ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 16:17 - ದೇವ್ನಿ ಖ್ಹಾಚಿ ವಚನ್

¹⁷ ಭೇನ್ ಭೈಯೇವೊ, ತುಮೆ ಶಿಕಿರಾಖ್ಯಾತೆ ಬೋಧನೆನ ವಿರೋದ್ ಹುವಾಳೂಬಿ ತುಮಾರಿ ಒಗ್ಗಟ್ ಫುಟಾಖ್ಹರ್ಕು ತುಮಾರಮ ಕಚ಼್ಚರ್‌ ಹುವಾನಿತರ ಕರವಾಳನಿ ಬಾರೇಮ ಹೊಷಾರ್‌ಥಿ ರ‍್ಹವೊ. ಎಥ್ರಾನವಾಳಥಿ ದೂರ್ ರ‍್ಹೇವೊಕರಿ ಗಿಂಗೈಲೆವುಸ್.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 16:17 ပူးပေါင်းရင်းမြစ်များ

ಯೂದನೆ ಲೀಖ್ಯೋತೆ ಚಿಟ್ಟಿ 1:19

ಆ ಅದ್ಮಿವ್‍ಖ್ಹಾರು ಇವ್ಣು ಇವ್ಣೇಸ್ ತನಿಯ ಬಣಿಜಾವವಾಳೂಬಿ, ಮ್ಹಾಮುಲಿ ಆಖ್ಹ್‌ಮಾಬಿ, ದೇವ್ನುಆತ್ಮ ಲೀರಾಖ್ಯುಕೊಂತೆಬಿ ಹುಯಿರ‍್ಹುಸ್.

2 ಥೆಸ 3:6

ಹಮಾರ ಭೈಯೆ ಭೇನೆವೊ, ಕಾಮ್ ಕರಾಕೊಂತೆ ಅಜು಼ ಹಮೆ ಬೋಲ್ಯಾತೆ ಪದತ್ತಿನ ಪಾಡಿನ್ ಚಾ಼ಲಕೊಂತೆ ವಿಶ್ವಾಸಿ ಖ್ಹಾರೇಥಿ ತುಮೆ ದೂರ್ ರ‍್ಹೇಣು. ಪ್ರಭು ಹುಯಿರ‍್ಹೋತೆ ಯೇಸು ಕ್ರಿಸ್ತನ ನಾಮ್‌ಪರ್‌ ತುಮೂನ ಹುಕುಮ್ ದಿಯೇಸ್.

2 ತಿಮೊ 3:5

ಯೊ ಅದ್ಮಿಖ್ಹಾರು ಅಪ್ಣ ಪದತ್ತಿ ಕಾಮ್ನಾಸ್ ಧರಿರಾಖಾಸ್ ಕತೋಬಿ ಇನ ಮಹಿನು ಖ್ಹಾಚಿನಿ ಶಕತ್ನ ಮ್ಹೇಲಿದೇಸ್ ಅಥ್ರಾನವಾಳೇಥಿ ದೂರ್ ರ‍್ಹೆ.

ಕೊಲೊಸ್ಸೆ 2:8

ಗಲ್ತಿನು ಅಜು಼ ಫಾಯಿದೊಕೊಂತೆ ಬೋಧನೆತು ಕೋಣ್‌ಬಿ ತುಮೂನ ಕಬ್‌ಜಾ಼ಮ ನಾಕರಿಲೇವ್ಣುತೆ ಹೊಷಾರ್‌ಥಿ ರ‍್ಹವೊ. ಆ ಅಖ್ಖು ಅದ್ಮಿವೋನ ಪದತ್ತಿನ ಅಜು಼ ಲೋಕ್‌ನಹೋಣುತೆ ಬೋಧನೆಮಾಸ್ ಛಾ಼ ಪಣ್ಕಿ ಕ್ರಿಸ್ತಾನಕಾಹೆ.

ಪೌಲನೆ ತೀತನ ಲೀಖ್ಯೋತೆ ಚಿಟ್ಟಿ 3:10

ಖಿವು ಏಕ್‍ಜ಼ಣೊ ಸಬೇನು ಅದ್ಮಿಮ ಭೇ ಭಾಗ್‌ ಕರ‍್ನು ಕರಿ ದೇಖಾಸ್ಕಿ ಇನ ಏಕ್‌ಹಲ್ಲ ನತರ್ ಬೇಹಲ್ಲ ಝೇತಾವ್, ಖ್ಹಮ್‌ಜೊನಾತೊ ಇನೇಥಿ ದೂರ್ ರ‍್ಹೇ.

ಗಲಾತ್ಯ 2:4

ಕತೋಬಿ ಭಾಣೇಥಿ ಪೇಠುಥೂತೆ ವಿಶ್ವಾಸಿಖ್ಹಾರು ಗಪ್ಲಥ್ಥಿ ಹಮುನ ಧರ್ಮಶಾಸ್ತ್ರನಿ ಕಬ್‌ಜಾ಼ಮ ಖ್ಹಪ್‌ಡಾವ್ಣುಕರಿ, ಕ್ರಿಸ್ತ ಯೇಸುಮ ಛಾ಼ತೆ ಅಪ್ಣಿ ಛುಟ್ಕಾರ್‌ನ ಮಾಲುಮ್‌ಕೊಂತೆ ತಿಮ್ ಪುಛಾ಼ವನ ಐರ‍್ಹುಥು.

1 ತಿಮೊ 1:3

ಮೇ ಮೆಕೆದೋನ್ಯನ ಜಾ಼ವಾನಿ ವಖ್ಹತ್‌ಮ, ತೂ ಎಫೆಸಮಸ್ ರ‍್ಹೆಕರಿ ಗಿಂಗೈಲಿದೊ, ಹಿಜ಼್ಜಾ ಥೋಡು ಜ಼ಣು ಝೂ಼ಟಿ ಭೋತಿ ಬೋಲಿದೆವ್‌ಕರ್ತುಥೂತೆ ಇವ್ಣುನ ಹುಕುಮ್‌ ದೀನ್ ಭೀರಾಕ್‌ಣು ಕರೀಬಿ,

ಫಿಲಿಪ್ಪಿ 3:17

ಭೇನೆ ಭೈಯೇವೊ, ತುಮೆ ಅಖ್ಖು ಮಾರಿ ಜೋ಼ಡೆ ಮಳಿನ್ ಮಾರಿಜೋ಼ಡೇಥಿ ಚಾ಼ಲವಾಳ ಹುಯಿ‍ರ‍್ಹೆವೊ ಅಜು಼ ಕೋಣ್ ಬರೊಬರ‍್ನಿ ಪರಕ್ಮ ಚಾ಼ಲಸ್ಕಿ ಇನ ಖ್ಹಯಾಲ್ಮ ಲೀಲೆವೊ.

ಮತ್ತಾಯ 18:7

ಜಗತ್ನಿ ಹಾಲ್ನ ಶಾತ್ ಬೋಲು! ಶನಕತೊ, ಅದ್ಮಿನ ಪಾಪ್‌ಮ ಚ಼ಲಾವವಾಳು ರಾಛು಼ಖ್ಹಾರು ಛಾ಼! ಇಮ್ನು ರಾಛು಼ಖ್ಹಾರು ಕದೇಬಿ ಚಾ಼ಲ್‌ಷೆ. ಕತೋಬಿ ಇಮ್‌ ಹುವ್ವಾನಿಘೋಣಿ ಕರಾಸ್ತೆ ಯೋ ಅದ್ಮಿನಿ ಹಾಲ್ನ ಶಾತ್ ಬೋಲು!

1 ಕೊರಿಂಥ 3:3

ಶನಕತೊ ತುಮೆ ಅಜೂ಼ಬಿ ಜಗತ್‌ವಾಳ ಹುಯಿರ‍್ಹಾಸ್, ತುಮಾರಮ ಪೇಟ್ನೊ ಬಳಾಪೊ ಲಡೈಝ಼ಗ್‍ಡೊ ರ‍್ಹವಾನಿಘೋಣಿ, ತುಮೆ ಜಗತ್‌ವಾಳ ಹುಯಿರ‍್ಹಿನ್ ಖಲಿ ಬಿಜಾ಼ಅದ್ಮಿನಿಮತ್ ಚಾ಼ಲಸ್ ಕೊಯ್ನಿಕಿಶು?

ಅಪೊಸ್ತಲರ್‌ನು ಕಾಮ್‌ಖ್ಹಾರು 15:24

ಹಮಾರಕಂಥು ಆಯುತೆ ಥೋಡಜ಼ಣಾನೆ ಹಮಾರೇಥಿ ಖಿವಿ ಹುಕುಮ್‌ನ ಮಾನ್ಯುಕೊಂತೆ ಇವ್ಣಿ ವಾತೆಥಿ ತುಮರಾಮ ಸಮಾಧಾನ್‌ಕೊಂತೆ ಕರಿನಾಖಿನ್‌, ತುಮಾರ ದಿಲ್ನ ಕಲಾವ್ಣಿ ಕರ‍್ಯುಕರಿ ಹಮೂನ ಮಾಲುಮ್‌ ಪಡ್ಯು.

1 ಯೋಹಾನ 2:19

ಇವ್ಣೆಅಖ್ಖು ಅಪ್ಣ ಖನ್ನೆಥಿ ನಿಕ್ಳಿ ಚ಼ಲೀಗು. ಶನಕತೊ ಇವ್ಣೆ ಖ್ಹಾಚಮಾಬಿ ಅಪ್ಣವಾಳು ಕಾಹೆ. ಇವ್ಣೆ ಅಪ್ಣವಾಳು ರ‍್ಹಿಯುಹೊತ್ತೊ, ಅಪ್ಣಿಜೋಡ್ಮಾಸ್ ರ‍್ಹಿಯುಹೊತ್. ಕತೋಬಿ ಇವ್ಣೆ ಅಪ್ಣೇಥಿ ನಿಕ್ಳಿಗಯುತೆ ಇನಖ್ಹಾಜೆ ಇವ್ಣೆಅಖ್ಖು ಅಪ್ಣವಾಳು ಕಾಹೆಕರಿ ಖ್ಹಾಚೇಥಿ ಮಾಲುಮ್‍ಪಡಸ್.

ಮತ್ತಾಯ 18:17

ಯೋ ಇವ್ಣಿ ವಾತೇನಾಬಿ ನಾ ಖ್ಹಮ್‌ಜ್ಯೊತೊ, ಸಭೆನ ಬೋಲ್, ಯೋ ಸಬೇನಿ ವಾತೇನಾಬಿ ನಾ ಖ್ಹಮ್‌ಜ್ಯೋತೊ ಯೋ ದೇವ್‌ಮ ವಿಶ್ವಾಸ್‍ಕರಾಕೊಂತೆ ನತರ್‌ಕಿ ಶುಂಕ ಮಾಂಗವಾಳ ಅದ್ಮಿನಿಘೋಣಿ ಇನ ದೇಕ್.

1 ಕೊರಿಂಥ 11:18

ಕಿಮ್‌ಕತೊ ಪಹಿಲೆ, ತುಮೆ ಸಬೆಹುಯಿನ್ ಮಳಿನ್ ಆವಾನಿ ವಖ್ಹ್‌ತೆ ತುಮರಾಮ ಕಚ಼್ಚರ್‌ ಹುವಾನು ಖ್ಹಮ್‍ಜು಼ಸ್. ಅನ ಜ಼ರ ವಿಶ್ವಾಸ್‍ಬಿ ಕರುಸ್.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 17:1

ಯೇಸುನೆ ಇನ ಶಿಷ್ಯರ್‌ನ ಬೋಲ್ಯೋಕಿ, “ಅದ್ಮಿನ ಪಾಪ್‌ಮ ಚ಼ಲಾವವಾಳು ರಾಛು಼ ಆವ್‌ಶೆಸ್‌ ಆವ್‌ಶೆ, ಕತೋಬಿ ಇಮ್‌ ಹುವ್ವಾನಿಘೋಣಿ ಕರಾಸ್ತೆ, ಯೋ ಅದ್ಮಿನಿ ಹಾಲ್ನ ಶಾತ್ ಬೋಲು!

ಮತ್ತಾಯ 7:15

ಝೂ಼ಟ ಪ್ರವಾದಿಯೇನಿ ಬಾರೇಮ ಹೊಷಾರ್‌ಥಿ ರ‍್ಹವೊ; ಇವ್ಣೆ ಮೇಂಢಾನು ಪೇರ್‌ವಾಖ್ಹ್‌ನ ಘಾಲಿಲೀನ್‌ ತುಮಾರಕನ ಆವ್‌ಶೆ, ಕತೋಬಿ ಮಹಿ ದೇಖ್ಯುತೊ ಇವ್ಣೆ ಖ್ಹಾಚಮಾಬಿ ಝಂಜೋ಼ಡಿ ಖವಾಳ ಜ಼ರಕ್‌ನಿಘೋಣಿ ಹುಯಿರ‍್ಹೂಸ್.