ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 2:1 - ದೇವ್ನಿ ಖ್ಹಾಚಿ ವಚನ್

¹ ಇನಖ್ಹಾಜೆ ‘ಬಿಜ಼ ಅದ್ಮಿನಿ ಬಾರೇಮ ತೀರ್ಪ್‌ ಕರಾವಾಳೊ ಮಾರೊ ದೋಸ್ತಿ, ತೂ ಕೋಣ್‌ರ‍್ಹಿಯೋತೊಬಿ ತುನ ಇನೇಥಿ ಕ್ಷಮಾಕೊಯ್ನಿ. ಶನಕತೊ ಬಿಜೇಕ್‍ಜ಼ಣಾನು ಗಲತ್ನ ಢೂಂಡಾವಾಳೊ ಹುಯಿರೋತೆ ತೂ, ಇವ್ಣೆ ಕರಾತೆ ಇನಾಸ್ ತೂಬಿ ಕರಸ್. ಇನಖ್ಹಾಜೆ ತಾರುತೂಸ್ ಅಪರಾದಿ ಕರಿ ಸಾಬಿತ್ ಕರಿಲೇಸ್.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 2:1 ပူးပေါင်းရင်းမြစ်များ

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 12:14

ತದೆ ಯೇಸುನೆ ಇನ, “ಅಲಾ ದೋಸ್, ನಯ್ಯೊಹುಯಿನ್ ರ‍್ಹವೊ ನತರ್‌ಕಿ ಆಸ್ತಿನ ಭಾಗ್‍ಪಾಡವಾಳೊ ಹುಯಿನ್ ರ‍್ಹವೊ, ಮನ ತುಮಾರ ಭೇ ಜ಼ಣಾಪರ್ ನೇಮಕ್ ಕರ‍್ಯುತೆ ಕೋಣ್?” ಕರಿ ಪುಛಾ಼ಯೊ.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 19:22

ಅನ ಖ್ಹಮ್‌ಜಿನ್‌ ಯೋ ರಾಜ಼ ಇನ, “ತೂ ಖರಾಬ್ ಸೇವಕ್! ತಾರಿ ವಾತೆಥೀಸ್‌ ತುನ ತೀರ್ಪ್‌ ಕರುಸ್. ಮೇ ಮಾರು ಕಾಹೆತೆ ರಾಛಾ಼ನ ಪಳ್ಳಿನ್‌ ಜಾ಼ವಾಳೊ, ಮೇ ಪಿಕಾಯೊಕೊಂತೆ ಇನ ವ್ಹಾಡವಾಳೊ ಕಠಣ್ ಅದ್ಮಿಕರಿ ತುನ ಮಾಲುಮ್‌ನಿ.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 6:37

“ಕಿನಿ ಬಾರೇಮಾಬಿ ತೀರ್ಪ್‌ ನಕೊ ಕರೊ, ತದೆ ದೇವ್‌ಬಿ ತುಮೂನ ತೀರ್ಪ್ ಕರ್ಶೆ ಕೊಯ್ನಿ; ಕಿನಾಪರ್‌ಬಿ ಗಲತ್‌ ನಕೊ ಲಗಾಡೊ, ತದೆ ದೇವ್‌ಬಿ ತುಮಾರಪರ್ ಗಲತ್‌ ಕೋ ಲಗಾಡ್‌ಶೇನಿ. ಬಿಜಾ಼ನ ಮಾಪ್‌ ಕರೊ, ತದೆ ದೇವ್‌ಬಿ ತುಮುನ ಮಾಪ್‌ ಕರ್ಶೆ.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 14:22

ಅನಿಬಾರೇಮ ತುನಛಾ಼ತೆ ವಿಶ್ವಾಸ್‌ ದೇವ್ನಖಲಿ ದೆಖೈನ್, ಯೊ ತಾರಲಗುಸ್ ಮಾಲುಮ್‌ರ‍್ಹವಾದೆ. ಇನು ಯೊ ಮಾನಿಲೇಯ್ತೆ ಇನಿ ಬಾರೇಮ ಗುಮಾನಿ ಕರಾಕೊಂತೆ ಯೋ ಧನ್ಯ.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 2:2

ಅಪರಾದ್ನ ಕರಾವಾಳಾನಿ ಬಾರೇಮ ದೇವ್ ಕರಾನು ತೀರ್ಪ್ ಖ್ಹಾಚನ ಲೀನಸ್ ರ‍್ಹೇಸ್‍ಕರಿ ಅಪ್ಣುನ ಮಾಲುಮ್ ಛಾ಼.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 2:3

ಕತೋಬಿ ಅಲಾ ಮಾರೊ ದೋಸ್ತಿ, ಎಥ್ರಾನುಖ್ಹಾರು ಚ಼ಲಾವವಾಳಾನ ಉಪ್ಪರ್ ನ್ಯಾವ್ನುತೀರ್ಪ್‌ ಕರಾತೆ ತೂ ದೇವ್ನ ತೀರ್ಪ್‌ಥಿ ಬಚಿಗಯೊಕರಿ ಸೋಚಸ್ಕಿ ಶು?

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 3:9

ಇಮ್‍ಕತೊ ಶಾತ್? ಅಪ್ಣೆ ಯೆಹೂದ್ಯಕಾಹೇತೆ ಇವ್ಣೆಥಿಬಿ ಊಚಾ಼ಕಿ ಶು? ಕದೇಬಿ ಕೊಯ್ನಿನಿ! ಮೇ ತದೇಸ್‌ ಯೆಹೂದ್ಯರ್‌ರ‍್ಹವೊ ಯೆಹೂದ್ಯಕಾಹೆತೆ ರ‍್ಹವೊ ಖ್ಹಾರೂಸ್ ಪಾಪ್ನ ಮಹಿರ‍್ಹಾವಳು ಕರಿ ಮೇ ಪಹಿಲೇಸ್ ದೆಖಾಡಿರಾಖ್ಯೋಸ್.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 9:20

ಅಲ ಅದ್ಮಿ, ದೇವ್ನ ಆಡ್‌ಫೇಡ್ ವಾತೆ ಬೋಲವಾಳೊ ತು ಕೋಣ್? ಉಬ್ಜಿಹುಯು ಉಬ್‌ಜಾ಼ವವಾಳನ “ಶನ ಮನ ಅಮ್ ಉಬ್ಜಾ಼ಯೊಕರಿ ಬೋಲೆಜಾ಼ಯ್?

1 ಕೊರಿಂಥ 4:5

ಅನಖ್ಹಾಜೆ ಕಬ್ಲಗು ಪ್ರಭು ಕೊ ಆವಾನಿಕಿ ಯೊ ವಖ್ಹತ್‌ನ ಅಗ್ಗಳಸ್ ಶನುಬಾರೇಮಾಬಿ ನ್ಯಾವ್‌ನು ತೀರ್ಪ್ ನಕೊಕರ್ಷು; ಇನೆ ಅಂಧಾರಮಾನು ಲಪಿಹುಯು ಕಾಮ್‌ಖ್ಹಾರು ಉಜಾ಼ಳಾಮ ಲೀನ್‌ ಆವ್‌ಶೆ. ಅದ್ಮಿನಿ ದಿಲ್ನಿಖ್ಹಾರಿ ಸೋಚ್ನ ಭಾರ್‌ ಕಾಡ್‌ಶೆ. ತದೆ ಹರೇಕ್‍ಜ಼ಣಾನ ಆವ್ಣುತೆ ಖ್ಹರಾವ್ಣಿ ದೇವ್‍ಥೀಸ್‍ ಮಳ್‌ಶೆ.

1 ಕೊರಿಂಥ 7:16

ಅಲಿ ವಿಶ್ವಾಸಿ ಬಾವಣ್‍ ತೂ ತಾರ ಬಾವ್ರಿನ ಬಚಾ಼ಡಿಲಿಶ್‍ಕರಿ ತುನ ಕಿಮ್ ಮಾಲುಮ್‌? ಅಲ ವಿಶ್ವಾಸಿ ಬಾವ್ರಿ, ತೂ ತಾರಿ ಬಾವಣ್ಣ ಬಚಾ಼ಡಿಲಿಶ್‍ಕರಿ ತುನ ಕಿಮ್ ಮಾಲುಮ್‌?

ಯಾಕೋಬ 2:20

ಅಲಾ ಬಿಣ್‍ಅಕ್ಲಿ! ಕಾಮ್‍ಕೊಂತೆ ವಿಶ್ವಾಸ್ ಫಾಯಿದೊಕೊಂತೆ ಕರಿ ತುನ ವತಾಳ್‍ನುಕಿ ಶು?

ಯಾಕೋಬ 4:11

ಮಾರ ಭೈಯೇ ಭೇನೆವೊ ಏಕ್‌ನ ಏಕ್‌ ದುಖ್‍ನಕೊ ದೆವೊ. ಕೋಣ್‌ತೋಬಿ ಇನ ಭೈನ ಚಿಂಘಾಯತೊ ನತರ್ ಇನಿ ಭೇಜ಼ಣಾನಿ ಬಾರೇಮ ತೀರ್ಪ್‍ಕರ‍್ಯಾತೊ ಯೋ ಧರ್ಮಶಾಸ್ತ್ರನ ಚಿಂಘೈನ್‍ ಧರ್ಮಶಾಸ್ತ್ರನಿ ಬಾರೇಮ ತೀರ್ಪ್‌ಕರಾನಿತರ ಉಶೆ. ಕತೋಬಿ ತೂ ಧರ್ಮಶಾಸ್ತ್ರನಿ ಬಾರೇಮ ತೀರ್ಪ್ ಕರ‍್ಯೊತೊ ತೂ ನ್ಯಾಯಾಧಿಪತಿ ಕರಿ ಬೋಲೈಲಿಶ್ ಪಣ್ಕಿ ಇನ ಪಾಡಿಚಾ಼ಲವಾಳೊ ಕಾಹೆ.