ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 16:7 - ದೇವ್ನಿ ಖ್ಹಾಚಿ ವಚನ್

⁷ ಮಾರು ಮಾಯಮಾತ್ರಾಬಿ ಮಾರಿ ಜೋ಼ಡ್ಮ ಜೇಲ್‌ಮಥಾತೆ ಅಂದ್ರೋನಿಕನಾಬಿ ಅಜು಼ ಯೂನ್ಯನ ಮಾರಿ ಖ್ಹಲಾಮ್. ಇವ್ಣೆ ಅಪೊಸ್ತಲರ್‌ಮ ನಾಮ್ ಕಮೈರಾಖ್ಯತೋಬಿ ಮಾರೇಥಿ ಅಗಾಡಿಸ್ ಕ್ರಿಸ್ತನ ವಿಶ್ವಾಸಿ ಹುಯಿರ‍್ಹಾಸ್.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 16:7 ပူးပေါင်းရင်းမြစ်များ

ಯೋಹಾನ 14:20

ಯೋ ದನ್ಮ ಮೇ ಮಾರ ಬಾಮಾಬಿ, ತುಮೆ ಮಾರಮಬಿ, ಇಮ್ಮಸ್ ಮೇ ತುಮಾರಮಬಿ ಛೂ಼ತೆ ಮಾಲುಮ್‌ ಕರಿಲಿಶು.

ಯೋಹಾನ 15:2

ಮಾರಾಮ ರ‍್ಹೀನ್, ಪಂಡು ದೇಯಿಕೊಂತೆ ಹರೇಕ್ ಡಾಳಿನ ಯೋ ಕತ್ರಿನಾಖಸ್‌; ಅಜು಼ ಪಂಡು ದೇಸ್ತೆ ಹರೇಕ್ ಡಾಳಿನ ಬಿಜೂ಼ಬಿ ಜಾ಼ಖ್ಹತ್ ಪಂಡು ದ್ಯವಾನಿಘೋಣಿ ಇನ ಛಾ಼ಟಿನ್ ಪಾಕ್‍ಕರಾಸ್.

ಯೋಹಾನ 6:56

ಮಾರಿ ಬೋಟಿನ ಖೈನ್, ಮಾರೂ ಲ್ಹೋಯಿನ ಪಿಯ್ಯಾವಾಳು ಯೊ ಮಾರಾಮ ರ‍್ಹೇಸ್‌, ಅಜು಼ ಮೇ ಇವ್ಣಾಮ ಜಿವಿರ‍್ಹೀಶ್‌.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 16:10

ಕ್ರಿಸ್ತನಿ ಸೇವೆಮ ತರೀಪ್ಷ ಹುಯಿನ್ ಲ್ಹಾಯಕ್‌ ಹುಯಿನ್ ರ‍್ಹವಾಳೊ ಅಪೆಲ್ಲನ ಮಾರಿ ಖ್ಹಲಾಮ್ ಅರಿಸ್ತೊಬೂಲನ ಘರ್‌ವಾಳಾನ ಖ್ಹಲಾಮ್.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 16:11

ಮಾರಿನಿತರಸ್ ಯಹೂದಿ ಭೈ ಹುಯಿರೋತೆ ಹೆರೋಡಿಯೋನಾನ ಖ್ಹಲಾಮ್. ಪ್ರಭುಮಛಾ಼ತೆ ನಾರ್ಕಿಸ್ಸನ ಕುಟಮ್‌ವಾಳನ ಖ್ಹಲಾಮ್.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 16:21

ಮಾರಿ ಜೋ಼ಡ್ಮಕಾಮ್‍ ಕರಾವಾಳೊ ಹುಯಿರೋತೆ ತಿಮೊಥೆಯ ತುಮೂನ ಖ್ಹಲಾಮ್ ಬೋಲುಕರುಸ್. ಇಮ್ಮಸ್ ಲೂಕ್ಯಬಿ, ಯಾಸೋನಬಿ, ಸೋಸಿಪತ್ರಬಿ, ಅಜು಼ ಮಾರಿನಿತರ ಯೆಹೂದ್ಯರ್‌ಖ್ಹಾರು ಹುಯಿರ‍್ಹಾತೆ ಇವ್ಣೆ ತುಮೂನ ಖ್ಹಲಾಮ್ ಬೋಲುಕರಸ್.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 16:3

ಕ್ರಿಸ್ತಯೇಸುಮ ಮಾರಿ ಜೋ಼ಡ್ಮಕಾಮ್‍ ಕರಾವಾಳು ಹುಯಿರಾತೆ ಪ್ರಿಸ್ಕಿಲ್ಲನಾಬಿ ಅಕ್ವಿಲನಾಬಿ ಮಾರಿ ಖ್ಹಲಾಮ್ ಬೋಲಿದೆವೊ.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 16:6

ತುಮಾರಖ್ಹಾಜೆ ಘಣು ವಾಖ್ಯೊ ಪಡೀತೆ ಮರಿಯನ ಮಾರಿ ಖ್ಹಲಾಮ್.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 16:8

ಮನ ಪ್ರಭುಮ ಪ್ಯಾರ್‌ನೊ ಹುಯಿರೋತೆ ದೋಸ್ತಿ ಅಂಪ್ಲಿಯಾನ ಖ್ಹಲಾಮ್.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 16:9

ಕ್ರಿಸ್ತಮ ಮಾರಿ ಜೋಡ್ನಸೇವಕ ಹುಯಿರೋತೆ ಉರ್ಬಾನಾಬಿ ಮನ ಪ್ಯಾರ್‌ನೊ ದೋಸ್ತ್ ಸ್ತಾಖುಯನಾಬಿ ಖ್ಹಲಾಮ್.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 8:1

ಇನಖ್ಹಾಜೆ ಹಮ್ಕೆ ಯೇಸುಕ್ರಿಸ್ತಮ ಗಳ್‍ಜೋ಼ಡ್ ರ‍್ಹವವಾಳಾನ ಖಿವಿ ಅಪರಾದ್ನಿ ತೀರ್ಮಾನ್‍ಬಿ ಕೊಯ್ನಿ.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 8:11

ಯೇಸುನ ಮರ‍್ಯಹುಯಮಾಥು ಜಿವಾಡವಾಳನು ಆತ್ಮ ತುಮಾರಮ ಜಿವ್‍ಕರ‍್ಯುತೊ, ಕ್ರಿಸ್ತಯೇಸುನ ಮರಣ್‍ಥಿ ಉಠಾಡ್ಯೊಹುಯೊ ದೇವ್ನು ಆತ್ಮ ತುಮಾರಮ ರ‍್ಹಿಯುತೊ ನಾಶಹುವಾಳು ಶರೀರ್‌ನಾಬಿ ತುಮಾರಮ ಜಿವವಾಳ ಆತ್ಮಥೀಸ್ ಜಾನ್ನ ದಿಶೆ.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 9:3

ಮಾರ ಭೈಯೇನಖ್ಹಾಜೆ ಮಾರಶೊಂತ್ ಅದ್ಮಿವೋನಖ್ಹಾಜೆ ಕ್ರಿಸ್ತಥಿ ದೂರ್‌ಹುಯಿನ್ ಶಾಪ್‌ಮ ಪಡಾಮಬಿ ತಯಾರ್ ಛು಼.

1 ಕೊರಿಂಥ 1:30

ತುಮೂನ ಕ್ರಿಸ್ತಯೇಸುಮ ಏಕ್‌ಭಾಗ್ ಕರಿ ಬಣಾಯೋತೆ ದೇವ್ನೇಸ್. ಕ್ರಿಸ್ತ ಅಪ್ಣಖ್ಹಾಜೆ ದೇವ್‌ಕಂಥು ಆಯೋತೆ ಗ್ಯಾನಿ ಹುಯಿರೊಸ್. ಅಪ್ಣೆ ನೀತಿವಾಳ ಹುಯಿರ‍್ಹವಾನ, ಅಪ್ಣೆ ಅಖ್ಖು ಪವಿತ್ರಹುಯಿರ‍್ಹಾಸ್.

2 ಕೊರಿಂಥ 11:23

ಇವ್ಣೆ ಕ್ರಿಸ್ತನ ಸೇವಕರ್‌ಕಿಶು? ಇವ್ಣೇಥಿ ಜಾ಼ಖ್ಹತ್ ಮೇ ಸೇವೆ ಕರಾವಾಳೊ ಹುಯಿರೋಸ್. ಮೇ ಪಗ್‍ಲ್ಯಾನಿತರ ವಾತೆಬೋಲುಕರುಸ್, ಮೇ ಘಣು ಖ್ಹತಿರ‍್ಹೋಸ್ ಘಡಿಕೇಡೆ ಜೇಲ್‌ಮ ಘಲೈಲಿಧೋಥೊ. ಕಠಣ್ಣಿ ಪರಕ್ಮ ಮಾರ್‌ಖೈರಾಖ್ಯೋಸ್. ಕೈಯೇಕ್ ವಖ್ಹತ್ ಮರಣ್‍ಮ ಖ್ಹಪ್‍ಡಿಗಯೋಥೊ.

2 ಕೊರಿಂಥ 12:2

ಕ್ರಿಸ್ತಮ ಛಾ಼ತೆ ಏಕ್‍ಜ಼ಣೊ ಮನ ಮಾಲುಮ್ ಚೌ಼ಧ ವರಖ್ಹ್‌ನ ಪೀಠೆ ಯೊ ತೀನ್ನೊ ಆಕಾಶ್‌ಪರ್ ಪಡೈಗಯೊ. ಯೋ ಶರೀರ್ ಖ್ಹಮ್‍ದೆ ಗಯೋಕಿ, ಶರೀರ್ ಕೊಯ್ನಿತೇಸ್ ಗಯೋಕಿ ಮನ ಮಾಲುಮ್‌ಕೊಯ್ನಿ ದೇವ್ನಾಸ್‍ಮಾಲುಮ್‌.

2 ಕೊರಿಂಥ 5:17

ಇನಖ್ಹಾಜೆ ಕೋಣ್‌ತೋಬಿ ಕ್ರಿಸ್ತಮ ರ‍್ಹಯುತೊ, ಯೊ ನವೇಥಿ ಉಬ್ಜಿರ‍್ಹೋಸ್. ಹಂದೇಖೊ, ಜೂ಼ನು ಚಾ಼ಲ್ಯೂತೆ ಅಖ್ಖೂಸ್ ನೂಛೈ಼ಗಯು; ನವೇಥಿ ಜ಼ಲಮ್‍ಲಿದು.

2 ಕೊರಿಂಥ 5:21

ಕ್ರಿಸ್ತಮ ಪಾಪಸ್ ಕೋಥೂನಿ. ಕತೋಬಿ ಹಮೆ ದೇವ್ನ ಸಮರ್ಪಣೆನಿ ಪರಕ್ಮ ನೀತಿಸ್ವರೂಪಿ ಹುಯಿರ‍್ಹಾವನಿತರ ದೇವ್ ಇನ ಪಾಪ ಸ್ವರೂಪಿಕರಿ ಬಣಾಯೊ.

ಗಲಾತ್ಯ 1:22

ಕತೋಬಿ ಕ್ರಿಸ್ತಮಾನು ಯೂದಾಯನು ಸಬೆವಾಳು ಮನ ಬಿಜು಼ ಅಗ್ಗಳ್ ಕೆದೇಬಿ ಮಳಿರ‍್ಹುಥು ಕೊಯ್ನಿ.

ಗಲಾತ್ಯ 2:2

ದೇವ್ನಿ ಖ್ಹೂಜ಼್‌ನಿತರ ಜಾ಼ವ್ಣುಥೂತೆ ಇನಖ್ಹಾಜೆ ಯೆಹೂದ್ಯರ್‌ಕಾಹೆತೆ ಅದ್ಮಿಮ ಮೆ ಬೋಲಿವತಾಳನು ಸುವಾರ್ತೆ ಶಾತ್‌ಕರಿ ಹಿಜ಼್ಜಾಥೂತೆ ಗಲ್‌ಢಾವ್‌ನಾಸ್ ಖ್ಹಮ್‌ಜಾ಼ಡ್ಯೊ. ಶನಕತೊ ಮೆ ಸುವಾರ್ತೆನಖ್ಹಾಜೆ ಪಡ್ಯೋತೆ ಕಾಮ್‍ರ‍್ಹೆವೊ, ಮೇ ಹಮ್ಕೆ ಕರುಕರುಸ್ತೆ ಕಾಮ್‌ಖ್ಹಾರು ಬಿಣ್‌ಫಾಯಿದಾನು ನಾಹೊಣುಕರಿ ಮಾರಿ ಆಖ್ಹ್.

ಗಲಾತ್ಯ 2:6

ಕತೋಬಿ ಕೋಣ್ ಗಲ್‌ಢಕರಿ ದೆಖಾವಸ್ಕಿ ಮೇ ಬೋಲುಸ್ ಆ ಮಾರಮ ಅಜು಼ ಇವ್ಣಾಮ ಅನು ಫರಕ್ ಕೊಯ್ನಿ; ದೇವ್ ಅಖ್ಖಾ ಅದ್ಮಿವ್‌ನ ಎಕ್ಕಸ್ ತರ ದೇಖಸ್. ಯೊ ಗ‌ಲ್‌ಢಾವ್‌ಥಿ ಮನ ಶಾತ್ಬಿ ಮಳ್ಯು ಕೊಯ್ನಿ.

ಗಲಾತ್ಯ 5:6

ಕ್ರಿಸ್ತ ಯೇಸುಮ ರ‍್ಹವಾಳನ ಖ್ಹತ್ನ ಹುಯುತೋಬಿ ನಾಹುಯುತೋಬಿ ಫಾಯಿದೊ ಕೊಯ್ನಿ. ಕತೋಬಿ ಪ್ಯಾರ್‌ಥಿ ರ‍್ಹೇಸ್ತೆ ವಿಶ್ವಾಸಸ್ ಫಾಯಿದಾನು ಹುಯಿರ‍್ಹುಸ್.

ಗಲಾತ್ಯ 6:15

ಶನಕತೊ ಖ್ಹತ್ನ ಹುಯುತೋಬಿ ನತರ್ ನಾಹುಯುತೋಬಿ ಯೋ ಮುಖ್ಯ ಕಾಹೆ. ಕತೋಬಿ ನವೇಥಿ ಪೈದಾಹುವಾನುಸ್ ಮುಖ್ಯ ಹುಯಿರ‍್ಹುಸ್.

ಎಫೆಸ 2:10

ಅಪ್ಣೇತೊ ದೇವ್ನೆ ಕರ‍್ಯೊತೆ ಬಣಾವಟ್‌ಅಖ್ಖು. ಕ್ರಿಸ್ತ ಯೇಸುಮ ಅಛ಼್ಛು ಕಾಮ್ನಖ್ಹಾರು ಕರ್ತಹುಯಿನ್ ಜಿವ್ಣುಕರಿ ಇನೆ ಪಹಿಲೆ ಖ್ಹೂಜ಼್‌ಕರ‍್ಯೊತೆ ಇಮ್ಮಸ್ ದೇವ್ನೆ ಅಪ್ಣುನ ಉಬ್‌ಜೈ಼ರಾಖ್ಯೋಸ್.

ಕೊಲೊಸ್ಸೆ 4:10

ಮಾರಿ ಜೋ಼ಡ್ಮ ಜೇಲ್‌ಮಛಾ಼ತೆ ಅರಿಸ್ತಾರ್ಕಬಿ ಅಜು಼, ಬಾರ್ನಬನೊ ಸಂಬಂದ್‌ವಾಳೊ ಮಾರ್ಕ ತುಮುನ ಖ್ಹಲಾಮ್ ಬೋಲಾಸ್, ಮಾರ್ಕನಿ ಬಾರೇಮ ತುಮೆ ಹುಕುಮ್‌ ಲೀರಾಖ್ಯಾಸ್ನಿ ಯೋ ಏಕ್‌ ವೇಳ್ಮ ತುಮಾರಕನ ಆಯೋತೊ ಇನ ಮಳೈಲೆವೊ.

ಫಿಲೆಮೋನ 1:23

ಕ್ರಿಸ್ತ ಯೇಸುನಖ್ಹಾಜೆ ಜೇಲ್‌ಮ ಮಾರಿ ಜೋ಼ಡ್ಮ ಛಾ಼ತೆ ಎಪಫ್ರಬಿ ತುನ ಖ್ಹಲಾಮ್ ಬೋಲಸ್.

1 ಯೋಹಾನ 4:13

ದೇವ್ ಇನಿ ಆತ್ಮಾನ ಅಪ್ಣಾಮ ದೀರಾಖ್ಯೋತೆ ಇನಖ್ಹಾಜೇಸ್ ಅಪ್ಣೆ ಇನಾಮ ಛಿಯೆಕರಿ ಮಾಲುಮ್ ಕರಿಲಿಯೇಸ್.

1 ಯೋಹಾನ 5:20

ದೇವ್‌ನೊ ಛಿಯ್ಯೊ ಆ ಜಗತ್‌ಮ ಅಯಿನ್ ಅಪ್ಣೆ ಖ್ಹಾಚೊ಼ ಹುಯಿರೋಸ್ತೆ ದೇವ್ನ ಮಾಲುಮ್‌ ಕರಿಲ್ಯವಾನಿಘೊಣಿ ಅಪ್ಣುನ ಖ್ಹಯಾಲ್ ದೀರಾಖ್ಯೊಸ್‍ಕರಿ ಅಪ್ಣುನ ಮಾಲುಮ್‌ಛಾ಼. ಅಪ್ಣೆ ದೇವ್‌ನೊ ಛಿಯ್ಯೊ ಹುಯಿರೋತೆ ಕ್ರಿಸ್ತಮ ರ‍್ಹಾವಾನ ಖ್ಹಾಚ ದೇವ್‌ಮ ರ‍್ಹಾವವಾಳ ಹುಯಿರ‍್ಹಾಸ್. ಯೋ ಕ್ರಿಸ್ತಸ್ ಕದೇಬಿ ರ‍್ಹವಾನು ಹರ್‌ಹಮೇಶಾನೊ ಜಾನ್‌ಬಿ ಹುಯಿರ‍್ಹೊಸ್.

ಪ್ರಕಾಶಿತ್ 1:9

ಯೋಹಾನಕರಿ ಮೆ ಕ್ರಿಸ್ತಮ ತುಮಾರೊ ಭೈ ಹುಯಿರೋಸ್. ಅಪ್ಣೆ ಹಿಡಿಕ್ ಯೇಸುನಖ್ಹಾಜೆ ಖ್ಹತಾಪ್ಣಿಮಾಬಿ,ರಾಜ್ಯಮಾಬಿ, ಖ್ಹಮಾಳಮಾಬಿ ವಾಟೊಲೀರಾಖ್ಯಸ್, ಮೆ ದೇವ್ನಿ ಸಮಾಚಾರ್‌ನಾಬಿ ಯೇಸುನಿ ಬಾರೇಮ ಸಾಕ್ಷಿ ದ್ಯವಾನಖ್ಹಾಜೆ ಪತ್ಮೋಸ್ ಟಾಪಾಮ ಥೊ.