ ತೂ ಯೆಹೂದ್ಯಕರಿ ಬೋಲೈಲ್ಯಾವಾಳ ಧರ್ಮಶಾಸ್ತ್ರನಸ್ ಆಧಾರ್ ಕರಿರಾಖ್ಯೊಸ್, ತೂ ದೇವ್ನಿಬಾರೇಮ ಬಡೈಮಾರಿಲೇಸ್.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 2:17 ပူးပေါင်းရင်းမြစ်များ

ಮತ್ತಾಯ 3:9

ಅಬ್ರಹಾಮ್‌ ಹಮಾರೊ ಗುರು ಕರಿ ಬೋಲಾಥಿ ತುಮೆ ದೇವ್ನ ನಿಶಥ್ಥಿ ಬಚಿಜಾ಼ಶು ಕರಿ ನಕೊ ಸೋಚೊ, ಮೇ ತುಮೂನ ಬೋಲುಸ್ಕಿ, ದೇವ್ ಅಬ್ರಹಾಮ್‌ನಖ್ಹಾಜೆ ಆ ಬಂಡೇವ್‌ಥಿಬಿ ಲಡ್ಕಾವ್ನ ಉಬ್‍ಜಾ಼ವ್‍ಶೆ ಕರಿ ತುಮೂನ ಬೋಲುಸ್.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 10:28

ಯೇಸುನೆ ಇನ, “ತುನೆ ಬರಾಬರ್‌ಥಿ ಜವಾಬ್‌ ದಿದೊ. ಇಮ್ಮಸ್ ಕರ್‌, ತದೆ ತೂ ಕದೇಬಿ ಜಿವ್ತು ರ‍್ಹೀಶ್ ಕರಿ ಬೋಲ್ಯೊ.

ಯೋಹಾನ 5:39

ತುಮೆ ಕೆತ್ರುಕ್ಕಿ ಧರ್ಮಶಾಸ್ತ್ರನ ಪಢೋಸ್‌, ಯೋ ತುಮೂನ ಹಮೇಶಾನಿ ಜಿ಼ಂದ್‌ಗಿ ದಿಶೆ ಕರಿ ತುಮೆ ಸೋಚೋ಼ಸ್, ಕತೋಬಿ ಯೋ ಖ್ಹಾರು ದಪ್ತರ್ ಮಾರಿ ಬಾರೇಮಸ್ ಸಾಕ್ಷಿ ದ್ಯವಾನು ಹುಯಿರುಸ್.

ಯೋಹಾನ 5:45

ಮಾರ ಬಾನ ಖ್ಹಾಮ್ಣೆ ಭೀರಿನ್ ಮೇ, ತುಮುನ ಅಪರಾದಿ ಕರಿ ಭೀರಾಕಿಶ್ ಕರಿ ನಕೊ ಸೋಚೊ ತುಮೆ ಭರೋಖ್ಹೊ ಕರಿರಾಖ್ಯಾತೆ ಮೋಶೆಸ್‌ ತುಮಾರಪರ್ ಅಪರಾದ್ ಲಗಾಡ್‌ಶೆ.

ಯೋಹಾನ 7:19

ಮೋಶೆನೆ ತುಮೂನ ಧರ್ಮಶಾಸ್ತ್ರ ದಿದೊ ಕೊಯ್ನಿಕಿಶು? ಕತೋಬಿ ತುಮಾರಮ ಕೋಣ್‌ಬಿ ಯೊ ಹುಕುಮ್ ಪಾಡಿನ್ ಚಾ಼ಲಕೊಯ್ನಿ. ತುಮೆ ಶನ ಮನ ಮರ್‌ನಾಕ್ಣು ಕರಿ ಕೋಶಿಶ್ ಕರಾಸ್?” ಕರಿ ಬೋಲ್ಯೊ.

ಯೋಹಾನ 8:33

ಇನ ಇವ್ಣೆ, “ಹಮೆ ಅಬ್ರಹಾಮ್‌ನಿ ಖಾಂದಾನ್‌ವಾಳ, ಹಮೆ ಕದೇಬಿ ಕಿನಾಬಿ ಗುಲಾಮ್ ಕೋಹೂಯಾನಿ. ಅಮ್ ರ‍್ಹವಾಪರ್, ‘ತುಮೆ ಛು಼ಟ್‌ಶು’ ಕರಿ ತೂ ಬೋಲಾಸ್ತೆ ಕಿಮ್?” ಕರಿ ಜವಾಬ್‌ ದಿದು.

ಯೋಹಾನ 8:41

ತುಮೆ ತುಮಾರ ಬಾನ ಕಾಮ್ನ ಅಖ್ಖು ಕರುಕರಸ್ ಕರಿಬೋಲ್ಯೊ. ತದೆ ಇವ್ಣೆ, ಹಮೆ ಪಾಪೇಲ ಕಾಮ್‍ಥಿ ಪೈದಕೊಹುಯಾನಿ. ಹಮೂನ ಎಕ್ಕಸ್ ಜ಼ಣೊ ಬಾ, ಯೋ ದೇವಸ್ ಕರಿ ಬೋಲ್ಯು.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 2:23

ಧರ್ಮಶಾಸ್ತ್ರನಿ ಬಾರೇಮ ಬಡೈಮಾರಿಲ್ಯವಾಳೊ ತೂ ಯೋ ನಿಯಮ್ನ ತೋಡಿನ್ ದೇವ್ನ ಖ್ಹರಮ್‌ ಕಾಡಸ್‍ಕಿಶು?

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 3:27

ಅಮ್‌ರ‍್ಹಾವಪರ್‌ ಅಪ್ಣಿ ಬಾರೇಮ ಬಡೈಮಾರಿಲ್ಯವಾನ ಶನುಬಿ ಮೋಕ ಛಾ಼ಕಿಶು? ಕೊಯ್ನಿ. ಅಪ್ಣೆ ಧರ್ಮಶಾಸ್ತ್ರನ ಪಾಡಿ ಚಾ಼ಲಿಯೇಸ್‍ಕಿ ಶು! ಶನ? ಅಪ್ಣೆ ಶನ ವಿಶ್ವಾಸ್‌ ಕರ್‌ಯೇಸ್‌ಕಿ ಯೊ ಅಪ್ಣುನ ಊಚು಼ ಕರಾನಖ್ಹಾಜೆ ಮೋಕ ದೇಸ್.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 9:32

ಶನಕತೊ, ಇವ್ಣೆ ವಿಶ್ವಾಸ್‌ನ ಪಾಡಿಚಾ಼ಲ್ಯುಕೊಂತೆ ಅಛ್ಛಾ಼ಕಾಮ್‍ನಾಸ್‌ ಅಖ್ಖು ಪಾಡಿ ಚಾ಼ಲ್ಯುತೆ ಇನಖ್ಹಾಜೇಸ್. ಇವ್ಣೆ ಠೋಕರ್‌ಖಾವನ ಬಂಡಾಪರ್ ಠೋಕರ್‌ಖಾದು.

2 ಕೊರಿಂಥ 11:22

ಇವ್ಣೆ ಹಿಬ್ರುವಾಳಕಿ ಶು? ಮೇಬಿ ಇವ್ಣಿನಿತರ ಹುಯಿರೋಸ್, ಇವ್ಣೆ ಇಸ್ರಾಯೇಲ್‌ವಾಳ? ಮೇಬಿ ಇವ್ಣಿನಿತರಸ್ ಹುಯಿರ‍್ಹೆವುಸ್‌; ಇವ್ಣೆ ಅಬ್ರಹಾಮ್‌ನಿ ಖೂಮ್‍ವಾಳ? ಮೇಬಿ ಇನಿ ಖೂಮ್‌ವಾಳೊ.

ಗಲಾತ್ಯ 2:15

ಹಮೆತೋಬಿ ಪೈದಾಖ್ಹ್‌ಥು ಯೆಹೂದ್ಯರ್, ಪಾಪಿಕರಿ ಬೋಲೈಲಿದೂತೆ ಯೆಹೂದ್ಯರ್‌ಕಾಹೆತೆ ಅದ್ಮಿಕಾಹೆ.

ಎಫೆಸ 2:11

ಪೈದಾಖ್ಹ್‌ ಥು ಯೆಹೂದ್ಯರ್‌ಕಾಹೆತೆ ತುಮೆ ಯೆಹೂದ್ಯರ್‌ಥಿ ಖ್ಹತ್ನ ಕರೈಲಿದ ಕೊಯ್ನಿತೆ ಹಮಾರು ಹಮೇಸ್‌ ಖ್ಹತ್ನ ಕರೈಲಿದಹುಯ ಕರಿ ಬೋಲಿಲೆವೊಸ್. ಅಗ್ಗಳ್ ತುಮೆ ಶಾತ್‌ ಹುಯಿರ‍್ಹಾಥಕರಿ ಯಾದ್‍ಕರಿಲಾವನ ಖ್ಹಾಜೆ ಪರ್ಖ್ಹಾ ಅದ್ಮಿ ಇವ್ಣ ಶರೀರ‍್ಮ ಹುಯಿರ‍್ಹಾವನು ಆ ಏಕ್‌ ಕಾಮ್ ಹುಯಿರ‍್ಹುಸ್.

ಪ್ರಕಾಶಿತ್ 2:9

ಮೇ ತಾರು ಖ್ಹತಾಪ್ಣಿ ಅಜು಼ ಗರೀಬ್‍ರ‍್ಹವಾನುಬಿ ಮಾಲುಮ್ ಕರಿರಾಖ್ಯೊಸ್, ಕತೋಬಿ ತೂ ಶೌಕಾರಸ್ ಹುಯಿರ‍್ಹೋಸ್. ಅತ್ರೇಸ್‍ಕಾಹೆತೆ ಯೆಹೂದ್ಯರ್ ಕರಿ ಬೋಲೈಲ್ಯವಾಳು ಇವ್ಣೆಸ್ ತಾರಿ ಬಾರೇಮ ದೂಷಣೆ ಬೋಲಾನು ಮಾಲುಮ್. ಇವ್ಣೆ ಯೆಹೂದ್ಯರ್ ಕಾಹೆ, ಶೈತಾನ್ನ ಸಬೆನಾ ಮಂದಿರ್‌ವಾಳು ಹುಯಿರ‍್ಹೂಸ್

ಪ್ರಕಾಶಿತ್ 3:1

ಸಾರ್ದಿಸ್‌ಮ ಛಾ಼ತೆ ಸಬೆನ ದೂತನ ಅಮ್‍ಲೀಕ್: ದೇವ್ನು ಖ್ಹಾತ್ ಆತ್ಮಾನ ಅಜು಼ ಖ್ಹಾತ್ ಶುಕ್ಕರ್‌ನ ಲೀರಾಖವಾಳು ಯೋ ಬೋಲಸ್ ಶಾತ್‌ಕತೊ, ತಾರು ಕಾಮ್‌ಖ್ಹಾರು ಮನ ಮಾಲುಮ್ ಛಾ಼. ಜಿವ್ತೊಕರಿ ನಾಮ್ ತುನ ರ‍್ಹಯುತೋಬಿ, ತೂ ಮರ‍್ಯೊಹುಯೊ ಹುಯಿರೊಸ್.

ಪ್ರಕಾಶಿತ್ 3:9

ಖ್ಹಮಜ಼್! ಯೆಹೂದ್ಯರ್‌ಕರಿ ಝೂ಼ಟೊ ಬಡೈಮಾರಿನ್‍ ಥೋಡುಜ಼ಣು ಶೈತಾನ್ನ ಸಬೆನಾ ಮಂದಿರ್‌ಮ ರ‍್ಹವಾಳು ಹುಯಿರ‍್ಹುಸ್. ಯೋ ಅದ್ಮಿಖ್ಹಾರು ತಾರಖ್ಹಾಮ್ಣೆ ಆಯಿನ್ ತಾರ ಗೋಡಾಪರ್ ಆಡ್‍ಪಡಿನ್ ಖ್ಹಲಾಮ್ ಕರಾನಿಘೋಣಿ ಕರೀಶ್. ಮೇ ಪ್ಯಾರ್ ಕರ‍್ಯೊತೆ ಅದ್ಮಿ ತುಮೇಸ್‍ಕರಿ ಬೋಲಾನು ತದೆ ಇವ್ಣೆ ಮಾಲುಮ್ ಕರಿಲಿಶೆ.