ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 15:25 - ದೇವ್ನಿ ಖ್ಹಾಚಿ ವಚನ್

²⁵ ಕತೋಬಿ ಹಮ್ಕೆ ಮೇ ದೇವ್ನ ಅದ್ಮಿವೊನ ಚಾ಼ಕ್ರಿಕರಾನಖ್ಹಾಜೆ ಯೆರೂಸಲೇಮ್ನ ವಳೆಜ಼ವುಸ್.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 15:25 ပူးပေါင်းရင်းမြစ်များ

ಅಪೊಸ್ತಲರ್‌ನು ಕಾಮ್‌ಖ್ಹಾರು 24:17

“ಥೋಡ ವರಖ್ಹ್‌ನ ವಾರ್ ಮೆ, ಮಾರ ಶೊಂತ್‌ ದೇಖ್ಹ್‌ವಾಳಾನ ಪೈಶಾ, ಕಾಣ್ಕೆ ಅಜು಼ ಮುಡಪ್‍ ದ್ಯಾವಾನ ಆಯೋಥೊ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 19:21

ಆ ಹುಯುತೆ ಇನಕೇಡೆಥು ಪೌಲ ಮೆಕೆದೋನ್ಯ ಅಜು಼ ಅಖಾಯ ದೇಖ್ಹ್‌ನಿ ವಾಟೆ ಯೆರೂಸಲೇಮ್ನ ಜಾ಼ವಾನಿ ಮನ್‌ಕರ‍್ಯೊ. ಹಿಜ್ಜಾ಼ ಮೇ ಜಾ಼ವಾನಿ ವಖ್ಹತ್‌ಮ ರೋಮ್ ನಂಗರ್‌ನಾಬಿ ಮಳ್‌ಣು” ಕರಿ ಬೋಲ್ಯೊ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 20:22

ಅಜು಼ ಹಮ್ಕೆ ಮೇ ಪವಿತ್ರಾತ್ಮನ ಖ್ಹಾಮ್ಣೆ ಮುಡ್‌ಕ್ಯು ಝು಼ಕೈನ್‌, ಯೆರೂಸಲೇಮ್ನ ವಳೆಜ಼ವುಸ್‌. ಹಿಜ್ಜಾ಼ಮನ ಶಾತ್ ಉಶೇಕಿ ಮಾಲುಮ್‌ಕೊಯ್ನಿ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 20:16

ಪೌಲನೆ ಪಂಚಶತ್ತಮ ಪೂಜಾ಼ನ ದನ್ನ ಯೆರೂಸಲೇಮ್ಮ ರ‍್ಹೇವ್ಣುಕರಿ ಉತ್ವಾಳಿ ಕರುಕರ್ತೊಥೋತೆ ಇನಖ್ಹಾಜೆ ಏಷ್ಯಾ ತಬರ್‌ಖಾಮ ದನ್ ಕಾಡನ ಇಷ್ಟಕೊಂತೆ ಎಫೆಸ ಖ್ಹಯೇರ‍್ನ ಮ್ಹೇಲಿನ್‌ ಜಾ಼ವಾನ ಖ್ಹೂಜ಼್‌ಕರ‍್ಯೊ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 18:21

ಅನಬದಲ್ ಇನೆ ಇವ್ಣುನ “ದೇವ್ನಿ ಮರ್ಜಿ ರ‍್ಹಿಯಿತೊ ಮೆ ತುಮಾರಕನ ಪಾಛೊ಼ ಐಶ್‌”. ಕರಿ ಬೋಲ್ತೊಹುಯಿನ್ ಎಫೆಸಥು ಜ಼ಹಾಜ಼್‍ನಿ ಚಾ಼ಲ್ ಕರ‍್ಯೊ.

ಗಲಾತ್ಯ 2:10

ಕತೋಬಿ ತುಮೆ ಹಮಾರಮ ಛಾ಼ತೆ ದಿಕ್‌ದೆಶಾರ್‌ ಕೊಂತೆ ಇವ್ಣುನ ಖ್ಹಯಾಲ್ಮ ರಾಕ್ಣು ಕರಿ ಎಕ್ಕಸ್ ವಾತೆ ಮನ ಬೋಲ್ಯು. ಇಮ್‌ ಕರಾಮ ಮೇಬಿ ದಿಲ್‌ಲಗಾಡವಾಳೊ ಹುಯಿರ‍್ಹೊಥೊ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 9:13

ತದೆ ಅನನೀಯನೆ ಪ್ರಭು,ಯೆರೂಸಲೇಮ್‌ನು ತಾರ ದೇವ್ನಅದ್ಮಿ ಖ್ಹಾರಾನ ಕೆತ್ರೇಕ್ಕಿ ಖ್ಹತಾಪ್ಣಿನ ದಿದೂತೆ ಅನಿ ಬಾರೇಮ ಕೈಯೇಕ್‍ಜ಼ಣಾಥಿ ಖ್ಹಮ್‍ಜಿರಾಖ್ಯೊಸ್.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 12:13

ಜ಼ರೂರತ್ ರ‍್ಹವಾಳ ದೇವ್ನ ಅದ್ಮಿನಿ ಜೋ಼ಡ್ಮ ತುಮಾರಕನ ಛಾ಼ತೆ ಇನಾಮ ಮದತ್ ಕರೊ, ಮ್ಹೇಮಾನ್ನ ಘರ್‌ಮ ಬುಲೈನ್ ಉಪಚಾರ್ ಕರೊ,

2 ಕೊರಿಂಥ 8:4

ಯೆಹೂದಿ ಹುಯಿರ‍್ಹುತೆ ದೇವ್ನು ಅದ್ಮಿಖ್ಹಾರನ ಅಛ್ಛು಼ ಕಾಮ್ ಕರಾನಿ ಬಾರೇಮ ಹಮೂನ ಭಾಗಿಹುವಾನ ಏಕ್‌ ಮೋಕ ಹೋಣು ಕರಿ ಗಿಂಗೈಲಿದು.

2 ಕೊರಿಂಥ 8:6

ಇನಾಖ್ಹಾಜೆ, ವಿಶೇಷ್‍ನು ಆ ದಯಾನಕಾಮ್‍ನ ಪೂರ ಕರಾನ ತುಮುನ ಮದತ್ ಕರ‍್ನು ಕರಿ ಹಮೆ ತೀತನ ಬೋಲಿಲಿದ. ಆ ಕಾಮ್ನ ಶುರು ಕರ‍್ಯೊತೆ ತೀತನೇಸ್.

ಇಬ್ರಿ 6:10

ತುಮೆ ದೇವ್ನ ಅದ್ಮಿವೋನ ಮದತ್ ಕರಿರಾಖ್ಯಸ್, ಉಜೂಬಿ ಕರುಕರಸ್ ಆ ಕಾಮ್ನ ಅಜು಼ ತುಮೆ ಇನ ನಾಮ್ನ ವತಾಳ್ಯತೆ ಪ್ಯಾರ‍್ನ ಯೊ ಭೈಕಕೊಯ್ನಿ ಶನಕತೊ ದೇವ್‌ ಅನೀತಿವಾಳೊ ಕಾಹೆ.

1 ಕೊರಿಂಥ 16:4

ಮೇಬಿ ಜಾ಼ವಾನು ಅಛ್ಛು಼ಕರಿ ಬೋಲಾಯುತೊ ಇವ್ಣೆ ಮಾರಿ ಜೋ಼ಡ್ಮ ಆವಾದೆ.